헬라어 문장 검색 - Αππιαν́ΤηεΞιϝί5́05́01́

(아피아노스, The Civil Wars, book 5, chapter 5 1:)

Γενομένησ οὖν τινοσ εσ τοῦτο πείρασ καὶ ἐλπίδοσ οὐκ ἀηδοῦσ, τὸν στρατὸν συναγαγὼν ἔλεξεν ὧδε· "γνώμη μὲν ἦν μοι τὴν πάτριον ὑμῖν ἀποδοῦναι πολιτείαν, ὦ συστρατιῶται, τυρραννίδα τὴν τῶν τριῶν ἀνδρῶν ἀρχὴν καὶ οὐδ’, ἐφ’ ᾗ συνέστη προφάσει, Κασσίου καὶ Βρούτου τεθνεώτων διαλυθεῖσαν. Λεπίδου γὰρ τὸ μέροσ τῆσ ἀρχῆσ ἀφῃρημένου καὶ Ἀντωνίου πορρωτάτω χρήματα συλλέγοντοσ, εἷσ οὗτοσ ἅπαντα πρὸσ τὴν ἑαυτοῦ γνώμην διῴκει, τὰ δὲ πάτρια Ῥωμαίοισ πρόσχημα μόνον ἦν καὶ γέλωσ. ἅπερ ἐγὼ μεταβάλλειν ἐσ τὴν ἄνωθεν ἐλευθερίαν τε καὶ δημοκρατίαν ἐπινοῶν ἠξίουν τῶν ἐπινικίων διαδοθέντων ἐκλυθῆναι τὴν μοναρχίαν. ἐπεὶ δὲ οὐκ ἔπειθον, ἐπειρώμην ἐπὶ τῆσ ἐμῆσ ἀρχῆσ καταναγκάσαι. ὁ δέ με τῷ στρατῷ διέβαλλε, κωλύειν τὰσ κληρουχίασ ἐλέῳ τῶν γεωργῶν· καὶ τὴν διαβολὴν ἐγὼ τήνδε ἠγνόησα ἐπὶ πλεῖστον. ἀλλ’ οὐδὲ ἐπιγνοὺσ ἐπίστευσά τινα πιστεύσειν, ὁρῶντα τοὺσ οἰκιστὰσ καὶ παρ’ ἐμοῦ δεδομένουσ, οἳ μεριεῖν ἔμελλον ὑμῖν τὰσ κληρουχίασ. ἀλλὰ ἐδημαγώγησε γάρ τινασ ἡ διαβολή, καὶ πρὸσ ἐκεῖνον ᾤχοντο πολεμήσοντεσ ὑμῖν, ὡσ νομίζουσι, σὺν χρόνῳ δ’ εἴσονται στρατευσάμενοι καθ’ αὑτῶν. ὑμῖν δ’ ἐγὼ μαρτυρῶ μὲν ἑλομένοισ τὰ ἀμείνονα καὶ ὑπὲρ δύναμιν κακοπαθήσασιν, ἡττήμεθα δὲ οὐχ ὑπὸ τῶν πολεμίων, ἀλλὰ τοῦ λιμοῦ, ᾧ δὴ καὶ πρὸσ τῶν ἡμετέρων στρατηγῶν ἐγκαταλελείμμεθα. ἐμοὶ μὲν δὴ καλῶσ εἶχεν ἀγωνίσασθαι μέχρι τοῦ τελευταίου δαίμονοσ ὑπὲρ τῆσ πατρίδοσ· καλὸν γάρ μοι τὸν ἔπαινον ἐπὶ τῇ γνώμῃ καὶ τὸ τέλοσ ἐποίει· οὐχ ὑφίσταμαι δὲ δι’ ὑμᾶσ, οὓσ τῆσ ἐμῆσ προτίθημι εὐκλείασ. πέμψω δὴ πρὸσ τὸν κεκρατηκότα καὶ δεήσομαι ἐμοὶ μὲν ἀντὶ πάντων ὑμῶν εἰσ ὃ θέλει καταχρήσασθαι μόνῳ, ὑμῖν δὲ ἀντ’ ἐμοῦ ἀμνηστίαν δοῦναι, πολίταισ τε οὖσιν αὐτοῦ καὶ στρατιώταισ ποτὲ γενομένοισ καὶ οὐδὲ νῦν ἀδικοῦσιν οὐδὲ πολεμήσασιν ἄνευ καλῆσ αἰτίασ οὐδὲ ἡσσημένοισ πολέμῳ μᾶλλον ἢ λιμῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 5, chapter 5 1:

(아피아노스, The Civil Wars, book 5, chapter 5 1:)

상위

목록

SEARCH

MENU NAVIGATION