Demosthenes, Speeches 21-30, Κατὰ Τιμοκράτους 146:

ἀλλ’ ἀγαπητόν, ὦ ἄνδρεσ Ἀθηναῖοι, εἰ πάντων καλῶσ ἐχόντων ἡμῖν καὶ μηδενὸσ ὄντοσ τοιούτου νόμου, κρατοῖμεν τῶν ἐχθρῶν καὶ ταῖσ ὀξύτησι δυναίμεθα καὶ τοῖσ τοῦ πολέμου καιροῖσ ἀκολουθεῖν καὶ μηδενὸσ ὑστερίζειν. ἀλλὰ μὴν εἰ φαίνει τοιοῦτον τεθηκὼσ νόμον ὃσ τὰ τοιαῦτα λυμαίνεται δι’ ὧν ἡ πόλισ καὶ σεμνὴ καὶ λαμπρὰ παρὰ πᾶσι καθέστηκεν, πῶσ οὐχὶ δικαίωσ ὁτιοῦν ἂν πάθοισ;