Septuagint, Prophetia Abdiae

(70인역 성경, 오바드야서)

ΟΡΑΣΙΣ Ὀβδιού. ‐ Τάδε λέγει Κύριοσ ὁ Θεὸσ τῇ Ἰδουμαίᾳ. ἀκοὴν ἤκουσα παρὰ Κυρίου, καὶ περιοχὴν εἰσ τὰ ἔθνη ἐξαπέστειλεν. ἀνάστητε, καὶ ἐξαναστῶμεν ἐπ̓ αὐτὴν εἰσ πόλεμον. ἰδοὺ ὀλιγοστὸν δέδωκά σε ἐν τοῖσ ἔθνεσιν, ἠτιμωμένοσ εἶ σὺ σφόδρα. ὑπερηφανία τῆσ καρδίασ σου ἐπῇρέ σε κατασκηνοῦντα ἐν ταῖσ ὀπαῖσ τῶν πετρῶν, ὑψῶν κατοικίαν αὐτοῦ, λέγων ἐν καρδίᾳ αὐτοῦ. τίσ κατάξει με ἐπὶ τὴν γῆν̣ ἐὰν μετεωρισθῇσ ὡσ ἀετὸσ καὶ ἐὰν ἀνὰ μέσον τῶν ἄστρων θῇσ νοσσιάν σου, ἐκεῖθεν κατάξω σε, λέγε Κύριοσ. εἰ κλέπται εἰσῆλθον πρόσ σε ἢ λῃσταὶ νυκτόσ, ποῦ ἂν ἀπερρίφησ̣ οὐκ ἂν ἔκλεψαν τὰ ἱκανὰ ἑαυτοῖσ̣ καὶ εἰ τρυγηταὶ εἰσῆλθον πρὸσ σέ, οὐκ ἂν ὑπελίποντο ἐπιφυλλίδα̣ πῶσ ἐξηρευνήθη Ἡσαῦ καὶ κατελήφθη τὰ κεκρυμμένα αὐτοῦ̣ ἕωσ τῶν ὁρίων ἐξαπέστειλάν σε πάντεσ οἱ ἄνδρεσ τῆσ διαθήκησ σου, ἀντέστησάν σοι, ἠδυνάσθησαν πρόσ σε ἄνδρεσ εἰρηνικοί σου, ἔθηκαν ἔνεδρα ὑποκάτω σου, οὐκ ἔστι σύνεσισ αὐτοῖσ. ἐν τῇ ἡμέρᾳ ἐκείνῃ, λέγει Κύριοσ, ἀπολῶ σοφοὺσ ἐκ τῆσ Ἰδουμαίασ καὶ σύνεσιν ἐξ ὄρουσ Ἡσαῦ. καὶ πτοηθήσονται οἱ μαχηταί σου οἱ ἐκ Θαιμάν, ὅπωσ ἐξαρθῇ ἄνθρωποσ ἐξ ὄρουσ Ἡσαῦ διὰ τὴν σφαγὴν καὶ τὴν ἀσέβειαν τὴν εἰσ τὸν ἀδελφόν σου Ἰακώβ, καὶ καλύψει σε αἰσχύνη καὶ ἐξαρθήσῃ εἰσ τὸν αἰῶνα. ‐ Ἀφ̓ ἧσ ἡμέρασ ἀντέστησ ἐξεναντίασ ἐν ἡμέραισ αἰχμαλωτευόντων ἀλλογενῶν δύναμιν αὐτοῦ καὶ ἀλλότριοι εἰσῆλθον εἰσ πύλασ αὐτοῦ καὶ ἐπὶ Ἱερουσαλὴμ ἔβαλον κλήρουσ, καὶ σὺ ἦσ ὡσ εἷσ ἐξ αὐτῶν. καὶ μὴ ἐπίδῃσ ἡμέραν ἀδελφοῦ σου ἐν ἡμέρᾳ ἀλλοτρίων καὶ μὴ ἐπιχαρῇσ ἐπὶ τοὺσ υἱοὺσ Ἰούδα ἐν ἡμέρᾳ ἀπωλείασ αὐτῶν καὶ μὴ μεγαλορρημονήσῃσ ἐν ἡμέρᾳ θλίψεωσ, μηδὲ εἰσέλθῃσ εἰσ πύλασ λαῶν ἐν ἡμέρᾳ πόνων αὐτῶν, μηδὲ ἐπίδῃσ καὶ σὺ τὴν συναγωγὴν αὐτῶν ἐν ἡμέρᾳ ὀλέθρου αὐτῶν καὶ μὴ συνεπιθῇ ἐπὶ τὴν δύναμιν αὐτῶν ἐν ἡμέρᾳ ἀπωλείασ αὐτῶν. μηδὲ ἐπιστῇσ ἐπὶ τὰσ διεκβολὰσ αὐτῶν τοῦ ἐξολοθρεῦσαι τοὺσ ἀνασῳζομένουσ αὐτῶν, μηδὲ συγκλείσῃσ τοὺσ φεύγοντασ ἐξ αὐτῶν ἐν ἡμέρᾳ θλίψεωσ. διότι ἐγγὺσ ἡμέρα Κυρίου ἐπὶ πάντα τὰ ἔθνη. ὃν τρόπον ἐποίησασ, οὕτωσ ἔσται σοι. τὸ ἀνταπόδομά σου ἀνταποδοθήσεται εἰσ κεφαλήν σου. διότι ὃν τρόπον ἔπιεσ ἐπὶ τὸ ὄροσ τὸ ἅγιόν μου, πίονται πάντα τὰ ἔθνη οἶνον. πίονται καὶ καταβήσονται καὶ ἔσονται καθὼσ οὐχ ὑπάρχοντεσ. ‐ Ἐν δὲ τῷ ὄρει Σιὼν ἔσται ἡ σωτηρία, καὶ ἔσται ἅγιον. καὶ κατακληρονομήσουσιν ὁ οἶκοσ Ἰακὼβ τοὺσ κατακληρονομήσαντασ αὐτούσ. καὶ ἔσται ὁ οἶκοσ Ἰακὼβ πῦρ, ὁ δὲ οἶκοσ Ἰωσὴφ φλόξ, ὁ δὲ οἶκοσ Ἡσαῦ εἰσ καλάμην, καὶ ἐκκαυθήσονται εἰσ αὐτοὺσ καὶ καταφάγονται αὐτούσ, καὶ οὐκ ἔσται πυροφόροσ ἐν τῷ οἴκῳ Ἡσαῦ, διότι Κύριοσ ἐλάλησε. καὶ κατακληρονομήσουσιν οἱ ἐν Ναγὲβ τὸ ὄροσ τὸ Ἡσαῦ καὶ οἱ ἐν τῇ Σεφηλὰ τοὺσ ἀλλοφύλουσ καὶ κατακληρονομήσουσι τὸ ὄροσ Ἐφραὶμ καὶ τὸ πεδίον Σαμαρείασ καὶ Βενιαμὶν καὶ τὴν Γαλααδῖτιν. καὶ τῆσ μετοικεσίασ ἡ ἀρχὴ αὕτη. τοῖσ υἱοῖσ Ἰσραὴλ γῆ τῶν Χαναναίων ἕωσ Σαρεπτῶν καὶ ἡ μετοικεσία Ἱερουσαλὴμ ἕωσ Ἐφραθά, καὶ κληρονομήσουσι τὰσ πόλεισ τοῦ Ναγέβ. καὶ ἀναβήσονται ἀνασῳζόμενοι ἐξ ὄρουσ Σιὼν τοῦ ἐκδικῆσαι τὸ ὄροσ Ἡσαῦ, καὶ ἔσται τῷ Κυρίῳ ἡ βασιλεία.

목록

일치하는 문장이 없습니다.

SEARCH

MENU NAVIGATION