Theophrastus, Characters, Προοίμιον

(테오프라스토스, Characters, Προοίμιον)

Ἤδη μὲν καὶ πρότερον πολλάκισ ἐπιστήσασ τὴν διάνοιαν ἐθαύμασα, ἴσωσ δὲ οὐδὲ παύσομαι θαυμάζων, τί γὰρ δήποτε, τῆσ Ἑλλάδοσ ὑπὸ τὸν αὐτὸν ἀέρα κειμένησ καὶ πάντων τῶν Ἑλλήνων ὁμοίωσ παιδευομένων, συμβέβηκεν ἡμῖν οὐ τὴν αὐτὴν τάξιν τῶν τρόπων ἔχειν. ἐγὼ γάρ, ὦ Πολύκλεισ, συνθεωρήσασ ἐκ πολλοῦ χρόνου τὴν ἀνθρωπίνην φύσιν καὶ βεβιωκὼσ ἔτη ἐνενήκοντα ἐννέα, ἔτι δὲ ὡμιληκὼσ πολλαῖσ τε καὶ παντοδαπαῖσ φύσεσι καὶ παρατεθεαμένοσ ἐξ ἀκριβείασ πολλῆσ τούσ τε ἀγαθοὺσ τῶν ἀνθρώπων καὶ τοὺσ φαύλουσ ὑπέλαβον δεῖν συγγράψαι, ἃ ἑκάτεροι αὐτῶν ἐπιτηδεύουσιν ἐν τῷ βίῳ.

ἐκθήσω δέ σοι κατὰ γένοσ, ὅσα τε τυγχάνει γένη τρόπων τούτοισ προσκείμενα καὶ ὃν τρόπον τῇ οἰκονομίᾳ χρῶνται· ὑπολαμβάνω γάρ, ὦ Πολύκλεισ, τοὺσ υἱεῖσ ἡμῶν βελτίουσ ἔσεσθαι, καταλειφθέντων αὐτοῖσ ὑπομνημάτων τοιούτων, οἷσ παραδείγμασι χρώμενοι αἱρήσονται τοῖσ εὐσχημονεστάτοισ συνεῖναί τε καὶ ὁμιλεῖν, ὅπωσ μὴ καταδεέστεροι ὦσιν αὐτῶν.

τρέψομαι δὲ ἤδη ἐπὶ τὸν λόγον· σὸν δὲ παρακολουθῆσαί τε ὀρθῶσ καὶ εἰδῆσαι, εἰ ὀρθῶσ λέγω.

πρῶτον μὲν οὖν ποιήσομαι τὸν λόγον ἀπὸ τῶν τὴν εἰρωνείαν ἐζηλωκότων, ἀφεὶσ τὸ προοιμιάζεσθαι καὶ πολλὰ περὶ τοῦ πράγματοσ λέγειν· καὶ ἄρξομαι πρῶτον ἀπὸ τῆσ εἰρωνείασ καὶ ὁριοῦμαι αὐτήν, εἶθ’ οὕτωσ τὸν εἴρωνα διέξειμι, ποῖόσ τίσ ἐστι καὶ εἰσ τίνα τρόπον κατενήνεκται·

καὶ τὰ ἄλλα δὴ τῶν παθημάτων, ὥσπερ ὑπεθέμην, πειράσομαι κατὰ γένοσ φανερὰ καθιστάναι.

일치하는 문장이 없습니다.

SEARCH

MENU NAVIGATION