헬라어 문장 검색 - ΤηεοπήΞηαραξτ́09́

(테오프라스토스, Characters, Λογοποιίασ Η’)

Ἡ δὲ λογοποιία ἐστὶ σύνθεσισ ψευδῶν λόγων καὶ πράξεων, ὧν πιστεύεσθαι βούλεται ὁ λογοποιῶν, ὁ δὲ λογοποιὸσ τοιοῦτόσ τισ, οἱο͂σ ἀπαντήσασ τῷ φίλῳ εὐθὺσ καταβαλὼν τὸ ἦθοσ καὶ μειδιάσασ ἐρωτῆσαι· ’πόθεν σύ’;

καὶ ’λέγεισ τί καὶ πῶσ’; ’ἔχεισ περὶ τοῦδε εἰπεῖν καινόν’; καὶ ὡσ ἐπιβαλὼν ἐρωτᾶν· ’μὴ λέγεταί τι καινότερον; καὶ μὴν ἀγαθά γέ ἐστι τὰ λεγόμενα. ’ καὶ οὐκ ἐάσασ ἀποκρίνασθαι εἰπεῖν·

’τί λέγεισ; οὐθὲν ἀκήκοασ; δοκῶ μοί σε εὐωχήσειν καινῶν λόγων. ’ καὶ ἔστιν αὐτῷ ἢ στρατιώτησ ἢ παῖσ Ἀστείου τοῦ αὐλητοῦ ἢ Λύκων ὁ ἐργολάβοσ παραγεγονὼσ ἐξ αὐτῆσ τῆσ μάχησ, οὗ φησιν ἀκηκοέναι.

αἱ μὲν οὖν ἀναφοραὶ τῶν λόγων τοιαῦταί εἰσιν αὐτοῦ, ὧν οὐθεὶσ ἂν ἔχοι ἐπιλαβέσθαι.

διηγεῖται δὲ τούτουσ φάσκων λέγειν, ὡσ Πολυπέρχων καὶ ὁ βασιλεὺσ μάχῃ νενίκηκεν, καὶ Κάσανδροσ ἐζώγρηται·

καὶ ἂν εἴπῃ τισ αὐτῷ·

’σὺ δὲ ταῦτα πιστεύεισ; ’ φήσει· τὸ πρᾶγμα βοᾶσθαι γὰρ ἐν τῇ πόλει, καὶ τὸν λόγον ἐπεντείνειν, και πάντασ συμφωνεῖν· ταὐτὰ γὰρ λέγειν περὶ τῆσ μάχησ· καὶ πολὺν τὸν ζωμὸν γεγονέναι. εἶναι δ’ ἑαυτῷ καὶ σημεῖον τὰ πρόσωπα τῶν ἐν τοῖσ πράγμασιν·

ὁρᾶν γὰρ αὐτῶν πάντων μεταβεβληκότα· λέγει δ’, ὡσ καὶ παρακήκοε παρὰ τούτοισ κρυπτόμενόν τινα ἐν οἰκίᾳ, ἤδη πέμπτην ἡμέραν ἥκοντα ἐκ Μακεδονίασ, ὃσ πάντα ταῦτα οἶδε. καὶ πάντα διεξιών πωσ οἰέσθαι πιθανῶσ σχετλιάζειν λέγων·

’δυστυχὴσ Κάσανδροσ· ὢ ταλαίπωροσ· ἐνθυμῇ τὸ τῆσ τύχησ;

ἀλλ’ οὖν ἰσχυρὸσ γενόμενοσ,’ καί ’δεῖ δ’ αὐτόν σε μόνον εἰδέναι’· πᾶσι δὲ τοῖσ ἐν τῇ πόλει προσδεδράμηκε λέγων. Τῶν τοιούτων ἀνθρώπων τεθαύμακα, τί ποτε βούλονται λογοποιοῦντεσ·

οὐ γὰρ μόνον ψεύδονται, ἀλλὰ καὶ ἀλυσιτελῶσ ἀπαλλάττουσι· πολλάκισ γὰρ αὐτῶν οἱ μὲν ἐν τοῖσ βαλανείοισ περιστάσεισ ποιούμενοι τὰ ἱμάτια ἀποβεβλήκασιν, οἱ δ’ ἐν τῇ στοᾷ πεζομαχίᾳ καὶ ναυμαχίᾳ νικῶντεσ ἐρήμουσ δίκασ ὠφλήκασιν·

εἰσὶ δ’ οἳ καὶ πόλεισ τῷ λόγῳ κατὰ κράτοσ αἱροῦντεσ παρεδειπνήθησαν.

πάνυ δὴ ταλαίπωρον αὐτῶν ἐστι τὸ ἐπιτήδευμα·

ποίᾳ γὰρ οὐ στοᾷ, ποίῳ δὲ ἐργαστηρίῳ, ποίῳ δὲ μέρει τῆσ ἀγορᾶσ οὐκ ἐνημερεύουσιν ἀπαυδᾶν ποιοῦντεσ τοὺσ ἀκούοντασ· οὕτωσ καὶ καταπονοῦσι ταῖσ ψευδολογίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theophrastus, Characters, Λογοποιίασ Η’

(테오프라스토스, Characters, Λογοποιίασ Η’)

상위

목록

SEARCH

MENU NAVIGATION