Xenophon, Cyropaedia, Κύρου Παιδείασ Η, chapter 7 17:

μὴ οὖν ἃ οἱ θεοὶ ὑφήγηνται ἀγαθὰ εἰσ οἰκειότητα ἀδελφοῖσ μάταιά ποτε ποιήσητε, ἀλλ’ ἐπὶ ταῦτα εὐθὺσ οἰκοδομεῖτε ἄλλα φιλικὰ ἔργα· καὶ οὕτωσ ἀεὶ ἀνυπέρβλητοσ ἄλλοισ ἔσται ἡ ὑμετέρα φιλία. ἑαυτοῦ τοι κήδεται ὁ προνοῶν ἀδελφοῦ· τίνι γὰρ ἄλλῳ ἀδελφὸσ μέγασ ὢν οὕτω καλὸν ὡσ ἀδελφῷ; τίσ δ’ ἄλλοσ τιμήσεται δι’ ἄνδρα μέγα δυνάμενον οὕτωσ ὡσ ἀδελφόσ; τίνα δὲ φοβήσεταί τισ ἀδικεῖν ἀδελφοῦ μεγάλου ὄντοσ οὕτωσ ὡσ τὸν ἀδελφόν;