헬라어 문장 검색 - ΤηεοπήΞηαραξτ́20́

(테오프라스토스, Characters, Δυσχέρειασ ΙΘ’)

Ἔστιν ἡ δυσχέρεια ἀθεραπευσία σώματοσ λύπησ παρασκευαστική, ὁ δὲ δυσχερὴσ τοιοῦτόσ τισ, οἱο͂σ λέπραν ἔχων καὶ ἀλφὸν καὶ τοὺσ ὄνυχασ μεγάλουσ περιπατεῖν καὶ φῆσαι ταῦτα εἶναι αὑτῷ συγγενικὰ ἀρρωστήματα· ἔχειν γὰρ αὐτὸν καὶ τὸν πατέρα καὶ τὸν πάππον, καὶ οὐκ εἶναι ῥᾴδιον αὐτὸν εἰσ τὸ γένοσ ὑποβάλλεσθαι.

ἀμέλει δὲ δεινὸσ καὶ ἕλκη ἔχειν ἐν τοῖσ ἀντικνημίοισ καὶ προσπταίσματα ἐν τοῖσ δακτύλοισ καὶ μὴ θεραπεῦσαι ἀλλ’ ἐᾶσαι θηριωθῆναι·

καὶ τὰσ μασχάλασ δὲ θηριώδεισ καὶ δασείασ ἔχειν ἄχρι ἐπὶ πολὺ τῶν πλευρῶν καὶ τοὺσ ὀδόντασ μέλανασ καὶ ἐσθιομένουσ, ὥστε δυσέντευκτοσ εἶναι καὶ ἀηδήσ. Καὶ τὰ τοιαῦτα·

ἐσθίων ἀπομύττεσθαι· θύων ἅμ’ ἀδαξᾶσθαι· προσλαλῶν ἀπορρίπτειν ἀπὸ τοῦ στόματοσ· ἅμα πιὼν προσερυγγάνειν. ἀναπίπτοντοσ ἐν τοῖσ στρώμασι μετὰ τῆσ γυναικὸσ αὐτοῦ κοιμᾶσθαι.

ἐλαίῳ σαπρῷ ἐν βαλανείῳ χρώμενοσ σφύζεσθαι.

καὶ χιτωνίσκον παχὺν καὶ ἱμάτιον σφόδρα λεπτὸν καὶ κηλίδων μεστὸν ἀναβαλόμενοσ εἰσ ἀγορὰν ἐξελθεῖν.

Καὶ εἰσ [ἐξ] ὀρνιθοσκόπου τῆσ μητρὸσ ἐξελθούσησ βλασφημῆσαι.

ποτήριον καὶ γελάσαι ὡσ τεράστιόν τι πεποιηκώσ.

καὶ αὐλούμενοσ δὲ κροτεῖν ταῖσ χερσὶ μόνοσ τῶν ἄλλων καὶ συντερετίζειν καὶ ἐπιτιμᾶν τῇ αὐλητρίδι, τί οὐ ταχὺ παύσαιτο. καὶ ἀποπτύσαι δὲ βουλόμενοσ ὑπὲρ τῆσ τραπέζησ, προσπτύσαι τῷ οἰνοχόῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theophrastus, Characters, Δυσχέρειασ ΙΘ’

(테오프라스토스, Characters, Δυσχέρειασ ΙΘ’)

상위

목록

SEARCH

MENU NAVIGATION