헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 60)

Δημήτριοσ δ’ ὁ Φαληρεύσ, ὥσ φησι Δοῦρισ ἐν τῇ ἑκκαιδεκάτῃ τῶν Ἱστοριῶν, χιλίων καὶ διακοσίων ταλάντων κατ’ ἐνιαυτὸν κύριοσ γενόμενοσ καὶ ἀπὸ τούτων βραχέα δαπανῶν εἰσ τοὺσ στρατιώτασ καὶ τὴν τῆσ πόλεωσ διοίκησιν τὰ λοιπὰ πάντα διὰ. τὴν ἔμφυτον ἀκρασίαν ἠφάνιζεν, θοίνασ καθ’ ἑκάστην ἡμέραν λαμπρὰσ ἐπιτελῶν καὶ πλῆθόσ τι συνδείπνων ἔχων. καὶ ταῖσ μὲν δαπάναισ ταῖσ εἰσ τὰ δεῖπνα τοὺσ Μακεδόνασ ὑπερέβαλλε,1 τῇ δὲ καθαρειότητι Κυπρίουσ καὶ Φοίνικασ· ῥάσματά τε μύρων ἔπιπτεν ἐπὶ τὴν γῆν, ἀνθινά τε πολλὰ τῶν ἐδαφῶν ἐν τοῖσ ἀνδρῶσιν κατεσκευάζετο διαπεποικιλμένα ὑπὸ δημιουργῶν, ἦσαν δὲ καὶ πρὸσ γυναῖκασ ὁμιλίαι σιωπώμεναι καὶ νεανίσκων ἔρωτεσ νυκτερινοί, καὶ ὁ τοῖσ ἄλλοισ τιθέμενοσ θεσμοὺσ Δημήτριοσ καὶ τοὺσ βίουσ τάττων ἀνομοθέτητον ἑαυτῷ τὸν βίον κατεσκεύαζεν. ἐπεμελεῖτο δὲ καὶ τῆσ ὄψεωσ, τήν τε τρίχα τὴν ἐπὶ τῆσ κεφαλῆσ ξανθιζόμενοσ καὶ παιδέρωτι τὸ πρόσωπον ὑπαλειφόμενοσ καὶ τοῖσ ἄλλοισ ἀλείμμασιν ἐγχρίων ἑαυτόν ἠβούλετο γὰρ τὴν ὄψιν ἱλαρὸσ καὶ τοῖσ ἀπαντῶσιν ἡδὺσ φαίνεσθαι.

ἐν δὲ τῇ πομπῇ τῶν Διονυσίων ἣν ἔπεμψεν ἄρχων γενόμενοσ, ᾖδεν ὁ χορὸσ εἰσ αὐτὸν ποιήματα Καστορίωνοσ τοῦ Σολέωσ, ἐν οἷσ ἡλιόμορφοσ προσηγορεύετο ἐξόχωσ δ’ εὐγενέτασ ἡλιόμορφοσ ζαθέοισ ἄρχων σε τιμαῖσι γεραίρει.

"ὁ Φαληρεὺσ Ἱμεραίου τοῦ ἀδελφοῦ ἀναιρεθέντοσ ὑπ’ Ἀντιπάτρου αὐτὸσ μετὰ Νικάνοροσ διέτριβεν, αἰτίαν ἔχων ὡσ τὰ ἐπιφάνεια τοῦ ἀδελφοῦ θύων. "Κασάνδρῳ δὲ γενόμενοσ φίλοσ μέγα ’ἴσχυσεν. "καὶ κατ’ ἀρχὰσ μὲν ἦν αὐτοῦ τὸ ἄριστον ὀξύβαφα παντοδαπὰσ ἐλάασ ἔχοντα καὶ τυρὸν νησιωτικόν. ὡσ δ’ ἐπλούτησε, Μοσχίωνα τὸν ἄριστον τῶν τότε μαγείρων καὶ δειπνοποιῶν ἐωνήσατο, καὶ τοσαῦτα ἦν αὐτῷ τὰ ἐν δείπνοισ παρασκευαζόμενα καθ’ ἡμέραν ὥστε χαρισαμένου τῷ Μοσχίωνι τὰ λείψανα Μοσχίων ἐν ἔτεσι δύο τρεῖσ συνοικίασ ἐωνήσατο παῖδάσ τε ἐλευθέρουσ ὕβριζεν καὶ γυναῖκασ τὰσ τῶν ἐπιφανεστάτων. "ἐζηλοτύπουν δὲ πάντεσ οἱ παῖδεσ τὸν ἐρώμενον αὐτοῦ Δίογνιν, καὶ τοσοῦτον ἦν τῷ Δημητρίῳ προσελθεῖν ὥστε μετ’ ἄριστον αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 60

(아테나이오스, The Deipnosophists, Book 12, book 12, chapter 60)

상위

목록

SEARCH

MENU NAVIGATION