헬라어 문장 검색 - Λυξιαν́Διαλογι

(루키아노스, Dialogi meretricii, Μύρτιον καὶ Πάμφιλοσ και Δῶρισ.)

γαμεῖσ, ὦ Πάμφιλε, τὴν Φείδωνοσ τοῦ ναυκλήρου θυγατέρα καὶ ἤδη σε γεγαμηκέναι φασίν· οἱ τοσοῦτοι δὲ ὁρ́κοι οὓσ ὤμοσασ καὶ τὰ δάκρυα ἐν ἀκαρεῖ πάντα οἴχεται, καὶ ἐπιλέλησαι Μυρτίου νῦν, καὶ ταῦτα, ὦ Πάμφιλε, ὁπότε κύω μῆνα ὄγδοον ἤδη. τοῦτο γοῦν καὶ μόνον ἐπριάμην τοῦ σοῦ ἔρωτοσ, ὅτι μου τηλικαύτην πεποίηκασ τὴν γαστέρα καὶ μετὰ μικρὸν παιδοτροφεῖν δεήσει, πρᾶγμα ἑταίρᾳ βαρύτατον· οὐ γὰρ ἐκθήσω τὸ τεχθέν, καὶ μάλιστα εἰ ἄρρεν γένοιτο, ἀλλὰ Πάμφιλον ὀνομάσασα ἐγὼ μὲν ἕξω παραμύθιον τοῦ ἔρωτοσ, σοὶ δὲ ὀνειδιεῖ ποτε προσελθὼν ἐκεῖνοσ, ὡσ ἄπιστοσ γεγένησαι περὶ τὴν ἀθλίαν αὐτοῦ μητέρα. γαμεῖσ δ̓ οὐ καλὴν παρθένον· εἶδον γὰρ αὐτὴν ἔναγχοσ ἐν τοῖσ Θεσμοφορίοισ μετὰ τῆσ μητρόσ, οὐδέπω εἰδυῖα ὅτι δἰ αὐτὴν οὐκέτι ὄψομαι Πάμφιλον. καὶ σὺ δ̓ οὖν πρότερον ἰδοῦ αὐτὴν καὶ τὸ πρόσωπον καὶ τοὺσ ὀφθαλμοὺσ ἰδέ, μή σε ἀνιάτω, εἰ πάνυ γλαυκοῦσ ἔχει αὐτοὺσ μηδὲ ὅτι διάστροφοί εἰσι καὶ ἐσ ἀλλήλουσ ὁρῶσι· μᾶλλον δὲ τὸν Φείδωνα ἑώρακασ τὸν πατέρα τῆσ νύμφησ, τὸ πρόσωπον αὐτοῦ οἶσθα, ὥστε οὐδὲν ἔτι δεήσει τὴν θυγατέρα ἰδεῖν. ἔτι σου ληρούσησ, ὦ Μύρτιον, ἀκούσομαι παρθένουσ καὶ γάμουσ ναυκληρικοὺσ διεξιούσησ;

ἐγὼ δὲ ἢ σιμήν τινα ἢ καλὴν νύμφην οἶδα; ἢ ὅτι Φείδων ὁ Ἀλωπεκῆθεν ‐ οἶμαι γὰρ ἐκεῖνον λέγειν σε ‐ θυγατέρα ὅλωσ εἶχεν ὡραίαν ἤδη γάμου; ἀλλ̓ οὐδὲ φίλοσ ἐστὶν οὗτοσ τῷ πατρί· μέμνημαι γὰρ ὡσ πρῴην ἐδικάσατο περὶ συμβολαίου ναυτικοῦ· τάλαντον, οἶμαι, ὀφείλων γὰρ τῷ πατρὶ οὐκ ἤθελεν ἐκτίνειν, ὁ δὲ παρὰ τοὺσ ναυτοδίκασ ἀπήγαγεν αὐτόν, καὶ μόλισ ἐξέτισεν αὐτό, οὐδ̓ ὅλον, ὡσ ὁ πατὴρ ἔφασκεν. εἰ δὲ καὶ γαμεῖν ἐδέδοκτό μοι, τὴν Δημέου θυγατέρα τὴν τοῦ πέρυσιν ἐστρατηγηκότοσ ἀφείσ, καὶ ταῦτα πρὸσ μητρὸσ ἀνεψιὰν οὖσαν, τὴν Φείδωνοσ ἐγάμουν ἄν; σὺ δὲ πόθεν ταῦτα ἤκουσασ; ἢ τινὰσ σεαυτῇ, ὦ Μύρτιον, κενὰσ ζηλοτυπίασ σκιαμαχοῦσα ἐξεῦρεσ; οὔκουν γαμεῖσ, ὦ Πάμφιλε;

μέμηνασ, ὦ Μύρτιον, ἢ κραιπαλᾷσ; καίτοι χθὲσ οὐ πάνυ ἐμεθύσθημεν. ἡ Δωρὶσ αὕτη ἐλύπησέ με· πεμφθεῖσα γὰρ ὡσ ἔρια ὠνήσαιτό μοι ἐπὶ τὴν γαστέρα καὶ εὔξαιτο τῇ Λοχείᾳ ὡσ ὑπὲρ ἐμοῦ, Λεσβίαν ἔφη ἐντυχοῦσαν αὐτῇ . . . μᾶλλον δὲ σὺ αὐτή, ὦ Δωρί, λέγε ἅπερ ἀκήκοασ, εἴ γε μὴ ἐπλάσω ταῦτα. ἀλλ̓ ἐπιτριβείην, ὦ δέσποινα, εἴ τι ἐψευσάμην· ἐπεὶ γὰρ κατὰ τὸ πρυτανεῖον ἐγενόμην, ἐνέτυχέ μοι ἡ Λεσβία μειδιῶσα καὶ φησίν, Ὁ ἐραστὴσ ὑμῶν ὁ Πάμφιλοσ γαμεῖ τὴν Φείδωνοσ θυγατέρα· εἰ δὲ ἀπιστοίην, ἠξίου με παρακύψασαν ἐσ τὸν στενωπὸν ὑμῶν ἰδεῖν πάντα κατεστεφανωμένα καὶ αὐλητρίδασ καὶ θόρυβον καὶ ὑμέναιον ᾅδοντάσ τινασ. τί οὖν; παρέκυψασ, ὦ Δωρί; καὶ μάλα, καὶ εἶδον ἅπαντα ὡσ ἔφη. μανθάνω τὴν ἀπάτην·

οὔτε πάντα ἡ Λεσβία, Δωρί, πρὸσ σὲ ἐψεύσατο καὶ σὺ τἀληθῆ ἀπήγγελκασ Μυρτίω. πλὴν μάτην γε ἐταράχθητε οὔτε γα χρ παῤ ἡμῖν οἱ γάμοι, ἀλλὰ νῦν ἀνεμνήσθην ἀκούσασ τῆσ μητρόσ, ὁπότε χθὲσ ἀνέστρεψα παῤ ὑμῶν· ἔφη γάρ, Ὦ Πάμφιλε, ὁ μὲν ἡλικιώτησ σοι Χαρμίδησ τοῦ γείτονοσ Αρισταινέτου υἱὸσ γαμεῖ ἤδη καὶ σωφρονεῖ, σὺ δὲ μέχρι τίνοσ ἑταίρᾳ σύνει; τοιαῦτα παρακούων αὐτῆσ ἐσ ὕπνον κατηνέχθην· εἶτα ἑώθεν προῆλθον ἀπὸ τῆσ οἰκίασ, ὥστε οὐδὲν εἶδον ὧν ἡ Δωρὶσ ὕστερον εἶδεν. εἰ δὲ ἀπιστεῖσ, αὖθισ ἀπελθοῦσα, ὦ Δωρί, ἀκριβῶσ ἰδὲ μὴ τὸν στενωπόν, ἀλλὰ τὴν θύραν, ποτέρα ἐστὶν ἡ κατεστεφανωμένη· εὑρήσεισ γὰρ τὴν τῶν γειτόνων. Ἀπέσωσασ, ὦ Πάμφιλε· ἀπηγξάμην γὰρ ἄν, εἴ τι τοιοῦτο ἐγένετο. ἀλλ̓ οὐκ ἂν ἐγένετο, μηδ̓ οὕτω μανείην, ὡσ ἐκλαθέσθαι Μυρτίου, καὶ ταῦτα ἤδη μοι κυούσησ παιδίον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi meretricii, Μύρτιον καὶ Πάμφιλοσ και Δῶρισ.

(루키아노스, Dialogi meretricii, Μύρτιον καὶ Πάμφιλοσ και Δῶρισ.)

상위

목록

SEARCH

MENU NAVIGATION