헬라어 문장 검색 - Πλυταρ́Σερτορί10́

(플루타르코스, Sertorius, chapter 10)

ἐντεῦθεν ὅποι χρὴ τραπέσθαι βουλευόμενον ἐκάλουν Λυσιτανοὶ πρέσβεισ πέμψαντεσ ἐφ’ ἡγεμονίᾳ, πάντωσ μὲν ἄρχοντοσ ἀξίωμα μέγα καὶ ἐμπειρίαν ἔχοντοσ δεόμενοι πρὸσ τὸν ἀπὸ Ῥωμαίων φόβον, ἐκείνῳ δὲ πιστεύοντεσ αὑτοὺσ μόνῳ πυνθανόμενοι παρὰ τῶν συγγεγονότων τὸ ἦθοσ αὐτοῦ· λέγεται δὲ ὁ Σερτώριοσ οὔτε ὑφ’ ἡδονῆσ οὔτε ὑπὸ δέουσ εὐάλωτοσ γενέσθαι, φύσει δὲ ἀνέκπληκτοσ ὢν παρὰ τὰ δεινά καὶ μέτριοσ εὐτυχίαν ἐνεγκεῖν·

καὶ πρὸσ μὲν εὐθυμαχίαν οὐδενὸσ ἀτολμότεροσ τῶν καθ’ ἑαυτὸν ἡγεμόνων, ὅσα δὲ κλωπείασ ἐν πολέμοισ ἔργα καὶ πλεονεξίασ περὶ τόπουσ ἐχυροὺσ καὶ διαβάσεισ τάχουσ δεομένασ ἀπάτησ τε καὶ ψευδῶν ἐν δέοντι, σοφιστὴσ δεινότατοσ. ἐν δὲ ταῖσ τιμαῖσ τῶν ἀνδραγαθημάτων δαψιλὴσ φαινόμενοσ, περὶ τὰσ τιμωρίασ ἐμετρίαζε τῶν ἁμαρτημάτων, καίτοι δοκεῖ περὶ τὸν ἔσχατον αὐτοῦ βίον ὠμότητοσ καὶ βαρυθυμίασ τὸ περὶ τοὺσ ὁμήρουσ πραχθὲν ἔργον ἐπιδεῖξαι τὴν φύσιν οὐκ οὖσαν ἥμερον, ἀλλ’ ἐπαμπεχομένην λογισμῷ διὰ τὴν ἀνάγκην, ἐμοὶ δὲ ἀρετὴν μὲν εἰλικρινῆ καὶ κατὰ λόγον συνεστῶσαν οὐκ ἄν ποτε δοκεῖ τύχη τισ ἐκστῆσαι πρὸσ τοὐναντίον, ἄλλωσ δὲ προαιρέσεισ καὶ φύσεισ χρηστὰσ ὑπὸ συμφορῶν μεγάλων παρ’ ἀξίαν κακωθείσασ οὐκ ἀδύνατον τῷ δαίμονι συμμεταβαλεῖν τὸ ἦθοσ.

ὃ καὶ Σερτώριον οἶμαι παθεῖν ἤδη τῆσ τύχησ αὐτὸν ἐπιλειπούσησ, ἐκτραχυνόμενον ὑπὸ τῶν πραγμάτων γινομένων πονηρῶν πρὸσ τοὺσ ἀδικοῦντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Sertorius, chapter 10

(플루타르코스, Sertorius, chapter 10)

상위

목록

SEARCH

MENU NAVIGATION