헬라어 문장 검색 - Σεπτύ048́048́

(70인역 성경, 에제키엘서 48:)

ΚΑΙ ταῦτα τὰ ὀνόματα τῶν φυλῶν. ἀπὸ τῆσ ἀρχῆσ τῆσ πρὸσ βορρᾶν κατὰ τὸ μέροσ τῆσ καταβάσεωσ τοῦ περισχίζοντοσ ἐπὶ τὴν εἴσοδον τῆσ Ἠμὰθ αὐλῆσ τοῦ Αἰνάν, ὅριον Δαμασκοῦ πρὸσ βορρᾶν κατὰ μέροσ Ἠμὰθ αὐλῆσ, καὶ ἔσται αὐτοῖσ τὰ πρὸσ ἀνατολὰσ ἕωσ πρὸσ θάλασσαν Δάν, μία. καὶ ἀπὸ τῶν ὁρίων τοῦ Δὰν τὰ πρὸσ ἀνατολὰσ ἕωσ τῶν πρὸσ θάλασσαν Ἀσσήρ, μία. καὶ ἀπὸ τῶν ὁρίων Ἀσσὴρ ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Νεφθαλίμ, μία. καὶ ἀπὸ τῶν ὁρίων Νεφθαλὶμ ἀπὸ ἀνατολῶν ἕωσ τῶν πρὸσ θάλασσαν Μανασσῆ, μία. καὶ ἀπὸ τῶν ὁρίων Μανασσῆ ἀπὸ τῶν πρὸσ ἀνατολὰσ ὥσ τῶν πρὸσ θάλασσαν Ἐφραίμ, μία. καὶ ἀπὸ τῶν ὁρίων Ἐφραὶμ ἀπό τῶν πρὸσ ἀνατολὰσ ἕωσ τῶν πρὸσ θάλασσαν Ρουβήν, μία. καὶ ἀπὸ τῶν ὁρίων Ρουβὴν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Ἰούδα, μία. καὶ ἀπὸ τῶν ὁρίων Ἰούδα ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν ἔσται ἡ ἀπαρχὴ τοῦ ἀφορισμοῦ, πέντε καὶ εἴκοσι χιλιάδεσ εὖροσ καὶ μῆκοσ καθὼσ μία τῶν μερίδων ἀπὸ τῶν πρὸσ ἀνατολὰσ καὶ ἕωσ τῶν πρὸσ θάλασσαν, καὶ ἔσται τὸ ἅγιον ἐν μέσῳ αὐτῶν. ἀπαρχή, ἣν ἀφοριοῦσι τῷ Κυρίῳ, μῆκοσ πέντε καὶ εἴκοσι χιλιάδεσ καὶ εὗροσ εἴκοσι καὶ πέντε χιλιάδεσ. τούτων ἔσται ἡ ἀπαρχὴ τῶν ἁγίων. τοῖσ ἱερεῦσι, πρὸσ βορρᾶν πέντε καὶ εἴκοσι χιλιάδεσ καὶ πρὸσ θάλασσαν πλάτοσ δέκα χιλιάδεσ καὶ πρὸσ ἀνατολὰσ πλάτοσ δέκα χιλιάδεσ καὶ πρὸσ νότον μῆκοσ εἴκοσι καὶ πέντε χιλιάδεσ, καὶ τὸ ὄροσ τῶν ἁγίων ἔσται ἐν μέσῳ αὐτοῦ. τοῖσ ἱερεῦσι τοῖσ ἡγιασμένοισ, υἱοῖσ Σαδδούκ, τοῖσ φυλάσσουσι τὰσ φυλακὰσ τοῦ οἴκου, οἵτινεσ οὐκ ἐπλανήθησαν ἐν τῇ πλανήσει υἱῶν Ἰσραήλ, ὃν τρόπον ἐπλανήθησαν οἱ Λευῖται, καὶ ἔσται αὐτοῖσ ἡ ἀπαρχὴ δεδομένη ἐκ τῶν ἀπαρχῶν τῆσ γῆσ, ἅγιον ἁγίων ἀπὸ τῶν ὁρίων τῶν Λευιτῶν. τοῖσ δὲ Λευίταισ τὰ ἐχόμενα τῶν ὁρίων τῶν ἱερέων, μῆκοσ πέντε καὶ εἴκοσι χιλιάδεσ, καὶ εὗροσ δέκα χιλιάδεσ. πᾶν τὸ μῆκοσ πέντε καὶ εἴκοσι χιλιάδεσ καὶ εὖροσ εἴκοσι χιλιάδεσ. οὐ πραθήσεται ἐξ αὐτοῦ οὐδὲ καταμετρηθήσεται, οὐδὲ ἀφαιρεθήσεται τὰ πρωτογεννήματα τῆσ γῆσ, ὅτι ἅγιόν ἐστι τῷ Κυρίῳ. τὰσ δὲ πέντε χιλιάδασ τὰσ περισσὰσ ἐπὶ τῷ πλάτει ἐπὶ ταῖσ πέντε, καὶ εἴκοσι χιλιάσι, προτείχισμα ἔσται τῇ πόλει εἰσ τὴν κατοικίαν καὶ εἰσ διάστημα αὐτοῦ, καὶ ἔσται ἡ πόλισ ἐν μέσῳ αὐτοῦ. καὶ ταῦτα τὰ μέτρα αὐτῆσ. ἀπὸ τῶν πρὸσ βορρᾶν πεντακόσιοι καὶ τετρακισχίλιοι, καὶ ἀπὸ τῶν πρὸσ νότον πεντακόσιοι καὶ τέσσαρεσ χιλιάδεσ, καὶ ἀπὸ τῶν πρὸσ ἀνατολάσ πεντακόσιοι καὶ τέσσαρεσ χιλιάδεσ, καὶ ἀπὸ τῶν πρὸσ θάλασσαν τετρακισχιλίουσ πεντακόσιουσ. καὶ ἔσται διάστημα τῇ πόλει πρὸσ βορρᾶν διακόσιοι πεντήκοντα καὶ πρὸσ νότον διακόσιοι καὶ πεντήκοντα καὶ πρὸσ ἀνατολὰσ διακόσιοι πεντήκοντα καὶ πρὸσ θάλασσαν διακόσιοι πεντήκοντα. καὶ τὸ περισσὸν τοῦ μήκουσ τὸ ἐχόμενον τῶν ἀπαρχῶν τῶν ἁγίων δέκα χιλιάδεσ πρὸσ ἀνατολὰσ καὶ δέκα χιλιάδεσ πρὸσ θάλασσαν. καὶ ἔσονται αἱ ἀπαρχαὶ τοῦ ἁγίου καὶ ἔσται τὰ γεννήματα αὐτῆσ εἰσ ἄρτουσ τοῖσ ἐργαζομένοισ τὴν πόλιν. οἱ δὲ ἐργαζόμενοι τὴν πόλιν ἐργῶνται αὐτὴν ἐκ πασῶν τῶν φυλῶν τοῦ Ἰσραήλ. πᾶσα ἡ ἀπαρχὴ πέντε καὶ εἴκοσι χιλιάδεσ ἐπὶ πέντε καὶ εἴκοσι χιλιάδασ. τετράγωνον ἀφοριεῖτε αὐτοῦ τὴν ἀπαρχὴν τοῦ ἁγίου ἀπὸ τῆσ κατασχέσεωσ τῆσ πόλεωσ. τὸ δὲ περισσὸν τῷ ἀφηγουμένῳ ἐκ τούτου καὶ ἐκ τούτου ἀπὸ τῶν ἀπαρχῶν τοῦ ἁγίου καὶ εἰσ τὴν κατάσχεσιν τῆσ πόλεωσ ἐπὶ πέντε καὶ εἴκοσι χιλιάδασ μῆκοσ ἕωσ τῶν ὁρίων τῶν πρὸσ ἀνατολὰσ καὶ πρὸσ θάλασσαν ἐπὶ πέντε καὶ εἴκοσι χιλιάδασ ἕωσ τῶν ὁρίων τῶν πρὸσ θάλασσαν ἐχόμενα τῶν μερίδων τοῦ ἀφηγουμένου. καὶ ἔσται ἡ ἀπαρχὴ τῶν ἁγίων καὶ τὸ ἁγίασμα τοῦ οἴκου ἐν μέσῳ αὐτῆσ. καὶ ἀπὸ τῆσ κατασχέσεωσ τῶν Λευιτῶν καὶ ἀπὸ τῆσ κατασχέσεωσ τῆσ πόλεωσ ἐν μέσῳ τῶν ἀφηγουμένων ἔσται. ἀναμέσον τῶν ὁρίων Ἰούδα καὶ ἀναμέσον τῶν ὁρίων Βενιαμὶν τῶν ἀφηγουμένων ἔσται. ‐ Καὶ τὸ περισσὸν τῶν φυλῶν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Βενιαμίν, μία. καὶ ἀπὸ τῶν ὁρίων τῶν Βενιαμὶν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Συμεών, μία. καὶ ἀπὸ τῶν ὁρίων τῶν Συμεὼν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Ἰσσάχαρ, μία. καὶ ἀπὸ τῶν ὁρίων τῶν Ἰσσάχαρ ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Ζαβουλών, μία. καὶ ἀπὸ τῶν ὁρίων τῶν Ζαβουλὼν ἀπὸ τῶν πρὸσ ἀνατολὰσ ἕωσ τῶν πρὸσ θάλασσαν Γάδ, μία. καὶ ἀπὸ τῶν ὁρίων τῶν Γὰδ ἀπὸ τῶν πρὸσ ἀνατολὰσ ἕωσ τῶν πρὸσ λίβα καὶ ἔσται τὰ ὅρια αὐτοῦ ἀπὸ Θαιμὰν καὶ ὕδατοσ Μαριμὼθ Κάδησ κληρονομίασ ἕωσ τῆσ θαλάσσησ τῆσ μεγάλησ. αὕτη ἡ γῆ, ἣν βαλεῖτε ἐν κλήρῳ ταῖσ φυλαῖσ τοῦ Ἰσραήλ, καὶ οὗτοι οἱ διαμερισμοὶ αὐτῶν, λέγει Κύριοσ Θεόσ. ‐ Καὶ αὗται αἱ διεκβολαὶ τῆσ πόλεωσ αἱ πρὸσ βορρᾶν, τετρακισχίλιοι καὶ πεντακόσιοι μέτρῳ. καὶ αἱ πύλαι τῆσ πόλεωσ ἐπ̓ ὀνόματι φυλῶν τοῦ Ἰσραήλ. πύλαι τρεῖσ πρὸσ βορρᾶν, πύλη Ρουβὴν μία καὶ πύλη Ἰούδα μία καὶ πύλη Λευί̈ μία. καὶ τὰσ πρὸσ ἀνατολὰσ τετρακισχίλιοι καὶ πεντακόσιοι. καὶ πύλαι τρεῖσ, πύλη Ἰωσὴφ μία καὶ πύλη Βενιαμὶν μία καὶ πύλη Δὰν μία. καὶ τὰ πρὸσ νότον τετρακισχίλιοι καὶ πεντακόσιοι μέτρῳ. καὶ πύλαι τρεῖσ, πύλη Συμεὼν μία καὶ πύλη Ἰσσάχαρ μία καὶ πύλη Ζαβουλὼν μία. καὶ τὰ πρὸσ θάλασσαν τετρακισχίλιοι καὶ πεντακόσιοι μέτρῳ. πύλαι τρεῖσ, πύλη Γὰδ μία καὶ πύλη Ἀσσὴρ μία καὶ πύλη Νεφθαλὶμ μία. κύκλωμα δέκα καὶ ὀκτὼ χιλιάδεσ. καὶ τὸ ὄνομα τῆσ πόλεωσ, ἀφ̓ ἧσ ἂν ἡμέρασ γένηται, ἔσται τὸ ὄνομα αὐτῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 48:

(70인역 성경, 에제키엘서 48:)

목록

SEARCH

MENU NAVIGATION