Apollodorus, Library and Epitome, book 2, chapter 6 3:

(아폴로도로스, Library and Epitome, book 2, chapter 6 3:)

τοῦ δὲ χρησμοῦ δοθέντοσ Ἑρμῆσ Ἡρακλέα πιπράσκει· καὶ αὐτὸν ὠνεῖται Ὀμφάλη Ιἀρδάνου, βασιλεύουσα Λυδῶν, ᾗ τὴν ἡγεμονίαν τελευτῶν ὁ γήμασ Τμῶλοσ κατέλιπε. τὴν μὲν οὖν τιμὴν κομισθεῖσαν Εὔρυτοσ οὐ προσεδέξατο, Ἡρακλῆσ δὲ Ὀμφάλῃ δουλεύων τοὺσ μὲν περὶ τὴν Ἔφεσον Κέρκωπασ συλλαβὼν ἔδησε, Συλέα δὲ ἐν Αὐλίδι τοὺσ παριόντασ ξένουσ σκάπτειν ἀναγκάζοντα, σὺν ταῖσ ῥίζαισ τὰσ ἀμπέλουσ καύσασ μετὰ τῆσ θυγατρὸσ Ξενοδόκησ ἀπέκτεινε. καὶ προσσχὼν νήσῳ Δολίχῃ, τὸ Ἰκάρου σῶμα ἰδὼν τοῖσ αἰγιαλοῖσ προσφερόμενον ἔθαψε, καὶ τὴν νῆσον ἀντὶ Δολίχησ Ἰκαρίαν ἐκάλεσεν. ἀντὶ τούτου Δαίδαλοσ ἐν Πίσῃ εἰκόνα παραπλησίαν κατεσκεύασεν Ἡρακλεῖ· ἣν νυκτὸσ ἀγνοήσασ Ἡρακλῆσ λίθῳ βαλὼν ὡσ ἔμπνουν ἔπληξε. καθ’ ὃν δὲ χρόνον ἐλάτρευε παρ’ Ὀμφάλῃ, λέγεται τὸν ἐπὶ Κόλχουσ πλοῦν γενέσθαι καὶ τὴν τοῦ Καλυδωνίου κάπρου θήραν, καὶ Θησέα παραγενόμενον ἐκ Τροιζῆνοσ τὸν Ἰσθμὸν καθᾶραι.

일치하는 문장이 없습니다.

SEARCH

MENU NAVIGATION