Plutarch, chapter 5 4:

ὁ μὲν οὖν Νεοπτόλεμοσ ὀλίγουσ τινὰσ συναγαγὼν ἐκ τῆσ τροπῆσ ἔφυγε πρὸσ Κρατερὸν καὶ Ἀντίπατρον. παρ’ ἐκείνων δὲ ἀπέσταλτο πρεσβεία πρὸσ Εὐμενῆ παρακαλοῦσα μεταθέσθαι πρὸσ αὐτούσ, καρπούμενον μὲν ἃσ εἶχε σατραπείασ, προσλαβόντα δὲ στρατιὰν καὶ χώραν παρ’ αὐτῶν, Ἀντιπάτρῳ μὲν ἀντ’ ἐχθροῦ φίλον γενόμενον, Κρατερῷ δὲ μὴ γενόμενον ἐκ φίλου πολέμιον.