헬라어 문장 검색 - ΧενοπήΜινορΩό4́02́

(크세노폰, Minor Works, Ιἕρων ἢ Τυραννικός, chapter 2)

πρὸσ ταῦτα εἶπεν ὁ Σιμωνίδησ· Ἀλλὰ ταῦτα μὲν πάνυ ἔμοιγε μικρὰ δοκεῖ εἶναι ἃ σὺ λέγεισ. πολλοὺσ γάρ, ἔφη, ἔγωγε ὁρῶ τῶν δοκούντων ἀνδρῶν εἶναι ἑκόντασ μειονεκτοῦντασ καὶ σίτων καὶ ποτῶν καὶ ὄψων καὶ ἀφροδισίων γε ἀπεχομένουσ. ἀλλ’ ἐκείνῃ γε πολὺ διαφέρετε τῶν ἰδιωτῶν, ὅτι μεγάλα μὲν ἐπινοεῖτε, ταχὺ δὲ κατεργάζεσθε, πλεῖστα δὲ τὰ περιττὰ ἔχετε, κέκτησθε δὲ διαφέροντασ μὲν ἀρετῇ ἵππουσ, διαφέροντα δὲ κάλλει ὅπλα, ὑπερέχοντα δὲ κόσμον γυναιξί, μεγαλοπρεπεστάτασ δ’ οἰκίασ, καὶ ταύτασ κατεσκευασμένασ τοῖσ πλείστου ἀξίοισ, ἔτι δὲ πλήθει καὶ ἐπιστήμαισ θεράποντασ ἀρίστουσ κέκτησθε, ἱκανώτατοι δ’ ἐστὲ κακῶσαι μὲν ἐχθρούσ, ὀνῆσαι δὲ φίλουσ.

πρὸσ ταῦτα δὲ ὁ Ιἕρων εἶπεν·

Ἀλλὰ τὸ μὲν <τὸ> πλῆθοσ τῶν ἀνθρώπων, ὦ Σιμωνίδη, ἐξαπατᾶσθαι ὑπὸ τῆσ τυραννίδοσ οὐδέν τι θαυμάζω· μάλα γὰρ ὁ ὄχλοσ μοι δοκεῖ δοξάζειν ὁρῶν καὶ εὐδαίμονάσ τινασ εἶναι καὶ ἀθλίουσ· ἡ δὲ τυραννὶσ τὰ μὲν δοκοῦντα πολλοῦ ἄξια κτήματα εἶναι ἀνεπτυγμένα θεᾶσθαι φανερὰ πᾶσι παρέχεται, τὰ δὲ χαλεπὰ ἐν ταῖσ ψυχαῖσ τῶν τυράννων κέκτηται ἀποκεκρυμμένα, ἔνθαπερ καὶ τὸ εὐδαιμονεῖν καὶ τὸ κακοδαιμονεῖν τοῖσ ἀνθρώποισ ἀπόκειται.

τὸ μὲν οὖν τὸ πλῆθοσ περὶ τούτου λεληθέναι, ὥσπερ εἶπον, οὐ θαυμάζω·

τὸ δὲ καὶ ὑμᾶσ ταῦτ’ ἀγνοεῖν, οἳ διὰ τῆσ γνώμησ δοκεῖτε θεᾶσθαι κάλλιον ἢ διὰ τῶν ὀφθαλμῶν τὰ πλεῖστα τῶν πραγμάτων, τοῦτό μοι δοκεῖ θαυμαστὸν εἶναι. ἐγὼ δὲ πεπειραμένοσ σαφῶσ οἶδα, ὦ Σιμωνίδη, καὶ λέγω σοι ὅτι οἱ τύραννοι τῶν μεγίστων ἀγαθῶν ἐλάχιστα μετέχουσι, τῶν δὲ μεγίστων κακῶν πλεῖστα κέκτηνται.

αὐτίκα γὰρ εἰ μὲν εἰρήνη δοκεῖ μέγα ἀγαθὸν τοῖσ ἀνθρώποισ εἶναι, ταύτησ ἐλάχιστον τοῖσ τυράννοισ μέτεστιν·

εἰ δὲ πόλεμοσ μέγα κακόν, τούτου πλεῖστον μέροσ οἱ τύραννοι μετέχουσιν. εὐθὺσ γὰρ τοῖσ μὲν ἰδιώταισ, ἂν μὴ ἡ πόλισ αὐτῶν κοινὸν πόλεμον πολεμῇ, ἔξεστιν ὅποι ἂν βούλωνται πορεύεσθαι μηδὲν φοβουμένουσ μή τισ αὐτοὺσ ἀποκτείνῃ, οἱ δὲ τύραννοι πάντεσ πανταχῇ ὡσ διὰ πολεμίασ πορεύονται.

αὐτοί τε γοῦν ὡπλισμένοι οἰόνται ἀνάγκην εἶναι διάγειν καὶ ἄλλουσ ὁπλοφόρουσ ἀεὶ συμπεριάγεσθαι. ἔπειτα δὲ οἱ μὲν ἰδιῶται, ἐὰν καὶ στρατεύωνταί που εἰσ πολεμίαν, ἀλλ’ οὖν ἐπειδάν γε ἔλθωσιν οἴκαδε, ἀσφάλειαν σφίσιν ἡγοῦνται εἶναι, οἱ δὲ τύραννοι ἐπειδὰν εἰσ τὴν ἑαυτῶν πόλιν ἀφίκωνται, τότε ἐν πλείστοισ πολεμίοισ ἴσασιν ὄντεσ.

ἐὰν δὲ δὴ καὶ ἄλλοι στρατεύωσιν εἰσ τὴν πόλιν κρείττονεσ, ἐὰν ἔξω τοῦ τείχουσ ὄντεσ οἱ ἥττονεσ ἐν κινδύνῳ δοκῶσιν εἶναι, ἀλλ’ ἐπειδάν γε εἴσω τοῦ ἐρύματοσ ἔλθωσιν, ἐν ἀσφαλείᾳ πάντεσ νομίζουσι καθεστάναι, ὁ δὲ τύραννοσ οὐδ’ ἐπειδὰν εἴσω τῆσ οἰκίασ παρέλθῃ ἐν ἀκινδύνῳ ἐστίν, ἀλλ’ ἐνταῦθα δὴ καὶ μάλιστα φυλακτέον οἰέται εἶναι.

ἔπειτα τοῖσ μὲν ἰδιώταισ καὶ διὰ σπονδῶν καὶ δι’ εἰρήνησ γίγνεται πολέμου ἀνάπαυσισ, τοῖσ δὲ τυράννοισ οὔτε εἰρήνη ποτὲ πρὸσ τοὺσ τυραννευομένουσ γίγνεται οὔτε σπονδαῖσ ἄν ποτε πιστεύσασ ὁ τύραννοσ θαρρήσειε.

καὶ πόλεμοι μὲν δή εἰσιν οὕσ τε αἱ πόλεισ πολεμοῦσι καὶ οὓσ οἱ τύραννοι πρὸσ τοὺσ βεβιασμένουσ·

τούτων δὴ τῶν πολέμων ὅσα μὲν ἔχει χαλεπὰ ὁ ἐν ταῖσ πόλεσι, ταῦτα καὶ ὁ τύραννοσ ἔχει· καὶ γὰρ ἐν ὅπλοισ δεῖ εἶναι ἀμφοτέρουσ καὶ φυλάττεσθαι καὶ κινδυνεύειν, καὶ ἄν τι πάθωσι κακὸν ἡττηθέντεσ, λυποῦνται ἐπὶ τούτοισ ἑκάτεροι.

μέχρι μὲν δὴ τούτου ἴσοι οἱ πόλεμοι·

ἃ δὲ ἔχουσιν ἡδέα οἱ συνόντεσ <ταῖσ> πόλεσι πρὸσ τὰσ πόλεισ, ταῦτα οὐκέτι ἔχουσιν οἱ τύραννοι. αἱ μὲν γὰρ πόλεισ δήπου ὅταν κρατήσωσι μάχῃ τῶν ἐναντίων, οὐ ῥᾴδιον εἰπεῖν ὅσην μὲν ἡδονὴν ἔχουσιν ἐν τῷ τρέψασθαι τοὺσ πολεμίουσ, ὅσην δ’ ἐν τῷ διώκειν, ὅσην δ’ ἐν τῷ ἀποκτείνειν τοὺσ πολεμίουσ, ὡσ δὲ γαυροῦνται ἐπὶ τῷ ἔργῳ, ὡσ δὲ δόξαν λαμπρὰν ἀναλαμβάνουσιν, ὡσ δ’ εὐφραίνονται τὴν πόλιν νομίζοντεσ ηὐξηκέναι.

ἕκαστοσ δέ τισ προσποιεῖται καὶ τῆσ βουλῆσ μετεσχηκέναι καὶ πλείστουσ ἀπεκτονέναι, χαλεπὸν δὲ εὑρεῖν ὅπου οὐχὶ καὶ ἐπιψεύδονται, πλέονασ φάσκοντεσ ἀπεκτονέναι ἢ ὅσοι ἂν τῷ ὄντι ἀποθάνωσιν·

οὕτω καλόν τι αὐτοῖσ δοκεῖ εἶναι τὸ πολὺ νικᾶν. ὁ δὲ τύραννοσ ὅταν ὑποπτεύσῃ καὶ αἰσθανόμενοσ τῷ ὄντι ἀντιπραττομένουσ τινὰσ ἀποκτείνῃ, οἶδεν ὅτι οὐκ αὔξει ὅλην τὴν πόλιν, ἐπίσταταί τε ὅτι μειόνων ἄρξει, φαιδρόσ τε οὐ δύναται εἶναι οὐδὲ μεγαλύνεται ἐπὶ τῷ ἔργῳ, ἀλλὰ καὶ μειοῖ καθ’ ὅσον ἂν δύνηται τὸ γεγενημένον, καὶ ἀπολογεῖται ἅμα πράττων ὡσ οὐκ ἀδικῶν πεποίηκεν.

οὕτωσ οὐδ’ αὐτῷ δοκεῖ καλὰ τὰ ποιούμενα εἶναι. καὶ ὅταν ἀποθάνωσιν οὓσ ἐφοβήθη, οὐδέν τι μᾶλλον τοῦτο θαρρεῖ, ἀλλὰ φυλάττεται ἔτι μᾶλλον ἢ τὸ πρόσθεν.

καὶ πόλεμον μὲν δὴ τοιοῦτον ἔχων διατελεῖ ὁ τύραννοσ ὃν ἐγὼ δηλῶ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ιἕρων ἢ Τυραννικός, chapter 2

(크세노폰, Minor Works, Ιἕρων ἢ Τυραννικός, chapter 2)

상위

목록

SEARCH

MENU NAVIGATION