헬라어 문장 검색 - ΠολψβίΗιστορί10́037́

(폴리비오스, Histories, book 10, chapter 37)

Ἀσδρούβασ μὲν οὖν ἐν τοιαύταισ περιστάσεσι πολλὰσ καὶ ποικίλασ ἐποιεῖτο περὶ τῶν ἐπιφερομένων πραγμάτων ἐννοίασ. ἐλύπει μὲν γὰρ αὐτὸν ἡ περὶ τὸν Ἀνδοβάλην ἀπόστασισ, ἐλύπει δὲ καὶ τὰ κατὰ τὴν ἀντιπαραγωγὴν καὶ τὴν ἀλλοτριότητα τὴν ὑπάρχουσαν αὐτῷ πρὸσ τοὺσ ἄλλουσ στρατηγούσ·

ἠγωνία δὲ καὶ τὴν Ποπλίου παρουσίαν. καὶ τὸ λοιπὸν ἤδη προσδοκῶν αὐτὸν ἥξειν μετὰ τῶν δυνάμεων, θεωρῶν δ’ αὑτὸν μὲν ἐγκαταλειπόμενον ὑπὸ τῶν Ἰβήρων, τοῖσ δὲ Ῥωμαίοισ πάντασ ὁμοθυμαδὸν προσχωροῦντασ, ἐπί τινασ λογισμοὺσ κατήντησε τοιούτουσ.

προέθετο γὰρ διότι δεῖ παρεσκευασμένον τὰ δυνατὰ συμβαλεῖν πρὸσ μάχην τοῖσ ὑπεναντίοισ, κἂν μὲν ἡ τύχη δῷ τὸ νικᾶν, βουλεύσασθαι μετὰ ταῦτα περὶ τῶν ἑξῆσ ἀσφαλῶσ·

ἂν δ’ ἀντιπίπτῃ τὰ κατὰ τὴν μάχην, ποιεῖσθαι τὴν ἀποχώρησιν μετὰ τῶν διασῳζομένων ἐξ αὐτῆσ εἰσ Γαλατίαν, κἀκεῖθεν παραλαβόντα τῶν βαρβάρων ὡσ πλείστουσ βοηθεῖν εἰσ τὴν Ἰταλίαν καὶ κοινωνεῖν Ἀννίβᾳ τἀδελφῷ τῶν αὐτῶν ἐλπίδων.

Ἀσδρούβασ μὲν δὴ ταῦτα διανοηθεὶσ πρὸσ τούτοισ ἦν·

Πόπλιοσ δὲ προσδεξάμενοσ Γάιον τὸν Λαίλιον καὶ διακούσασ τῶν παραγγελλομένων ὑπὸ τῆσ συγκλήτου, προῇγε τὰσ δυνάμεισ ἀναλαβὼν ἐκ τῆσ παραχειμασίασ, ἀπαντώντων αὐτῷ κατὰ τὴν δίοδον τῶν Ἰβήρων, ἑτοίμωσ καὶ προθύμωσ συνεξορμώντων. οἱ δὲ περὶ τὸν Ἀνδοβάλην πάλαι μὲν διεπέμποντο πρὸσ τὸν Πόπλιον, τότε δὲ πλησιάσαντοσ αὐτοῦ τοῖσ τόποισ ἧκον ὡσ αὐτὸν ἐκ τῆσ παρεμβολῆσ ἅμα τοῖσ φίλοισ, καὶ συμμίξαντεσ ἀπελογίσαντο περὶ τῆσ προγεγενημένησ σφίσι φιλίασ πρὸσ Καρχηδονίουσ, ὁμοίωσ δὲ καὶ τὰσ χρείασ καὶ τὴν ὅλην πίστιν ἐνεφάνιζον, ἣν ἐτύγχανον ἐκείνοισ παρεσχημένοι.

μετὰ δὲ ταῦτα τὰσ ἀδικίασ ἐξηγοῦντο καὶ τὰσ ὕβρεισ τὰσ ἐξ ἐκείνων ἀπηντημένασ.

διόπερ ἠξίουν τὸν Πόπλιον αὐτὸν κριτὴν γίνεσθαι τῶν λεγομένων, κἂν μὲν φανῶσιν ἀδίκωσ ἐγκαλοῦντεσ Καρχηδονίοισ, σαφῶσ γινώσκειν αὐτὸν ὡσ οὐδὲ τὴν πρὸσ Ῥωμαίουσ δύνανται τηρεῖν πίστιν·

ἐὰν δὲ πολλὰσ ἀδικίασ ἀναλογιζόμενοι κατ’ ἀνάγκην ἀφιστῶνται τῆσ εὐνοίασ τῆσ ἐκείνων, καλὰσ ἐλπίδασ ἔχειν διότι νῦν ἑλόμενοι τὰ Ῥωμαίων βεβαίωσ τηρήσουσι τὴν πρὸσ αὐτοὺσ εὔνοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 10, chapter 37

(폴리비오스, Histories, book 10, chapter 37)

상위

목록

SEARCH

MENU NAVIGATION