헬라어 문장 검색 - ΠολψβίΗιστορί30́002́

(폴리비오스, Histories, book 30, chapter 2)

τὰ μὲν ὑποδείξασ, τὰ δ’ ἐντειλάμενοσ πᾶσαν εἰσενέγκασθαι μηχανὴν πρὸσ τὸ μὴ κατακολουθῆσαι τὸν Ἄτταλον τοῖσ βουλομένοισ λυμήνασθαι τὴν βασιλείαν αὐτῶν. ὁ δὲ παραγενόμενοσ εἰσ τὴν Ῥώμην καὶ λαβὼν εἰσ τὰσ χεῖρασ τὸν Ἄτταλον πολλοὺσ μὲν καὶ ποικίλουσ διέθετο λόγουσ·

καὶ γὰρ ἦν ὁ ἄνθρωποσ ἔχων τι νουνεχὲσ καὶ πειστικόν· εἰσ δὲ τὸ μέλλον ὁμολογουμένωσ καταλείπεται διάδοχοσ τῆσ ἀρχῆσ, οὐ μακρὰν ταύτησ τῆσ ἐλπίδοσ ὑπαρχούσησ, ἅτε τοῦ βασιλέωσ διὰ μὲν τὴν σωματικὴν ἀσθένειαν αἰεὶ προσδοκῶντοσ τὴν ἐκ τοῦ βίου μετάστασιν, διὰ δὲ τὴν ἀπαιδίαν οὐδ’ εἰ βουληθείη δυναμένου τὴν ἀρχὴν ἄλλῳ καταλιπεῖν·

οὐδέπω γὰρ ἀναδεδειγμένοσ ἐτύγχανεν κατὰ φύσιν υἱὸσ ὢν αὐτῷ τισ ὁ μετὰ ταῦτα διαδεξάμενοσ τὴν ἀρχήν.

τὸ δὲ συνέχον, θαυμάζειν ἔφη πόσα βλάπτει τοὺσ ἐνεστῶτασ καιρούσ.

εἰ συμπνεύσαντεσ καὶ μιᾷ γνώμῃ χρώμενοι δύναιντο τὸν ἀπὸ Γαλατῶν φόβον ἀπώσασθαι καὶ τὸν ἀπὸ τούτων ἐφεστῶτα κίνδυνον.

εἰ δὲ νῦν εἰσ στάσιν καὶ διαφορὰν ἥξει πρὸσ τὸν ἀδελφόν, πρόδηλον εἶναι διότι καταστρέψει τὴν βασιλείαν καὶ στερήσει μὲν αὑτὸν καὶ τῆσ παρούσησ ἐξουσίασ καὶ τῆσ εἰσ τὸ μέλλον ἐλπίδοσ, στερήσει δὲ καὶ τοὺσ ἀδελφοὺσ τῆσ ἀρχῆσ καὶ τῆσ ἐν αὐτῇ δυναστείασ.

ταῦτα δὴ καὶ τούτοισ ἕτερα παραπλήσια διατιθέμενοσ ὁ Στρατίοσ ἔπεισε τὸν Ἄτταλον μένειν ἐπὶ τῶν ὑποκειμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 30, chapter 2

(폴리비오스, Histories, book 30, chapter 2)

상위

목록

SEARCH

MENU NAVIGATION