헬라어 텍스트

Unknown, Greek Anthology, Volume III, book 9, chapter 362

(작자 미상, Greek Anthology, Volume III, book 9, chapter 362)

ἱμερόεισ Ἀλφειέ, Διὸσ στεφανηφόρον ὕδωρ, ὃσ διὰ Πισαίων πεδίων κεκονιμένοσ ἑρ́πεισ, ἡσύχιοσ τὸ πρῶτον, ἐπὴν δ’ ἐσ πόντον ἵκηαι, ὀξὺσ ἀμετρήτοιο πεσὼν ὑπὸ κῦμα θαλάσσησ, νυμφίοσ αὐτοκέλευθοσ ἑῶν ὀχετηγὸσ ἐρώτων, ἐσ Σικελὴν Ἀρέθουσαν ἐπείγεαι ὑγρὸσ ἀκοίτησ, ἡ δέ σε κεκμηῶτα καὶ ἀσθμαίνοντα λαβοῦσα, φῦκοσ ἀποσμήξασα καὶ ἄνθεα πικρὰ θαλάσσησ, χείλεα μὲν στομάτεσσι συνήρμοσεν· οἱᾶ δὲ νύμφη νυμφίον ἀμφιχυθεῖσα περίπλοκον ἡδέι δεσμῷ κείμενον ἐν κόλποισιν Ὀλύμπιον εὔνασεν ὕδωρ καὶ φονίᾐ ῥαθάμιγγι λιβὰσ κατεκίρνατο πηγή. οὐδὲ Συρακοσίησ ἔτι σοι μέλεν ἵμεροσ εὐνῆσ· πορφυρέᾐ δ’ ἀνέκοπτεσ ὕδωρ πεπιεσμένον αἰδοῖ, φειδόμενοσ καὶ πόντον ὁμοῦ καὶ λέκτρα μιῆναι.

πολλάκι δ’ εὐναίων ὀάρων βεβιημένοσ ὁρμῇ, αὐτὴν ἐσ φιλότητα χυτῆσ ἀλόχοιο περήσασ, ἑστήκεισ ἄχραντον ὁρῶν Ἀρεθούσιον ὕδωρ·

ἡ δέ σε παπταίνουσα Πελωριάδοσ κατὰ πέτρησ δάκρυσι κυμαίνοντα, κατοικτείρουσα καὶ αὐτὴ εὐειδὴσ Ἀρέθουσα φίλουσ ἀνεκόπτετο μαζούσ, καὶ δρόσοσ οἱᾶ ῥόδοισιν ἐτήκετο· μυρομένῳ δὲ Πισαίῳ ποταμῷ Σικελὴ προσεμύρετο πηγή.

Ἑλλάδοσ ἀμώων ἄγαμον στάχυν, ᾧ ἔπι πολλαὶ ἡρώων ἄλοχοι, μινυώρια τέκνα τεκοῦσαι μαψιδίωσ ὠδῖνασ ἀνεκλαύσαντο γυναῖκεσ.