Apollodorus, Library and Epitome, book 2, chapter 1 3:

(아폴로도로스, Library and Epitome, book 2, chapter 1 3:)

Ἄργου δὲ καὶ Ἰσμήνησ τῆσ Ἀσωποῦ παῖσ Ιἄσοσ, οὗ φασιν Ιὢ γενέσθαι. Κάστωρ δὲ ὁ συγγράψασ τὰ χρονικὰ καὶ πολλοὶ τῶν τραγικῶν Ἰνάχου τὴν Ιὢ λέγουσιν· Ἡσίοδοσ δὲ καὶ Ἀκουσίλαοσ Πειρῆνοσ αὐτήν φασιν εἶναι. ταύτην ἱερωσύνην τῆσ Ἥρασ ἔχουσαν Ζεὺσ ἔφθειρε. φωραθεὶσ δὲ ὑφ’ Ἥρασ τῆσ μὲν κόρησ ἁψάμενοσ εἰσ βοῦν μετεμόρφωσε λευκήν, ἀπωμόσατο δὲ ταύτῃ μὴ συνελθεῖν· διό φησιν Ἡσίοδοσ οὐκ ἐπισπᾶσθαι τὴν ἀπὸ τῶν θεῶν ὀργὴν τοὺσ γινομένουσ ὁρ́κουσ ὑπὲρ ἔρωτοσ. Ἥρα δὲ αἰτησαμένη παρὰ Διὸσ τὴν βοῦν φύλακα αὐτῆσ κατέστησεν Ἄργον τὸν πανόπτην, ὃν Φερεκύδησ μὲν Ἀρέστοροσ λέγει, Ἀσκληπιάδησ δὲ Ἰνάχου, Κέρκωψ δὲ Ἄργου καὶ Ἰσμήνησ τῆσ Ἀσωποῦ θυγατρόσ· Ἀκουσίλαοσ δὲ γηγενῆ αὐτὸν λέγει. οὗτοσ ἐκ τῆσ ἐλαίασ ἐδέσμευεν αὐτὴν ἥτισ ἐν τῷ Μυκηναίων ὑπῆρχεν ἄλσει. Διὸσ δὲ ἐπιτάξαντοσ Ἑρμῇ κλέψαι τὴν βοῦν, μηνύσαντοσ Ιἕρακοσ, ἐπειδὴ λαθεῖν οὐκ ἠδύνατο, λίθῳ βαλὼν ἀπέκτεινε τὸν Ἄργον, ὅθεν ἀργειφόντησ ἐκλήθη. Ἥρα δὲ τῇ βοὶ̈ οἶστρον ἐμβάλλει ἡ δὲ πρῶτον ἧκεν εἰσ τὸν ἀπ’ ἐκείνησ Ιὄνιον κόλπον κληθέντα, ἔπειτα διὰ τῆσ Ἰλλυρίδοσ πορευθεῖσα καὶ τὸν Αἷμον ὑπερβαλοῦσα διέβη τὸν τότε μὲν καλούμενον πόρον Θρᾴκιον, νῦν δὲ ἀπ’ ἐκείνησ Βόσπορον. ἀπελθοῦσα δὲ εἰσ Σκυθίαν καὶ τὴν Κιμμερίδα γῆν, πολλὴν χέρσον πλανηθεῖσα καὶ πολλὴν διανηξαμένη θάλασσαν Εὐρώπησ τε καὶ Ἀσίασ, τελευταῖον ἧκεν εἰσ Αἴγυπτον, ὅπου τὴν ἀρχαίαν μορφὴν ἀπολαβοῦσα γεννᾷ παρὰ τῷ Νείλῳ ποταμῷ Ἔπαφον παῖδα. τοῦτον δὲ Ἥρα δεῖται Κουρήτων ἀφανῆ ποιῆσαι· οἱ δὲ ἠφάνισαν αὐτόν. καὶ Ζεὺσ μὲν αἰσθόμενοσ κτείνει Κούρητασ, Ιὢ δὲ ἐπὶ ζήτησιν τοῦ παιδὸσ ἐτράπετο. πλανωμένη δὲ κατὰ τὴν Συρίαν ἅπασαν ἐκεῖ γὰρ ἐμηνύετο <ὅτι ἡ> τοῦ Βυβλίων βασιλέωσ <γυνὴ> ἐτιθήνει τὸν υἱόν καὶ τὸν Ἔπαφον εὑροῦσα, εἰσ Αἴγυπτον ἐλθοῦσα ἐγαμήθη Τηλεγόνῳ τῷ βασιλεύοντι τότε Αἰγυπτίων. ἱδρύσατο δὲ ἄγαλμα Δήμητροσ, ἣν ἐκάλεσαν Ἶσιν Αἰγύπτιοι, καὶ τὴν Ιὢ Ἶσιν ὁμοίωσ προσηγόρευσαν.

일치하는 문장이 없습니다.

SEARCH

MENU NAVIGATION