Demosthenes, Speeches 21-30, Κατὰ Τιμοκράτους 219:

ἐγὼ μὲν γὰρ τῶν ἐσχάτων νομίζω, οὐχ ὅτι τοῦτον μόνον τὸν νόμον ἔθηκεν, ἀλλ’ ὅτι καὶ τοῖσ ἄλλοισ ὁδὸν δείκνυσι καὶ περὶ δικαστηρίων καταλύσεωσ καὶ περὶ τῶν φευγόντων καθόδου καὶ περὶ τῶν ἄλλων τῶν δεινοτάτων. τί γὰρ κωλύει, ὦ ἄνδρεσ δικασταί, εἰ οὗτοσ χαίρων ἀπαλλάξει ὁ τοιοῦτον νόμον τιθείσ, ἕτερον φανῆναι ἄλλο τι τῶν τῆσ πόλεωσ ἰσχυροτάτων καταλύοντα νόμῳ καινῷ;