Demosthenes, Speeches 21-30, Κατὰ Τιμοκράτους 183:

εἶτα προπηλακίζουσιν ὑμᾶσ ἰδίᾳ τοῖσ λόγοισ, ὡσ αὐτοὶ καλοὶ κἀγαθοί, πονηρῶν καὶ ἀχαρίστων οἰκετῶν τρόπουσ ἔχοντεσ. καὶ γὰρ ἐκείνων, ὦ ἄνδρεσ δικασταί, ὅσοι ἂν ἐλεύθεροι γένωνται, οὐ τῆσ ἐλευθερίασ χάριν ἔχουσι τοῖσ δεσπόταισ, ἀλλὰ μισοῦσι μάλιστ’ ἀνθρώπων, ὅτι συνίσασιν αὐτοῖσ δουλεύσασιν. οὕτω δὴ καὶ οὗτοι οἱ ῥήτορεσ οὐκ ἀγαπῶσιν ἐκ πενήτων πλούσιοι ἀπὸ τῆσ πόλεωσ γιγνόμενοι, ἀλλὰ καὶ προπηλακίζουσι τὸ πλῆθοσ, ὅτι σύνοιδεν αὐτῶν ἑκάστῳ τὰ ἐν τῇ πενίᾳ καὶ νεότητι ἐπιτηδεύματα.