호흡부호 보기
강세부호 보기
장단부호 보기
작은 Iota 보기
모든 부호 보기
ἐτίμα δὲ καὶ τῶν οἰκετῶν ἀπὸ τῆσ τραπέζησ ὁπότε τινὰ ἐπαινέσειε· καὶ τὸν πάντα δὲ σῖτον τῶν οἰκετῶν ἐπὶ τὴν αὑτοῦ τράπεζαν ἐπετίθετο, οἰόμενοσ ὥσπερ καὶ τοῖσ κυσὶν ἐμποιεῖν τινα καὶ τοῦτο εὔνοιαν. εἰ δὲ καὶ θεραπεύεσθαί τινα βούλοιτο τῶν φίλων ὑπὸ πολλῶν, καὶ τούτοισ ἔπεμπεν ἀπὸ τραπέζησ· καὶ νῦν γὰρ ἔτι οἷσ ἂν ὁρῶσι πεμπόμενα ἀπὸ τῆσ βασιλέωσ τραπέζησ, τούτουσ πάντεσ μᾶλλον θεραπεύουσι, νομίζοντεσ αὐτοὺσ ἐντίμουσ εἶναι καὶ ἱκανοὺσ διαπράττειν, ἤν τι δέωνται. ἔτι δὲ καὶ οὐ τούτων μόνον ἕνεκα τῶν εἰρημένων εὐφραίνει τὰ πεμπόμενα παρὰ βασιλέωσ, ἀλλὰ τῷ ὄντι καὶ ἡδονῇ πολὺ διαφέρει τὰ ἀπὸ τῆσ βασιλέωσ τραπέζησ.
호흡부호 보기
강세부호 보기
장단부호 보기
작은 Iota 보기
모든 부호 보기