Apollodorus, Library and Epitome, book 2, chapter 1 4:

(아폴로도로스, Library and Epitome, book 2, chapter 1 4:)

Ἔπαφοσ δὲ βασιλεύων Αἰγυπτίων γαμεῖ Μέμφιν τὴν Νείλου θυγατέρα, καὶ ἀπὸ ταύτησ κτίζει Μέμφιν πόλιν, καὶ τεκνοῖ θυγατέρα Λιβύην, ἀφ’ ἧσ ἡ χώρα Λιβύη ἐκλήθη. Λιβύησ δὲ καὶ Ποσειδῶνοσ γίνονται παῖδεσ δίδυμοι Ἀγήνωρ καὶ Βῆλοσ. Ἀγήνωρ μὲν οὖν εἰσ Φοινίκην ἀπαλλαγεὶσ ἐβασίλευσε, κἀκεῖ τῆσ μεγάλησ ῥίζησ ἐγένετο γενεάρχησ· ὅθεν ὑπερθησόμεθα περὶ τούτου. Βῆλοσ δὲ ὑπομείνασ ἐν Αἰγύπτῳ βασιλεύει μὲν Αἰγύπτου, γαμεῖ δὲ Ἀγχινόην τὴν Νείλου θυγατέρα, καὶ αὐτῷ γίνονται παῖδεσ δίδυμοι, Αἴγυπτοσ καὶ Δαναόσ, ὡσ δέ φησιν Εὐριπίδησ, καὶ Κηφεὺσ καὶ Φινεὺσ προσέτι. Δαναὸν μὲν οὖν Βῆλοσ ἐν Λιβύῃ κατῴκισεν, Αἴγυπτον δὲ ἐν Ἀραβίᾳ, ὃσ καὶ καταστρεψάμενοσ τὴν Μελαμπόδων χώραν <ἀφ’ ἑαυτοῦ> ὠνόμασεν Αἴγυπτον. γίνονται δὲ ἐκ πολλῶν γυναικῶν Αἰγύπτῳ μὲν παῖδεσ πεντήκοντα, θυγατέρεσ δὲ Δαναῷ πεντήκοντα. στασιασάντων δὲ αὐτῶν περὶ τῆσ ἀρχῆσ ὕστερον, Δαναὸσ τοὺσ Αἰγύπτου παῖδασ δεδοικώσ, ὑποθεμένησ Ἀθηνᾶσ αὐτῷ ναῦν κατεσκεύασε πρῶτοσ καὶ τὰσ θυγατέρασ ἐνθέμενοσ ἔφυγε. προσσχὼν δὲ Ῥόδῳ τὸ τῆσ Λινδίασ ἄγαλμα Ἀθηνᾶσ ἱδρύσατο. ἐντεῦθεν δὲ ἧκεν εἰσ Ἄργοσ, καὶ τὴν βασιλείαν αὐτῷ παραδίδωσι Γελάνωρ ὁ τότε βασιλεύων <αὐτὸσ δὲ κρατήσασ τῆσ χώρασ ἀφ’ ἑαυτοῦ τοὺσ ἐνοικοῦντασ Δαναοὺσ ὠνόμασε>. ἀνύδρου δὲ τῆσ χώρασ ὑπαρχούσησ, ἐπειδὴ καὶ τὰσ πηγὰσ ἐξήρανε Ποσειδῶν μηνίων Ἰνάχῳ διότι τὴν χώραν Ἥρασ ἐμαρτύρησεν εἶναι, τὰσ θυγατέρασ ὑδρευσομένασ ἔπεμψε. μία δὲ αὐτῶν Ἀμυμώνη ζητοῦσα ὕδωρ ῥίπτει βέλοσ ἐπὶ ἔλαφον καὶ κοιμωμένου Σατύρου τυγχάνει, κἀκεῖνοσ περιαναστὰσ ἐπεθύμει συγγενέσθαι· Ποσειδῶνοσ δὲ ἐπιφανέντοσ ὁ Σάτυροσ μὲν ἔφυγεν, Ἀμυμώνη δὲ τούτῳ συνευνάζεται, καὶ αὐτῇ Ποσειδῶν τὰσ ἐν Λέρνῃ πηγὰσ ἐμήνυσεν.

일치하는 문장이 없습니다.

SEARCH

MENU NAVIGATION