Xenophon, Cyropaedia, Κύρου Παιδείασ Η, chapter 7 16:

εἰ οὖν καὶ ἄλλουσ τινὰσ πειράσῃ συμφύλακασ τῆσ βασιλείασ ποιεῖσθαι μηδαμόθεν πρότερον ἄρχου ἢ ἀπὸ τοῦ ὁμόθεν γενομένου. καὶ πολῖταί τοι ἄνθρωποι ἀλλοδαπῶν οἰκειότεροι καὶ σύσσιτοι ἀποσκήνων· οἱ δὲ ἀπὸ τοῦ αὐτοῦ σπέρματοσ φύντεσ καὶ ὑπὸ τῆσ αὐτῆσ μητρὸσ τραφέντεσ καὶ ἐν τῇ αὐτῇ οἰκίᾳ αὐξηθέντεσ καὶ ὑπὸ τῶν αὐτῶν γονέων ἀγαπώμενοι καὶ τὴν αὐτὴν μητέρα καὶ τὸν αὐτὸν πατέρα προσαγορεύοντεσ, πῶσ οὐ πάντων οὗτοι οἰκειότατοι;