Theophrastus, Characters, Δειλίασ ΚΕ’

(테오프라스토스, Characters, Δειλίασ ΚΕ’)

Ἀμέλει δὲ ἡ δειλία δόξειεν ἂν εἶναι ὕπειξίσ τισ ψυχῆσ ἔμφοβοσ, ὁ δὲ δειλὸσ τοιοῦτόσ τισ, οἰο͂σ πλέων τὰσ ἄκρασ φάσκειν ἡμιολίασ εἶναι· καὶ κλύδωνοσ γενομένου ἐρωτᾶν, εἴ τισ μὴ μεμύηται τῶν πλεόντων·

καὶ τοῦ κυβερνήτου ἀνακύπτων μὲν πυνθάνεσθαι, εἰ μεσοπορεῖ, καὶ τί αὐτῷ δοκεῖ τὰ τοῦ θεοῦ, καὶ πρὸσ τὸν παρακαθήμενον λέγειν, ὅτι φοβεῖται ἀπὸ ἐνυπνίου τινόσ· καὶ ἐκδὺσ διδόναι τῷ παιδὶ τὸν χιτωνίσκον· καὶ δεῖσθαι πρὸσ τὴν γῆν προσάγειν αὑτόν. καὶ στρατευόμενοσ δὲ τοῦ πεζοῦ ἐκβοηθοῦντοσ τοὺσ δημότασ προσκαλεῖν, κελεύων πρὸσ αὑτὸν στάντασ πρῶτον περιιδεῖν, καὶ λέγειν, ὡσ ἔργον διαγνῶναί ἐστι, πότεροί εἰσιν οἱ πολέμιοι·

καὶ ἀκούων κραυγῆσ καὶ ὁρῶν πίπτοντασ εἰπεῖν πρὸσ τοὺσ παρεστηκότασ, ὅτι τὴν σπάθην λαβεῖν ὑπὸ τῆσ σπουδῆσ ἐπελάθετο, τρέχειν ἐπὶ τὴν σκηνήν, τὸν παῖδα ἐκπέμψασ καὶ κελεύσασ προσκοπεῖσθαι, ποῦ εἰσιν οἱ πολέμιοι, ἀποκρύψαι αὐτὴν ὑπὸ τὸ προσκεφάλαιον, εἶτα διατρίβειν πολὺν χρόνον ὡσ ζητῶν·

καὶ ἐν τῇ σκηνῇ ὁρῶν τραυματίαν τινὰ προσφερόμενον τῶν φίλων προσδραμὼν καὶ θαρρεῖν κελεύσασ ὑπολαβὼν φέρειν·

καὶ τοῦτον θεραπεύειν καὶ περισπογγίζειν καὶ παρακαθήμενοσ ἀπὸ τοῦ ἕλκουσ τὰσ μυίασ σοβεῖν καὶ πᾶν μᾶλλον ἢ μάχεσθαι τοῖσ πολεμίοισ· καὶ τοῦ σαλπικτοῦ δὲ τὸ πολεμικὸν σημήναντοσ καθήμενοσ ἐν τῇ σκηνῇ εἰπεῖν. ’ἄπαγ’ ἐσ κόρακασ· οὐκ ἐάσει τὸν ἄνθρωπον ὕπνου λαβεῖν πυκνὰ σημαίνων· καὶ αἵματοσ δὲ ἀνάπλεωσ ἀπὸ τοῦ ἀλλοτρίου τραύματοσ ἐντυγχάνειν τοῖσ ἐκ τῆσ μάχησ ἐπανιοῦσι καὶ διηγεῖσθαι ὡσ κινδυνεύσασ·

’ἕνα σέσωκα τῶν φίλων’· καὶ εἰσάγειν πρὸσ τὸν κατακείμενον σκεψομένουσ [τοὺσ δημότασ] τοὺσ φυλέτασ καὶ τούτων ἅμ’ ἑκάστῳ διηγεῖσθαι, ὡσ αὐτὸσ αὐτὸν ταῖσ ἑαυτοῦ χερσὶν ἐπὶ σκηνὴν ἐκόμισεν.

일치하는 문장이 없습니다.

SEARCH

MENU NAVIGATION