헬라어 문장 검색 - ΑτηενάΤηεΔειπ

(아테나이오스, The Deipnosophists, Book 12, book 12, chapter 11)

Λυδοί δὲ εἰσ τοσοῦτον ἦλθον τρυφῆσ ὡσ καὶ πρῶτοι γυναῖκασ εὐνουχίσαι, ὡσ ἱστορεῖ Ξάνθοσ ὁ Λυδὸσ ἢ ὁ τὰσ εἰσ αὐτὸν ἀναφερομένασ ἱστορίασ συγγεγραφὼσ Διονύσιοσ δ’ ὁ Σκυτοβραχίων, ὡσ Ἀρτέμων φησὶν ὁ Κασανδρεὺσ ἐν τῷ περὶ Συναγωγῆσ Βιβλίων, ἀγνοῶν ὅτι Ἔφοροσ ὁ συγγραφεὺσ μνημονεύει αὐτοῦ ὡσ παλαιοτέρου ὄντοσ καὶ Ἡροδότῳ τὰσ ἀφορμὰσ δεδωκότοσ ὁ δ’ οὖν Ξάνθοσ ἐν τῇ δευτέρᾳ τῶν Λυδιακῶν Ἀδραμύτην φησὶ τὸν· Λυδῶν βασιλέα πρῶτον γυναῖκασ εὐνουχίσαντα χρῆσθαι αὐταῖσ ἀντὶ ἀνδρῶν εὐνούχων. "τὴν δὲ4" πρῶτοι δὲ Λυδοὶ καὶ τὴν καρύκην ἐξεῦρον, περὶ ἧσ τῆσ σκευασίασ οἱ τὰ Ὀψαρτυτικὰ συνθέντεσ εἰρήκασιν, Γλαῦκόσ τε ὁ Λοκρὸσ καὶ Μίθαικοσ καὶ Διονύσιοσ Ἡρακλεῖδαί τε δύο γένοσ Συρακόσιοι καὶ Ἆγισ καὶ Ἐπαίνετοσ καὶ Διονύσιοσ ἔτι τε Ἡγήσιπποσ καὶ Ἐρασίστρατοσ καὶ Εὐθύδημοσ καὶ Κρίτων, πρὸσ τούτοισ δὲ Στέφανοσ, ι Ἀρχύτασ, Ἀκέστιοσ, Ἀκεσίασ, Διοκλῆσ, Φιλιστίων. "διὰ τρυφὴν παραδείσουσ κατασκευασάμενοι καὶ κηπαίουσ αὐτοὺσ ποιήσαντεσ ἐσκιατροφοῦντο, τρυφερώτερον. "ἡγησάμενοι τὸ μηδ’ ὅλωσ αὐτοῖσ ἐπιπίπτειν τὰσ τοῦ ἡλίου αὐγάσ. καὶ πόρρω προάγοντεσ ὕβρεωσ τὰσ τῶν ἄλλων γυναῖκασ καὶ παρθένουσ εἰσ τὸν τόπον τὸν διὰ τὴν πρᾶξιν Ἁγνεῶνα κληθέντα συνάγοντεσ ὕβριζον. "καὶ τέλοσ τὰσ ψυχὰσ ἀποθηλυνθέντεσ ἠλλάξαντο τὸν τῶν γυναικῶν βίον, διόπερ καὶ γυναῖκα τύραννον ὁ βίοσ εὑρ́ετο αὐτοῖσ μίαν τῶν ὑβρισθεισῶν Ὀμφάλην, ἥτισ πρώτη κατῆρξε τῆσ εἰσ Λυδοὺσ πρεπούσησ τιμωρίασ, τὸ γὰρ ὑπὸ γυναικὸσ ἄρχεσθαι ὑβριζομένουσ σημεῖὸν ἐστι βίασ· "οὖσα οὖν καὶ αὐτὴ ἀκόλαστοσ καὶ ἀμυνομένη τὰσ γενομένασ αὐτῇ πρότερον ὕβρεισ τοῖσ ἐν. τῇ πόλει δούλοισ τὰσ τῶν δεσποτῶν παρθένουσ ἐξέδωκεν ἐν ᾧ τόπῳ πρὸσ ἐκείνων ὑβρίσθη· "εἰσ τοῦτον οὖν συναθροίσασα μετ’ ἀνάγκησ συγκατέκλινε τοῖσ δούλοισ τὰσ δεσποίνασ, ὅθεν οἱ Λυδοὶ τὸ πικρὸν τῆσ πράξεωσ ὑποκοριζόμενοι τὸν τόπον καλοῦσιν Γλυκὺν Ἀγκῶνα, οὐ μόνον δὲ Λυδῶν γυναῖκεσ ἄφετοι οὖσαι τοῖσ ἐντυχοῦσιν, ἀλλὰ καὶ Λοκρῶν τῶν Ἐπιζεφυρίων, ἔτι δὲ τῶν περὶ Κύπρον καὶ πάντων ἁπλῶσ τῶν ἑταιρισμῷ τὰσ ἑαυτῶν κόρασ ἀφοσιούντων, παλαιᾶσ τινοσ ὕβρεωσ ἐοίκασιν εἶναι πρὸσ ἀλήθειαν ὑπόμνημα καὶ τιμωρίασ. "πρὸσ ἣν εἷσ τῶν Λυδῶν εὐγενὴσ ἀνὴρ ὁρμήσασ καὶ τῇ παρ’ αὐτοῖσ Μίδου βασιλείᾳ βαρυνθείσ, τοῦ μὲν Μίδου ὑπ’ ἀνανδρίασ καὶ τρυφῆσ ἐν πορφύρᾳ κειμένου καὶ ταῖσ γυναιξὶν ἐν τοῖσ ἱστοῖσ συνταλασιουργοῦντοσ, Ὀμφάλησ δὲ πάντασ τοὺσ συγκατακλιθέντασ αὑτῇ ξενοκτονούσησ, ἀμφοτέρουσ ἐκόλασε, τὸν μὲν ὑπὸ ἀπαιδευσίασ κεκωφημένον τῶν ὤτων ἐξελκύσασ, ὃσ διὰ τὴν τοῦ φρονεῖν ἔνδειαν τοῦ πάντων ἀναισθητοτάτου ζῴου τὴν ἐπωνυμίαν ἔσχε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 12, book 12, chapter 11

(아테나이오스, The Deipnosophists, Book 12, book 12, chapter 11)

상위

목록

SEARCH

MENU NAVIGATION