헬라어 문장 검색 - Πλυταρ́Δεμοστή31́

(플루타르코스, Demosthenes, chapter 31)

μικρὸν δὲ πρόσθεν ἢ παραβαλεῖν ἡμᾶσ Ἀθήναζε λέγεταί τι τοιόνδε συμβῆναι. στρατιώτησ ἐπὶ κρίσιν τινὰ καλούμενοσ ὑφ’ ἡγεμόνοσ, ὅσον εἶχε χρυσίδιον εἰσ τὰσ χεῖρασ ἐνέθηκε τοῦ ἀνδριάντοσ. ἕστηκε δὲ τοὺσ δακτύλουσ συνέχων δι’ ἀλλήλων, καὶ παραπέφυκεν οὐ μεγάλη πλάτανοσ, ἀπὸ ταύτησ πολλὰ τῶν φύλλων, εἴτε πνεύματοσ ἐκ τύχησ καταβαλόντοσ, εἴτ’ αὐτὸσ οὕτωσ ὁ θεὶσ ἐκάλυψε, περικείμενα καὶ συμπεσόντα λαθεῖν ἐποίησε τὸ χρυσίον οὐκ ὀλίγον χρόνον. ὡσ δ’ ὁ ἄνθρωποσ ἐπανελθὼν ἀνεῦρε καὶ διεδόθη λόγοσ ὑπὲρ τούτου, πολλοὶ τῶν εὐφυῶν ὑπόθεσιν λαβόντεσ εἰσ τὸ ἀδωροδόκητον τοῦ Δημοσθένουσ διημιλλῶντο τοῖσ ἐπιγράμμασι.

Δημάδην δὲ χρόνον οὐ πολὺν ἀπολαύσαντα τῆσ φυομένησ δόξησ ἡ Δημοσθένουσ δίκη κατήγαγεν εἰσ Μακεδονίαν, οὓσ ἐκολάκευεν αἰσχρῶσ, ὑπὸ τούτων ἐξολούμενον δικαίωσ, ἐπαχθῆ μὲν ὄντα καὶ πρότερον αὐτοῖσ, τότε δ’ εἰσ αἰτίαν ἄφυκτον ἐμπεσόντα.

γράμματα γὰρ ἐξέπεσεν αὐτοῦ, δι’ ὧν παρεκάλει Περδίκκαν ἐπιχειρεῖν Μακεδονίᾳ καὶ σῴζειν τοὺσ Ἕλληνασ ὡσ ἀπὸ σαπροῦ καὶ παλαιοῦ στήμονοσ λέγων τὸν Ἀντίπατρον ἠρτημένουσ. ἐφ’ οἷσ Δεινάρχου τοῦ Κορινθίου κατηγορήσαντοσ παροξυνθεὶσ ὁ Κάσσανδροσ ἐγκατέσφαξεν αὐτοῦ τῷ κόλπῳ τὸν υἱόν, εἶτα οὕτωσ ἐκεῖνον ἀνελεῖν προσέταξεν, ἐν τοῖσ μεγίστοισ διδασκόμενον ἀτυχήμασιν ὅτι πρώτουσ ἑαυτοὺσ οἱ προδόται πωλοῦσιν, ὃ πολλάκισ Δημοσθένουσ προαγορεύοντοσ οὐκ ἐπίστευσε.

τὸν μὲν οὖν Δημοσθένουσ ἀπέχεισ, Σόσσιε, βίον ἐξ ὧν ἡμεῖσ ἀνέγνωμεν ἢ διηκούσαμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demosthenes, chapter 31

(플루타르코스, Demosthenes, chapter 31)

상위

목록

SEARCH

MENU NAVIGATION