헬라어 문장 검색 - Πλυταρ́Μαρξελλ́28́

(플루타르코스, Marcellus, chapter 28)

παραλαβὼν δὲ τὴν ἀρχήν πρῶτον μὲν ἐν Τυρρηνίᾳ μέγα κίνημα πρὸσ ἀπόστασιν ἔπαυσε καὶ κατεπράϋνεν ἐπελθὼν τὰσ πόλεισ· ἔπειτα ναὸν ἐκ τῶν Σικελικῶν λαφύρων ᾠκοδομημένον ὑπ’ αὐτοῦ Δόξησ καὶ Ἀρετῆσ καθιερῶσαι βουλόμενοσ, καὶ κωλυθεὶσ ὑπὸ τῶν ἱερέων οὐκ ἀξιούντων ἑνὶ ναῷ δύο θεοὺσ περιέχεσθαι, πάλιν ἤρξατο προσοικοδομεῖν ἕτερον, οὐ ῥᾳδίωσ φέρων τὴν γεγενημένην ἀντίκρουσιν, ἀλλ’ ὥσπερ οἰωνιζόμενοσ, καὶ γὰρ ἄλλα πολλὰ σημεῖα διετάραττεν αὐτόν, ἱερῶν τινων κεραυνώσεισ καὶ μύεσ τὸν ἐν Διὸσ χρυσὸν διαφαγόντεσ ἐλέχθη δὲ καὶ βοῦν ἀνθρώπου φωνὴν ἀφεῖναι καὶ παιδίον ἔχον κεφαλὴν ἐλέφαντοσ γενέσθαι· καὶ περὶ τὰσ ἐκθύσεισ καὶ ἀποτροπὰσ δυσιεροῦντεσ οἱ μάντεισ κατεῖχον αὐτὸν ἐν Ῥώμῃ σπαργῶντα καὶ φλεγόμενον.

οὐδεὶσ γὰρ ἔρωτα τοσοῦτον ἠράσθη πράγματοσ οὐδενόσ ὅσον οὗτοσ ὁ ἀνὴρ τοῦ μάχῃ κριθῆναι πρὸσ Ἀννίβαν. τοῦτο καὶ νύκτωρ ὄνειρον ἦν αὐτῷ καὶ μετὰ φίλων καὶ συναρχόντων ἓν βούλευμα καὶ μία πρὸσ θεοὺσ φωνή, παραταττόμενον Ἀννίβαν λαβεῖν, ἥδιστα δ’ ἄν μοι δοκεῖ τείχουσ ἑνὸσ ἤ τινοσ χάρακοσ ἀμφοτέροισ τοῖσ στρατεύμασι περιτεθέντοσ διαγωνίσασθαι, καὶ εἰ μὴ πολλῆσ μὲν ἤδη μεστὸσ ὑπῆρχε δόξησ, πολλὴν δὲ πεῖραν παρεσχήκει τοῦ παρ’ ὁντινοῦν τῶν στρατηγῶν ἐμβριθὴσ γεγονέναι καὶ φρόνιμοσ, εἶπον ἂν ὅτι μειρακιῶδεσ αὐτῷ προσπεπτώκει καὶ φιλοτιμότερον πάθοσ ἢ κατὰ πρεσβύτην τοσοῦτον·

ὑπὲρ γὰρ ἑξήκοντα γεγονὼσ ἔτη τὸ πέμπτον ὑπάτευεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcellus, chapter 28

(플루타르코스, Marcellus, chapter 28)

상위

목록

SEARCH

MENU NAVIGATION