헬라어 문장 검색 - ΧενοπήΜινορΩό4́08́

(크세노폰, Minor Works, Ιἕρων ἢ Τυραννικός, chapter 8)

καὶ ὁ Σιμωνίδησ ὑπολαβὼν εἶπεν· Ἀλλὰ τὸ μὲν νῦν, ὦ Ιἕρων, ἀθύμωσ ἔχειν σε πρὸσ τὴν τυραννίδα οὐ θαυμάζω, ἐπείπερ ἐπιθυμῶν φιλεῖσθαι ὑπ’ ἀνθρώπων ἐμποδών σοι τούτου νομίζεισ αὐτὴν εἶναι. ἐγὼ μέντοι ἔχειν μοι δοκῶ διδάξαι σε ὡσ τὸ ἄρχειν οὐδὲν ἀποκωλύει τοῦ φιλεῖσθαι, ἀλλὰ καὶ πλεονεκτεῖ γε τῆσ ἰδιωτείασ. ἐπισκοποῦντεσ δὲ αὐτὸ εἰ οὕτωσ ἔχει μήπω ἐκεῖνο σκοπῶμεν, εἰ διὰ τὸ μεῖζον δύνασθαι ὁ ἄρχων καὶ χαρίζεσθαι πλείω δύναιτ’ ἄν, ἀλλ’ ἂν τὰ ὅμοια ποιῶσιν ὅ τε ἰδιώτησ καὶ ὁ τύραννοσ, ἐννόει πότεροσ μείζω ἀπὸ τῶν ἴσων κτᾶται χάριν.

ἄρξομαι δέ σοι ἀπὸ τῶν μικροτάτων παραδειγμάτων. ἰδὼν γὰρ πρῶτον προσειπάτω τινὰ φιλικῶσ ὅ τε ἄρχων καὶ ὁ ἰδιώτησ·

ἐν τούτῳ τὴν ποτέρου πρόσρησιν μᾶλλον εὐφραίνειν τὸν ἀκούσαντα νομίζεισ; ἴθι δὴ ἐπαινεσάντων ἀμφότεροι τὸν αὐτόν· τὸν ποτέρου δοκεῖσ ἔπαινον ἐξικνεῖσθαι μᾶλλον εἰσ εὐφροσύνην; θύσασ δὲ τιμησάτω ἑκάτεροσ· τὴν παρὰ ποτέρου τιμὴν μείζονοσ ἂν χάριτοσ δοκεῖσ τυγχάνειν; κάμνοντα θεραπευσάτωσαν ὁμοίωσ·

οὐκοῦν τοῦτο σαφὲσ ὅτι αἱ ἀπὸ τῶν δυνατωτάτων θεραπεῖαι καὶ χαρὰν ἐμποιοῦσι μεγίστην; δότωσαν δὴ τὰ ἴσα· οὐ καὶ ἐν τούτῳ σαφὲσ ὅτι αἱ ἀπὸ τῶν δυνατωτάτων ἡμίσειαι χάριτεσ πλέον ἢ ὅλον τὸ παρὰ τοῦ ἰδιώτου δώρημα δύνανται; ἀλλ’ ἔμοιγε δοκεῖ καὶ ἐκ θεῶν τιμή τισ καὶ χάρισ συμπαρέπεσθαι ἀνδρὶ ἄρχοντι.

μὴ γὰρ ὅτι καλλίονα ποιεῖ ἄνδρα, ἀλλὰ καὶ τὸν αὐτὸν τοῦτον ἥδιον θεώμεθά τε ὅταν ἄρχῃ ἢ ὅταν ἰδιωτεύῃ, διαλεγόμενοί τε ἀγαλλόμεθα τοῖσ προτετιμημένοισ μᾶλλον ἢ τοῖσ ἐκ τοῦ ἴσου ἡμῖν οὖσι. καὶ μὴν παιδικά γε, ἐν οἷσ δὴ καὶ σὺ μάλιστα κατεμέμψω τὴν τυραννίδα, ἥκιστα μὲν γῆρασ ἄρχοντοσ δυσχεραίνει, ἥκιστα δ’ αἶσχοσ, πρὸσ ὃν ἂν τυγχάνῃ ὁμιλῶν, τούτου ὑπολογίζεται.

αὐτὸ γὰρ τὸ τετιμῆσθαι μάλιστα συνεπικοσμεῖ, ὥστε τὰ μὲν δυσχερῆ ἀφανίζειν, τὰ δὲ καλὰ λαμπρότερα ἀναφαίνειν. ὁπότε γε μὴν ἐκ τῶν ἴσων ὑπουργημάτων μειζόνων χαρίτων ὑμεῖσ τυγχάνετε, πῶσ οὐκ ἐπειδάν γε ὑμεῖσ πολλαπλάσια μὲν διαπράττοντεσ ὠφελεῖν δύνησθε, πολλαπλάσια δὲ δωρεῖσθαι ἔχητε, ὑμᾶσ καὶ πολὺ μᾶλλον φιλεῖσθαι τῶν ἰδιωτῶν προσήκει;

καὶ ὁ Ιἕρων εὐθὺσ ὑπολαβών, Ὅτι νὴ Δί’, ἔφη, ὦ Σιμωνίδη, καὶ ἐξ ὧν ἀπεχθάνονται ἄνθρωποι, ἡμᾶσ πολὺ πλείω τῶν ἰδιωτῶν ἀνάγκη ἐστὶ πραγματεύεσθαι.

πρακτέον μέν γε χρήματα, εἰ μέλλομεν ἕξειν δαπανᾶν εἰσ τὰ δέοντα, ἀναγκαστέον δὲ φυλάττειν ὅσα δεῖται φυλακῆσ, κολαστέον δὲ τοὺσ ἀδίκουσ, κωλυτέον δὲ τοὺσ ὑβρίζειν βουλομένουσ·

καὶ ὅταν γε τάχουσ καιρὸσ παραστῇ ἢ πεζῇ ἢ κατὰ θάλατταν ἐξορμᾶσθαι, οὐκ ἐπιτρεπτέον τοῖσ ῥᾳδιουργοῦσιν. ἔτι δὲ μισθοφόρων μὲν ἀνδρὶ τυράννῳ δεῖ·

τούτου δὲ βαρύτερον φόρημα οὐδέν ἐστι τοῖσ πολίταισ. οὐ γὰρ τυράννοισ ἰσοτιμίασ, ἀλλὰ πλεονεξίασ ἕνεκα νομίζουσι τούτουσ τρέφεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ιἕρων ἢ Τυραννικός, chapter 8

(크세노폰, Minor Works, Ιἕρων ἢ Τυραννικός, chapter 8)

상위

목록

SEARCH

MENU NAVIGATION