헬라어 문장 검색 - ΑπολλόΛιβραρψ́3́06́04́

(아폴로도로스, Library and Epitome, book 2, chapter 6 4:)

μετὰ δὲ τὴν λατρείαν ἀπαλλαγεὶσ τῆσ νόσου ἐπὶ Ἴλιον ἔπλει πεντηκοντόροισ ὀκτωκαίδεκα, συναθροίσασ στρατὸν ἀνδρῶν ἀρίστων ἑκουσίωσ θελόντων στρατεύεσθαι. καταπλεύσασ δὲ εἰσ Ἴλιον τὴν μὲν τῶν νεῶν φυλακὴν Οἰκλεῖ κατέλιπεν, αὐτὸσ δὲ μετὰ τῶν ἄλλων ἀριστέων ὡρ́μα ἐπὶ τὴν πόλιν. παραγενόμενοσ δὲ ἐπὶ τὰσ ναῦσ σὺν τῷ πλήθει Λαομέδων Οἰκλέα μὲν ἀπέκτεινε μαχόμενον, ἀπελασθεὶσ δὲ ὑπὸ τῶν μετὰ Ἡρακλέουσ ἐπολιορκεῖτο. τῆσ δὲ πολιορκίασ ἐνεστώσησ ῥήξασ τὸ τεῖχοσ Τελαμὼν πρῶτοσ εἰσῆλθεν εἰσ τὴν πόλιν, καὶ μετὰ τοῦτον Ἡρακλῆσ. ὡσ δὲ ἐθεάσατο Τελαμῶνα πρῶτον εἰσεληλυθότα, σπασάμενοσ τὸ ξίφοσ ἐπ’ αὐτὸν ὡρ́μα, μηδένα θέλων ἑαυτοῦ κρείττονα νομίζεσθαι. συνιδὼν δὲ τοῦτο Τελαμὼν λίθουσ πλησίον κειμένουσ συνήθροιζε, τοῦ δὲ ἐρομένου τί πράττοι βωμὸν εἶπεν Ἡρακλέουσ κατασκευάζειν καλλινίκου. ὁ δὲ ἐπαινέσασ; ὡσ εἷλε τὴν πόλιν, κατατοξεύσασ Λαομέδοντα καὶ τοὺσ παῖδασ αὐτοῦ χωρὶσ Ποδάρκου, Τελαμῶνι ἀριστεῖον Ἡσιόνην τὴν Λαομέδοντοσ θυγατέρα δίδωσι, καὶ ταύτῃ συγχωρεῖ τῶν αἰχμαλώτων ὃν ἤθελεν ἄγεσθαι. τῆσ δὲ αἱρουμένησ τὸν ἀδελφὸν Ποδάρκην, ἔφη δεῖν πρῶτον αὐτὸν δοῦλον γενέσθαι, καὶ τότε τί ποτε δοῦσαν ἀντ’ αὐτοῦ λαβεῖν αὐτόν. ἡ δὲ πιπρασκομένου τὴν καλύπτραν ἀφελομένη τῆσ κεφαλῆσ ἀντέδωκεν· ὅθεν Ποδάρκησ Πρίαμοσ ἐκλήθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book 2, chapter 6 4:

(아폴로도로스, Library and Epitome, book 2, chapter 6 4:)

상위

목록

SEARCH

MENU NAVIGATION