Theophrastus, Characters, Βδελυρίασ ΙΑ’

(테오프라스토스, Characters, Βδελυρίασ ΙΑ’)

οὐ χαλεπὸν δέ ἐστι τὴν βδελυρίαν διορίσασθαι· τοιοῦτόσ τισ, οἱο͂σ ἀπαντήσασ γυναιξὶν ἐλευθέραισ ἀνασυράμενοσ δεῖξαι τὸ αἰδοῖον.

καὶ ἐν θεάτρῳ κροτεῖν, ὅταν οἱ ἄλλοι παύωνται, καὶ συρίττειν, οὓσ ἡδέωσ θεωροῦσιν οἱ λοιποί·

καὶ ὅταν σιωπήσῃ τὸ θέατρον, ἀνακύψασ ἐρυγεῖν, ἵνα τοὺσ καθημένουσ ποιήσῃ μεταστραφῆναι. καὶ πληθούσησ τῆσ ἀγορᾶσ προσελθὼν πρὸσ τὰ κάρυα ἢ τὰ μύρτα ἢ τὰ ἀκρόδρυα ἑστηκὼσ τραγηματίζεσθαι, ἅμα τῷ πωλοῦντι προσλαλῶν·

ᾧ μὴ συνήθησ ἐστί.

καὶ σπεύδοντασ δέ που ὁρῶν περιμεῖναι κελεῦσαι. καὶ ἡττωμένῳ δὲ μεγάλην δίκην ἀπιόντι ἀπὸ τοῦ δικαστηρίου προσελθεῖν καὶ συνησθῆναι.

καὶ ὀψωνεῖν ἑαυτῷ καὶ αὐλητρίδασ μισθοῦσθαι καὶ δεικνύειν δὲ τοῖσ ἀπαντῶσι τὰ ὠψωνημένα καὶ παρακαλεῖν ἐπὶ ταῦτα.

καὶ διηγεῖσθαι προσστὰσ πρὸσ κουρεῖον ἢ μυροπώλιον, ὅτι μεθύσκεσθαι μέλλει.

일치하는 문장이 없습니다.

SEARCH

MENU NAVIGATION