Apollodorus, Library and Epitome, book 2, chapter 4 9:

(아폴로도로스, Library and Epitome, book 2, chapter 4 9:)

ἐδιδάχθη δὲ Ἡρακλῆσ ἁρματηλατεῖν μὲν ὑπὸ Ἀμφιτρύωνοσ, παλαίειν δὲ ὑπὸ Αὐτολύκου, τοξεύειν δὲ ὑπὸ Εὐρύτου, ὁπλομαχεῖν δὲ ὑπὸ Κάστοροσ, κιθαρῳδεῖν δὲ ὑπὸ Λίνου. οὗτοσ δὲ ἦν ἀδελφὸσ Ὀρφέωσ· ἀφικόμενοσ δὲ εἰσ Θήβασ καὶ Θηβαῖοσ γενόμενοσ ὑπὸ Ἡρακλέουσ τῇ κιθάρᾳ πληγεὶσ ἀπέθανεν· ἐπιπλήξαντα γὰρ αὐτὸν ὀργισθεὶσ ἀπέκτεινε. δίκην δὲ ἐπαγόντων τινῶν αὐτῷ φόνου, παρανέγνω νόμον Ῥαδαμάνθυοσ λέγοντοσ, ὃσ ἂν ἀμύνηται τὸν χειρῶν ἀδίκων κατάρξαντα, ἀθῷον εἶναι, καὶ οὕτωσ ἀπελύθη. δείσασ δὲ Ἀμφιτρύων μὴ πάλιν τι ποιήσῃ τοιοῦτον, ἔπεμψεν αὐτὸν εἰσ τὰ βουφόρβια. κἀκεῖ τρεφόμενοσ μεγέθει τε καὶ ῥώμῃ πάντων διήνεγκεν. ἦν δὲ καὶ θεωρηθεὶσ φανερὸσ ὅτι Διὸσ παῖσ ἦν· τετραπηχυαῖον μὲν γὰρ εἶχε τὸ σῶμα, πυρὸσ δ’ ἐξ ὀμμάτων ἔλαμπεν αἴγλην. οὐκ ἠστόχει δὲ οὔτε τοξεύων οὔτε ἀκοντίζων. ἐν δὲ τοῖσ βουκολίοισ ὑπάρχων ὀκτωκαιδεκαέτησ τὸν Κιθαιρώνειον ἀνεῖλε λέοντα. οὗτοσ γὰρ ὁρμώμενοσ ἐκ τοῦ Κιθαιρῶνοσ τὰσ Ἀμφιτρύωνοσ ἔφθειρε βόασ καὶ τὰσ Θεσπίου.

일치하는 문장이 없습니다.

SEARCH

MENU NAVIGATION