Apollodorus, Library and Epitome, book 2, chapter 4 5:

(아폴로도로스, Library and Epitome, book 2, chapter 4 5:)

ἐγένοντο δὲ ἐξ Ἀνδρομέδασ παῖδεσ αὐτῷ, πρὶν μὲν ἐλθεῖν εἰσ τὴν Ἑλλάδα Πέρσησ, ὃν παρὰ Κηφεῖ κατέλιπεν ἀπὸ τούτου δὲ τοὺσ Περσῶν βασιλέασ λέγεται γενέσθαι, ἐν Μυκήναισ δὲ Ἀλκαῖοσ καὶ Σθένελοσ καὶ Ἕλειοσ Μήστωρ τε καὶ Ἠλεκτρύων, καὶ θυγάτηρ Γοργοφόνη, ἣν Περιήρησ ἔγημεν. ὅτε γὰρ Ἡρακλῆσ ἔμελλε γεννᾶσθαι, Ζεὺσ ἐν θεοῖσ ἔφη τὸν ἀπὸ Περσέωσ γεννηθησόμενον τότε βασιλεύσειν Μυκηνῶν, Ἥρα δὲ διὰ ζῆλον Εἰλειθυίασ ἔπεισε τὸν μὲν Ἀλκμήνησ τόκον ἐπισχεῖν, Εὐρυσθέα δὲ τὸν Σθενέλου παρεσκεύασε γεννηθῆναι ἑπταμηνιαῖον ὄντα. ἐκ μὲν οὖν Ἀλκαίου καὶ Ἀστυδαμείασ τῆσ Πέλοποσ, ὡσ δὲ ἔνιοι λέγουσι Λαονόμησ τῆσ Γουνέωσ, ὡσ δὲ ἄλλοι πάλιν Ἱππονόμησ τῆσ Μενοικέωσ, Ἀμφιτρύων ἐγένετο καὶ θυγάτηρ Ἀναξώ, ἐκ δὲ Μήστοροσ καὶ Λυσιδίκησ τῆσ Πέλοποσ Ἱπποθόη. ταύτην ἁρπάσασ Ποσειδῶν καὶ κομίσασ ἐπὶ τὰσ Ἐχινάδασ νήσουσ μίγνυται, καὶ γεννᾷ Τάφιον, ὃσ ᾤκισε Τάφον καὶ τοὺσ λαοὺσ Τηλεβόασ ἐκάλεσεν, ὅτι τηλοῦ τῆσ πατρίδοσ ἔβη. ἐκ Ταφίου δὲ παῖσ Πτερέλαοσ ἐγένετο· τοῦτον ἀθάνατον ἐποίησε Ποσειδῶν, ἐν τῇ κεφαλῇ χρυσῆν ἐνθεὶσ τρίχα. Πτερελάῳ δὲ ἐγένοντο παῖδεσ Χρομίοσ Τύραννοσ Ἀντίοχοσ Χερσιδάμασ Μήστωρ Εὐήρησ. Ἠλεκτρύων δὲ γήμασ τὴν Ἀλκαίου θυγατέρα Ἀναξώ, ἐγέννησε θυγατέρα. μὲν Ἀλκμήνην, παῖδασ δὲ <Στρατοβάτην> Γοργοφόνον Φυλόνομον Κελαινέα Ἀμφίμαχον Λυσίνομον Χειρίμαχον Ἀνάκτορα Ἀρχέλαον, μετὰ δὲ τούτουσ καὶ νόθον ἐκ Φρυγίασ γυναικὸσ Μιδέασ Λικύμνιον. Σθενέλου δὲ καὶ Νικίππησ τῆσ Πέλοποσ Ἀλκυόνη καὶ Μέδουσα, ὕστερον δὲ καὶ Εὐρυσθεὺσ ἐγένετο, ὃσ καὶ Μυκηνῶν ἐβασίλευσεν.

일치하는 문장이 없습니다.

SEARCH

MENU NAVIGATION