Apollodorus, Library and Epitome, book 2, chapter 5 4:

(아폴로도로스, Library and Epitome, book 2, chapter 5 4:)

τέταρτον ἆθλον ἐπέταξεν αὐτῷ τὸν Ἐρυμάνθιον κάπρον ζῶντα κομίζειν· τοῦτο δὲ τὸ θηρίον ἠδίκει τὴν Ψωφῖδα, ὁρμώμενον ἐξ ὄρουσ ὃ καλοῦσιν Ἐρύμανθον. διερχόμενοσ οὖν Φολόην ἐπιξενοῦται Κενταύρῳ Φόλῳ, Σειληνοῦ καὶ νύμφησ μελίασ παιδί. οὗτοσ Ἡρακλεῖ μὲν ὀπτὰ παρεῖχε τὰ κρέα, αὐτὸσ δὲ ὠμοῖσ ἐχρῆτο. αἰτοῦντοσ δὲ οἶνον Ἡρακλέουσ, ἔφη δεδοικέναι τὸν κοινὸν τῶν Κενταύρων ἀνοῖξαι πίθον· θαρρεῖν δὲ παρακελευσάμενοσ Ἡρακλῆσ αὐτὸν ἤνοιξε, καὶ μετ’ οὐ πολὺ τῆσ ὀσμῆσ αἰσθόμενοι παρῆσαν οἱ Κένταυροι, πέτραισ ὡπλισμένοι καὶ ἐλάταισ, ἐπὶ τὸ τοῦ Φόλου σπήλαιον. τοὺσ μὲν οὖν πρώτουσ τολμήσαντασ εἴσω παρελθεῖν Ἄγχιον καὶ Ἄγριον Ἡρακλῆσ ἐτρέψατο βάλλων δαλοῖσ, τοὺσ δὲ λοιποὺσ ἐτόξευσε διώκων ἄχρι τῆσ Μαλέασ. ἐκεῖθεν δὲ πρὸσ Χείρωνα συνέφυγον, ὃσ ἐξελαθεὶσ ὑπὸ Λαπιθῶν ὄρουσ Πηλίου παρὰ Μαλέαν κατῴκησε. τούτῳ περιπεπτωκότασ τοὺσ Κενταύρουσ τοξεύων ἱήσι βέλοσ ὁ Ἡρακλῆσ, τὸ δὲ ἐνεχθὲν Ἐλάτου διὰ τοῦ βραχίονοσ τῷ γόνατι τοῦ Χείρωνοσ ἐμπήγνυται. ἀνιαθεὶσ δὲ Ἡρακλῆσ προσδραμὼν τό τε βέλοσ ἐξείλκυσε, καὶ δόντοσ Χείρωνοσ φάρμακον ἐπέθηκεν. ἀνίατον δὲ ἔχων τὸ ἕλκοσ εἰσ τὸ σπήλαιον ἀπαλλάσσεται. κἀκεῖ τελευτῆσαι βουλόμενοσ, καὶ μὴ δυνάμενοσ ἐπείπερ ἀθάνατοσ ἦν, ἀντιδόντοσ Διὶ Προμηθέωσ αὑτὸν ἀντ’ αὐτοῦ γενησόμενον ἀθάνατον, οὕτωσ ἀπέθανεν. οἱ λοιποὶ δὲ τῶν Κενταύρων φεύγουσιν ἄλλοσ ἀλλαχῇ, καὶ τινὲσ μὲν παρεγένοντο εἰσ ὄροσ Μαλέαν, Εὐρυτίων δὲ εἰσ Φολόην, Νέσσοσ δὲ ἐπὶ ποταμὸν Εὐήνον. τοὺσ δὲ λοιποὺσ ὑποδεξάμενοσ Ποσειδῶν εἰσ Ἐλευσῖνα ὄρει κατεκάλυψεν. Φόλοσ δὲ ἑλκύσασ ἐκ νεκροῦ τὸ βέλοσ ἐθαύμαζεν, εἰ τοὺσ τηλικούτουσ τὸ μικρὸν διέφθειρε· τὸ δὲ τῆσ χειρὸσ ὀλισθῆσαν ἦλθεν ἐπὶ τὸν πόδα καὶ παραχρῆμα ἀπέκτεινεν αὐτόν. ἐπανελθὼν δὲ εἰσ Φολόην Ἡρακλῆσ καὶ Φόλον τελευτήσαντα θεασάμενοσ, θάψασ αὐτὸν ἐπὶ τὴν τοῦ κάπρου θήραν παραγίνεται, καὶ διώξασ αὐτὸν ἔκ τινοσ λόχμησ μετὰ κραυγῆσ, εἰσ χιόνα πολλὴν παρειμένον εἰσωθήσασ ἐμβροχίσασ τε ἐκόμισεν εἰσ Μυκήνασ.

일치하는 문장이 없습니다.

SEARCH

MENU NAVIGATION