Demosthenes, Speeches 21-30, Κατὰ Τιμοκράτους 3:

τὴν γὰρ ὑμετέραν ψῆφον, ἣν ὀμωμοκότεσ περὶ πάντων φέρετε, λύει καὶ ποιεῖ τοῦ μηδενὸσ ἀξίαν ὁ τουτουὶ νόμοσ, οὐχ ἵνα κοινῇ τι τὴν πόλιν ὠφελήσῃ πῶσ γάρ; ὅσ γε, ἃ δοκεῖ συνέχειν τὴν πολιτείαν, τὰ δικαστήρια, ταῦτ’ ἄκυρα ποιεῖ τῶν προστιμημάτων τῶν ἐπὶ τοῖσ ἀδικήμασιν ἐκ τῶν νόμων ὡρισμένων, ἀλλ’ ἵνα τῶν πολὺν χρόνον ὑμᾶσ τινεσ ἐκκεκαρπωμένων καὶ πολλὰ τῶν ὑμετέρων διηρπακότων μηδ’ ἃ κλέπτοντεσ φανερῶσ ἐλήφθησαν καταθῶσιν.