Demosthenes, Speeches 21-30, Κατὰ Ἀριστοκράτους 11:

ἀνάγκη δὲ ἐστὶ πρῶτον ἁπάντων εἰπεῖν καὶ δεῖξαι τί ποτ’ ἐστὶ τὸ Χερρόνησον ὑμᾶσ ἀσφαλῶσ ἔχειν πεποιηκόσ· διὰ γὰρ τοῦ μαθεῖν τοῦτο καὶ τἀδίκημα σαφῶσ ὄψεσθε. ἔστι τοίνυν, ὦ ἄνδρεσ Ἀθηναῖοι, τοῦτο, τὸ τελευτήσαντοσ Κότυοσ Βηρισάδην καὶ Ἀμάδοκον καὶ Κερσοβλέπτην τρεῖσ ἀνθ’ ἑνὸσ γενέσθαι Θρᾴκησ βασιλέασ· συμβέβηκε γὰρ ἐκ τούτου αὑτοῖσ μὲν ἀντιπάλουσ εἶναι τούτουσ, ὑμᾶσ δ’ ὑπέρχεσθαι καὶ θεραπεύειν.