헬라어 문장 검색 - Σεπτύ007́

(70인역 성경, 판관기)

ΚΑΙ ἐγένετο μετὰ τὴν τελευτὴν Ἰησοῦ καὶ ἐπηρώτων οἱ υἱοὶ Ἰσραὴλ διὰ τοῦ Κυρίου λέγοντεσ. τίσ ἀναβήσεται ἡμῖν πρὸσ τοὺσ Χαναναίουσ ἀφηγούμενοσ τοῦ πολεμῆσαι πρὸσ αὐτούσ̣ καὶ εἶπε Κύριοσ. Ἰούδασ ἀναβήσεται. ἰδοὺ δέδωκα τὴν γῆν ἐν χειρὶ αὐτοῦ. καὶ εἶπεν Ἰούδασ τῷ Συμεὼν ἀδελφῷ αὐτοῦ. ἀνάβηθι μετ̓ ἐμοῦ ἐν τῷ κλήρῳ μου, καὶ παραταξώμεθα πρὸσ τοὺσ Χαναναίουσ, καὶ πορεύσομαι κἀγὼ μετὰ σοῦ ἐν τῷ κλήρῳ σου. καὶ ἐπορεύθη μετ̓ αὐτοῦ Συμεών. καὶ ἀνέβη Ἰούδασ, καὶ παρέδωκε Κύριοσ τὸν Χαναναῖον καὶ τὸν Φερεζαῖον εἰσ τὰσ χεῖρασ αὐτῶν. καὶ ἔκοψαν αὐτοὺσ ἐν Βεζὰκ εἰσ δέκα χιλιάδασ ἀνδρῶν. καὶ κατέλαβον τὸν Ἀδωνιβεζὲκ ἐν τῇ Βεζὲκ καὶ παρετάξαντο πρὸσ αὐτὸν καὶ ἔκοψαν τὸν Χαναναῖον καὶ Φερεζαῖον. καὶ ἔφυγεν Ἀδωνιβεζέκ, καὶ κατέδραμον ὀπίσω αὐτοῦ καὶ ἐλάβοσαν αὐτὸν καὶ ἀπέκοψαν τὰ ἄκρα τῶν χειρῶν αὐτοῦ καὶ τὰ ἄκρα τῶ ποδῶν αὐτοῦ. καὶ εἶπεν Ἀδωνιβεζέκ. ἑβδομήκοντα βασιλεῖσ τὰ ἄκρα τῶν χειρῶν αὐτῶν καὶ τὰ ἄκρα τῶν ποδῶν αὐτῶν ἀποκεκομμένοι ἦσαν συλλέγοντεσ τὰ ὑποκάτω τῆσ τραπέζησ μου. καθὼσ οὖν ἐποίησα, οὕτωσ ἀνταπέδωκέ μοι ὁ Θεόσ. καὶ ἄγουσιν αὐτὸν εἰσ Ἱερουσαλήμ, καὶ ἀπέθανεν ἐκεῖ. Καὶ ἐπολέμουν υἱοὶ Ἰούδα τὴν Ἱερουσαλὴμ κα’Ι κατελάβοντο αὐτὴν καὶ ἐπάταξαν αὐτὴν ἐν στόματι ρομφαίασ καὶ τὴν πόλιν ἐνέπρησαν ἐν πυρί. καὶ μετὰ ταῦτα κατέβησαν οἱ υἱοὶ Ἰούδα πολεμῆσαι πρὸσ τὸν Χαναναῖον τὸν κατοικοῦντα τὴν ὀρεινὴν καὶ τὸ νότιον καὶ τὴν πεδινήν. καὶ ἐπορεύθη Ἰούδασ πρὸσ τὸν Χαναναῖον τὸν κατοικοῦντα ἐν Χεβρών, καὶ ἐξῆλθε Χεβρὼν ἐξ ἐναντίασ. καὶ τὸ ὄνομα ἦν Χεβρὼν τὸ πρότερον Καριαθαρβοκσεφέρ. καὶ ἐπάταξαν τὸν Σεσσὶ καὶ Ἀχιναὰν καὶ Θολμί, γεννήματα τοῦ Ἐνάκ. καὶ ἀνέβησαν ἐκεῖθεν πρὸσ τοὺσ κατοικοῦντασ Δαβίρ. τὸ δὲ ὄνομα τῆσ Δαβὶρ ἦν ἔμπροσθεν Καριαθσεφάρ, Πόλισ γραμμάτων. καὶ εἶπε Χάλεβ. ὃσ ἂν πατάξῃ τὴν Πόλιν τῶν γραμμάτων καὶ προκαταλάβηται αὐτήν, δώσω αὐτῷ τὴν Ἀσχὰ θυγατέρα μου εἰσ γυναῖκα. καὶ προκατελάβετο αὐτὴν Γοθονιὴλ υἱὸσ Κενὲζ ἀδελφοῦ Χάλεβ ὁ νεώτεροσ, καὶ ἔδωκεν αὐτῷ Χάλεβ τὴν Ἀσχὰ θυγατέρα αὐτοῦ εἰσ γυναῖκα. καὶ ἐγένετο ἐν τῇ εἰσόδῳ αὐτῆσ καὶ ἐπέσεισεν αὐτὴν Γοθονιὴλ τοῦ αἰτῆσαι παρὰ τοῦ πατρὸσ αὐτῆσ ἀγρόν, καὶ ἐγόγγυζε καὶ ἔκραξεν ἀπὸ τοῦ ὑποζυγίου. εἰσ γῆν νότου ἐκδέδοσαί με. καὶ εἶπεν αὐτῇ Χάλεβ. τί ἐστί σοι̣ καὶ εἶπεν αὐτῷ Ἀσχά. δὸσ δή μοι εὐλογίαν, ὅτι εἰσ γῆν νότου ἐκδέδοσαί με, καὶ δώσεισ μοι λύτρωσιν ὕδατοσ. καὶ ἔδωκεν αὐτῇ Χάλεβ κατὰ τὴν καρδίαν αὐτῆσ λύτρωσιν μετεώρων καὶ λύτρωσιν ταπεινῶν. Καὶ οἱ υἱοὶ Ἰοθὸρ τοῦ Κιναίου τοῦ γαμβροῦ Μωυσῆ ἀνέβησαν ἐκ πόλεωσ τῶν φοινίκων μετὰ τῶν υἱῶν Ἰούδα εἰσ τὴν ἔρημον τὴν οὖσαν ἐν τῷ νότῳ Ἰούδα, ἥ ἐστιν ἐπὶ καταβάσεωσ Ἀράδ, καὶ κατῴκησαν μετὰ τοῦ λαοῦ. καὶ ἐπορεύθη Ἰούδασ μετὰ Συμεὼν τοῦ ἀδελφοῦ αὐτοῦ καὶ ἔκοψε τὸν Χαναναῖον τὸν κατοικοῦντα Σεφέκ. καὶ ἐξωλόθρευσεν αὐτούσ, καὶ ἐκάλεσε τὸ ὄνομα τῆσ πόλεωσ Ἀνάθεμα. καὶ οὐκ ἐκληρονόμησεν Ἰούδασ τὴν Γάζαν οὐδὲ τὰ ὅρια αὐτῆσ, οὐδὲ τὴν Ἀσκάλωνα ουδὲ τὰ ὅρια αὐτῆσ, οὐδὲ τὴν Ἀκκαρὼν οὐδὲ τὰ ὅρια αὐτῆσ, τὴν Ἄζωτον οὐδὲ τὰ περισπόρια αὐτῆσ. καὶ ἦν Κύριοσ μετὰ Ἰούδα καὶ ἐκληρονόμησε τὸ ὄροσ, ὅτι οὐκ ἠδυνάσθησαν ἐξολοθρεῦσαι τοὺσ κατοικοῦντασ τὴν κοιλάδα, ὅτι Ρηχὰβ διεστείλατο αὐτοῖσ. καὶ ἔδωκαν τῷ Χάλεβ τὴν Χεβρών, καθὼσ ἐλάλησε Μωυσῆσ, καὶ ἐκληρονόμησεν ἐκεῖθεν τὰσ τρεῖσ πόλεισ τῶν υἱῶν Ἐνάκ. καὶ τὸν Ἰεβουσαῖον τὸν κατοικοῦντα ἐν Ἱερουσαλὴμ οὐκ ἐκληρονόμησαν οἱ υἱοὶ Βενιαμίν, καὶ κατῴκησεν ὁ Ἰεβουσαῖοσ μετὰ τῶν υἱῶν Βενιαμὶν ἐν Ἱερουσαλὴμ ἕωσ τῆσ ἡμέρασ ταύτησ. καὶ ἀνέβησαν οἱ υἱοὶ Ἰωσὴφ καί γε αὐτοὶ εἰσ Βαιθήλ, καὶ Κύριοσ ἦν μετ̓ αὐτῶν. καὶ παρενέβαλον καὶ κατεσκέψαντο Βαιθήλ. τὸ δὲ ὄνομα τῆσ πόλεωσ ἦν ἔμπροσθεν Λουζά. καὶ εἶδον οἱ φυλάσσοντεσ, καὶ ἰδοὺ ἀνὴρ ἐξεπορεύετο ἐκ τῆσ πόλεωσ. καὶ ἔλαβον αὐτὸν καὶ εἶπον αὐτῷ. δεῖξον ἡμῖν τῆσ πόλεωσ τὴν εἴσοδον, καὶ ποιήσομεν μετὰ σοῦ ἔλεοσ. καὶ ἔδειξεν αὐτοῖσ τὴν εἴσοδον τῆσ πόλεωσ, καὶ ἐπάταξαν τὴν πόλιν ἐν στόματι ρομφαίασ, τὸν δὲ ἄνδρα καὶ τὴν συγγένειαν αὐτοῦ ἐξαπέστειλαν. καὶ ἐπορεύθη ὁ ἀνὴρ εἰσ γῆν Χεττὶν καὶ ᾠκοδόμησεν ἐκεῖ πόλιν καὶ ἐκάλεσε τὸ ὄνομα αὐτῆσ Λουζά. τοῦτο ὄνομα αὐτῆσ ἕωσ τῆσ ἡμέρασ ταύτησ. καὶ οὐκ ἐξῇρε Μανασσῆ τὴν Βαιθσάν, ἥ ἐστι Σκυθῶν πόλισ, οὐδὲ τὰσ θυγατέρασ αὐτῆσ οὐδὲ τὰ περίοικα αὐτῆσ οὐδὲ τὴν Θανὰκ οὐδὲ τὰσ θυγατέρασ αὐτῆσ, οὐδὲ τοὺσ κατοικοῦντασ Δὼρ οὐδὲ τὰσ θυγατέρασ αὐτῆσ, οὐδὲ τὸν κατοικοῦντα Βαλὰκ οὐδὲ τὰ περίοικα αὐτῆσ οὐδὲ τὰσ θυγατέρασ αὐτῆσ, οὐδὲ τοὺσ κατοικοῦντασ Μαγεδὼ οὐδὲ τὰ περίοικα αὐτῆσ καὶ τὰσ θυγατέρασ αὐτῆσ, οὐδὲ τοὺσ κατοικοῦντασ Ἰεβλαὰμ οὐδὲ τὰ περίοικα αὐτῆσ οὐδὲ τὰσ θυγατέρασ αὐτῆσ. καὶ ἤρξατο ὁ Χαναναῖοσ κατοικεῖν ἐν τῇ γῇ ταύτῃ. καὶ ἐγένετο ὅτε ἐνίσχυσεν Ἰσραήλ, καὶ ἐποίησε τὸν Χαναναῖον εἰσ φόρον καὶ ἐξαίρων οὐκ ἐξῇρεν αὐτόν. καὶ Ἐφραὶμ οὐκ ἐξῇρε τὸν Χαναναῖον τὸν κατοικοῦντα ἐν Γαζέρ. καὶ κατῴκησεν ὁ Χαναναῖοσ ἐν μέσῳ αὐτοῦ ἐν Γαζὲρ καὶ ἐγένετο εἰσ φόρον. καὶ Ζαβουλὼν οὐκ ἐξῇρε τοὺσ κατοικοῦντασ Κέδρων, οὐδὲ τοὺσ κατοικοῦντασ Δωμανά. καὶ κατῴκησεν ὁ Χαναναῖοσ ἐν μέσῳ αὐτῶν καὶ ἐγένετο αὐτῷ εἰσ φόρον. καὶ Ἀσὴρ οὐκ ἐξῇρε τοὺσ κατοικοῦντασ Ἀκχώ, καὶ ἐγένετο αὐτῷ εἰσ φόρον, καὶ τοὺσ κατοικοῦντασ Δὼρ καὶ τοὺσ κατοικοῦντασ Σιδῶνα καὶ τοὺσ κατοικοῦντασ Ἀαλάφ, τὸν Ἀσχαζὶ καὶ τὸν Χελβὰ καὶ τὸν Ναί̈ καὶ τὸν Ἐρεώ. καὶ κατῴκησεν ὁ Ἀσὴρ ἐν μέσῳ τοῦ Χαναναίου τοῦ κατοικοῦντοσ τὴν γῆν, ὅτι οὐκ ἠδυνήθη ἐξᾶραι αὐτόν. καὶ Νεφθαλὶ οὐκ ἐξῇρε τοὺσ κατοικοῦντασ Βαιθσαμὺσ καὶ τοὺσ κατοικοῦντασ Βαιθανάθ, καὶ κατῴκησε Νεφθαλὶ ἐν μέσῳ τοῦ Χαναναίου τοῦ κατοικοῦντοσ τὴν γῆν. οἱ δὲ κατοικοῦντεσ Βαιθσαμὺσ καὶ τὴν Βαιθενὲθ ἐγένοντο αὐτοῖσ εἰσ φόρον. καὶ ἐξέθλιψεν ὁ Ἀμορραῖοσ τοὺσ υἱοὺσ Δὰν εἰσ τὸ ὄροσ, ὅτι οὐκ ἀφῆκαν αὐτὸν καταβῆναι εἰσ τὴν κοιλάδα. καὶ ἤρξατο ὁ Ἀμορραῖοσ κατοικεῖν ἐν τῷ ὄρει τῷ ὀστρακώδει, ἐν ᾧ αἱ ἄρκοι καὶ ἐν ᾧ αἱ ἀλώπεκεσ, ἐν τῷ Μυρσινῶνι καὶ ἐν Θαλαβίν. καὶ ἐβαρύνθη ἡ χεὶρ οἴκου Ἰωσὴφ ἐπὶ τὸν Ἀμορραῖον, καὶ ἐγενήθη αὐτοῖσ εἰσ φόρον. καὶ τὸ ὅριον τοῦ Ἀμορραίου ἀπὸ τῆσ ἀναβάσεωσ Ἀκραβὶν ἀπὸ τῆσ Πέτρασ καὶ ἐπάνω. ΚΑΙ ἀνέβη ἄγγελοσ Κυρίου ἀπὸ Γαλγὰλ ἐπὶ τὸν Κλαυθμῶνα καὶ ἐπὶ Βαιθὴλ καἱ ἐπὶ τὸν οἶκον Ἰσραὴλ καὶ εἶπε πρὸσ αὐτούσ. τάδε λέγει Κύριοσ. ἀνεβίβασα ὑμᾶσ ἐξ Αἰγύπτου καὶ εἰσήγαγον ὑμᾶσ εἰσ τὴν γῆν, ἣν ὤμοσα τοῖσ πατράσιν ὑμῶν, καὶ εἶπα. οὐ διασκεδάσω τὴν διαθήκην μου τὴν μεθ̓ ὑμῶν εἰσ τὸν αἰῶνα.

καὶ ὑμεῖσ οὐ διαθήσεσθε διαθήκην τοῖσ ἐγκαθημένοισ εἰσ τὴν γῆν ταύτην, οὐδὲ τοῖσ θεοῖσ αὐτῶν προσκυνήσετε, ἀλλὰ τὰ γλυπτὰ αὐτῶν συντρίψετε, τὰ θυσιαστήρια αὐτῶν καθελεῖτε. καὶ οὐκ εἰσηκούσατε τῆσ φωνῆσ μου, ὅτι ταῦτα ἐποιήσατε. κἀγὼ εἶπον. οὐ μὴ ἐξάρω αὐτοὺσ ἐκ προσώπου ὑμῶν, καὶ ἔσονται ὑμῖν εἰσ συνοχάσ, καὶ οἱ θεοὶ αὐτῶν ἔσονται ὑμῖν εἰσ σκάνδαλον. καὶ ἐγένετο ὡσ ἐλάλησεν ὁ ἄγγελοσ Κυρίου τοὺσ λόγουσ τούτουσ πρὸσ πάντασ υἱοὺσ Ἰσραήλ, καὶ ἐπῇραν ὁ λαὸσ τὴν φωνὴν αὐτῶν καὶ ἔκλαυσαν. καὶ ἐπωνόμασαν τὸ ὄνομα τοῦ τόπου ἐκείνου, Κλαυθμῶνεσ. καὶ ἐθυσίασαν ἐκεῖ τῷ Κυρίῳ. Καὶ ἐξαπέστειλεν Ἰησοῦσ τὸν λαόν, καὶ ἦλθεν ἀνὴρ εἰσ τὴν κληρονομίαν αὐτοῦ κατακληρονομῆσαι τὴν γῆν. καὶ ἐδούλευσεν ὁ λαὸσ τῷ Κυρίῳ πάσασ τὰσ ἡμέρασ Ἰησοῦ καὶ πάσασ τὰσ ἡμέρασ τῶν πρεσβυτέρων, ὅσοι ἐμακροημέρευσαν μετὰ Ἰησοῦ, ὅσοι ἔγνωσαν πᾶν τὸ ἔργον Κυρίου τὸ μέγα, ὃ ἐποίησεν ἐν τῷ Ἰσραήλ. καὶ ἐτελεύτησεν Ἰησοῦσ υἱὸσ Ναυὴ δοῦλοσ Κυρίου, υἱὸσ ἑκατὸν δέκα ἐτῶν. καὶ ἔθαψαν αὐτὸν ἐν ὁρίῳ τῆσ κληρονομίασ αὐτοῦ ἐν Θαμναθαρέσ, ἐν ὄρει Ἐφραὶμ ἀπὸ βορρᾶ τοῦ ὄρουσ Γαάσ. καί γε πᾶσα ἡ γενεὰ ἐκείνη προσετέθησαν πρὸσ τοὺσ πατέρασ αὐτῶν, καὶ ἀνέστη γενεὰ ἑτέρα μετ̓ αὐτούσ, οἳ οὐκ ἔγνωσαν τὸν Κύριον καί γε τὸ ἔργον, ὃ ἐποίησεν ἐν τῷ Ἰσραήλ. Καὶ ἐποίησαν οἱ υἱοὶ Ἰσραὴλ τὸ πονηρὸν ἐνώπιον Κυρίου καὶ ἐλάτρευσαν τοῖσ Βααλίμ. καὶ ἐγκατέλιπον τὸν Κύριον τὸν Θεὸν τῶν πατέρων αὐτῶν τὸν ἐξαγαγόντα αὐτοὺσ ἐκ γῆσ Αἰγύπτου καὶ ἐπορεύθησαν ὀπίσω θεῶν ἑτέρων ἀπὸ τῶν θεῶν τῶν ἐθνῶν τῶν περικύκλῳ αὐτῶν καί προσεκύνησαν αὐτοῖσ καὶ παρώργισαν τὸν Κύριον καὶ ἐγκατέλιπον αὐτὸν καὶ ἐλάτρευσαν τῷ Βάαλ καὶ ταῖσ Ἀστάρταισ. καὶ ὠργίσθη θυμῷ Κύριοσ ἐν τῷ Ἰσραὴλ καὶ παρέδωκεν αὐτοὺσ εἰσ χεῖρασ προνομευόντων, καὶ κατεπρονόμευσαν αὐτούσ. καὶ ἀπέδοτο αὐτοὺσ ἐν χερσὶ τῶν ἐχθρῶν αὐτῶν κυκλόθεν, καὶ οὐκ ἠδυνήθησαν ἔτι ἀντιστῆναι κατὰ πρόσωπον τῶν ἐχθρῶν αὐτῶν. ἐν πᾶσιν, οἷσ ἐπορεύοντο, καὶ χεὶρ Κυρίου ἦν ἐπ̓ αὐτοὺσ εἰσ κακά, καθὼσ ἐλάλησε Κύριοσ καὶ καθὼσ ὤμοσε Κύριοσ αὐτοῖσ, καὶ ἐξέθλιψεν αὐτοὺσ σφόδρα. καὶ ἤγειρε Κύριοσ κριτάσ, καὶ ἔσωσεν αὐτοὺσ Κύριοσ ἐκ χειρὸσ τῶν προνομευόντων αὐτούσ. καί γε τῶν κριτῶν οὐχ ὑπήκουσαν, ὅτι ἐξεπόρνευσαν ὀπίσω θεῶν ἑτέρων καὶ προσεκύνησαν αὐτοῖσ. καὶ ἐξέκλιναν ταχὺ ἐκ τῆσ ὁδοῦ, ἧσ ἐπορεύθησαν οἱ πατέρεσ αὐτῶν τοῦ εἰσακούειν τῶν λόγων Κυρίου, οὐκ ἐποίησαν οὕτωσ. καὶ ὅτι ἤγειρε Κύριοσ αὐτοῖσ κριτάσ, καὶ ἦν Κύριοσ μετὰ τοῦ κριτοῦ καὶ ἔσωσεν αὐτοὺσ ἐκ χειρὸσ ἐχθρῶν αὐτῶν πάσασ τὰσ ἡμέρασ τοῦ κριτοῦ, ὅτι παρεκλήθη Κύριοσ ἀπὸ τοῦ στεναγμοῦ αὐτῶν ἀπὸ προσώπου τῶν πολιορκούντων αὐτοὺσ καί ἐκθλιβόντων αὐτούσ. καὶ ἐγένετο ὡσ ἀπέθνησκεν ὁ κριτήσ, καὶ ἀπέστρεψαν καὶ πάλιν διέφθειραν ὑπὲρ τοὺσ πατέρασ αὐτῶν πορεύεσθαι ὀπίσω θεῶν ἑτέρων, λατρεύειν αὐτοῖσ καὶ προσκυνεῖν αὐτοῖσ. οὐκ ἀπέρριψαν τὰ ἐπιτηδεύματα αὐτῶν, καὶ τὰσ ὁδοὺσ αὐτῶν τὰσ σκληράσ. καὶ ὠργίσθη θυμῷ Κύριοσ ἐν τῷ Ἰσραὴλ καὶ εἶπεν. ἀνθ̓ ὧν ὅσα ἐγκατέλιπον τὸ ἔθνοσ τοῦτο τὴν διαθήκην μου, ἣν ἐνετειλάμην τοῖσ πατράσιν αὐτῶν, καὶ οὐκ εἰσήκουσαν τῆσ φωνῆσ μου, καὶ ἐγὼ οὐ προσθήσω τοῦ ἐξᾶραι ἄνδρα ἐκ προσώπου αὐτῶν ἀπὸ τῶν ἐθνῶν, ὧν κατέλιπεν Ἰησοῦσ υἱὸσ Ναυὴ ἐν τῇ γῇ καὶ ἀφῆκε, τοῦ πειράσαι ἐν αὐτοῖσ τὸν Ἰσραήλ, εἰ φυλάσσονται τὴν ὁδὸν Κυρίου πορεύεσθαι ἐν αὐτῇ, ὃν τρόπον ἐφύλαξαν οἱ πατέρεσ αὐτῶν, ἢ οὔ. καὶ ἀφῆκε Κύριοσ τὰ ἔθνη ταῦτα τοῦ μὴ ἐξᾶραι αὐτὰ τὸ τάχοσ καὶ οὐ παρέδωκεν αὐτὰ ἐν χειρὶ Ἰησοῦ. ΚΑΙ ταῦτα τὰ ἔθνη, ἃ ἀφῆκε Κύριοσ αὐτὰ ὥστε πειράσαι ἐν αὐτοῖσ τὸν Ἰσραήλ, πάντασ τοὺσ μή ἐγνωκότασ τοὺσ πολέμουσ Χαναάν.

πλὴν διὰ τὰσ γενεὰσ υἱῶν Ἰσραὴλ τοῦ διδάξαι αὐτοὺσ πόλεμον, πλὴν οἱ ἔμπροσθεν αὐτῶν οὐκ ἔγνωσαν αὐτά. τὰσ πέντε σατραπείασ τῶν ἀλλοφύλων καὶ πάντα τὸν Χαναναῖον καὶ τὸν Σιδώνιον καὶ τὸν Εὐαῖον τὸν κατοικοῦντα τὸν Λίβανον ἀπὸ τοῦ ὄρουσ τοῦ Ἀερμὼν ἕωσ Λαβωεμάθ. καὶ ἐγένετο ὥστε πειράσαι ἐν αὐτοῖσ τὸν Ἰσραήλ, γνῶναι εἰ ἀκούσονται τὰσ ἐντολὰσ Κυρίου, ἃσ ἐνετείλατο τοῖσ πατράσιν αὐτῶν ἐν χειρὶ Μωυσῆ. καὶ οἱ υἱοὶ Ἰσραὴλ κατῴκησαν ἐν μέσῳ τοῦ Χαναναίου καὶ τοῦ Χετταίου καὶ τοῦ Ἀμορραίου καὶ τοῦ Φερεζαίου καὶ τοῦ Εὐαίου καὶ τοῦ Ἰεβουσαίου καὶ ἔλαβον τὰσ θυγατέρασ αὐτῶν ἑαυτοῖσ εἰσ γυναῖκασ καὶ τὰσ θυγατέρασ αὐτῶν ἔδωκαν τοῖσ υἱοῖσ αὐτῶν καὶ ἐλάτρευσαν τοῖσ θεοῖσ αὐτῶν. Καὶ ἐποίησαν οἱ υἱοὶ Ἰσραὴλ τὸ πονηρὸν ἐναντίον Κυρίου καὶ ἐπελάθοντο Κυρίου τοῦ Θεοῦ αὐτῶν καὶ ἐλάτρευσαν τοῖσ Βααλὶμ καὶ τοῖσ ἄλσεσι. καὶ ὠργίσθη θυμῷ Κύριοσ ἐν τῷ Ἰσραὴλ καὶ ἀπέδοτο αὐτοὺσ ἐν χειρὶ Χουσαρσαθαὶμ βασιλέωσ Συρίασ ποταμῶν. καὶ ἐδούλευσαν οἱ υἱοὶ Ἰσραὴλ τῷ Χουσαρσαθαὶμ ἔτη ὀκτώ. καὶ ἐκέκραξαν οἱ υἱοὶ Ἰσραὴλ πρὸσ Κύριον. καί ἤγειρε Κύριοσ σωτῆρα τῷ Ἰσραήλ, καὶ ἔσωσεν αὐτούσ, τὸν Γοθονιὴλ υἱὸν Κενέζ ἀδελφοῦ Χάλεβ τὸν νεώτερον ὑπὲρ αὐτόν, καὶ ἐγένετο ἐπ̓ αὐτὸν πνεῦμα Κυρίου, καὶ ἔκρινε τὸν Ἰσραήλ. καὶ ἐξῆλθεν εἰσ πόλεμον πρὸσ Χουσαρσαθαίμ. καὶ παρέδωκε Κύριοσ ἐν χειρὶ αὐτοῦ τὸν Χουσαρσαθαὶμ βασιλέα Συρίασ ποταμῶν, καὶ ἐκραταιώθη χεὶρ αὐτοῦ ἐπὶ τὸν Χουσαρσαθαίμ. καὶ ἡσύχασεν ἡ γῆ ἔτη τεσσαράκοντα. καὶ ἀπέθανε Γοθονιὴλ υἱὸσ Κενέζ. Καὶ προσέθεντο οἱ υἱοὶ Ἰσραὴλ ποιῆσαι τὸ πονηρὸν ἐνώπιον Κυρίου. καὶ ἐνίσχυσε Κύριοσ τὸν Ἐγλὼμ βασιλέα Μωὰβ ἐπὶ τὸν Ἰσραὴλ διὰ τὸ πεποιηκέναι αὐτούσ τὸ πονηρὸν ἔναντι Κυρίου. καὶ συνήγαγε πρὸσ ἑαυτὸν πάντασ τοὺσ υἱοὺσ Ἀμμὼν καὶ Ἀμαλὴκ καὶ ἐπορεύθη καὶ ἐπάταξε τὸν Ἰσραὴλ καὶ ἐκληρονόμησε τὴν πόλιν τῶν φοινίκων. καὶ ἐδούλευσαν οἱ υἱοὶ Ἰσραὴλ τῷ Ἐγλὼμ βασιλεῖ Μωὰβ ἔτη δεκαοκτώ. καὶ ἐκέκραξαν οἱ υἱοὶ Ἰσραὴλ πρὸσ Κύριον. καὶ ἤγειρεν αὐτοῖσ σωτῆρα τὸν Ἀὼδ υἱὸν Γηρὰ υἱὸν τοῦ Ἰεμενί, ἄνδρα ἀμφοτεροδέξιον. καὶ ἐξαπέστειλαν οἱ υἱοὶ Ἰσραὴλ δῶρα ἐν χειρὶ αὐτοῦ τῷ Ἐγλὼμ βασιλεῖ Μωάβ. καὶ ἐποίησεν ἑαυτῷ Ἀὼδ μάχαιραν δίστομον, σπιθαμῆσ τὸ μῆκοσ αὐτῆσ, καὶ περιεζώσατο αὐτὴν ὑπὸ τὸν μανδύαν ἐπὶ τὸν μηρὸν αὐτοῦ τὸν δεξιόν. καὶ ἐπορεύθη καὶ προσήνεγκε τὰ δῶρα τῷ Ἐγλὼμ βασιλεῖ Μωάβ. καὶ Ἐγλὼμ ἀνὴρ ἀστεῖοσ σφόδρα. καὶ ἐγένετο ἡνίκα συνετέλεσεν Ἀὼδ προσφέρων τὰ δῶρα, καὶ ἐξαπέστειλε τοὺσ φέροντασ τὰ δῶρα. καὶ αὐτὸσ ὑπέστρεψεν ἀπὸ τῶν γλυπτῶν τῶν μετὰ τῆσ Γαλγάλ. καὶ εἶπεν Ἀώδ. λόγοσ μοι κρύφιοσ πρόσ σε, βασιλεῦ. καὶ εἶπεν Ἐγλὼμ πρὸσ αὐτόν. σιώπα. καὶ ἐξαπέστειλεν ἀφ̓ ἑαυτοῦ πάντασ τοὺσ ἐφεστῶτασ ἐπ̓ αὐτόν. καὶ Ἀὼδ εἰσῆλθε πρὸσ αὐτόν, καὶ αὐτὸσ ἐκάθητο ἐν τῷ ὑπερῴῳ τῷ θερινῷ τῷ ἑαυτοῦ μονώτατοσ. καὶ εἶπεν Ἀώδ. λόγοσ Θεοῦ μοι πρόσ σε, βασιλεῦ. καὶ ἐξανέστη ἀπὸ τοῦ θρόνου Ἐγλὼμ ἐγγὺσ αὐτοῦ. καὶ ἐγένετο ἅμα τῷ ἀναστῆναι αὐτὸν καὶ ἐξέτεινεν Ἀὼδ τὴν χεῖρα τὴν ἀριστερὰν αὐτοῦ καὶ ἔλαβε τὴν μάχαιραν ἐπάνωθεν τοῦ μηροῦ αὐτοῦ τοῦ δεξιοῦ καὶ ἐνέπηξεν αὐτὴν ἐν τῇ κοιλίᾳ αὐτοῦ καὶ ἐπεισήνεγκε καί γε τὴν λαβὴν ὀπίσω τῆσ φλογόσ, καὶ ἐπέκλεισε τὸ στέαρ κατὰ τῆσ φλογόσ, ὅτι οὐκ ἐξέσπασε τὴν μάχαιραν ἐκ τῆσ κοιλίασ αὐτοῦ. καὶ ἐξῆλθεν Ἀὼδ τὴν προστάδα καὶ ἐξῆλθε τοὺσ διατεταγμένουσ καὶ ἀπέκλεισε τὰσ θύρασ τοῦ ὑπερῴου κατ̓ αὐτοῦ καὶ ἐσφήνωσε. καὶ αὐτὸσ ἐξῆλθε. καὶ οἱ παῖδεσ αὐτοῦ εἰσῆλθον καὶ εἶδον καὶ ἰδοὺ αἱ θύραι τοῦ ὑπερῴου ἐσφηνωμέναι, καὶ εἶπαν. μή ποτε ἀποκενοῖ τοὺσ πόδασ αὐτοῦ ἐν τῷ ταμείῳ τῷ θερινῷ̣ καὶ ὑπέμειναν ἕωσ ᾐσχύνοντο, καὶ ἰδοὺ οὐκ ἔστιν ὁ ἀνοίγων τὰσ θύρασ τοῦ ὑπερῴου. καὶ ἔλαβον τὴν κλεῖδα καὶ ἤνοιξαν, καὶ ἰδοὺ ὁ κύριοσ αὐτῶν πεπτωκὼσ ἐπὶ τὴν γῆν τεθνηκώσ. καὶ Ἀὼδ διεσώθη ἕωσ ἐθορυβοῦντο, καὶ οὐκ ἦν ὁ προσνοῶν αὐτῷ. καὶ αὐτὸσ παρῆλθε τὰ γλυπτὰ καὶ διεσώθη εἰσ Σετειρωθά. καὶ ἐγένετο ἡνίκα ἦλθεν Ἀὼδ εἰσ γῆν Ἰσραήλ, καὶ ἐσάλπισεν ἐν κερατίνῃ ἐν τῷ ὄρει Ἐφραίμ. καὶ κατέβησαν σὺν αὐτῷ οἱ υἱοὶ Ἰσραὴλ ἀπὸ τοῦ ὄρουσ, καὶ αὐτὸσ ἔμπροσθεν αὐτῶν. καὶ εἶπε πρὸσ αὐτούσ. κατάβητε ὀπίσω μου, ὅτι παρέδωκε Κύριοσ ὁ Θεὸσ τοὺσ ἐχθροὺσ ἡμῶν τὴν Μωὰβ ἐν χειρὶ ἡμῶν. καὶ κατέβησαν ὀπίσω αὐτοῦ καὶ προκατελάβοντο τὰσ διαβάσεισ τοῦ Ἰορδάνου τῆσ Μωάβ, καὶ οὐκ ἀφῆκεν ἄνδρα διαβῆναι. καὶ ἐπάταξαν τὴν Μωὰβ τῇ ἡμέρᾳ ἐκείνῃ ὡσεὶ δέκα χιλιάδασ ἀνδρῶν, πᾶν λιπαρὸν καὶ πάντα ἄνδρα δυνάμεωσ, καὶ οὐ διεσώθη ὁ ἀνήρ. καὶ ἐνετράπη Μωὰβ ἐν τῇ ἡμέρᾳ ἐκείνῃ ὑπὸ χεῖρα Ἰσραήλ, καὶ ἡσύχασεν ἡ γῆ ὀγδοήκοντα ἔτη, καὶ ἔκρινεν αὐτοὺσ Ἀὼδ ἕωσ οὗ ἀπέθανε. Καὶ μετ̓ αὐτὸν ἀνέστη Σαμεγὰρ υἱὸσ Δινὰχ καὶ ἐπάταξε τοὺσ ἀλλοφύλουσ εἰσ ἑξακοσίουσ ἄνδρασ ἐν τῷ ἀροτρόποδι τῶν βοῶν. καὶ ἔσωσε καί γε αὐτὸσ τὸν Ἰσραήλ. ΚΑΙ προσέθεντο οἱ υἱοὶ Ἰσραὴλ ποιῆσαι τὸ πονηρὸν ἐνώπιον Κυρίου. καὶ Ἀὼδ ἀπέθανε.

καὶ ἀπέδοτο τοὺσ υἱοὺσ Ἰσραὴλ Κύριοσ ἐν χειρὶ Ἰαβὶν βασιλέωσ Χαναάν, ὃσ ἐβασίλευσεν ἐν Ἀσώρ. καὶ ὁ ἄρχων τῆσ δυνάμεωσ αὐτοῦ Σισάρα, καὶ αὐτὸσ κατῴκει ἐν Ἀρισὼθ τῶν ἐθνῶν. καὶ ἐκέκραξαν οἱ υἱοὶ Ἰσραὴλ πρὸσ Κύριον, ὅτι ἐννακόσια ἅρματα σιδηρᾶ ἦν αὐτῷ, καὶ αὐτὸσ ἔθλιψε τὸν Ἰσραὴλ κατὰ κράτοσ εἴκοσιν ἔτη. καὶ Δεββώρα γυνὴ προφῆτισ γυνὴ Λαφιδώθ, αὕτη ἔκρινε τὸν Ἰσραὴλ ἐν τῷ καιρῷ ἐκείνῳ. καὶ αὐτὴ ἐκάθητο ὑπὸ φοίνικα Δεββώρα ἀνὰ μέσον τῆσ Ραμὰ καὶ ἀνὰ μέσον τῆσ Βαιθὴλ ἐν τῷ ὄρει Ἐφραίμ, καὶ ἀνέβαινον πρὸσ αὐτὴν οἱ υἱοὶ Ἰσραὴλ εἰσ κρίσιν. καὶ ἀπέστειλε Δεββώρα καὶ ἐκάλεσε τὸν Βαρὰκ υἱὸν Ἀβινεὲμ ἐκ Κάδησ Νεφθαλὶ καὶ εἶπε πρὸσ αὐτόν. οὐχὶ ἐνετείλατο Κύριοσ ὁ Θεὸσ Ἰσραήλ σοι καὶ ἀπελεύσῃ εἰσ ὄροσ Θαβὼρ καὶ λήψῃ μετὰ σεαυτοῦ δέκα χιλιάδασ ἀνδρῶν ἐκ τῶν υἱῶν Νεφθαλὶ καὶ ἐκ τῶν υἱῶν Ζαβουλών̣ καὶ ἐπάξω πρὸσ σὲ εἰσ τὸν χειμάρρουν Κισῶν τὸν Σισάρα ἄρχοντα τῆσ δυνάμεωσ Ἰαβὶν καὶ τὰ ἅρματα αὐτοῦ καὶ τὸ πλῆθοσ αὐτοῦ καὶ παραδώσω αὐτόν εἰσ χεῖράσ σου. καὶ εἶπε πρὸσ αὐτὴν Βαράκ. ἐὰν πορευθῇσ μετ̓ ἐμοῦ, πορεύσομαι, καὶ ἐὰν μὴ πορευθῇσ, οὐ πορεύσομαι. ὅτι οὐκ οἶδα τὴν ἡμέραν, ἐν ᾗ εὐοδοῖ Κύριοσ τὸν ἄγγελον μετ̓ ἐμοῦ. καὶ εἶπε. πορευομένη πορεύσομαι μετὰ σοῦ. πλὴν γίνωσκε ὅτι οὐκ ἔσται τὸ προτέρημά σου ἐπὶ τὴν ὁδόν, ἣν σὺ πορεύῃ, ὅτι ἐν χειρὶ γυναικὸσ ἀποδώσεται Κύριοσ τὸν Σισάρα. καὶ ἀνέστη Δεββώρα καὶ ἐπορεύθη μετὰ τοῦ Βαρὰκ ἐκ Κάδησ. καὶ ἐβόησε Βαρὰκ τὸν Ζαβουλὼν καὶ τὸν Νεφθαλὶ ἐκ Κάδησ, καὶ ἀνέβησαν κατὰ πόδασ αὐτοῦ δέκα χιλιάδεσ ἀνδρῶν. καί ἀνέβη Δεββώρα μετ̓ αὐτοῦ. καὶ Χαβὲρ ὁ Κιναῖοσ ἐχωρίσθη ἀπὸ Καινᾶ ἀπὸ τῶν υἱῶν Ἰωβὰβ γαμβροῦ Μωυσῆ καὶ ἔπηξε τὴν σκηνὴν αὐτοῦ ἕωσ δρυὸσ πλεονεκτούντων, ἥ ἐστιν ἐχόμενα Κεδέσ. καὶ ἀνηγγέλη Σισάρᾳ, ὅτι ἀνέβη Βαρὰκ υἱὸσ Ἀβινεὲμ εἰσ ὄροσ Θαβώρ. καὶ ἐκάλεσε Σισάρα πάντα τὰ ἅρματα αὐτοῦ ἐννακόσια ἅρματα σιδηρᾶ, καὶ πάντα τὸν λαὸν τὸν μετ̓ αὐτοῦ ἀπὸ Ἀρισὼθ τῶν ἐθνῶν εἰσ τὸν χειμάρρουν Κισῶν. καὶ εἶπε Δεββώρα πρὸσ Βαράκ. ἀνάστηθι, ὅτι αὕτη ἡ ἡμέρα, ἐν ᾗ παρέδωκε Κύριοσ τὸν Σισάρα ἐν τῇ χειρί σου, ὅτι Κύριοσ ἐξελεύσεται ἔμπροσθέν σου. καὶ κατέβη Βαρὰκ κατὰ τὸ ὄροσ Θαβὼρ καὶ δέκα χιλιάδεσ ἀνδρῶν ὀπίσω αὐτοῦ. καὶ ἐξέστησε Κύριοσ τὸν Σισάρα καὶ πάντα τὰ ἅρματα αὐτοῦ καὶ πᾶσαν τὴν παρεμβολὴν αὐτοῦ ἐν στόματι ρομφαίασ ἐνώπιον Βαράκ. καὶ κατέβη Σισάρα ἐπάνωθεν τοῦ ἅρματοσ αὐτοῦ καὶ ἔφυγε τοῖσ ποσὶν αὐτοῦ. καὶ Βαρὰκ διώκων ὀπίσω τῶν ἁρμάτων καὶ ὀπίσω τῆσ παρεμβολῆσ ἕωσ Ἀρισὼθ τῶν ἐθνῶν. καὶ ἔπεσε πᾶσα παρεμβολὴ Σισάρα ἐν στόματι ρομφαίασ, οὐ κατελείφθη ἕωσ ἑνόσ. καὶ Σισάρα ἔφυγε τοῖσ ποσὶν αὐτοῦ εἰσ σκηνὴν Ἰαὴλ γυναικὸσ Χαβὲρ ἑταίρου τοῦ Κιναίου, ὅτι εἰρήνη ἦν ἀναμέσον Ἰαβὶν βασιλέωσ Ἀσὼρ καὶ ἀναμέσον τοῦ οἴκου Χαβὲρ τοῦ Κιναίου. καὶ ἐξῆλθεν Ἰαὴλ εἰσ συνάντησιν Σισάρα καὶ εἶπεν αὐτῷ. ἔκκλινον, κύριέ μου, ἔκλινον πρόσ με, μὴ φοβοῦ. καὶ ἐξέκλινε πρὸσ αὐτὴν εἰσ τὴν σκηνήν. καὶ περιέβαλεν αὐτὸν ἐπιβολαίῳ. καὶ εἶπε Σισάρα πρὸσ αὐτήν. πότισόν με δὴ μικρὸν ὕδωρ, ὅτι ἐδίψησα. καὶ ἤνοιξε τὸν ἀσκὸν τοῦ γάλακτοσ, καὶ ἐπότισεν αὐτὸν καὶ περιέβαλεν αὐτόν. καὶ εἶπε πρὸσ αὐτὴν Σισάρα. στῆθι δὴ ἐπὶ τὴν θύραν τῆσ σκηνῆσ, καὶ ἔσται ἐὰν ἀνὴρ ἔλθῃ πρόσ σε καὶ ἐρωτήσῃ σε καὶ εἴπῃ. εἰ ἔστιν ὧδε ἀνήρ̣ καὶ ἐρεῖσ. οὐκ ἔστι. καὶ ἔλαβεν Ἰαὴλ γυνὴ Χαβὲρ τὸν πάσσαλον τῆσ σκηνῆσ καὶ ἔθηκε τὴν σφῦραν ἐν τῇ χειρὶ αὐτῆσ καὶ εἰσῆλθε πρὸσ αὐτὸν ἐν κρυφῇ καὶ ἔπηξε τὸν πάσσαλον ἐν τῷ κροτάφῳ αὐτοῦ, καὶ διεξῆλθεν ἐν τῇ γῇ. καὶ αὐτὸσ ἐξεστὼσ ἐσκοτώθη καὶ ἀπέθανε. καὶ ἰδοὺ Βαρὰκ διώκων τὸν Σισάρα, καὶ ἐξῆλθεν Ἰαὴλ εἰσ συνάντησιν αὐτῷ καὶ εἶπεν αὐτῷ. δεῦρο καὶ δείξω σοι τὸν ἄνδρα, ὃν σὺ ζητεῖσ. καὶ εἰσῆλθε πρὸσ αὐτήν, καὶ ἰδοὺ Σισάρα ἐρριμμένοσ νεκρὸσ καὶ ὁ πάσσαλοσ ἐν τῷ κροτάφῳ αὐτοῦ. καὶ ἐτρόπωσεν ὁ Θεὸσ τὸν Ἰαβὶν βασιλέα Χαναὰν ἐν τῇ ἡμέρᾳ ἐκείνῃ ἔμπροσθεν τῶν υἱῶν Ἰσραήλ. καὶ ἐπορεύετο χεὶρ τῶν υἱῶν Ἰσραὴλ πορευομένη καὶ σκληρυνομένη ἐπὶ Ἰαβὶν βασιλέα Χαναάν, ἕωσ οὗ ἐξωλόθρευσαν τὸν Ἰαβὶν βασιλέα Χαναάν. ΚΑΙ ἦσαν Δεββώρα καὶ Βαρὰκ υἱὸσ Ἀβινεὲμ ἐν τῇ ἡμέρᾳ ἐκείνῃ λέγοντεσ.

Ἀπεκαλύφθη ἀποκάλυμμα ἐν Ἰσραήλ. ἐν τῷ ἑκουσιασθῆναι λαόν, εὐλογεῖτε Κύριον. ἀκούσατε, βασιλεῖσ, καὶ ἐνωτίσασθε, σατράπαι. ἐγώ εἰμι τῷ Κυρίῳ, ἐγώ εἰμι, ἄσομαι, ψαλῶ τῷ Κυρίῳ τῷ Θεῷ Ἰσραήλ. Κύριε, ἐν τῇ ἐξόδῳ σου ἐν Σηείρ, ἐν τῷ ἀπαίρειν σε ἐξ ἀγροῦ Ἐδώμ, γῆ ἐσείσθη καὶ ὁ οὐρανὸσ ἔσταξε δρόσουσ, καὶ αἱ νεφέλαι ἔσταξαν ὕδωρ. ὄρη ἐσαλεύθησαν ἀπὸ προσώπου Κυρίου Ἐλωί̈, τοῦτο Σινὰ ἀπὸ προσώπου Κυρίου Θεοῦ Ἰσραήλ. ἐν ἡμέραισ Σαμεγὰρ υἱοῦ Ἀνάθ, ἐν ἡμέραισ Ἰαὴλ ἐξέλιπον ὁδοὺσ καὶ ἐπορεύθησαν ἀτραπούσ, ἐπορεύθησαν ὁδοὺσ διεστραμμένασ. ἐξέλιπον δυνατοὶ ἐν Ἰσραήλ, ἐξέλιπον, ἕωσ οὗ ἀνέστη Δεββώρα, ἕωσ οὗ ἀνέστη μήτηρ ἐν Ἰσραήλ. ἐξελέξαντο θεοὺσ καινούσ. τότε ἐπολέμησαν πόλεισ ἀρχόντων. θυρεὸσ ἐὰν ὀφθῇ καὶ λόγχη ἐν τεσσαράκοντα χιλιάσιν ἐν Ἰσραήλ. ἡ καρδία μου εἰσ τὰ διατεταγμένα τῷ Ἰσραήλ. οἱ ἐκουσιαζόμενοι ἐν λαῷ εὐλογεῖτε Κύριον. ἐπιβεβηκότεσ ἐπὶ ὄνου θηλείασ μεσημβρίασ, καθήμενοι ἐπὶ κριτηρίου καὶ πορευόμενοι ἐπὶ ὁδοὺσ συνέδρων ἐφ̓ ὁδῷ, διηγεῖσθε ἀπὸ φωνῆσ ἀνακρουομένων ἀνὰ μέσον ὑδρευομένων. ἐκεῖ δώσουσι δικαιοσύνασ Κυρίῳ, δικαιοσύνασ αὔξησον ἐν Ἰσραήλ. τότε κατέβη εἰσ τὰσ πόλεισ λαὸσ Κυρίου. ἐξεγείρου, ἐξεγείρου, Δεββώρα. ἐξεγείρου, ἐξεγείρου, λάλησον ᾠδήν. ἀνάστα Βαράκ, καὶ αἰχμαλώτισον αἰχμαλωσίαν σου, υἱὸσ Ἀβινεέμ. τότε κατέβη κατάλειμμα τοῖσ ἰσχυροῖσ, λαὸσ Κυρίου κατέβη αὐτῷ ἐν τοῖσ κραταιοῖσ. ἐξ ἐμοῦ Ἐφραὶμ ἐξερρίζωσεν αὐτοὺσ ἐν τῷ Ἀμαλήκ. ὀπίσω σου Βενιαμὶν ἐν τοῖσ λαοῖσ σου. ἐν ἐμοὶ Μαχὶρ κατέβησαν ἐξερευνῶντεσ καὶ ἀπὸ Ζαβουλὼν ἕλκοντεσ ἐν ράβδῳ διηγήσεωσ γραμματέωσ. καὶ ἀρχηγοὶ ἐν Ἰσσάχαρ μετὰ Δεββώρασ καὶ Βαράκ, οὕτω Βαρὰκ ἐν κοιλάσιν ἀπέστειλεν ἐν ποσὶν αὐτοῦ. εἰσ τὰσ μερίδασ Ρουβὴν μεγάλοι ἐξικνούμενοι καρδίαν. εἰσ τί ἐκάθισαν ἀνὰ μέσον τῆσ διγομίασ τοῦ ἀκοῦσαι συρισμοῦ ἀγγέλων̣ εἰσ διαιρέσεισ Ρουβὴν μεγάλοι ἐξετασμοὶ καρδίασ. Γαλαὰδ ἐν τῷ πέραν τοῦ Ἰορδάνου ἐσκήνωσε. καὶ Δὰν εἰσ τί παροικεῖ πλοίοισ̣ Ἀσὴρ ἐκάθισε παραλίαν θαλασσῶν καὶ ἐπὶ διεξόδοισ αὐτοῦ σκηνώσει. Ζαβουλὼν λαὸσ ὠνείδισε ψυχὴν αὐτοῦ εἰσ θάνατον καὶ Νεφθαλὶ ἐπὶ ὕψη ἀγροῦ. ἦλθον αὐτῶν βασιλεῖσ, παρετάξαντο, τότε ἐπολέμησαν βασιλεῖσ Χαναὰν ἐν Θαναὰχ ἐπὶ ὕδατι Μαγεδδώ. δῶρον ἀργυρίου οὐκ ἔλαβον. ἐξ οὐρανοῦ παρετάξαντο οἱ ἀστέρεσ, ἐκ τρίβων αὐτῶν παρετάξαντο μετὰ Σισάρα. χειμάρρουσ Κισῶν ἐξέσυρεν αὐτούσ, χειμάρρουσ ἀρχαίων, χειμάρρουσ Κισῶν. καταπατήσει αὐτὸν ψυχή μου δυνατή. ὅτε ἐνεποδίσθησαν πτέρναι ἵππου, σπουδῇ ἔσπευσαν ἰσχυροὶ αὐτοῦ. καταρᾶσθε Μηρώζ, εἶπεν ἄγγελοσ Κυρίου, καταρᾶσθε, ἐπικατάρατοσ πᾶσ ὁ κατοικῶν αὐτήν, ὅτι οὐκ ἤλθοσαν εἰσ βοήθειαν Κυρίου, εἰσ βοήθειαν ἐν δυνατοῖσ. εὐλογηθείη ἐν γυναιξὶν Ἰαὴλ γυνὴ Χαβὲρ τοῦ Κιναίου, ἀπὸ γυναικῶν ἐν σκηναῖσ εὐλογηθείη. ὕδωρ ᾔτησε, γάλα ἔδωκεν, ἐν λεκάνῃ ὑπερεχόντων προσήνεγκε βούτυρον. χεῖρα αὐτῆσ ἀριστερὰν εἰσ πάσσαλον ἐξέτεινε καὶ δεξιὰν αὐτῆσ εἰσ σφῦραν κοπιώντων καὶ ἐσφυροκόπησε Σισάρα, διήλωσε κεφαλὴν αὐτοῦ καὶ ἐπάταξε, διήλωσε κρόταφον αὐτοῦ. ἀνὰ μέσον τῶν ποδῶν αὐτῆσ κατεκυλίσθη, ἔπεσε καὶ ἐκοιμήθη. ἀνὰ μέσον τῶν ποδῶν αὐτῆσ κατακλιθεὶσ ἔπεσε. καθὼσ κατεκλίθη, ἐκεῖ ἔπεσεν ἐξοδευθείσ. διὰ τῆσ θυρίδοσ παρέκυψε μήτηρ Σισάρα ἐκτὸσ τοῦ τοξικοῦ, διότι ἠσχύνθη ἅρμα αὐτοῦ, διότι ἐχρόνισαν πόδεσ ἁρμάτων αὐτοῦ. αἱ σοφαὶ ἄρχουσαι αὐτῆσ ἀπεκρίθησαν πρὸσ αὐτήν, καὶ αὐτὴ ἀπέστρεψε λόγουσ αὐτῆσ ἑαυτῇ. οὐχ εὑρήσουσιν αὐτὸν διαμερίζοντα σκῦλα̣ οἰκτίρμων οἰκτειρήσει εἰσ κεφαλὴν ἀνδρόσ. σκῦλα βαμμάτων τῷ Σισάρᾳ, σκῦλα βαμμάτων ποικιλίασ, βάμματα ποικιλτῶν αὐτά, τῷ τραχήλῳ αὐτοῦ σκῦλα. οὕτωσ ἀπόλοιντο πάντεσ οἱ ἐχθροί σου, Κύριε. καὶ οἱ ἀγαπῶντεσ αὐτὸν ὡσ ἔξοδοσ ἡλίου ἐν δυνάμει αὐτοῦ. Καὶ ἡσύχασεν ἡ γῆ τεσσαράκοντα ἔτη. ΚΑΙ ἐποίησαν οἱ υἱοὶ Ἰσραὴλ τὸ πονηρὸν ἐνώπιον Κυρίου, καὶ ἔδωκεν αὐτοὺσ Κύριοσ ἐν χειρὶ Μαδιὰμ ἑπτὰ ἔτη.

καὶ ἴσχυσε χεὶρ Μαδιὰμ ἐπὶ Ἰσραήλ. καὶ ἐποίησαν ἑαυτοῖσ οἱ υἱοὶ Ἰσραὴλ ἀπὸ προσώπου Μαδιὰμ τὰσ τρυμαλιὰσ τὰσ ἐν τοῖσ ὄρεσι καὶ τὰ σπήλαια καὶ τὰ κρεμαστά. καὶ ἐγένετο ἐὰν ἔσπειραν οἱ υἱοὶ Ἰσραήλ, καὶ ἀνέβαινον Μαδιὰμ καὶ Ἀμαλήκ, καὶ οἱ υἱοὶ ἀνατολῶν συνανέβαινον αὐτοῖσ. καὶ παρενέβαλον εἰσ αὐτοὺς καὶ κατέφθειραν τοὺσ καρποὺσ αὐτῶν ἕωσ ἐλθεῖν εἰσ Γάζαν καὶ οὐ κατελείποντο ὑπόστασιν ζωῆσ ἐν τῇ γῇ Ἰσραὴλ οὐδὲ ἐν τοῖσ ποιμνίοισ ταῦρον καὶ ὄνον. ὅτι αὐτοὶ καὶ αἱ κτήσεισ αὐτῶν ἀνέβαινον καὶ αἱ σκηναὶ αὐτῶν παρεγίνοντο καθὼσ ἀκρὶσ εἰσ πλῆθοσ, καὶ αὐτοῖσ καὶ ταῖσ καμήλοισ αὐτῶν οὐκ ἦν ἀριθμόσ, καὶ ἤρχοντο εἰσ τὴν γῆν Ἰσραὴλ καὶ διέφθειρον αὐτήν. καὶ ἐπτώχευσεν Ἰσραὴλ σφόδρα ἀπὸ προσώπου Μαδιάμ, καὶ ἐβόησαν υἱοὶ Ἰσραὴλ πρὸσ Κύριον ἀπὸ προσώπου Μαδιάμ. καὶ ἐξαπέστειλε Κύριοσ ἄνδρα προφήτην πρὸσ τοὺσ υἱοὺσ Ἰσραήλ, καὶ εἶπεν αὐτοῖσ. τάδε λέγει Κύριοσ ὁ Θεὸσ Ἰσραήλ. ἐγώ εἰμι ὃσ ἀνήγαγον ὑμᾶσ ἐκ γῆσ Αἰγύπτου καὶ ἐξήγαγον ὑμᾶσ ἐξ οἴκου δουλείασ ὑμῶν καὶ ἐρρυσάμην ὑμᾶσ ἐκ χειρὸσ Αἰγύπτου καὶ ἐκ χειρὸσ πάντων τῶν θλιβόντων ὑμᾶσ καὶ ἐξέβαλον αὐτοὺσ ἐκ προσώπου ὑμῶν καὶ ἔδωκα ὑμῖν τὴν γῆν αὐτῶν καὶ εἶπα ὑμῖν. ἐγὼ Κύριοσ ὁ Θεὸσ ὑμῶν, οὐ φοβηθήσεσθε τοὺσ θεοὺσ τοῦ Ἀμορραίου, ἐν οἷσ ὑμεῖσ κάθησθε ἐν τῇ γῇ αὐτῶν. καὶ οὐκ εἰσηκούσατε τῆσ φωνῆσ μου. Καὶ ἦλθεν ἄγγελοσ Κυρίου καὶ ἐκάθισεν ὑπὸ τὴν τερέμινθον τὴν ἐν Ἐφραθὰ τὴν Ἰωὰσ πατρὸσ τοῦ Ἐσδρί, καὶ Γεδεὼν ὁ υἱὸσ αὐτοῦ ραβδίζων σῖτον ἐν ληνῷ εἰσ ἐκφυγεῖν ἀπὸ προσώπου τοῦ Μαδιάμ. καὶ ὤφθη αὐτῷ ὁ ἄγγελοσ Κυρίου καὶ εἶπε πρὸσ αὐτόν. Κύριοσ μετὰ σοῦ, ἰσχυρὸσ τῶν δυνάμεων. καὶ εἶπε πρὸσ αὐτὸν Γεδεών. ἐν ἐμοί, Κύριέ μου, καὶ εἰ ἔστι Κύριοσ μεθ̓ ἡμῶν, εἰσ τί εὗρεν ἡμᾶσ τὰ κακὰ ταῦτα̣ καὶ ποῦ ἐστι πάντα τὰ θαυμάσια αὐτοῦ, ἃ διηγήσαντο ἡμῖν οἱ πατέρεσ ἡμῶν λέγοντεσ, μὴ οὐχὶ ἐξ Αἰγύπτου ἀνήγαγεν ἡμᾶσ Κύριοσ̣ καὶ νῦν ἐξέρριψεν ἡμᾶσ καὶ ἔδωκεν ἡμᾶσ ἐν χειρὶ Μαδιάμ. καὶ ἐπέστρεψε πρὸσ αὐτὸν ὁ ἄγγελοσ Κυρίου καὶ εἶπε. πορεύου ἐν τῇ ἰσχύϊ σου ταύτῃ καὶ σώσεισ τὸν Ἰσραὴλ ἐκ χειρὸσ Μαδιάμ. ἰδοὺ ἐξαπέστειλά σε. καὶ εἶπε πρὸσ αὐτὸν Γεδεών. ἐν ἐμοί, Κύριέ μου, ἐν τίνι σώσω τὸν Ἰσραήλ̣ ἰδοὺ ἡ χιλιάσ μου ἠσθένησεν ἐν Μανασσῇ, καὶ ἐγώ εἰμι μικρότεροσ ἐν οἴκῳ τοῦ πατρόσ μου. καὶ εἶπε πρὸσ αὐτὸν ὁ ἄγγελοσ Κυρίου. Κύριοσ ἔσται μετὰ σοῦ, καὶ πατάξεισ τὴν Μαδιὰμ ὡσεὶ ἄνδρα ἕνα. καὶ εἶπε πρὸσ αὐτὸν Γεδεών. εἰ δὴ εὗρον ἔλεοσ ἐν ὀφθαλμοῖσ σου καὶ ποιήσεισ μοι σήμερον πᾶν ὅ,τι ἐλάλησασ μετ̓ ἐμοῦ, μὴ χωρισθῇσ ἐντεῦθεν ἕωσ τοῦ ἐλθεῖν με πρόσ σε, καὶ ἐξοίσω τὴν θυσίαν καὶ θύσω ἐνώπιόν σου. καὶ εἶπεν. ἐγώ εἰμι, καθήσομαι ἕωσ τοῦ ἐπιστρέψαι σε. καὶ Γεδεὼν εἰσῆλθε καὶ ἐποίησεν ἔριφον αἰγῶν καὶ οἰφὶ ἀλεύρου ἄζυμα καὶ τὰ κρέα ἔθηκεν ἐν τῷ κοφίνῳ καὶ τὸν ζωμὸν ἔβαλεν ἐν τῇ χύτρᾳ καὶ ἐξήνεγκεν αὐτὰ πρὸσ αὐτὸν ὑπὸ τὴν τερέμινθον καὶ προσήγγισε. καὶ εἶπε πρὸσ αὐτὸν ὁ ἄγγελοσ τοῦ Θεοῦ. λαβὲ τὰ κρέα καὶ τὰ ἄζυμα καὶ θὲσ πρὸσ τὴν πέτραν ἐκείνην καὶ τὸν ζωμὸν ἐχόμενα ἔκχεε. καὶ ἐποίησεν οὕτωσ. καὶ ἐξέτεινεν ὁ ἄγγελοσ Κυρίου τὸ ἄκρον τῆσ ράβδου τῆσ ἐν τῇ χειρὶ αὐτοῦ καὶ ἥψατο τῶν κρεῶν καὶ τῶν ἀζύμων, καὶ ἀνέβη πῦρ ἐκ τῆσ πέτρασ καὶ κατέφαγε τὰ κρέα καὶ τοὺσ ἀζύμουσ. καὶ ὁ ἄγγελοσ Κυρίου ἐπορεύθη ἀπ̓ ὀφθαλμῶν αὐτοῦ. καὶ εἶδε Γεδεὼν ὅτι ἄγγελοσ Κυρίου οὗτόσ ἐστι, καὶ εἶπε Γεδεών. ἆ ἆ, Κύριέ μου Κύριε, ὅτι εἶδον τὸν ἄγγελον Κυρίου πρόσωπον πρὸσ πρόσωπον. καὶ εἶπεν αὐτῷ Κύριοσ. εἰρήνη σοι, μὴ φοβοῦ, οὐ μὴ ἀποθάνῃσ. καὶ ᾠκοδόμησεν ἐκεῖ Γεδεὼν θυσιαστήριον τῷ Κυρίῳ καὶ ἐπεκάλεσεν αὐτῷ Εἰρήνη Κυρίου ἕωσ τῆσ ἡμέρασ ταύτησ, ἔτι αὐτοῦ ὄντοσ ἐν Ἐφραθὰ πατρὸσ τοῦ Ἐσδρί. Καὶ ἐγένετο ἐν τῇ νυκτὶ ἐκείνῃ καὶ εἶπεν αὐτῷ Κύριοσ. λαβὲ τὸν μόσχον τὸν ταῦρον, ὅσ ἐστι τῷ πατρί σου, καὶ μόσχον δεύτερον ἑπταετῆ καὶ καθελεῖσ τὸ θυσιαστήριον τοῦ Βάαλ ὅ ἐστι τῷ πατρί σου, καὶ τὸ ἄλσοσ τὸ ἐπ̓ αὐτὸ ὀλοθρεύσεισ. καὶ οἰκοδομήσεισ θυσιαστήριον τῷ Κυρίῳ τῷ Θεῷ σου ἐπὶ κορυφὴν τοῦ Μαουὲκ τούτου ἐν τῇ παρατάξει καὶ λήψῃ τὸν μόσχον τὸν δεύτερον καὶ ἀνοίσεισ ὁλοκαυτώματα ἐν τοῖσ ξύλοισ τοῦ ἄλσουσ, οὗ ἐξολοθρεύσεισ. καὶ ἔλαβε Γεδεὼν δέκα ἄνδρασ ἀπὸ τῶν δούλων ἑαυτοῦ καὶ ἐποίησεν ὃν τρόπον ἐλάλησε πρὸσ αὐτὸν Κύριοσ. καὶ ἐγενήθη ὡσ ἐφοβήθη τὸν οἶκον τοῦ πατρὸσ αὐτοῦ καὶ τοὺσ ἄνδρασ τῆσ πόλεωσ τοῦ ποιῆσαι ἡμέρασ, καὶ ἐποίησε νυκτόσ. καὶ ὤρθρισαν οἱ ἄνδρεσ τῆσ πόλεωσ τὸ πρωί̈, καὶ ἰδοὺ καθῄρητο τὸ θυσιαστήριον τοῦ Βάαλ, καὶ τὸ ἄλσοσ τὸ ἐπ̓ αὐτῷ ὠλόθρευτο. καὶ εἶδαν τὸν μόσχον τὸν δεύτερον, ὃν ἀνήνεγκεν ἐπὶ τὸ θυσιαστήριον τὸ ᾠκοδομημένον. καὶ εἶπεν ἀνὴρ πρὸσ τὸν πλησίον αὐτοῦ. τίσ ἐποίησε τὸ ρῆμα τοῦτο̣ καὶ ἐπεζήτησαν καὶ ἠρεύνησαν καὶ ἔγνωσαν ὅτι Γεδεὼν υἱὸσ Ἰωὰσ ἐποίησε τὸ ρῆμα τοῦτο. καὶ εἶπαν οἱ ἄνδρεσ τῆσ πόλεωσ πρὸσ Ἰωάσ. ἐξένεγκε τὸν υἱόν σου καὶ ἀποθανέτω, ὅτι καθεῖλε τὸ θυσιαστήριον τοῦ Βάαλ καὶ ὅτι ὠλόθρευσε τὸ ἄλσοσ τὸ ἐπ̓ αὐτῷ. καὶ εἶπε Γεδεὼν υἱὸσ Ἰωὰσ τοῖσ ἀνδράσι πᾶσιν, οἳ ἐπανέστησαν αὐτῷ. μὴ ὑμεῖσ νῦν δικάζεσθε ὑπὲρ τοῦ Βάαλ̣ ἢ ὑμεῖσ σώσετε αὐτόν̣ ὃσ ἐὰν δικάσηται αὐτῷ, θανατωθήτω ἕωσ πρωί̈. εἰ Θεόσ ἐστι, δικαζέσθω αὐτῷ, ὅτι καθεῖλε τὸ θυσιαστήριον αὐτοῦ. καὶ ἐκάλεσεν αὐτὸ ἐν τῇ ἡμέρᾳ ἐκείνῃ Ἱεροβάαλ λέγων. δικαζέσθω ἐν αὐτῷ ὁ Βάαλ, ὅτι καθῃρέθη τὸ θυσιαστήριον αὐτοῦ. καὶ πᾶσα Μαδιὰμ καὶ Ἀμαλὴκ καὶ υἱοὶ ἀνατολῶν συνήχθησαν ἐπὶ τὸ αὐτὸ καὶ παρενέβαλον ἐν τῇ κοιλάδι Ἰεζραέλ. καὶ πνεῦμα Κυρίου ἐνεδυνάμωσε τὸν Γεδεών, καὶ ἐσάλπισεν ἐν κερατίνῃ καὶ ἐφοβήθη Ἀβιέζερ ὀπίσω αὐτοῦ. καὶ ἀγγέλουσ ἀπέστειλεν εἰσ πάντα Μανασσῆ καὶ ἐν Ἀσὴρ καὶ ἐν Ζαβουλὼν καὶ ἐν Νεφθαλὶ καὶ ἀνέβη εἰσ συνάντησιν αὐτῶν. καὶ εἶπε Γεδεὼν πρὸσ τὸν Θεόν. εἰ σύ σώζεισ ἐν χειρί μου τὸν Ἰσραὴλ καθὼσ ἐλάλησασ, ἰδοὺ ἐγὼ τίθημι τὸν πόκον τοῦ ἐρίου ἐν τῇ ἅλωνι. ἐὰν δρόσοσ γένηται ἐπὶ τὸν πόκον μόνον καὶ ἐπὶ πᾶσαν τὴν γῆν ξηρασία, γνώσομαι ὅτι σώσεισ ἐν χειρί μου τὸν Ἰσραήλ, καθὼσ ἐλάλησασ. καὶ ἐγένετο οὕτωσ. καὶ ὤρθρισε τῇ ἐπαύριον καὶ ἐξεπίασε τὸν πόκον, καὶ ἔσταξε δρόσοσ ἀπὸ τοῦ πόκου, πλήρησ λεκάνη ὕδατοσ. καὶ εἶπε Γεδεὼν πρὸσ τὸν Θεόν. μὴ δὴ ὀργισθήτω ὁ θυμόσ σου ἐν ἐμοί, καὶ λαλήσω ἔτι ἅπαξ. πειράσω δὴ καί γε ἔτι ἅπαξ ἐν τῷ πόκῳ, καὶ γενέσθω ἡ ξηρασία ἐπὶ τὸν πόκον μόνον, καὶ ἐπὶ πᾶσαν τὴν γῆν γενηθήτω δρόσοσ. καὶ ἐποίησεν ὁ Θεὸσ οὕτωσ ἐν τῇ νυκτὶ ἐκείνῃ. καὶ ἐγένετο ξηρασία ἐπὶ τὸν πόκον μόνον, καὶ ἐπὶ πᾶσαν τὴν γῆν ἐγενήθη δρόσοσ. ΚΑΙ ὤρθρισεν Ἱεροβάαλ καὶ πᾶσ ὁ λαὸσ μετ̓ αὐτοῦ καὶ παρενέβαλον ἐπὶ πηγὴν Ἀράδ, καὶ παρεμβολὴ Μαδιὰμ ἦν αὐτῷ ἀπὸ βορρᾶ ἀπὸ Γαβαὰθ Ἀμωρὰ ἐν κοιλάδι.

καὶ εἶπε Κύριοσ πρὸσ Γεδεών. πολὺσ ὁ λαὸσ ὁ μετὰ σοῦ, ὥστε μὴ παραδοῦναί με τὴν Μαδιὰμ ἐν χειρὶ αὐτῶν, μή ποτε καυχήσηται Ἰσραὴλ ἐπ̓ ἐμὲ λέγων. ἡ χείρ μου ἔσωσέ με. καὶ νῦν λάλησον δὴ ἐν ὠσὶ τοῦ λαοῦ λέγων. τίσ ὁ φοβούμενοσ καὶ δειλόσ̣ ἐπιστρεφέτω καὶ ἐκχωρείτω ἀπὸ ὄρουσ Γαλαάδ. καὶ ἐπέστρεψεν ἀπὸ τοῦ λαοῦ εἴκοσι καὶ δύο χιλιάδεσ, καὶ δέκα χιλιάδεσ ὑπελείφθησαν. καὶ εἶπε Κύριοσ πρὸσ Γεδεών. ἔτι ὁ λαὸσ πολύσ ἐστι. κατένεγκον αὐτοὺσ πρὸσ τὸ ὕδωρ, καὶ ἐκκαθαρῶ σοι αὐτὸν ἐκεῖ. καὶ ἔσται ὃν ἐὰν εἴπω πρὸσ σέ, οὗτοσ πορεύσεται σὺν σοί, αὐτὸσ πορεύσεται σὺν σοί. καὶ πᾶσ, ὃν ἐὰν εἴπω πρόσ σε. οὗτοσ οὐ πορεύσεται μετὰ σοῦ, αὐτὸσ οὐ πορεύσεται μετὰ σοῦ. καὶ κατήνεγκε τὸν λαὸν πρὸσ τὸ ὕδωρ. καὶ εἶπε Κύριοσ πρὸσ Γεδεών. πᾶσ, ὃσ ἂν λάψῃ τῇ γλώσσῃ αὐτοῦ ἀπὸ τοῦ ὕδατοσ ὡσ ἐὰν λάψῃ ὁ κύων, στήσεισ αὐτὸν κατὰ μόνασ, καὶ πᾶσ, ὃσ ἐὰν κλίνῃ ἐπὶ τὰ γόνατα αὐτοῦ πιεῖν. καὶ ἐγένετο ὁ ἀριθμὸσ τῶν λαψάντων ἐν χειρὶ αὐτῶν πρὸσ τὸ στόμα αὐτῶν τριακόσιοι ἄνδρεσ, καὶ πᾶν τὸ κατάλοιπον τοῦ λαοῦ ἔκλιναν ἐπὶ τὰ γόνατα αὐτῶν πιεῖν ὕδωρ. καὶ εἶπε Κύριοσ πρὸσ Γεδεών. ἐν τοῖσ τριακοσίοισ ἀνδράσι τοῖσ λάψασι σώσω ὑμᾶσ καὶ δώσω τὴν Μαδιὰμ ἐν χειρί σου, καὶ πᾶσ ὁ λαὸσ πορεύσονται ἀνὴρ εἰσ τόν τόπον αὐτοῦ. καὶ ἔλαβον τὸν ἐπισιτισμὸν τοῦ λαοῦ ἐν χειρὶ αὐτῶν καὶ τὰσ κερατίνασ αὐτῶν, καὶ τὸν πάντα ἄνδρα Ἰσραὴλ ἐξαπέστειλεν ἄνδρα εἰσ σκηνὴν αὐτοῦ καὶ τοὺσ τριακοσίουσ ἄνδρασ κατίσχυσε. καὶ ἡ παρεμβολὴ Μαδιὰμ ἦσαν αὐτοῦ ὑποκάτω ἐν τῇ κοιλάδι. καὶ ἐγενήθη ἐν τῇ νυκτὶ ἐκείνῃ καὶ εἶπε πρὸσ αὐτὸν Κύριοσ. ἀναστὰσ κατάβηθι ἐν τῇ παρεμβολῇ, ὅτι παρέδωκα αὐτὴν ἐν τῇ χειρί σου. καὶ εἰ φοβῇ σὺ καταβῆναι, κατάβηθι σὺ καὶ Φαρὰ τὸ παιδάριόν σου εἰσ τὴν παρεμβολὴν καὶ ἀκούσῃ, τί λαλήσουσι. καὶ μετὰ τοῦτο ἰσχύσουσιν αἱ χεῖρέσ σου, καταβήσῃ ἐν τῇ παρεμβολῇ. καὶ κατέβη αὐτὸσ καὶ Φαρὰ τὸ παιδάριον αὐτοῦ πρὸσ ἀρχὴν τῶν πεντήκοντα, οἳ ἦσαν ἐν τῇ παρεμβολῇ. καὶ Μαδιὰμ καὶ Ἀμαλὴκ καὶ πάντεσ οἱ υἱοὶ ἀνατολῶν βεβλημένοι ἐν τῇ κοιλάδι ὡσεὶ ἀκρὶσ εἰσ πλῆθοσ, καὶ ταῖσ καμήλοισ αὐτῶν οὐκ ἦν ἀριθμόσ, ἀλλ̓ ἦσαν ὡσ ἡ ἄμμοσ ἡ ἐπὶ χείλουσ τῆσ θαλάσσησ εἰσ πλῆθοσ. καὶ ἦλθε Γεδεών, καὶ ἰδοὺ ἀνὴρ ἐξηγούμενοσ τῷ πλησίον αὐτοῦ ἐνύπνιον καὶ εἶπεν. ἰδοὺ ἐνυπνιασάμην ἐνύπνιον, καὶ ἰδοὺ μαγὶσ ἄρτου κριθίνου στρεφομένη ἐν τῇ παρεμβολῇ Μαδιὰμ καὶ ἦλθεν ἕωσ τῆσ σκηνῆσ καὶ ἐπάταξεν αὐτήν, καὶ ἔπεσε, καὶ ἀνέστρεψεν αὐτὴν ἄνω, καὶ ἔπεσεν ἡ σκηνή. καὶ ἀπεκρίθη ὁ πλησίον αὐτοῦ καὶ εἶπεν. οὐκ ἔστιν αὕτη εἰ μὴ ρομφαία Γεδεὼν υἱοῦ Ἰωὰσ ἀνδρὸσ Ἰσραήλ. παρέδωκεν ὁ Θεὸσ ἐν χειρὶ αὐτοῦ τὴν Μαδιὰμ καὶ πᾶσαν τὴν παρεμβολήν. καὶ ἐγένετο ὡσ ἤκουσε Γεδεὼν τὴν ἐξήγησιν τοῦ ἐνυπνίου καὶ τὴν σύγκρισιν αὐτοῦ, καὶ προσεκύνησε Κυρίῳ καὶ ὑπέστρεψεν εἰσ τὴν παρεμβολὴν Ἰσραὴλ καὶ εἶπεν. ἀνάστητε, ὅτι παρέδωκε Κύριοσ ἐν χειρὶ ἡμῶν τὴν παρεμβολὴν Μαδιάμ. καὶ διεῖλε τοὺσ τριακοσίουσ ἄνδρασ εἰσ τρεῖσ ἀρχὰσ καὶ ἔδωκε κερατίνασ ἐν χειρὶ πάντων καὶ ὑδρίασ κενὰσ καὶ λαμπάδασ ἐν ταῖσ ὑδρίαις καὶ εἶπε πρὸσ αὐτούσ. ἀπ̓ ἐμοῦ ὄψεσθε καὶ οὕτω ποιήσετε. καὶ ἰδοὺ ἐγὼ εἰσπορεύομαι ἐν ἀρχῇ τῆσ παρεμβολῆσ, καὶ ἔσται καθὼσ ἂν ποιήσω, οὕτω ποιήσετε. καὶ σαλπιῶ ἐν τῇ κερατίνῃ ἐγώ, καὶ πάντεσ μετ̓ ἐμοῦ σαλπιεῖτε ἐν ταῖσ κερατίναισ κύκλῳ ὅλησ τῆσ παρεμβολῆσ καὶ ἐρεῖτε. τῷ Κυρίῳ καὶ τῷ Γεδεών. καὶ εἰσῆλθε Γεδεὼν καὶ οἱ ἑκατὸν ἄνδρεσ οἱ μετ̓ αὐτοῦ ἐν ἀρχῇ τῆσ παρεμβολῆσ ἐν ἀρχῇ τῆσ φυλακῆσ μέσησ καὶ ἐγείροντεσ ἤγειραν τοὺσ φυλάσσοντασ καὶ ἐσάλπισαν ἐν ταῖσ κερατίναισ καὶ ἐξετίναξαν τὰσ ὑδρίασ τὰσ ἐν ταῖσ χερσὶν αὐτῶν. καὶ ἐσάλπισαν αἱ τρεῖσ ἀρχαὶ ἐν ταῖσ κερατίναισ καὶ συνέτριψαν τὰσ ὑδρίασ καὶ ἐκράτησαν ἐν χερσὶν ἀριστεραῖσ αὐτῶν τὰσ λαμπάδασ καὶ ἐν χερσὶ δεξιαῖσ αὐτῶν τὰσ κερατίνασ τοῦ σαλπίζειν καὶ ἀνέκραξαν. ρομφαία τῷ Κυρίῳ καὶ τῷ Γεδεών. καὶ ἔστησεν ἀνὴρ ἐφ̓ ἑαυτῷ κύκλῳ τῆσ παρεμβολῆσ, καὶ ἔδραμε πᾶσα ἡ παρεμβολὴ καὶ ἐσήμαναν καὶ ἔφυγον. καὶ ἐσάλπισαν ἐν ταῖσ τριακοσίαισ κερατίναισ, καὶ ἔθηκε Κύριοσ τὴν ρομφαίαν ἀνδρὸσ ἐν τῷ πλησίον αὐτοῦ ἐν πάσῃ τῇ παρεμβολῇ, καὶ ἔφυγεν ἡ παρεμβολὴ ἕωσ Βηθσεεδτὰ Γαραγαθὰ ἕωσ χείλουσ Ἀβωμεουλὰ ἐπὶ Ταβάθ. καὶ ἐβόησαν ἀνὴρ Ἰσραὴλ ἀπὸ Νεφθαλὶ καὶ ἀπὸ Ἀσὴρ καὶ ἀπὸ παντὸσ Μανασσῆ καὶ ἐδίωξαν ὀπίσω Μαδιάμ. καὶ ἀγγέλουσ ἐπέστειλε Γεδεὼν ἐν παντὶ ὄρει Ἐφραὶμ λέγων. κατάβητε εἰσ συνάντησιν Μαδιὰμ καὶ καταλάβετε ἑαυτοῖσ τὸ ὕδωρ ἕωσ Βαιθηρὰ καὶ τὸν Ἰορδάνην. καὶ ἐβόησε πᾶσ ἀνὴρ Ἐφραὶμ καὶ προκατελάβοντο τὸ ὕδωρ ἕωσ Βαιθηρὰ καὶ τὸν Ἰορδάνην. καὶ συνελάβοντο τοὺσ ἄρχοντασ Μαδιὰμ καὶ τὸν Ὠρὴβ καὶ τὸν Ζὴβ καὶ ἀπέκτειναν τὸν Ὠρὴβ ἐν Σοὺρ καὶ τὸν Ζὴβ ἀπέκτειναν ἐν Ἱακεφζήφ καὶ κατεδίωξαν Μαδιὰμ. καὶ τὴν κεφαλὴν Ὠρὴβ καὶ Ζὴβ ἤνεγκαν πρὸσ Γεδεὼν ἀπὸ πέραν τοῦ Ἰορδάνου. ΚΑΙ εἶπαν πρὸσ Γεδεὼν ἀνὴρ Ἐφραίμ. τί τὸ ρῆμα τοῦτο ἐποίησασ ἡμῖν τοῦ μὴ καλέσαι ἡμᾶσ, ὅτε ἐπορεύθησ παρατάξασθαι ἐν Μαδιάμ̣ καὶ διελέξαντο πρὸσ αὐτὸν ἰσχυρῶσ.

καὶ εἶπε πρὸσ αὐτούσ. τί ἐποίησα νῦν καθὼσ ὑμεῖσ̣ ἢ οὐχὶ κρεῖσσον ἐπιφυλλὶσ Ἐφραὶμ ἢ τρυγητὸσ Ἀβιέζερ̣ ἐν χειρὶ ὑμῶν παρέδωκε Κύριοσ τοὺσ ἄρχοντασ Μαδιάμ, τὸν Ὠρὴβ καὶ τὸν Ζήβ. καὶ τί ἠδυνήθην ποιῆσαι ὡσ ὑμεῖσ̣ τότε ἀνέθη τὸ πνεῦμα αὐτῶν ἀπ̓ αὐτοῦ ἐν τῷ λαλῆσαι αὐτὸν τὸν λόγον τοῦτον. καὶ ἦλθε Γεδεὼν ἐπὶ τὸν Ἰορδάνην, καὶ διέβη αὐτὸσ καὶ οἱ τριακόσιοι ἄνδρεσ οἱ μετ̓ αὐτοῦ πεινῶντεσ καὶ διώκοντεσ. καὶ εἶπε τοῖσ ἀνδράσι Σοκχώθ. δότε δὴ ἄρτουσ εἰσ τροφὴν τῷ λαῷ τούτῳ τῷ ἐν ποσί μου, ὅτι ἐκλείπουσι, καὶ ἰδοὺ ἐγώ εἰμι διώκων ὀπίσω τοῦ Ζεβεὲ καὶ Σελμανὰ βασιλέων Μαδιάμ. καὶ εἶπον οἱ ἄρχοντεσ Σοκχώθ. μὴ χεὶρ Ζεβεὲ καὶ Σελμανὰ νῦν ἐν χειρί σου̣ οὐ δώσομεν τῇ δυνάμει σου ἄρτουσ̣ καὶ εἶπε Γεδεών. διὰ τοῦτο ἐν τῷ δοῦναι Κύριον τὸν Ζεβεὲ καὶ τὸν Σελμανὰ ἐν χειρί μου, καὶ ἐγὼ ἀλοήσω τὰσ σάρκασ ὑμῶν ἐν ταῖσ ἀκάνθαισ τῆσ ἐρήμου καὶ ἐν ταῖσ Βαρκηνίμ. καὶ ἀνέβη ἐκεῖθεν εἰσ Φανουὴλ καὶ ἐλάλησε πρὸσ αὐτοὺσ ὡσαύτωσ, καὶ ἀπεκρίθησαν αὐτῷ οἱ ἄνδρεσ Φανουὴλ ὃν τρόπον ἀπεκρίθησαν ἄνδρεσ Σοκχώθ. καὶ εἶπε Γεδεὼν πρὸσ ἄνδρασ Φανουήλ. ἐν ἐπιστροφῇ μου μετ̓ εἰρήνησ κατασκάψω τὸν πύργον τοῦτον. καὶ Ζεβεὲ καὶ Σελμανὰ ἐν Καρκάρ, καὶ ἡ παρεμβολὴ αὐτῶν μετ̓ αὐτῶν ὡσεὶ δεκαπέντε χιλιάδεσ, πάντεσ οἱ καταλελειμμένοι ἀπὸ πάσησ παρεμβολῆσ ἀλλοφύλων, καὶ οἱ πεπτωκότεσ ἑκατὸν εἴκοσι χιλιάδεσ ἀνδρῶν σπωμένων ρομφαίαν. καὶ ἀνέβη Γεδεὼν ὁδὸν τῶν σκηνούντων ἐν σκηναῖσ ἀπὸ ἀνατολῶν τῆσ Ναβαὶ καὶ Ἰεγεβάλ. καὶ ἐπάταξε τὴν παρεμβολήν, καὶ ἡ παρεμβολὴ ἦν πεποιθυῖα. καὶ ἔφυγον Ζεβεὲ καὶ Σελμανά, καὶ ἐδίωξαν ὀπίσω αὐτῶν καὶ ἐκράτησε τοὺσ δύο βασιλεῖσ Μαδιάμ, τὸν Ζεβεὲ καὶ τὸν Σελμανά, καὶ πᾶσαν τὴν παρεμβολὴν ἐξέστησε. καὶ ἐπέστρεψε Γεδεὼν υἱὸσ Ἰωὰσ ἀπὸ τῆσ παρατάξεωσ ἀπὸ ἐπάνωθεν τῆσ παρατάξεωσ Ἀρέσ. καὶ συνέλαβε παιδάριον ἀπὸ τῶν ἀνδρῶν Σοκχὼθ καὶ ἐπηρώτησεν αὐτόν, καὶ ἔγραψε πρὸσ αὐτὸν ὀνόματα τῶν ἀρχόντων Σοκχὼθ καὶ τῶν πρεσβυτέρων αὐτῶν, ἑβδομήκοντα καὶ ἑπτὰ ἄνδρασ. καὶ παρεγένετο Γεδεὼν πρὸσ τοὺσ ἄρχοντασ Σοκχὼθ καὶ εἶπεν. ἰδοὺ Ζεβεὲ καὶ Σελμανά, ἐν οἷσ ὠνειδίσατέ με λέγοντεσ. μὴ χεὶρ Ζεβεὲ καὶ Σελμανὰ νῦν ἐν χειρί σου, ὅτι δώσομεν τοῖσ ἀνδράσι σου τοῖσ ἐκλείπουσιν ἄρτουσ̣ καὶ ἔλαβε τοὺσ πρεσβυτέρουσ τῆσ πόλεωσ ἐν ταῖσ ἀκάνθαισ τῆσ ἐρήμου καὶ ταῖσ Βαρκηνὶμ καὶ ἠλόησεν ἐν αὐτοῖσ τοὺσ ἄνδρασ τῆσ πόλεωσ. καὶ τὸν πύργον Φανουὴλ κατέσκαψε καὶ ἀπέκτεινε τοὺσ ἄνδρασ τῆσ πόλεωσ. καὶ εἶπε πρὸσ Ζεβεὲ καὶ Σελμανά. ποῦ οἱ ἄνδρεσ, οὓσ ἀπεκτείνατε ἐν Θαβώρ̣ καὶ εἶπαν. ὡσ σύ, ὡσ αὐτοὶ εἰσ ὁμοίωμα υἱοῦ βασιλέωσ. καὶ εἶπε Γεδεών. ἀδελφοί μου καὶ υἱοὶ τῆσ μητρόσ μου ἦσαν. ζῇ Κύριοσ, εἰ ἐζωογονήκειτε αὐτούσ, οὐκ ἂν ἀπέκτεινα ὑμᾶσ. καὶ εἶπεν Ἰεθὲρ τῷ πρωτοτόκῳ αὐτοῦ. ἀναστὰσ ἀπόκτεινον αὐτούσ. καὶ οὐκ ἔσπασε τὸ παιδάριον τὴν ρομφαίαν αὐτοῦ, ὅτι ἐφοβήθη, ὅτι ἔτι νεώτεροσ ἦν. καὶ εἶπε Ζεβεὲ καὶ Σελμανά. ἀνάστα σὺ καὶ συνάντησον ἡμῖν, ὅτι ὡσ ἀνδρὸσ ἡ δύναμίσ σου. καὶ ἀνέστη Γεδεὼν καὶ ἀπέκτεινε τὸν Ζεβεὲ καὶ τὸν Σελμανὰ καὶ ἔλαβε τοὺσ μηνίσκουσ τοὺσ ἐν τοῖσ τραχήλοισ τῶν καμήλων αὐτῶν. Καὶ εἶπον ἀνὴρ Ἰσραὴλ πρὸσ Γεδεών. κύριε, ἄρξον ἡμῶν καὶ σὺ καὶ ὁ υἱόσ σου καὶ ὁ υἱὸσ τοῦ υἱοῦ σου, ὅτι σὺ ἔσωσασ ἡμᾶσ ἐκ χειρὸσ Μαδιάμ. καὶ εἶπε πρὸσ αὐτοὺσ Γεδεών. οὐκ ἄρξω ἐγώ, καὶ οὐκ ἄρξει ὁ υἱόσ μου ἐν ὑμῖν. Κύριοσ ἄρξει ὑμῶν. καὶ εἶπε πρὸσ αὐτοὺσ Γεδεών. αἰτήσομαι παῤ ὑμῶν αἴτημα καὶ δότε μοι ἀνὴρ ἐνώτιον ἐκ σκύλων αὐτοῦ. ὅτι ἐνώτια χρυσᾶ αὐτοῖσ, ὅτι ἦσαν Ἰσμαηλῖται. καὶ εἶπαν. διδόντεσ δώσομεν. καὶ ἀνέπτυξε τὸ ἱμάτιον αὐτοῦ, καὶ ἔβαλεν ἐκεῖ ἀνὴρ ἐνώτιον σκύλων αὐτοῦ. καὶ ἐγένετο ὁ σταθμὸσ τῶν ἐνωτίων τῶν χρυσῶν, ὧν ᾔτησε, χίλιοι καὶ ἑπτακόσιοι χρυσοῖ, πάρεξ τῶν μηνίσκων καὶ τῶν στραγγαλίδων καὶ τῶν ἱματίων καὶ πορφυρίδων τῶν ἐπὶ βασιλεῦσι Μαδιὰμ καὶ ἐκτὸσ τῶν περιθεμάτων, ἃ ἦν ἐν τοῖσ τραχήλοισ τῶν καμήλων αὐτῶν. καὶ ἐποίησεν αὐτὸ Γεδεὼν εἰσ Ἐφὼδ καὶ ἔστησεν αὐτὸ ἐν πόλει αὐτοῦ Ἐφραθά. καὶ ἐξεπόρνευσε πᾶσ Ἰσραὴλ ὀπίσω αὐτοῦ ἐκεῖ, καὶ ἐγένετο τῷ Γεδεὼν καὶ τῷ οἴκῳ αὐτοῦ εἰσ σκῶλον. καὶ συνεστάλη Μαδιὰμ ἐνώπιον υἱῶν Ἰσραὴλ καὶ οὐ προσέθηκαν ἆραι κεφαλὴν αὐτῶν. καὶ ἡσύχασεν ἡ γῆ τεσσαράκοντα ἔτη ἐν ἡμέραισ Γεδεών. καὶ ἐπορεύθη Ἱεροβάαλ υἱὸσ Ἰωὰσ καὶ ἐκάθισεν ἐν οἴκῳ αὐτοῦ. καὶ τῷ Γεδεὼν ἦσαν υἱοὶ ἑβδομήκοντα ἐκπορευόμενοι ἐκ μηρῶν αὐτοῦ, ὅτι γυναῖκεσ πολλαὶ ἦσαν αὐτῷ. καὶ παλλακὴ αὐτοῦ ἦν ἐν Συχέμ. καὶ ἔτεκεν αὐτῷ καί γε αὐτὴ υἱόν, καὶ ἔθηκε τὸ ὄνομα αὐτοῦ Ἀβιμέλεχ. καὶ ἀπέθανε Γεδεὼν υἱὸσ Ἰωὰσ ἐν πόλει αὐτοῦ καὶ ἐτάφη ἐν τῷ τάφῳ Ἰωὰσ τοῦ πατρὸσ αὐτοῦ ἐν Ἐφραθὰ Ἀβιεσδρί. Καὶ ἐγενήθη ὡσ ἀπέθανε Γεδεών, καὶ ἐπέστρεψαν οἱ υἱοὶ Ἰσραὴλ καὶ ἐξεπόρνευσαν ὀπίσω τῶν Βααλὶμ καὶ ἔθηκαν ἑαυτοῖσ τῷ Βάαλ διαθήκην τοῦ εἶναι αὐτοῖσ αὐτὸν εἰσ θεόν. καὶ οὐκ ἐμνήσθησαν οἱ υἱοὶ Ἰσραὴλ Κυρίου τοῦ Θεοῦ τοῦ ρυσαμένου αὐτοὺσ ἐκ χειρὸσ πάντων τῶν θλιβόντων αὐτοὺσ κυκλόθεν. καὶ οὐκ ἐποίησαν ἔλεοσ μετὰ τοῦ οἴκου Ἱεροβάαλ κατὰ πάντα τὰ ἀγαθά, ἃ ἐποίησε μετὰ Ἰσραήλ. ΚΑΙ ἐπορεύθη Ἀβιμέλεχ υἱὸσ Ἱεροβάαλ εἰσ Συχὲμ πρὸσ ἀδελφοὺσ μητρὸσ αὐτοῦ καὶ ἐλάλησε πρὸσ αὐτοὺσ καὶ πρὸσ πᾶσαν συγγένειαν οἴκου πατρὸσ μητρὸσ αὐτοῦ λέγων.

λαλήσατε δὴ ἐν τοῖσ ὠσὶ πάντων τῶν ἀνδρῶν Συχέμ. τί τὸ ἀγαθὸν ὑμῖν, κυριεῦσαι ὑμῶν ἑβδομήκοντα ἄνδρασ, πάντασ υἱοὺσ Ἱεροβάαλ, ἢ κυριεύειν ὑμῶν ἄνδρα ἕνα̣ καὶ μνήσθητε ὅτι ὀστοῦν ὑμῶν καὶ σὰρξ ὑμῶν εἰμι. καὶ ἐλάλησαν περὶ αὐτοῦ οἱ ἀδελφοὶ τῆσ μητρὸσ αὐτοῦ ἐν τοῖσ ὠσὶ πάντων τῶν ἀνδρῶν Συχὲμ πάντασ τοὺσ λόγουσ τούτουσ, καὶ ἔκλινεν ἡ καρδία αὐτῶν ὀπίσω Ἀβιμέλεχ, ὅτι εἶπαν. ἀδελφὸσ ἡμῶν ἐστι. καὶ ἔδωκαν αὐτῷ ἑβδομήκοντα ἀργυρίου ἐξ οἴκου Βααλβερίθ, καὶ ἐμισθώσατο ἑαυτῷ Ἀβιμέλεχ ἄνδρασ κενοὺσ καὶ δειλούσ, καὶ ἐπορεύθησαν ὀπίσω αὐτοῦ. καὶ εἰσῆλθεν εἰσ τὸν οἶκον τοῦ πατρὸσ αὐτοῦ εἰσ Ἐφραθὰ καὶ ἀπέκτεινε τοὺσ ἀδελφοὺσ αὐτοῦ υἱοὺσ Ἱεροβάαλ ἑβδομήκοντα ἄνδρασ ἐπὶ λίθον ἕνα. καὶ κατελείφθη Ἰωάθαμ υἱὸσ Ἱεροβάαλ ὁ νεώτεροσ, ὅτι ἐκρύβη. καὶ συνήχθησαν πάντεσ ἄνδρεσ Σικίμων καὶ πᾶσ οἶκοσ Βηθμααλὼν καὶ ἐπορεύθησαν καὶ ἐβασίλευσαν τὸν Ἀβιμέλεχ πρὸσ τῇ βαλάνῳ τῇ εὑρετῇ τῆσ στάσεωσ τῆσ ἐν Σικίμοισ. Καὶ ἀνηγγέλη τῷ Ἰωάθαμ, καὶ ἐπορεύθη καὶ ἔστη ἐπὶ κορυφὴν ὄρουσ Γαριζὶν καὶ ἐπῇρε τὴν φωνὴν αὐτοῦ καὶ ἔκλαυσε καὶ εἶπεν αὐτοῖσ. ἀκούσατέ μου, ἄνδρεσ Σικίμων, καὶ ἀκούσεται ὑμῶν ὁ Θεόσ. πορευόμενα ἐπορεύθη τὰ ξύλα τοῦ χρῖσαι ἐφ̓ ἑαυτὰ βασιλέα καὶ εἶπον τῇ ἐλαίᾳ. βασίλευσον ἐφ̓ ἡμῶν. καὶ εἶπεν αὐτοῖσ ἡ ἐλαία. μὴ ἀπολείψασα τὴν ποιότητά μου, ἐν ᾗ δοξάσουσι τὸν Θεὸν ἄνδρεσ, πορεύσομαι κινεῖσθαι ἐπὶ τῶν ξύλων̣ καὶ εἶπαν τὰ ξύλα τῇ συκῇ. δεῦρο βασίλευσον ἐφ̓ ἡμῶν. καὶ εἶπεν αὐτοῖσ ἡ συκῆ. μὴ ἀπολείψασα ἐγὼ τὴν γλυκύτητά μου καὶ τὰ γενήματά μου τὰ ἀγαθά, πορεύσομαι κινεῖσθαι ἐπὶ τῶν ξύλων̣ καὶ εἶπαν τὰ ξύλα πρὸσ τὴν ἄμπελον. δεῦρο βασίλευσον ἐφ̓ ἡμῶν. καὶ εἶπεν αὐτοῖσ ἡ ἄμπελοσ. μὴ ἀπολείψασα τὸν οἶνόν μου τὸν εὐφραίνοντα Θεὸν καὶ ἀνθρώπουσ, πορεύσομαι κινεῖσθαι ἐπὶ τῶν ξύλων̣ καὶ εἶπαν πάντα τὰ ξύλα τῇ ράμνῳ. δεῦρο σὺ βασίλευσον ἐφ̓ ἡμῶν. καὶ εἶπεν ἡ ράμνοσ πρὸσ τὰ ξύλα. εἰ ἐν ἀληθείᾳ χρίετέ με ὑμεῖσ τοῦ βασιλεύειν ἐφ̓ ὑμᾶσ, δεῦτε ὑπόστητε ἐν τῇ σκιᾷ μου. καὶ εἰ μή, ἐξέλθοι πῦρ ἀπ̓ ἐμοῦ καὶ καταφάγοι τὰσ κέδρουσ τοῦ Λιβάνου. καὶ νῦν εἰ ἐν ἀληθείᾳ καὶ τελειότητι ἐποιήσατε καὶ ἐβασιλεύσατε τὸν Ἀβιμέλεχ, καὶ εἰ ἀγαθωσύνην ἐποιήσατε μετὰ Ἱεροβάαλ, καὶ μετὰ τοῦ οἴκου αὐτοῦ, καὶ εἰ ὡσ ἀνταπόδοσισ χειρὸσ αὐτοῦ ἐποιήσατε αὐτῷ, ὡσ παρετάξατο ὁ πατήρ μου ὑπὲρ ὑμῶν καὶ ἐξέρριψε τὴν ψυχὴν αὐτοῦ ἐξεναντίασ καὶ ἐρρύσατο ὑμᾶσ ἐκ χειρὸσ Μαδιάμ, καὶ ὑμεῖσ ἐπανέστητε ἐπὶ τὸν οἶκον τοῦ πατρόσ μου σήμερον καὶ ἀπεκτείνατε τοὺσ υἱοὺσ αὐτοῦ ἑβδομήκοντα ἄνδρασ ἐπὶ λίθον ἕνα, καὶ ἐβασιλεύσατε τὸν Ἀβιμέλεχ υἱὸν παιδίσκησ αὐτοῦ ἐπὶ τοὺσ ἄνδρασ Σικίμων, ὅτι ἀδελφὸσ ὑμῶν ἐστι, καὶ εἰ ἐν ἀληθείᾳ καὶ τελειότητι ἐποιήσατε μετὰ Ἱεροβάαλ καὶ μετὰ τοῦ οἴκου αὐτοῦ ἐν τῇ ἡμέρᾳ ταύτῃ, εὐφρανθείη τε ἐν Ἀβιμέλεχ, καὶ εὐφρανθείη καί γε αὐτὸσ ἐφ̓ ὑμῖν. εἰ δὲ οὔ, ἐξέλθοι πῦρ ἀπὸ Ἀβιμέλεχ καὶ καταφάγοι τοὺσ ἄνδρασ Σικίμων καὶ τὸν οἶκον Βηθμααλὼν καὶ ἐξέλθοι πῦρ ἀπὸ ἀνδρῶν Σικίμων καὶ ἐκ τοῦ οἴκου Βηθμααλὼν καὶ καταφάγοι τὸν Ἀβιμέλεχ. καὶ ἔφυγεν Ἰωάθαμ καὶ ἀπέδρα καὶ ἐπορεύθη ἕωσ Βαιὴρ καὶ ᾤκησεν ἐκεῖ ἀπὸ προσώπου Ἀβιμέλεχ ἀδελφοῦ αὐτοῦ. Καὶ ἦρξεν Ἀβιμέλεχ ἐπὶ Ἰσραὴλ τρία ἔτη. καὶ ἐξαπέστειλεν ὁ Θεὸσ πνεῦμα πονηρὸν ἀνὰ μέσον Ἀβιμέλεχ καὶ ἀνὰ μέσον τῶν ἀνδρῶν Σικίμων, καὶ ἠθέτησαν ἄνδρεσ Σικίμων ἐν τῷ οἴκῳ Ἀβιμέλεχ, τοῦ ἐπαγαγεῖν τὴν ἀδικίαν τῶν ἑβδομήκοντα υἱῶν Ἱεροβάαλ καὶ τὰ αἵματα αὐτῶν τοῦ θεῖναι ἐπὶ Ἀβιμέλεχ τὸν ἀδελφὸν αὐτῶν, ὃσ ἀπέκτεινεν αὐτούσ, καὶ ἐπὶ ἄνδρασ Σικίμων, ὅτι ἐνίσχυσαν τὰσ χεῖρασ αὐτοῦ ἀποκτεῖναι τοὺσ ἀδελφοὺσ αὐτοῦ. καὶ ἔθηκαν αὐτῷ οἱ ἄνδρεσ Σικίμων ἐνεδρεύοντασ ἐπὶ τὰσ κεφαλὰσ τῶν ὀρέων καὶ διήρπαζον πάντα, ὃσ παρεπορεύετο ἐπ̓ αὐτοὺσ ἐν τῇ ὁδῷ. καὶ ἀπηγγέλη τῷ βασιλεῖ Ἀβιμέλεχ. καὶ ἦλθε Γαὰλ υἱὸσ Ἰωβὴλ καὶ οἱ ἀδελφοὶ αὐτοῦ καὶ παρῆλθον ἐν Σικίμοισ, καὶ ἤλπισαν ἐν αὐτῷ οἱ ἄνδρεσ Σικίμων. καὶ ἐξῆλθον εἰσ ἀγρὸν καὶ ἐτρύγησαν τοὺσ ἀμπελῶνασ αὐτῶν καὶ ἐπάτησαν καὶ ἐποίησαν Ἐλλουλὶμ καὶ εἰσήνεγκαν εἰσ οἶκον Θεοῦ αὐτῶν καὶ ἔφαγον καὶ ἔπιον καὶ κατηράσαντο τὸν Ἀβιμέλεχ. καὶ εἶπε Γαὰλ υἱὸσ Ἰωβήλ. τίσ ἐστιν Ἀβιμέλεχ καὶ τίσ ἐστιν υἱὸσ Συχέμ, ὅτι δουλεύσομεν αὐτῷ̣ οὐχ υἱὸσ Ἱεροβάαλ, καὶ Ζεβοὺλ ἐπίσκοποσ αὐτοῦ δοῦλοσ αὐτοῦ σὺν τοῖσ ἀνδράσιν Ἐμμὼρ πατρὸσ Συχέμ̣ καὶ τί ὅτι δουλεύσομεν αὐτῷ ἡμεῖσ̣ καὶ τίσ δῴη τὸν λαὸν τοῦτον ἐν χειρί μου̣ καὶ μεταστήσω τὸν Ἀβιμέλεχ καὶ ἐρῶ πρὸσ αὐτόν. πλήθυνον τὴν δύναμίν σου καὶ ἔξελθε. καὶ ἤκουσε Ζεβοὺλ ἄρχων τῆσ πόλεωσ τοὺσ λόγουσ Γαὰλ υἱοῦ Ἰωβὴλ καὶ ὠργίσθη θυμῷ αὐτόσ. καὶ ἀπέστειλεν ἀγγέλουσ πρὸσ Ἀβιμέλεχ ἐν κρυφῇ λέγων. ἰδοὺ Γαὰλ υἱὸσ Ἰωβὴλ καὶ οἱ ἀδελφοὶ αὐτοῦ ἔρχονται εἰσ Συχέμ, καὶ ἰδοὺ αὐτοὶ περικάθηνται τὴν πόλιν ἐπὶ σέ. καὶ νῦν ἀνάστηθι νυκτόσ, σὺ καὶ ὁ λαὸσ ὁ μετὰ σοῦ, καὶ ἐνέδρευσον ἐν τῷ ἀγρῷ, καὶ ἔσται τὸ πρωί̈ ἅμα τῷ ἀνατεῖλαι τὸν ἥλιον, ὀρθριεῖσ καὶ ἐκτενεῖσ ἐπὶ τὴν πόλιν, καὶ ἰδοὺ αὐτὸσ καὶ ὁ λαὸσ ὁ μετ̓ αὐτοῦ ἐκπορεύονται πρὸσ σέ, καὶ ποιήσεισ αὐτῷ ὅσα ἂν εὕρῃ ἡ χείρ σου. καὶ ἀνέστη Ἀβιμέλεχ καὶ πᾶσ ὁ λαὸσ μετ̓ αὐτοῦ νυκτὸσ καὶ ἐνήδρευσαν ἐπὶ Συχὲμ τέτρασιν ἀρχαῖσ. καὶ ἐξῆλθε Γαὰλ υἱὸσ Ἰωβὴλ καὶ ἔστη πρὸσ τῇ θύρᾳ τῆσ πύλησ τῆσ πόλεωσ, καὶ ἀνέστη Ἀβιμέλεχ καὶ ὁ λαὸσ ὁ μετ̓ αὐτοῦ ἀπὸ τοῦ ἐνέδρου. καὶ εἶδε Γαὰλ υἱὸσ Ἰωβὴλ τὸν λαὸν καὶ εἶπε πρὸσ Ζεβούλ. ἰδοὺ λαὸσ καταβαίνει ἀπὸ τῶν κεφαλῶν τῶν ὀρέων. καὶ εἶπε πρὸσ αὐτὸν Ζεβούλ. τὴν σκιὰν τῶν ὀρέων σὺ βλέπεισ ὡσ ἄνδρασ. καὶ προσέθετο ἔτι Γαὰλ τοῦ λαλῆσαι καὶ εἶπεν. ἰδοὺ λαὸσ καταβαίνων κατὰ θάλασσαν ἀπὸ τοῦ ἐχόμενα ὀμφαλοῦ τῆσ γῆσ, καὶ ἀρχὴ ἑτέρα ἔρχεται δἰ ὁδοῦ Ἡλωνμαωνενίμ. καὶ εἶπε πρὸσ αὐτὸν Ζεβούλ. καὶ ποῦ ἐστι τὸ στόμα σου ὡσ ἐλάλησασ, τίσ ἐστιν Ἀβιμέλεχ, ὅτι δουλεύσομεν αὐτῷ̣ μὴ οὐχὶ οὗτοσ ὁ λαόσ, ὃν ἐξουδένωσασ̣ ἔξελθε δὴ νῦν καὶ παράταξαι αὐτῷ. καὶ ἐξῆλθε Γαὰλ ἐνώπιον ἀνδρῶν Συχὲμ καὶ παρετάξατο πρὸσ Ἀβιμέλεχ. καὶ ἐδίωξεν αὐτὸν Ἀβιμέλεχ, καὶ ἐφυγεν ἀπὸ προσώπου αὐτοῦ. καὶ ἔπεσον τραυματίαι πολλοὶ ἕωσ τῆσ θύρασ τῆσ πύλησ. καὶ εἰσῆλθεν Ἀβιμέλεχ ἐν Ἀρημά. καὶ ἐξέβαλε Ζεβοὺλτὸν Γαὰλ καὶ τοὺσ ἀδελφοὺσ αὐτοῦ μὴ οἰκεῖν ἐν Συχέμ. καὶ ἐγένετο τῇ ἐπαύριον καὶ ἐξῆλθεν ὁ λαὸσ εἰσ τὸν ἀγρόν, καὶ ἀνήγγειλε τῷ Ἀβιμέλεχ. καὶ ἔλαβε τὸν λαόν, καὶ διεῖλεν αὐτοὺσ εἰσ τρεῖσ ἀρχὰσ καὶ ἐνήδρευσεν ἐν ἀγρῷ. καὶ εἶδε καὶ ἰδοὺ λαὸσ ἐξῆλθεν ἐκ τῆσ πόλεωσ, καὶ ἀνέστη ἐπ̓ αὐτοὺσ καὶ ἐπάταξεν αὐτούσ. καὶ Ἀβιμέλεχ καὶ οἱ ἀρχηγοὶ οἱ μετ̓ αὐτοῦ ἐξέτειναν καὶ ἔστησαν παρὰ τὴν θύραν τῆσ πύλησ τῆσ πόλεωσ, καὶ αἱ δύο ἀρχαὶ ἐξέτειναν ἐπὶ πάντασ τοὺσ ἐν τῷ ἀγρῷ καὶ ἐπάταξαν αὐτούσ. καὶ Ἀβιμέλεχ παρετάσσετο ἐν τῇ πόλει ὅλην τὴν ἡμέραν ἐκείνην καὶ κατελάβετο τὴν πόλιν καὶ τὸν λαὸν τὸν ἐν αὐτῇ ἀπέκτεινε καὶ τὴν πόλιν καθεῖλε καὶ ἔσπειρεν αὐτὴν ἅλασ. καὶ ἤκουσαν πάντεσ οἱ ἄνδρεσ πύργων Συχὲμ καὶ ἦλθον εἰσ συνέλευσιν Βαιθηλβερίθ. καὶ ἀνηγγέλη τῷ Ἀβιμέλεχ ὅτι συνήχθησαν πάντεσ οἱ ἄνδρεσ πύργων Συχέμ. καὶ ἀνέβη Ἀβιμέλεχ εἰσ ὄροσ Ἑρμὼν καὶ πᾶσ ὁ λαὸσ ὁ μετ̓ αὐτοῦ, καὶ ἔλαβεν Ἀβιμέλεχ τὰσ ἀξίνασ ἐν τῇ χειρὶ αὐτοῦ καὶ ἔκοψε κλάδον ξύλου καὶ ᾖρε καὶ ἔθηκεν ἐπὶ ὤμων αὐτοῦ καὶ εἶπε τῷ λαῷ τῷ μετ̓ αὐτοῦ. ὃ εἴδετέ με ποιοῦντα, ταχέωσ ποιήσατε ὡσ ἐγώ. καὶ ἔκοψαν καί γε ἀνὴρ κλάδον πᾶσ ἀνὴρ καὶ ἐπορεύθησαν ὀπίσω Ἀβιμέλεχ καὶ ἐπέθηκαν ἐπὶ τὴν συνέλευσιν καὶ ἐνεπύρισαν ἐπ̓ αὐτοὺσ τὴν συνέλευσιν ἐν πυρί, καὶ ἀπέθανον καί γε πάντεσ οἱ ἄνδρεσ πύργου Σικίμων ὡσεὶ χίλιοι ἄνδρεσ καὶ γυναῖκεσ. Καὶ ἐπορεύθη Ἀβιμέλεχ ἐκ Βαιθηλβερὶθ καὶ παρενέβαλεν ἐν Θήβησ καὶ κατέλαβεν αὐτήν. καὶ πύργοσ ἰσχυρὸσ ἦν ἐν μέσῳ τῆσ πόλεωσ, καὶ ἔφυγον ἐκεῖ πάντεσ οἱ ἄνδρεσ καὶ αἱ γυναῖκεσ τῆσ πόλεωσ καὶ ἔκλεισαν ἔξωθεν αὐτῶν καὶ ἀνέβησαν ἐπὶ τὸ δῶμα τοῦ πύργου. καὶ ἦλθεν Ἀβιμέλεχ ἕωσ τοῦ πύργου, καὶ παρετάξαντο αὐτῷ. καὶ ἤγγισεν Ἀβιμέλεχ ἕωσ τῆσ θύρασ τοῦ πύργου τοῦ ἐμπρῆσαι αὐτὸν ἐν πυρί. καὶ ἔρριψε γυνὴ μία κλάσμα ἐπιμύλιον ἐπὶ κεφαλὴν Ἀβιμέλεχ καὶ ἔκλασε τὸ κρανίον αὐτοῦ. καὶ ἐβόησε ταχὺ πρὸσ τὸ παιδάριον τὸ αἷρον τὰ σκεύη αὐτοῦ καὶ εἶπεν αὐτῷ. σπάσον τὴν ρομφαίαν μου καὶ θανάτωσόν με, μή ποτε εἴπωσι. γυνὴ ἀπέκτεινεν αὐτόν. καὶ ἐξεκέντησεν αὐτὸν τὸ παιδάριον αὐτοῦ, καὶ ἀπέθανε. καὶ εἶδεν ἀνὴρ Ἰσραὴλ ὅτι ἀπέθανεν Ἀβιμέλεχ, καὶ ἐπορεύθησαν ἀνὴρ εἰσ τὸν τόπον αὐτοῦ. καὶ ἐπέστρεψεν ὁ Θεὸσ τὴν πονηρίαν Ἀβιμέλεχ, ἣν ἐποίησε τῷ πατρὶ αὐτοῦ ἀποκτεῖναι τοὺσ ἑβδομήκοντα ἀδελφοὺσ αὐτοῦ. καὶ τὴν πᾶσαν πονηρίαν ἀνδρῶν Συχὲμ ἐπέστρεψεν ὁ Θεὸσ εἰσ κεφαλὴν αὐτῶν, καὶ ἐπῆλθεν ἐπ̓ αὐτοὺσ ἡ κατάρα Ἰωάθαμ υἱοῦ Ἱεροβάαλ. ΚΑΙ ἀνέστη μετὰ Ἀβιμέλεχ τοῦ σῶσαι τὸν Ἰσραὴλ Θωλὰ υἱὸσ Φουά, υἱὸσ πατραδέλφου αὐτοῦ, ἀνὴρ Ἰσσάχαρ, καὶ αὐτὸσ ᾤκει ἐν Σαμὶρ ἐν ὄρει Ἐφραίμ.

καὶ ἔκρινε τὸν Ἰσραὴλ εἴκοσι τρία ἔτη καὶ ἀπέθανε καὶ ἐτάθη ἐν Σαμίρ. Καὶ ἀνέστη μετ̓ αὐτὸν Ἰαί̈ρ ὁ Γαλαάδ, καὶ ἔκρινε τὸν Ἰσραὴλ εἴκοσι δύο ἔτη. καὶ ἦσαν αὐτῷ τριάκοντα καὶ δύο υἱοὶ ἐπιβαίνοντεσ ἐπὶ τριάκοντα δύο πώλουσ. καὶ τριάκοντα δύο πόλεισ αὐτοῖσ, καὶ ἐκάλουν αὐτὰσ ἐπαύλεισ Ἰαί̈ρ ἕωσ τῆσ ἡμέρασ ταύτησ ἐν γῇ Γαλαάδ. καὶ ἀπέθανεν Ἰαί̈ρ καὶ ἐτάφη ἐν Ραμνών. Καὶ προσέθεντο οἱ υἱοὶ Ἰσραὴλ τοῦ ποιῆσαι τὸ πονηρὸν ἐνώπιον Κυρίου καὶ ἐδούλευσαν τοῖσ Βααλὶμ καὶ τοῖσ Ἀσταρὼθ καὶ τοῖσ θεοῖσ Ἀρὰδ καὶ τοῖσ θεοῖσ Σιδῶνοσ καὶ τοῖσ θεοῖσ Μωὰβ καὶ τοῖσ θεοῖσ υἱῶν Ἀμμὼν καὶ τοῖσ θεοῖσ Φυλιστιί̈μ καὶ ἐγκατέλιπον τὸν Κύριον καὶ οὐκ ἐδούλευσαν αὐτῷ. καὶ ὠργίσθη θυμῷ Κύριοσ ἐν Ἰσραὴλ καὶ ἐπέδοτο αὐτοὺσ ἐν χειρὶ Φυλιστιί̈μ καὶ ἐν χειρὶ υἱῶν Ἀμμών. καὶ ἔθλιψαν καὶ ἔθλασαν τοὺσ υἱοὺσ Ἰσραὴλ ἐν τῷ καιρῷ ἐκείνῳ ὀκτωκαίδεκα ἔτη, τοὺσ πάντασ υἱοὺσ Ἰσραὴλ τοὺσ ἐν τῷ πέραν τοῦ Ἰορδάνου ἐν γῇ τοῦ Ἀμορρὶ τοῦ ἐν Γαλαάδ. καὶ διέβησαν οἱ υἱοὶ Ἀμμὼν τὸν Ἰορδάνην παρατάξασθαι πρὸσ Ἰούδαν καὶ Βενιαμὶν καὶ πρὸσ Ἐφραὶμ καὶ ἐθλίβη Ἰσραὴλ σφόδρα. καὶ ἐβόησαν οἱ υἱοὶ Ἰσραὴλ πρὸσ Κύριον λέγοντεσ. ἡμάρτομέν σοι, ὅτι ἐγκατελίπομεν τὸν Θεὸν καὶ ἐδουλεύσαμεν τῷ Βααλίμ. καὶ εἶπε Κύριοσ πρὸσ τοὺσ υἱοὺσ Ἰσραήλ. μὴ οὐχὶ ἐξ Αἰγύπτου καὶ ἀπὸ τοῦ Ἀμορραίου καὶ ἀπὸ υἱῶν Ἀμμὼν καὶ ἀπὸ Φυλιστιί̈μ καὶ Σιδωνίων καὶ Ἀμαλὴκ καὶ Μαδιάμ, οἳ ἔθλιψαν ὑμᾶσ, καὶ ἐβοήσατε πρόσ με, καὶ ἔσωσα ὑμᾶσ ἐκ χειρὸσ αὐτῶν̣ καὶ ὑμεῖσ ἐγκατελίπετέ με καὶ ἐδουλεύσατε θεοῖσ ἑτέροισ. διὰ τοῦτο οὐ προσθήσω τοῦ σῶσαι ὑμᾶσ. πορεύεσθε καὶ βοήσατε πρὸσ τοὺσ θεούσ, οὓσ ἐξελέξασθε ἑαυτοῖσ, καὶ αὐτοὶ σωσάτωσαν ὑμᾶσ ἐν καιρῷ θλίψεωσ ὑμῶν. καὶ εἶπαν οἱ υἱοὶ Ἰσραὴλ πρὸσ Κύριον. ἡμάρτομεν, ποίησον σὺ ἡμῖν κατὰ πᾶν τὸ ἀγαθὸν ἐν ὀφθαλμοῖσ σου, πλὴν ἐξελοῦ ἡμᾶσ ἐν τῇ ἡμέρᾳ ταύτῃ. καὶ ἐξέκλιναν τοὺσ θεοὺσ τοὺσ ἀλλοτρίουσ ἐκ μέσου αὐτῶν καὶ ἐδούλευσαν τῷ Κυρίῳ μόνῳ, καὶ ὠλιγώθη ἡ ψυχὴ αὐτοῦ ἐν κόπῳ Ἰσραήλ. Καὶ ἀνέβησαν οἱ υἱοὶ Ἀμμών, καὶ παρενέβαλον ἐν Γαλαάδ. καὶ συνήχθησαν οἱ υἱοὶ Ἰσραὴλ καὶ παρενέβαλον ἐν τῇ σκοπιᾷ. καὶ εἶπον ὁ λαὸσ οἱ ἄρχοντεσ Γαλαάδ, ἀνὴρ πρὸσ τὸν πλησίον αὐτοῦ. τίσ ὁ ἀνήρ, ὅστισ ἂν ἄρξεται παρατάξασθαι πρὸσ υἱοὺσ Ἀμμών̣ καὶ ἔσται εἰσ ἄρχοντα πᾶσι τοῖσ κατοικοῦσι Γαλαάδ. ΚΑΙ Ἰεφθάε ὁ Γαλααδίτησ ἐπῃρμένοσ δυνάμει. καὶ αὐτὸσ υἱὸσ γυναικὸσ πόρνησ, ἣ ἐγέννησε τῷ Γαλαὰδ τὸν Ἰεφθάε.

καὶ ἔτεκεν ἡ γυνὴ Γαλαὰδ αὐτῷ υἱούσ. καὶ ἡδρύνθησαν οἱ υἱοὶ τῆσ γυναικὸσ καὶ ἐξέβαλον τὸν Ἰεφθάε καὶ εἶπαν αὐτῷ. οὐ κληρονομήσεισ ἐν τῷ οἴκῳ τοῦ πατρὸσ ἡμῶν, ὅτι υἱὸσ γυναικὸσ ἑταίρασ σύ. καὶ ἔφυγεν Ἰεφθάε ἀπὸ προσώπου τῶν ἀδελφῶν αὐτοῦ καὶ ᾤκησεν ἐν γῇ Τώβ, καὶ συνεστράφησαν πρὸσ Ἰεφθάε ἄνδρεσ κενοὶ καὶ ἐξῆλθον μετ̓ αὐτοῦ. καὶ ἐγένετο ἡνίκα παρετάξαντο οἱ υἱοὶ Ἀμμὼν μετὰ Ἰσραήλ, καὶ ἐπορεύθησαν οἱ πρεσβύτεροι Γαλαὰδ λαβεῖν τὸν Ἰεφθάε ἀπὸ τῆσ γῆσ Τὼβ καὶ εἶπαν τῷ Ἰεφθάε. δεῦρο καὶ ἔσῃ ἡμῖν εἰσ ἀρχηγόν, καὶ παραταξόμεθα πρὸσ υἱοὺσ Ἀμμών. καὶ εἶπεν Ἰεφθάε τοῖσ πρεσβυτέροισ Γαλαάδ. οὐχὶ ὑμεῖσ ἐμισήσατέ με καὶ ἐξεβάλατέ με ἐκ τοῦ οἴκου τοῦ πατρόσ μου καὶ ἐξαπεστείλατέ με ἀφ̓ ὑμῶν̣ καὶ διατὶ ἤλθατε πρόσ με νῦν, ἡνίκα χρῄζετε̣ καὶ εἶπαν οἱ πρεσβύτεροι Γαλαὰδ πρὸσ Ἰεφθάε. διὰ τοῦτο νῦν ἐπεστρέψαμεν πρόσ σε, καὶ πορεύσῃ μεθ̓ ἡμῶν καὶ παρατάξῃ πρὸσ υἱοὺσ Ἀμμών. καὶ ἔσῃ ἡμῖν εἰσ ἄρχοντα πᾶσι τοῖσ κατοικοῦσι Γαλαάδ. καὶ εἶπεν Ἰεφθάε πρὸσ τοὺσ πρεσβυτέρουσ Γαλαάδ. εἰ ἐπιστρέφετέ με ὑμεῖσ παρατάξασθαι ἐν υἱοῖσ Ἀμμὼν καὶ παραδῷ αὐτοὺσ Κύριοσ ἐνώπιον ἐμοῦ, καὶ ἐγὼ ὑμῖν ἔσομαι εἰσ ἄρχοντα. καὶ εἶπαν οἱ πρεσβύτεροι Γαλαὰδ πρὸσ Ἰεφθάε. Κύριοσ ἔστω ἀκούων ἀνὰ μέσον ἡμῶν, εἰ μὴ κατὰ τὸ ρῆμά σου οὕτω ποιήσομεν. καὶ ἐπορεύθη Ἰεφθάε μετὰ τῶν πρεσβυτέρων Γαλαάδ, καὶ ἔθηκαν αὐτὸν ὁ λαὸσ ἐπ̓ αὐτοὺσ εἰσ κεφαλὴν καὶ εἰσ ἀρχηγόν. καὶ ἐλάλησεν Ἰεφθάε πάντασ τοὺσ λόγουσ αὐτοῦ ἐνώπιον Κυρίου ἐν Μασσηφά. Καὶ ἀπέστειλεν Ἰεφθάε ἀγγέλουσ πρὸσ βασιλέα υἱῶν Ἀμμὼν λέγων. τί ἐμοὶ καὶ σοί, ὅτι ἦλθεσ πρόσ με τοῦ παρατάξασθαι ἐν τῇ γῇ μου̣ καὶ εἶπε βασιλεὺσ υἱῶν Ἀμμὼν πρὸσ τοὺσ ἀγγέλουσ Ἰεφθάε. ὅτι ἔλαβεν Ἰσραὴλ τὴν γῆν μου ἐν τῷ ἀναβαίνειν αὐτὸν ἐξ Αἰγύπτου ἀπὸ Ἀρνὼν ἕωσ Ἰαβὸκ καὶ ἕωσ τοῦ Ἰορδάνου. καὶ νῦν ἐπίστρεψον αὐτὰσ ἐν εἰρήνῃ, καὶ πορεύσομαι. καὶ προσέθηκεν ἔτι Ἰεφθάε καὶ ἀπέστειλεν ἀγγέλουσ πρὸσ βασιλέα υἱῶν Ἀμμών. καὶ εἶπεν αὐτῷ. οὕτω λέγει Ἰεφθάε. οὐκ ἔλαβεν Ἰσραὴλ τὴν γῆν Μωὰβ καὶ τὴν γῆν υἱῶν Ἀμμών. ὅτι ἐν τῷ ἀναβαίνειν αὐτοὺσ ἐξ Αἰγύπτου ἐπορεύθη Ἰσραὴλ ἐν τῇ ἐρήμῳ ἕωσ θαλάσσησ Σὶφ καὶ ἦλθεν εἰσ Κάδησ. καὶ ἀπέστειλεν Ἰσραὴλ ἀγγέλουσ πρὸσ βασιλέα Ἐδὼμ λέγων. παρελεύσομαι δὴ ἐν τῇ γῇ σου. καὶ οὐκ ἤκουσε βασιλεὺσ Ἐδώμ. καί γε πρὸσ βασιλέα Μωὰβ ἀπέστειλε, καὶ οὐκ εὐδόκησε. καὶ ἐκάθισεν Ἰσραὴλ ἐν Κάδησ. καὶ ἐπορεύθη ἐν τῇ ἐρήμῳ καὶ ἐκύκλωσε τὴν γῆν Ἐδὼμ καὶ τὴν γῆν Μωὰβ καὶ ἦλθεν ἀπὸ ἀνατολῶν ἡλίου τῇ γῇ Μωὰβ καὶ παρενέβαλεν ἐν πέραν Ἀρνὼν καὶ οὐκ εἰσῆλθεν ἐν ὁρίοισ Μωάβ, ὅτι Ἀρνὼν ὅριον Μωάβ. καὶ ἀπέστειλεν Ἰσραὴλ ἀγγέλουσ πρὸσ Σηὼν βασιλέα τοῦ Ἀμορραίου βασιλέα Ἐσεβών, καὶ εἶπεν αὐτῷ Ἰσραήλ. παρέλθωμεν δὴ ἐν τῇ γῇ σου ἕωσ τοῦ τόπου ἡμῶν. καὶ οὐκ ἐνεπίστευσε Σηὼν τῷ Ἰσραὴλ παρελθεῖν ἐν τῷ ὁρίῳ αὐτοῦ. καὶ συνῆξε Σηὼν πάντα τὸν λαὸν αὐτοῦ, καὶ παρενέβαλον εἰσ Ἰασά, καὶ παρετάξατο πρὸσ Ἰσραήλ. καὶ παρέδωκε Κύριοσ ὁ Θεὸσ Ἰσραὴλ τὸν Σηὼν καὶ πάντα τὸν λαὸν αὐτοῦ ἐν χειρὶ Ἰσραήλ, καὶ ἐπάταξεν αὐτόν. καὶ ἐκληρονόμησεν Ἰσραὴλ πᾶσαν τὴν γῆν τοῦ Ἀμμοραίου τοῦ κατοικοῦντοσ τὴν γῆν ἐκείνην. ἀπὸ Ἀρνὼν καὶ ἕωσ τοῦ Ἰαβὸκ καὶ ἀπὸ τοῦ ἐρήμου ἕωσ τοῦ Ἰορδάνου. καὶ νῦν Κύριοσ ὁ Θεὸσ Ἰσραὴλ ἐξῇρε τὸν Ἀμορραῖον ἀπὸ προσώπου λαοῦ αὐτοῦ Ἰσραήλ, καὶ σὺ κληρονομήσεισ αὐτόν̣ οὐχὶ ἃ ἐὰν κληρονομήσει σε Χαμὼσ ὁ θεόσ σου, αὐτὰ κληρονομήσεισ, καὶ τοὺσ πάντασ, οὓσ ἐξῇρε Κύριοσ ὁ Θεὸσ ἡμῶν ἀπὸ προσώπου ὑμῶν, αὐτοὺσ κληρονομήσομεν̣ καὶ νῦν μὴ ἐν ἀγαθῷ ἀγαθώτεροσ σὺ ὑπὲρ Βαλὰκ υἱὸν Σεπφὼρ βασιλέωσ Μωάβ̣ μὴ μαχόμενοσ ἐμαχέσατο μετὰ Ἰσραὴλ ἢ πολεμῶν ἐπολέμησεν αὐτόν̣ ἐν τῷ οἰκῆσαι ἐν Ἐσεβὼν καὶ ἐν τοῖσ ὁρίοισ αὐτῆσ καὶ ἐν γῇ Ἀροὴρ καὶ ἐν τοῖσ ὁρίοισ αὐτῆσ καὶ ἐν πάσαισ ταῖσ πόλεσι ταῖσ παρὰ τὸν Ἰορδάνην τριακόσια ἔτη, καὶ διατί οὐκ ἐρρύσω αὐτοὺσ ἐν τῷ καιρῷ ἐκείνῳ̣ καὶ νῦν ἐγώ εἰμι οὐχ ἥμαρτόν σοι, καὶ σὺ ποιεῖσ μετ̓ ἐμοῦ πονηρίαν τοῦ παρατάξασθαι ἐν ἐμοί. κρίναι Κύριοσ ὁ κρίνων σήμερον ἀνὰ μέσον υἱῶν Ἰσραὴλ καὶ ἀνὰ μέσον υἱῶν Ἀμμών. καὶ οὐκ ἤκουσε βασιλεὺσ Ἀμμὼν τῶν λόγων Ἰεφθάε, ὧν ἀπέστειλε πρὸσ αὐτόν. Καὶ ἐγένετο ἐπὶ Ἰεφθάε πνεῦμα Κυρίου, καὶ παρῆλθε τὸν Γαλαὰδ καὶ τὸν Μανασσῆ καὶ παρῆλθε τὴν σκοπιὰν Γαλαὰδ εἰσ τὸ πέραν υἱῶν Ἀμμών. καὶ ηὔξατο Ἰεφθάε εὐχὴν τῷ Κυρίῳ καὶ εἶπεν. ἐὰν διδοὺσ δῷσ μοι τοὺσ υἱοὺσ Ἀμμὼν ἐν τῇ χειρί μου, καὶ ἔσται ὁ ἐκπορευόμενοσ, ὃσ ἂν ἐξέλθῃ ἀπὸ τῆσ θύρασ τοῦ οἴκου μου εἰσ συνάντησίν μου ἐν τῷ ἐπιστρέφειν με ἐν εἰρήνῃ ἀπὸ υἱῶν Ἀμμών, καὶ ἔσται τῷ Κυρίῳ ἀνοίσω αὐτὸν ὁλοκαύτωμα. καὶ παρῆλθεν Ἰεφθάε πρὸσ υἱοὺσ Ἀμμὼν παρατάξασθαι πρὸσ αὐτούσ, καὶ παρέδωκεν αὐτοὺσ Κύριοσ ἐν χειρὶ αὐτοῦ. καὶ ἐπάταξεν αὐτοὺσ ἀπὸ Ἀροὴρ ἕωσ ἐλθεῖν ἄχρισ Ἀρνὼν ἐν ἀριθμῷ εἴκοσι πόλεισ καὶ ἕωσ Ἐβελχαρμὶμ πληγὴν μεγάλην σφόδρα, καὶ συνεστάλησαν οἱ υἱοὶ Ἀμμὼν ἀπὸ προσώπου υἱῶν Ἰσραήλ. Καὶ ἦλθεν Ἰεφθάε εἰσ Μασσηφὰ εἰσ τὸν οἶκον αὐτοῦ, καὶἰδοὺ ἡ θυγάτηρ αὐτοῦ ἐξεπορεύετο εἰσ ὑπάντησιν ἐν τυμπάνοισ καὶ χοροῖσ. καὶ αὕτη ἦν μονογενήσ, οὐκ ἦν αὐτῷ ἕτεροσ υἱὸσ ἢ θυγάτηρ. καὶ ἐγένετο ὡσ εἶδεν αὐτὴν αὐτόσ, διέρρηξε τὰ ἱμάτια αὐτοῦ καὶ εἶπεν. ἆ ἆ, θυγάτηρ μου, ταραχῇ ἐτάραξάσ με καὶ σὺ ἦσ ἐν τῷ ταράχῳ μου, καὶ ἐγώ εἰμι ἤνοιξα κατὰ σοῦ τὸ στόμα μου πρὸσ Κύριον καὶ οὐ δυνήσομαι ἀποστρέψαι. ἡ δὲ εἶπε πρὸσ αὐτόν. πάτερ, ἤνοιξασ τὸ στόμα σου πρὸσ Κύριον̣ ποίησόν μοι ὃν τρόπον ἐξῆλθεν ἐκ στόματόσ σου, ἐν τῷ ποιῆσαί σοι Κύριον ἐκδίκησιν τῶν ἐχθρῶν σου ἀπὸ τῶν υἱῶν Ἀμμών. καὶ ἥδε εἶπε πρὸσ τὸν πατέρα αὐτῆσ. ποιησάτω δὴ ὁ πατήρ μου τὸν λόγον τοῦτον. ἔασόν με δύο μῆνασ, καὶ πορεύσομαι καὶ καταβήσομαι ἐπὶ τὰ ὄρη καὶ κλαύσομαι ἐπὶ τὰ παρθένιά μου, ἐγώ εἰμι καὶ αἱ συνεταιρίδεσ μου. καὶ εἶπε. πορεύου. καὶ ἀπέστειλεν αὐτὴν δύο μῆνασ. καὶ ἐπορεύθη, αὐτὴ καὶ αἱ συνεταιρίδεσ αὐτῆσ, καὶ ἔκλαυσεν ἐπὶ τὰ παρθένια αὐτῆσ ἐπὶ τὰ ὄρη. καὶ ἐγένετο ἐν τέλει τῶν δύο μηνῶν καὶ ἐπέστρεψε πρὸσ τὸν πατέρα αὐτῆσ, καὶ ἐποίησεν ἐν αὐτῇ εὐχὴν αὐτοῦ, ἣν ηὔξατο. καὶ αὕτη οὐκ ἔγνω ἄνδρα. καὶ ἐγένετο εἰσ πρόσταγμα ἐν Ἰσραήλ. ἀπὸ ἡμερῶν εἰσ ἡμέρασ ἐπορεύοντο θυγατέρεσ Ἰσραὴλ θρηνεῖν τὴν θυγατέρα Ἰεφθάε τοῦ Γαλααδίτου ἐπὶ τέσσαρασ ἡμέρασ ἐν τῷ ἐνιαυτῷ. ΚΑΙ ἐβόησεν ἀνὴρ Ἐφραίμ, καὶ παρῆλθαν εἰσ βορρᾶν καὶ εἶπαν πρὸσ Ἰεφθάε. διατὶ παρῆλθεσ παρατάξασθαι ἐν υἱοῖσ Ἀμμὼν καὶ ἡμᾶσ οὐ κέκληκασ πορευθῆναι μετὰ σοῦ̣ τὸν οἶκόν σου ἐμπρήσομεν ἐπὶ σὲ ἐν πυρί.

καὶ εἶπε πρὸσ αὐτοὺσ Ἰεφθάε. ἀνὴρ μαχητὴσ ἤμην ἐγὼ καὶ ὁ λαόσ μου, καὶ οἱ υἱοὶ Ἀμμὼν σφόδρα. καὶ ἐβόησα ὑμᾶσ, καὶ οὐκ ἐσώσατέ με ἐκ χειρὸσ αὐτῶν. καὶ εἶδον ὅτι οὐκ εἶ σωτήρ, καὶ ἔθηκα τὴν ψυχήν μου ἐν χειρί μου καὶ παρῆλθον πρὸσ υἱοὺσ Ἀμμών, καὶ ἔδωκεν αὐτοὺσ Κύριοσ ἐν χειρί μου. καὶ εἰσ τί ἀνέβητε ἐπ̓ ἐμὲ ἐν τῇ ἡμέρᾳ ταύτῃ παρατάξασθαι ἐν ἐμοί̣ καὶ συνέστρεψεν Ἰεφθάε πάντασ τοὺσ ἄνδρασ Γαλαὰδ καὶ παρετάξατο τῷ Ἐφραίμ, καὶ ἐπάταξαν ἄνδρεσ Γαλαὰδ τὸν Ἐφραίμ, ὅτι εἶπαν, οἱ διασωζόμενοι τοῦ Ἐφραὶμ ἡμεῖσ, Γαλαὰδ ἐν μέσῳ τοῦ Ἐφραὶμ καὶ ἐν μέσῳ τοῦ Μανασσῆ. καὶ προκατελάβετο Γαλαὰδ τὰσ διαβάσεισ τοῦ Ἰορδάνου τοῦ Ἐφραίμ, καὶ εἶπαν αὐτοῖσ οἱ διασωζόμενοι Ἐφραίμ. διαβῶμεν, καὶ εἶπαν αὐτοῖσ οἱ ἄνδρεσ Γαλαάδ. μὴ Ἐφραθίτησ εἶ̣ καὶ εἶπεν. οὔ. καὶ εἶπαν αὐτῷ. εἶπον δὴ Στάχυσ. καὶ οὐ κατεύθυνε τοῦ λαλῆσαι οὕτωσ. καὶ ἐπελάβοντο αὐτοῦ, καὶ ἔθυσαν αὐτὸν πρὸσ τὰσ διαβάσεισ τοῦ Ἰορδάνου, καὶ ἔπεσαν ἐν τῷ καιρῷ ἐκείνῳ ἀπὸ Ἐφραὶμ δύο καὶ τεσσαράκοντα χιλιάδεσ. καὶ ἔκρινεν Ἰεφθάε τὸν Ἰσραὴλ ἓξ ἔτη. καὶ ἀπέθανεν Ἰεφθάε ὁ Γαλααδίτησ, καὶ ἐτάφη ἐν πόλει αὐτοῦ Γαλαάδ. Καὶ ἔκρινε μετ̓ αὐτὸν τὸν Ἰσραὴλ Ἀβαισσὰν ἀπὸ Βαιθλεέμ. καὶ ἦσαν αὐτῷ τριάκοντα υἱοὶ καὶ τριάκοντα θυγατέρεσ, ἃσ ἐξαπέστειλεν ἔξω, καὶ τριάκοντα θυγατέρασ εἰσήνεγκε τοῖσ υἱοῖσ αὐτοῦ ἔξωθεν. καὶ ἔκρινε τὸν Ἰσραὴλ ἑπτὰ ἔτη. καὶ ἀπέθανεν Ἀβαισσὰν καὶ ἐτάφη ἐν Βαιθλεέμ. καὶ ἔκρινε μετ̓ αὐτὸν τὸν Ἰσραὴλ Αἰλὼμ ὁ Ζαβουλωνίτησ δέκα ἔτη. καὶ ἀπέθανεν Αἰλὼμ ὁ Ζαβουλωνίτησ καὶ ἐτάφη ἐν Αἰλὼμ ἐν γῇ Ζαβουλών. καὶ ἔκρινε μετ̓ αὐτὸν τὸν Ἰσραὴλ Ἀβδὼν υἱὸσ Ἐλλὴλ ὁ Φαραθωνίτησ. καὶ ἦσαν αὐτῷ τεσσαράκοντα υἱοὶ καὶ τριάκοντα υἱῶν υἱοὶ ἐπιβαίνοντεσ ἐπὶ ἑβδομήκοντα πώλουσ. καὶ ἔκρινε τὸν Ἰσραὴλ ὀκτὼ ἔτη. καὶ ἀπέθανεν Ἀβδὼν υἱὸσ Ἐλλὴλ ὁ Φαραθωνίτησ καὶ ἐτάφη ἐν Φαραθὼν ἐν γῇ Ἐφραὶμ ἐν ὄρει τοῦ Ἀμαλήκ. ΚΑΙ προσέθηκαν ἔτι οἱ υἱοὶ Ἰσραὴλ ποιῆσαι τὸ πονηρὸν ἐνώπιον Κυρίου, καὶ παρέδωκεν αὐτοὺσ Κύριοσ ἐν χειρὶ Φυλιστιί̈μ τεσσαράκοντα ἔτη.

καὶ ἦν ἀνὴρ εἷσ ἀπὸ Σαραὰ ἀπὸ δήμου συγγενείασ τοῦ Δανί, καὶ ὄνομα αὐτῷ Μανωέ, καὶ γυνὴ αὐτοῦ στεῖρα καὶ οὐκ ἔτεκε. καὶ ὤφθη ἄγγελοσ Κυρίου πρὸσ τὴν γυναῖκα, καὶ εἶπε πρὸσ αὐτήν. ἰδοὺ σὺ στεῖρα καὶ οὐ τέτοκασ, καὶ συλλήψῃ υἱόν. καὶ νῦν φύλαξαι δὴ καὶ μὴ πίῃσ οἶνον καὶ μέθυσμα καὶ μὴ φάγῃσ πᾶν ἀκάθαρτον. ὅτι ἰδοὺ σὺ ἐν γαστρὶ ἔχεισ καὶ τέξῃ υἱόν, καὶ σίδηροσ ἐπὶ τὴν κεφαλὴν αὐτοῦ οὐκ ἀναβήσεται, ὅτι ναζὶρ Θεοῦ ἔσται τὸ παιδάριον ἀπὸ τῆσ κοιλίασ, καὶ αὐτὸσ ἄρξεται σῶσαι τὸν Ἰσραὴλ ἐκ χειρὸσ Φυλιστιί̈μ. καὶ εἰσῆλθεν ἡ γυνὴ καὶ εἶπε τῷ ἀνδρὶ αὐτῆσ λέγουσα. ἄνθρωποσ Θεοῦ ἦλθε πρόσ με, καὶ εἶδοσ αὐτοῦ ὡσ εἶδοσ ἀγγέλου Θεοῦ, φοβερὸν σφόδρα. καὶ οὐκ ἠρώτησα αὐτόν, πόθεν ἐστί, καὶ τὸ ὄνομα αὐτοῦ οὐκ ἀπήγγειλέ μοι. καὶ εἶπέ μοι. ἰδοὺ σὺ ἐν γαστρὶ ἔχεισ καὶ τέξῃ υἱόν. καὶ νῦν μὴ πίῃσ οἶνον καὶ μέθυσμα καὶ μὴ φάγῃσ πᾶν ἀκάθαρτον, ὅτι Θεοῦ ἅγιον ἔσται τὸ παιδάριον ἀπὸ γαστρὸσ ἕωσ ἡμέρασ θανάτου αὐτοῦ. καὶ προσηύξατο Μανωὲ πρὸσ Κύριον καὶ εἶπεν. ἐν ἐμοί, Κύριε Ἀδωναϊέ, τὸν ἄνθρωπον τοῦ Θεοῦ, ὃν ἀπέστειλασ, ἐλθέτω δὴ ἔτι πρὸσ ἡμᾶσ καὶ συμβιβασάτω ἡμᾶσ τί ποιήσωμεν τῷ παιδίῳ τῷ τικτομένῳ. καὶ εἰσήκουσεν ὁ Θεὸσ τῆσ φωνῆσ Μανωέ, καὶ ἦλθεν ὁ ἄγγελοσ τοῦ Θεοῦ ἔτι πρὸσ τὴν γυναῖκα, καὶ αὕτη ἐκάθητο ἐν ἀγρῷ, καὶ Μανωὲ ὁ ἀνὴρ αὐτῆσ οὐκ ἦν μετ̓ αὐτῆσ. καὶ ἐτάχυνεν ἡ γυνὴ καὶ ἔδραμε καὶ ἀνήγγειλε τῷ ἀνδρὶ αὐτῆσ καὶ εἶπε πρὸσ αὐτόν. ἰδοὺ ὦπται πρόσ με ὁ ἀνήρ, ὃσ ἦλθεν ἐν ἡμέρᾳ πρόσ με. καὶ ἀνέστη καὶ ἐπορεύθη Μανωὲ ὀπίσω τῆσ γυναικὸσ αὐτοῦ καὶ ἦλθε πρὸσ τὸν ἄνδρα καὶ εἶπεν αὐτῷ. εἰ σὺ εἶ ὁ ἀνὴρ ὁ λαλήσασ πρὸσ τὴν γυναῖκα̣ καὶ εἶπεν ὁ ἄγγελοσ. ἐγώ. καὶ εἶπε Μανωέ. νῦν ἐλεύσεται ὁ λόγοσ σου. τίσ ἔσται κρίσισ τοῦ παιδίου καὶ τὰ ποιήματα αὐτοῦ̣ καὶ εἶπεν ὁ ἄγγελοσ Κυρίου πρὸσ Μανωέ. ἀπὸ πάντων, ὧν εἴρηκα πρὸσ τὴν γυναῖκα, φυλάξεται. ἀπὸ παντόσ, ὃ ἐκπορεύεται ἐξ ἀμπέλου τοῦ οἴνου, οὐ φάγεται καὶ οἶνον καὶ μέθυσμα μὴ πιέτω καὶ πᾶν ἀκάθαρτον μὴ φαγέτω. πάντα ὅσα ἐνετειλάμην αὐτῇ, φυλάξεται. καὶ εἶπε Μανωὲ πρὸσ τὸν ἄγγελον Κυρίου. κατάσχωμεν ὧδέ σε καὶ ποιήσωμεν ἐνώπιόν σου ἔριφον αἰγῶν. καὶ εἶπεν ὁ ἄγγελοσ Κυρίου πρὸσ Μανωέ. ἐὰν κατάσχῃσ με, οὐ φάγομαι ἀπὸ τῶν ἄρτων σου, καὶ ἐὰν ποιήσῃσ ὁλοκαύτωμα, τῷ Κυρίῳ ἀνοίσεισ αὐτό. ὅτι οὐκ ἔγνω Μανωὲ ὅτι ἄγγελοσ Κυρίου αὐτόσ. καὶ εἶπε Μανωὲ πρὸσ τὸν ἄγγελον Κυρίου. τί τὸ ὄνομά σοι̣ ὅτι ἔλθοι τὸ ρῆμά σου, καὶ δοξάσομέν σε. καὶ εἶπεν αὐτῷ ὁ ἄγγελοσ Κυρίου. εἰσ τί τοῦτο ἐρωτᾷσ τὸ ὄνομά μου̣ καὶ αὐτό ἐστι θαυμαστόν. καὶ ἔλαβε Μανωὲ τὸν ἔριφον τῶν αἰγῶν καὶ τὴν θυσίαν καὶ ἀνήνεγκεν ἐπὶ τήν πέτραν τῷ Κυρίῳ. καὶ διεχώρισε ποιῆσαι, καὶ Μανωὲ καὶ γυνὴ αὐτοῦ βλέποντεσ. καὶ ἐγένετο ἐν τῷ ἀναβῆναι τὴν φλόγα ἐπάνω τοῦ θυσιαστηρίου ἕωσ τοῦ οὐρανοῦ καὶ ἀνέβη ὁ ἄγγελοσ Κυρίου ἐν τῇ φλογὶ τοῦ θυσιαστηρίου, καὶ Μανωὲ καὶ ἡ γυνὴ αὐτοῦ βλέποντεσ καὶ ἔπεσαν ἐπὶ πρόσωπον αὐτῶν ἐπὶ τὴν γῆν. καὶ οὐ προσέθηκεν ἔτι ὁ ἄγγελοσ Κυρίου ὀφθῆναι πρὸσ Μανωὲ καὶ πρὸσ τὴν γυναῖκα αὐτοῦ. τότε ἔγνω Μανωὲ ὅτι ἄγγελοσ Κυρίου οὗτοσ. καὶ εἶπε Μανωὲ πρὸσ τὴν γυναῖκα αὐτοῦ. θανάτῳ ἀποθανούμεθα, ὅτι Θεὸν εἴδομεν. καὶ εἶπεν αὐτῷ ἡ γυνὴ αὐτοῦ. εἰ ἤθελεν ὁ Κύριοσ θανατῶσαι ἡμᾶσ, οὐκ ἂν ἔλαβεν ἐκ χειρὸσ ἡμῶν ὁλοκαύτωμα καὶ θυσίαν καὶ οὐκ ἂν ἔδειξεν ἡμῖν ταῦτα πάντα καὶ καθὼσ καιρὸσ οὐκ ἂν ἠκούτισεν ἡμᾶσ ταῦτα. καὶ ἔτεκεν ἡ γυνὴ υἱὸν καὶ ἐκάλεσε τὸ ὄνομα αὐτοῦ Σαμψών. καὶ ἡδρύνθη τὸ παιδάριον, καὶ εὐλόγησεν αὐτὸ Κύριοσ. καὶ ἤρξατο πνεῦμα Κυρίου συνεκπορεύεσθαι αὐτῷ ἐν παρεμβολῇ Δὰν καὶ ἀνὰ μέσον Σαραὰ καὶ ἀνὰ μέσον Ἐσθαόλ. ΚΑΙ κατέβη Σαμψὼν εἰσ Θαμναθὰ καὶ εἶδε γυναῖκα ἐν Θαμναθὰ ἀπὸ τῶν θυγατέρων τῶν ἀλλοφύλων.

καὶ ἀνέβη καὶ ἀπήγγειλε τῷ πατρὶ αὐτοῦ καὶ τῇ μητρὶ αὐτοῦ καὶ εἶπε. γυναῖκα ἑώρακα ἐν Θαμναθὰ ἀπὸ τῶν θυγατέρων Φυλιστιί̈μ, καὶ νῦν λάβετε αὐτὴν ἐμοὶ εἰσ γυναῖκα. καὶ εἶπεν αὐτῷ ὁ πατὴρ αὐτοῦ καὶ ἡ μήτηρ αὐτοῦ. μὴ οὐκ εἰσὶ θυγατέρεσ τῶν ἀδελφῶν σου καὶ ἐκ παντὸσ τοῦ λαοῦ μου γυνή, ὅτι σὺ πορεύῃ λαβεῖν γυναῖκα ἀπὸ τῶν ἀλλοφύλων τῶν ἀπεριτμήτων̣ καὶ εἶπε Σαμψὼν πρὸσ τὸν πατέρα αὐτοῦ. ταύτην λάβε μοι, ὅτι αὔτη εὐθεῖα ἐν ὀφθαλμοῖσ μου. καὶ ὁ πατὴρ αὐτοῦ καὶ ἡ μήτηρ αὐτοῦ οὐκ ἔγνωσαν ὅτι παρὰ Κυρίου ἐστίν, ὅτι ἐκδίκησιν αὐτὸσ ζητεῖ ἐκ τῶν ἀλλοφύλων. καὶ ἐν τῷ καιρῷ ἐκείνῳ οἱ ἀλλόφυλοι κυριεύοντεσ ἐν Ἰσραήλ. καὶ κατέβη Σαμψὼν καὶ ὁ πατὴρ αὐτοῦ καὶ ἡ μήτηρ αὐτοῦ εἰσ Θαμναθά. καὶ ἦλθεν ἕωσ τοῦ ἀμπελῶνοσ Θαμναθά, καὶ ἰδοὺ σκύμνοσ λέοντοσ ὠρυόμενοσ εἰσ συνάντησιν αὐτοῦ. καὶ ἥλατο ἐπ̓ αὐτὸν πνεῦμα Κυρίου, καὶ συνέτριψεν αὐτόν, ὡσεὶ συντρίψει ἔριφον αἰγῶν, καὶ οὐδὲν ἦν ἐν ταῖσ χερσὶν αὐτοῦ. καὶ οὐκ ἀπήγγειλε τῷ πατρὶ αὐτοῦ καὶ τῇ μητρὶ αὐτοῦ ὃ ἐποίησε. καὶ κατέβησαν καὶ ἐλάλησαν τῇ γυναικί, καὶ ηὐθύνθη ἐν ὀφθαλμοῖσ Σαμψών. καὶ ὑπέστρεψε μεθ̓ ἡμέρασ λαβεῖν αὐτὴν καὶ ἐξέκλινεν ἰδεῖν τὸ πτῶμα τοῦ λέοντοσ, καὶ ἰδοὺ συναγωγὴ μελισσῶν ἐν τῷ στόματι τοῦ λέοντοσ καὶ μέλι. καὶ ἐξεῖλεν αὐτὸ εἰσ χεῖρασ αὐτοῦ καὶ ἐπορεύετο πορευόμενοσ καὶ ἐσθίων. καὶ ἐπορεύθη πρὸσ τὸν πατέρα αὐτοῦ καὶ πρὸσ τὴν μητέρα αὐτοῦ καὶ ἔδωκεν αὐτοῖσ, καὶ ἔφαγον. καὶ οὐκ ἀνήγγειλεν αὐτοῖσ ὅτι ἀπὸ στόματοσ τοῦ λέοντοσ ἐξεῖλε τὸ μέλι. κα’Ι κατέβη ὁ πατὴρ αὐτοῦ πρὸσ τὴν γυναῖκα. καὶ ἐποίησεν ἐκεῖ Σαμψὼν πότον ἡμέρασ ἑπτά, ὅτι οὕτωσ ποιοῦσιν οἱ νεανίσκοι. καὶ ἐγένετο ὅτε εἶδον αὐτόν, καὶ ἔλαβον τριάκοντα κλητούσ, καὶ ἦσαν μετ̓ αὐτοῦ. καὶ εἶπεν αὐτοῖσ Σαμψών. πρόβλημα ὑμῖν προβάλλομαι. ἐὰν ἀπαγγέλλοντεσ ἀπαγγείλητε αὐτὸ ἐν ταῖσ ἑπτὰ ἡμέραισ τοῦ πότου καὶ εὕρητε, δώσω ὑμῖν τριάκοντα σινδόνασ καὶ τριάκοντα στολὰσ ἱματίων. καὶ ἐὰν μὴ δύνησθε ἀπαγγεῖλαί μοι, δώσετε ὑμεῖσ ἐμοὶ τριάκοντα ὀθόνια καὶ τριάκοντα ἀλλασσομένασ στολὰσ ἱματίων. καὶ εἶπαν αὐτῷ. προβάλλου τὸ πρόβλημά σου, καὶ ἀκουσόμεθα αὐτό. καὶ εἶπεν αὐτοῖσ. τί βρωτὸν ἐξῆλθεν ἐκ βιβρώσκοντοσ καὶ ἀπὸ ἰσχυροῦ γλυκύ̣ καὶ οὐκ ἠδύναντο ἀπαγγεῖλαι τὸ πρόβλημα ἐπί τρεῖσ ἡμέρασ. καὶ ἐγένετο ἐν τῇ ἡμέρᾳ τῇ τετάρτῃ καὶ εἶπαν τῇ γυναικὶ Σαμψών. ἀπάτησον δὴ τὸν ἄνδρα σου καὶ ἀπαγγειλάτω σοι τὸ πρόβλημα, μή ποτε κατακαύσωμέν σε καὶ τὸν οἶκον τοῦ πατρόσ σου ἐν πυρί. ἦ ἐκβιάσαι ἡμᾶσ κεκλήκατε̣ καὶ ἔκλαυσεν ἡ γυνὴ Σαμψὼν πρὸσ αὐτὸν καὶ εἶπε. πλὴν μεμίσηκάσ με καὶ οὐκ ἠγάπησάσ με, ὅτι τὸ πρόβλημα, ὃ προεβάλου τοῖσ υἱοῖσ τοῦ λαοῦ μου, οὐκ ἀπήγγειλάσ μοι αὐτό. καὶ εἶπεν αὐτῇ Σαμψών. εἰ τῷ πατρί μου καὶ τῇ μητρί μου οὐκ ἀπήγγελκα, σοὶ ἀπαγγείλω̣ καὶ ἔκλαυσε πρὸσ αὐτὸν ἐπὶ τὰσ ἑπτὰ ἡμέρασ, ἃσ ἦν αὐτοῖσ ὁ πότοσ. καὶ ἐγένετο ἐν τῇ ἡμέρᾳ τῇ ἑβδόμῃ καὶ ἀπήγγειλεν αὐτῇ, ὅτι παρηνώχλησεν αὐτῷ. καὶ αὐτὴ ἀπήγγειλε τοῖσ υἱοῖσ τοῦ λαοῦ αὐτῆσ. καὶ εἶπαν αὐτῷ οἱ ἄνδρεσ τῆσ πόλεωσ ἐν τῇ ἡμέρᾳ τῇ ἑβδόμῃ πρὸ τοῦ ἀνατεῖλαι τὸν ἥλιον. τί γλυκύτερον μέλιτοσ, καὶ τί ἰσχυρότερον λέοντοσ̣ καὶ εἶπεν αὐτοῖσ Σαμψών. εἰ μὴ ἠροτριάσατε ἐν τῇ δαμάλει μου, οὐκ ἂν ἔγνωτε τὸ πρόβλημά μου. καὶ ἥλατο ἐπ̓ αὐτὸν πνεῦμα Κυρίου, καὶ κατέβη εἰσ Ἀσκάλωνα καὶ ἐπάταξεν ἐξ αὐτῶν τριάκοντα ἄνδρασ καὶ ἔλαβε τὰ ἱμάτια αὐτῶν καὶ ἔδωκε τὰσ στολὰσ τοῖσ ἀπαγγείλασι τὸ πρόβλημα. καὶ ὠργίσθη θυμῷ Σαμψὼν καὶ ἀνέβη εἰσ τὸν οἶκον τοῦ πατρὸσ αὐτοῦ. καὶ ἐγένετο ἡ γυνὴ Σαμψὼν ἑνὶ τῶν φίλων αὐτοῦ, ὧν ἐφιλίασεν. ΚΑΙ ἐγένετο μεθ̓ ἡμέρασ ἐν ἡμέραισ θερισμοῦ πυρῶν καὶ ἐπεσκέψατο Σαμψὼν τὴν γυναῖκα αὐτοῦ ἐν ἐρίφῳ αἰγῶν καὶ εἶπεν. εἰσελεύσομαι πρὸσ τὴν γυναῖκά μου καὶ εἰσ τὸ ταμιεῖον. καὶ οὐκ ἔδωκεν αὐτὸν ὁ πατὴρ αὐτῆσ εἰσελθεῖν.

καὶ εἶπεν ὁ πατὴρ αὐτῆσ λέγων. εἶπα ὅτι μισῶν ἐμίσησασ αὐτήν, καὶ ἔδωκα αὐτὴν ἑνὶ τῶν ἐκ τῶν φίλων σου. μὴ οὐχὶ ἡ ἀδελφὴ αὐτῆσ ἡ νεωτέρα ἀγαθωτέρα ὑπὲρ αὐτήν̣ ἔστω δή σοι ἀντὶ αὐτῆσ. καὶ εἶπεν αὐτοῖσ Σαμψών. ἠθώωμαι καὶ τὸ ἅπαξ ἀπὸ ἀλλοφύλων, ὅτι ποιῶ ἐγὼ μετ̓ αὐτῶν πονηρίαν. καὶ ἐπορεύθη Σαμψὼν καὶ συνέλαβε τριακοσίασ ἀλώπεκασ καὶ ἔλαβε λαμπάδασ καὶ ἐπέστρεψε κέρκον πρὸσ κέρκον καὶ ἔθηκε λαμπάδα μίαν ἀναμέσον τῶν δύο κέρκων καὶ ἔδησε. καὶ ἐξέκαυσε πῦρ ἐν ταῖσ λαμπάσι καὶ ἐξαπέστειλεν ἐν τοῖσ στάχυσι τῶν ἀλλοφύλων, καὶ ἐκάησαν ἀπὸ ἅλωνοσ καὶ ἕωσ σταχύων ὀρθῶν καὶ ἕωσ ἀμπελῶνοσ καὶ ἐλαίασ. καὶ εἶπαν οἱ ἀλλόφυλοι. τίσ ἐποίησε ταῦτα̣ καὶ εἶπαν. Σαμψὼν ὁ νυμφίοσ τοῦ Θαμνί, ὅτι ἔλαβε τὴν γυναῖκα αὐτοῦ καὶ ἔδωκεν αὐτὴν τῷ ἐκ τῶν φίλων αὐτοῦ. καὶ ἀνέβησαν οἱ ἀλλόφυλοι καὶ ἐνέπρησαν αὐτὴν καὶ τὸν οἶκον τοῦ πατρὸσ αὐτῆσ ἐν πυρί. καὶ εἶπεν αὐτοῖσ Σαμψών. ἐὰν ποιήσητε οὕτωσ ταύτην, ὅτι ἦ μὴν ἐκδικήσω ἐν ὑμῖν καὶ ἔσχατον κοπάσω. καὶ ἐπάταξεν αὐτοὺσ κνήμην ἐπὶ μηρὸν πληγὴν μεγάλην. καὶ κατέβη καὶ ἐκάθισεν ἐν τρυμαλιᾷ τῆσ πέτρασ Ἠτάμ. Καὶ ἀνέβησαν οἱ ἀλλόφυλοι καὶ παρενέβαλον ἐν Ἰούδᾳ καὶ ἐξερρίφησαν ἐν Λεχί. καὶ εἶπαν ἀνὴρ Ἰούδα. εἰσ τί ἀνέβητε ἐφ̓ ἡμᾶσ̣ καὶ εἶπον οἱ ἀλλόφυλοι. δῆσαι τὸν Σαμψὼν ἀνέβημεν καὶ ποιῆσαι αὐτῷ ὃν τρόπον ἐποίησεν ἡμῖν. καὶ κατέβησαν τρισχίλιοι ἀπὸ Ἰούδα ἄνδρεσ εἰσ τρυμαλιὰν πέτρασ Ἠτὰμ καὶ εἶπαν πρὸσ Σαμψών. οὐκ οἶδασ ὅτι κυριεύουσιν οἱ ἀλλόφυλοι ἡμῶν, καὶ τί τοῦτο ἐποίησασ ἡμῖν̣ καὶ εἶπεν αὐτοῖσ Σαμψών. ὃν τρόπον ἐποίησάν μοι, οὕτωσ ἐποίησα αὐτοῖσ. καὶ εἶπαν αὐτῷ. δῆσαί σε κατέβημεν τοῦ δοῦναί σε ἐν χειρὶ ἀλλοφύλων. καὶ εἶπεν αὐτοῖσ Σαμψών. ὀμόσατέ μοι μή ποτε συναντήσητε ἐν ἐμοὶ ὑμεῖσ. καὶ εἶπον αὐτῷ λέγοντεσ. οὐχί, ὅτι ἀλλ̓ ἢ δεσμῷ δήσομέν σε καὶ παραδώσομέν σε ἐν χειρὶ αὐτῶν καὶ θανάτῳ οὐ θανατώσομέν σε. καὶ ἔδησαν αὐτὸν ἐν δυσὶ καλωδίοισ καινοῖσ καὶ ἀνήνεγκαν αὐτὸν ἀπὸ τῆσ πέτρασ ἐκείνησ. καὶ ἦλθον ἕωσ Σιαγόνοσ. καὶ οἱ ἀλλόφυλοι ἠλάλαξαν καὶ ἔδραμον εἰσ συνάντησιν αὐτοῦ. καὶ ἥλατο ἐπ̓ αὐτὸν πνεῦμα Κυρίου, καὶ ἐγενήθη τὰ καλώδια τὰ ἐπὶ βραχίοσιν αὐτοῦ ὡσεὶ στυππίον, ὃ ἐξεκαύθη ἐν πυρί, καὶ ἐτάκησαν δεσμοὶ αὐτοῦ ἀπὸ χειρῶν αὐτοῦ. καὶ εὗρε σιαγόνα ὄνου ἐξερριμένη καὶ ἐξέτεινε τὴν χεῖρα αὐτοῦ καὶ ἔλαβεν αὐτὴν καὶ ἐπάταξεν ἐν αὐτῇ χιλίουσ ἄνδρασ. καὶ εἶπε Σαμψών. ἐν σιαγόνι ὄνου ἐξαλείφων ἐξήλειψα αὐτούσ, ὅτι ἐν τῇ σιαγόνι τοῦ ὄνου ἐπάταξα χιλίουσ ἄνδρασ. καὶ ἐγένετο ὡσ ἐπαύσατο λαλῶν, καὶ ἔρριψε τὴν σιαγόνα ἐκ τῆσ χειρὸσ αὐτοῦ. καὶ ἐκάλεσε τὸν τόπον ἐκεῖνον Ἀναίρεσισ σιαγόνοσ. καὶ ἐδίψησε σφόδρα, καὶ ἔκλαυσε πρὸσ Κύριον καὶ εἶπε. σὺ εὐδόκησασ ἐν χειρὶ δούλου σου τὴν σωτηρίαν τὴν μεγάλην ταύτην, καὶ νῦν ἀποθανοῦμαι τῷ δίψει καὶ ἐμπεσοῦμαι ἐν χειρὶ τῶν ἀπεριτμήτων. καὶ ἔρρηξεν ὁ Θεὸσ τὸν λάκκον τὸν ἐν τῇ σιαγόνι, καὶ ἐξῆλθεν ἐξ αὐτοῦ ὕδωρ, καὶ ἔπιε, καὶ ἐπέστρεψε τὸ πνεῦμα αὐτοῦ καὶ ἔζησε. διὰ τοῦτο ἐκλήθη τὸ ὄνομα αὐτῆσ Πηγὴ τοῦ ἐπικαλουμένου, ἥ ἐστιν ἐν Σιαγόνι, ἕωσ τῆσ ἡμέρασ ταύτησ. καὶ ἔκρινε τὸν Ἰσραὴλ ἐν ἡμέραισ ἀλλοφύλων εἴκοσιν ἔτη. ΚΑΙ ἐπορεύθη Σαμψὼν εἰσ Γάζαν. καὶ εἶδεν ἐκεῖ γυναῖκα πόρνην καὶ εἰσῆλθε πρὸσ αὐτήν.

καὶ ἀνηγγέλη τοῖσ Γαζαίοισ λέγοντεσ. ἥκει Σαμψὼν ὧδε. καὶ ἐκύκλωσαν καὶ ἐνήδρευσαν ἐπ̓ αὐτὸν ὅλην τὴν νύκτα ἐν τῇ πύλῃ τῆσ πόλεωσ καὶ ἐκώφευσαν ὅλην τὴν νύκτα λέγοντεσ. ἕωσ διαφαύσῃ ὁ ὄρθροσ, καὶ φονεύσωμεν αὐτόν. καὶ ἐκοιμήθη Σαμψὼν ἕωσ μεσονυκτίου. καὶ ἀνέστη ἐν ἡμίσει τῆσ νυκτὸσ καὶ ἐπελάβετο τῶν θυρῶν τῆσ πύλησ τῆσ πόλεωσ σὺν τοῖσ δυσὶ σταθμοῖσ καὶ ἀνεβάσταζεν αὐτὰσ σὺν τῷ μοχλῷ καὶ ἔθηκεν ἐπὶ ὤμων αὐτοῦ καὶ ἀνέβη ἐπὶ τὴν κορυφὴν τοῦ ὄρουσ τοῦ ἐπὶ προσώπου τοῦ Χεβρὼν καὶ ἔθηκεν αὐτὰ ἐκεῖ. Καὶ ἐγένετο μετὰ τοῦτο καὶ ἠγάπησε γυναῖκα ἐν Ἀλσωρήχ, καὶ ὄνομα αὐτῇ Δαλιδά. καὶ ἀνέβησαν πρὸσ αὐτὴν οἱ ἄρχοντεσ τῶν ἀλλοφύλων καὶ εἶπαν αὐτῇ. ἀπάτησον αὐτόν, καὶ ἰδὲ ἐν τίνι ἡ ἰσχὺσ αὐτοῦ ἡ μεγάλη καὶ ἐν τίνι δυνησόμεθα αὐτῷ καὶ δήσομεν αὐτὸν τοῦ ταπεινῶσαι αὐτόν, καὶ ἡμεῖσ δώσομέν σοι ἀνὴρ χιλίουσ καὶ ἑκατὸν ἀργυρίου. καὶ εἶπε Δαλιδὰ πρὸσ Σαμψών. ἀπάγγειλον δή μοι ἐν τίνι ἡ ἰσχύσ σου ἡ μεγάλη καὶ ἐν τίνι δεθήσῃ τοῦ ταπεινωθῆναί σε. καὶ εἶπε πρὸσ αὐτὴν Σαμψών. ἐὰν δήσωσί με ἐν ἑπτὰ νευραῖσ ὑγραῖσ μὴ διεφθαρμέναισ, καὶ ἀσθενήσω καὶ ἔσομαι ὡσ εἷσ τῶν ἀνθρώπων. καὶ ἀνήνεγκαν αὐτῇ οἱ ἄρχοντεσ τῶν ἀλλοφύλων ἑπτὰ νευρὰσ ὑγρὰσ μὴ διεφθαρμένασ, καὶ ἔδησεν αὐτὸν ἐν αὐταῖσ. καὶ τὸ ἔνεδρον αὐτῇ ἐκάθητο ἐν τῷ ταμιείῳ. καὶ εἶπεν αὐτῷ. ἀλλόφυλοι ἐπὶ σέ, Σαμψών. καὶ διέσπασε τὰσ νευράσ, ὡσ εἴ τισ ἀποσπάσοι στρέμμα στυπίου ἐν τῷ ὀσφρανθῆναι αὐτὸ πυρόσ. καὶ οὐκ ἐγνώσθη ἡ ἰσχὺσ αὐτοῦ. καὶ εἶπε Δαλιδὰ πρὸσ Σαμψών. ἰδοὺ ἐπλάνησάσ με καὶ ἐλάλησασ πρόσ με ψευδῆ. νῦν οὖν ἀνάγγειλόν μοι ἐν τίνι δεθήσῃ. καὶ εἶπε πρὸσ αὐτήν. ἐὰν δεσμεύοντεσ δήσωσί με ἐν καλωδίοισ καινοῖσ, οἷσ οὐκ ἐγένετο ἐν αὐτοῖσ ἔργον, καὶ ἀσθενήσω καὶ ἔσομαι ὡσ εἷσ τῶν ἀνθρώπων. καὶ ἔλαβε Δαλιδὰ καλώδια καινὰ καὶ ἔδησεν αὐτὸν ἐν αὐτοῖσ. καὶ τὰ ἔνεδρα ἐξῆλθεν ἐκ τοῦ ταμιείου. καὶ εἶπεν. ἀλλόφυλοι ἐπὶ σέ, Σαμψών. καὶ διέσπασεν αὐτὰ ἀπὸ βραχιόνων αὐτοῦ ὡσεὶ σπαρτίον. καὶ εἶπε Δαλιδὰ πρὸσ Σαμψών. ἰδοὺ ἐπλάνησάσ με καὶ ἐλάλησασ πρόσ με ψευδῆ. ἀνάγγειλον δή μοι ἐν τίνι δεθήσῃ. καὶ εἶπε πρὸσ αὐτήν. ἐὰν ὑφάνησ τὰσ ἑπτὰ σειρὰσ τῆσ κεφαλῆσ μου σὺν τῷ διάσματι καὶ ἐγκρούσῃσ τῷ πασσάλῳ εἰσ τὸν τοῖχον, καὶ ἔσομαι ὡσ εἷσ τῶν ἀνθρώπων ἀσθενήσ. καὶ ἐγένετο ἐν τῷ κοιμᾶσθαι αὐτὸν καὶ ἔλαβε Δαλιδὰ τὰσ ἑπτὰ σειρὰσ τῆσ κεφαλῆσ αὐτοῦ καὶ ὕφανεν ἐν τῷ διάσματι καὶ ἔπηξε τῷ πασσάλῳ εἰσ τὸν τοῖχον καὶ εἶπεν. ἀλλόφυλοι ἐπὶ σέ, Σαμψών. καὶ ἐξυπνίσθη ἀπὸ τοῦ ὕπνου αὐτοῦ καὶ ἐξῇρε τὸν πάσσαλον τοῦ ὑφάσματοσ ἐκ τοῦ τοίχου. καὶ εἶπε πρὸσ Σαμψὼν Δαλιδά. πῶσ λέγεισ, ἠγάπηκά σε, καὶ ἡ καρδία σου οὐκ ἔστι μετ̓ ἐμοῦ̣ τοῦτο τρίτον ἐπλάνησάσ με καὶ οὐκ ἀπήγγειλάσ μοι ἐν τίνι ἡ ἰσχύσ σου ἡ μεγάλη. καὶ ἐγένετο ὅτε ἐξέθλιψεν αὐτὸν ἐν λόγοισ αὐτῆσ πάσασ τὰσ ἡμέρασ καὶ ἐστενοχώρησεν αὐτόν, καὶ ὠλιγοψύχησεν ἕωσ τοῦ ἀποθανεῖν. καὶ ἀνήγγειλεν αὐτῇ πᾶσαν τὴν καρδίαν αὐτοῦ καὶ εἶπεν αὐτῇ. σίδηροσ οὐκ ἀνέβη ἐπὶ τὴν κεφαλήν μου, ὅτι ἅγιοσ Θεοῦ ἐγώ εἰμι ἀπὸ κοιλίασ μητρόσ μου. ἐὰν οὖν ξυρήσωμαι, ἀποστήσεται ἀπ̓ ἐμοῦ ἡ ἰσχύσ μου, καὶ ἀσθενήσω καὶ ἔσομαι ὡσ πάντεσ οἱ ἄνθρωποι. καὶ εἶδε Δαλιδά, ὅτι ἀπήγγειλεν αὐτῇ πᾶσαν τὴν καρδίαν αὐτοῦ, καὶ ἀπέστειλε καὶ ἐκάλεσε τοὺσ ἄρχοντασ τῶν ἀλλοφύλων, λέγουσα. ἀνάβητε ἔτι τὸ ἅπαξ τοῦτο, ὅτι ἀπήγγειλέ μοι πᾶσαν τὴν καρδίαν αὐτοῦ. καὶ ἀνέβησαν πρὸσ αὐτὴν οἱ ἄρχοντεσ τῶν ἀλλοφύλων καὶ ἀνήνεγκαν τὸ ἀργύριον ἐν χερσὶν αὐτῶν. καὶ ἐκοίμισε Δαλιδὰ τὸν Σαμψὼν ἐπὶ τὰ γόνατα αὐτῆσ. καὶ ἐκάλεσεν ἄνδρα, καὶ ἐξύρησε τὰσ ἑπτὰ σειρὰσ τῆσ κεφαλῆσ αὐτοῦ. καὶ ἤρξατο ταπεινῶσαι αὐτόν, καὶ ἀπέστη ἡ ἰσχὺσ αὐτοῦ ἀπ̓ αὐτοῦ. καὶ εἶπε Δαλιδά. ἀλλόφυλοι ἐπὶ σέ, Σαμψών. καὶ ἐξυπνίσθη ἐκ τοῦ ὕπνου αὐτοῦ καὶ εἶπεν. ἐξελεύσομαι ὡσ ἅπαξ καὶ ἅπαξ καὶ ἐκτιναχθήσομαι. καὶ αὐτὸσ οὐκ ἔγνω ὅτι ὁ Κύριοσ ἀπέστη ἀπάνωθεν αὐτοῦ. καὶ ἐκράτησαν αὐτὸν οἱ ἀλλόφυλοι καὶ ἐξέκοψαν τοὺσ ὀφθαλμοὺσ αὐτοῦ. καὶ κατήνεγκαν αὐτὸν εἰσ Γάζαν καὶ ἐπέδησαν αὐτὸν ἐν πέδαισ χαλκείαισ, καὶ ἦν ἀλήθων ἐν οἴκῳ τοῦ δεσμωτηρίου. Καὶ ἤρξατο θρὶξ τῆσ κεφαλῆσ αὐτοῦ βλαστάνειν, καθὼσ ἐξυρήσατο. καὶ οἱ ἄρχοντεσ τῶν ἀλλοφύλων συνήχθησαν θυσιάσαι θυσίασμα μέγα τῷ Δαγὼν θεῷ αὐτῶν καὶ εὐφρανθῆναι καὶ εἶπαν. ἔδωκεν ὁ Θεὸσ ἐν χειρὶ ἡμῶν τὸν Σαμψὼν τὸν ἐχθρὸν ἡμῶν. καὶ εἶδον αὐτὸν ὁ λαὸσ καὶ ὕμνησαν τὸν θεὸν αὐτῶν, ὅτι παρέδωκεν ὁ θεὸσ ἡμῶν τὸν ἐχθρὸν ἡμῶν ἐν χειρὶ ἡμῶν, τὸν ἐρημοῦντα τὴν γῆν ἡμῶν, καὶ ὃσ ἐπλήθυνε τοὺσ τραυματίασ ἡμῶν. καὶ ὅτε ἠγαθύνθη ἡ καρδία αὐτῶν, καὶ εἶπαν. καλέσατε τὸν Σαμψὼν ἐξ οἴκου φυλακῆσ, καὶ παιξάτω ἐνώπιον ἡμῶν. καὶ ἐκάλεσαν τὸν Σαμψὼν ἐξ οἴκου δεσμωτηρίου, και ἔπαιζεν ἐνώπιον αὐτῶν, καὶ ἐρράπιζον αὐτὸν καὶ ἔστησαν αὐτὸν ἀνὰ μέσον τῶν κιόνων. καὶ εἶπε Σαμψὼν πρὸσ τὸν νεανίαν τὸν κρατοῦντα τὴν χεῖρα αὐτοῦ. ἄφεσ με καὶ ψηλαφήσω τοὺσ κίονασ, ἐφ̓ οἷσ ὁ οἶκοσ ἐπ̓ αὐτούσ, καὶ ἐπιστηριχθήσομαι ἐπ̓ αὐτούσ. καὶ ὁ οἶκοσ πλήρησ τῶν ἀνδρῶν καὶ τῶν γυναικῶν, καὶ ἐκεῖ πάντεσ οἱ ἄρχοντεσ τῶν ἀλλοφύλων, καὶ ἐπὶ τὸ δῶμα ὡσεὶ τρισχίλιοι ἄνδρεσ καὶ γυναῖκεσ οἱ θεωροῦντεσ ἐν παγνίαισ Σαμψών. καὶ ἔκλαυσε Σαμψὼν πρὸσ Κύριον, καὶ εἶπεν. Ἀδωναϊὲ Κύριε, μνήσθητι δή μου νῦν καὶ ἐνίσχυσόν με ἔτι τὸ ἅπαξ τοῦτο, Θεέ, καὶ ἀνταποδώσω ἀνταπόδοσιν μίαν περὶ τῶν δύο ὀφθαλμῶν μου τοῖσ ἀλλοφύλοισ. καὶ περιέλαβε Σαμψὼν τοὺσ δύο κίονασ τοῦ οἴκου, ἐφ̓ οὓσ ὁ οἶκοσ εἱστήκει, καὶ ἐπεστηρίχθη ἐπ̓ αὐτοὺσ καὶ ἐκράτησεν ἕνα τῇ δεξιᾷ αὐτοῦ καὶ ἕνα τῇ ἀριστερᾷ αὐτοῦ. καὶ εἶπε Σαμψών. ἀποθανέτω ψυχή μου μετὰ τῶν ἀλλοφύλων. καὶ ἐβάσταξεν ἐν ἰσχύϊ, καὶ ἔπεσεν ὁ οἶκοσ ἐπὶ τοὺσ ἄρχοντασ καὶ ἐπὶ πάντα τὸν λαὸν τὸν ἐν αὐτῷ. καὶ ἦσαν οἱ τεθνηκότεσ, οὓσ ἐθανάτωσε Σαμψὼν ἐν τῷ θανάτῳ αὐτοῦ, πλείουσ ἢ οὓσ ἐθανάτωσεν ἐν τῇ ζωῇ αὐτοῦ. καὶ κατέβησαν οἱ ἀδελφοὶ αὐτοῦ καὶ ὁ οἶκοσ τοῦ πατρὸσ αὐτοῦ καὶ ἔλαβον αὐτὸν καὶ ἀνέβησαν καὶ ἔθαψαν αὐτὸν ἀνὰ μέσον Σαραὰ καὶ ἀνὰ μέσον Ἐσθαὸλ ἐν τῷ τάφῳ Μανωὲ τοῦ πατρὸσ αὐτοῦ. καὶ αὐτὸσ ἔκρινε τὸν Ἰσραὴλ εἴκοσιν ἔτη. ΚΑΙ ἐγένετο ἀνὴρ ἀπὸ ὄρουσ Ἐφραίμ, καὶ ὄνομα αὐτῷ Μιχαίασ.

καὶ εἶπε τῇ μητρὶ αὐτοῦ. οἱ χίλιοι καὶ ἑκατόν, οὓσ ἔλαβεσ ἀργυρίου σεαυτῇ καί με ἠράσω καὶ προσεῖπασ ἐν ὠσί μου, ἰδοὺ τὸ ἀργύριον παῤ ἐμοί, ἐγὼ ἔλαβον αὐτό. καὶ εἶπεν ἡ μήτηρ αὐτοῦ. εὐλογητὸσ ὁ υἱόσ μου τῷ Κυρίῳ. καὶ ἀπέδωκε τοὺσ χιλίουσ καὶ ἑκατὸν τοῦ ἀργυρίου τῇ μητρὶ αὐτοῦ. καὶ εἶπεν ἡ μήτηρ αὐτοῦ. ἁγιάζουσα ἡγίασα τὸ ἀργύριον τῷ Κυρίῳ ἐκ τῆσ χειρόσ μου τῷ υἱῷ μου τοῦ ποιῆσαι γλυπτὸν καὶ χωνευτόν, καὶ νῦν ἀποδώσω αὐτό σοι. καὶ ἀπέδωκε τὸ ἀργύριον τῇ μητρὶ αὐτοῦ. καὶ ἔλαβεν ἡ μήτηρ αὐτοῦ διακοσίουσ ἀργυρίου καὶ ἔδωκεν αὐτὸ ἀργυροκόπῳ, καὶ ἐποίησεν αὐτὸ γλυπτὸν καὶ χωνευτόν. καὶ ἐγενήθη ἐν οἴκῳ Μιχαία. καὶ ὁ οἶκοσ Μιχαία, αὐτῷ οἶκοσ Θεοῦ. καὶ ἐποίησεν ἐφὼδ καὶ θεραφὶν καὶ ἐπλήρωσε τὴν χεῖρα ἀπὸ ἑνὸσ υἱῶν αὐτοῦ, καὶ ἐγένετο αὐτῷ εἰσ ἱερέα. ἐν δὲ ταῖσ ἡμέραισ ἐκείναισ οὐκ ἦν βασιλεὺσ ἐν Ἰσραήλ. ἀνὴρ τὸ εὐθὲσ ἐν ὀφθαλμοῖσ αὐτοῦ ἐποίει. Καὶ ἐγενήθη νεανίασ ἐκ Βηθλεὲμ δήμου Ἰούδα, καὶ αὐτὸσ Λευίτησ, καὶ οὗτοσ παρῴκει ἐκεῖ. καὶ ἐπορεύθη ὁ ἀνὴρ ἀπὸ Βηθλεὲμ τῆσ πόλεωσ Ἰούδα παροικῆσαι ἐν ᾧ ἐὰν εὕρῃ τόπῳ, καὶ ἦλθεν ἕωσ ὄρουσ Ἐφραὶμ καὶ ἕωσ οἴκου Μιχαία τοῦ ποιῆσαι ὁδὸν αὐτοῦ. καὶ εἶπεν αὐτῷ Μιχαίασ. πόθεν ἔρχῃ̣ καὶ εἶπε πρὸσ αὐτόν. Λευίτησ εἰμὶ ἐκ Βηθλεὲμ Ἰούδα, καὶ ἐγὼ πορεύομαι παροικῆσαι ἐν ᾧ ἐὰν εὕρω τόπῳ. καὶ εἶπεν αὐτῷ Μιχαίασ. κάθου μετ̓ ἐμοῦ καὶ γίνου μοι εἰσ πατέρα καὶ εἰσ ἱερέα, καὶ ἐγὼ δώσω σοι δέκα ἀργυρίου εἰσ ἡμέραν καὶ στολὴν ἱματίων καὶ τὰ πρὸσ ζωήν σου. καὶ ἐπορεύθη ὁ Λευίτησ καὶ ἤρξατο παροικεῖν παρὰ τῷ ἀνδρί, καὶ ἐγενήθη ὁ νεανίασ αὐτῷ ὡσ εἷσ ἀπὸ υἱῶν αὐτοῦ. καὶ ἐπλήρωσε Μιχαίασ τὴν χεῖρα τοῦ Λευίτου, καὶ ἐγένετο αὐτῷ εἰσ ἱερέα καὶ ἐγένετο ἐν τῷ οἴκῳ Μιχαία. καὶ εἶπε Μιχαίασ. νῦν ἔγνων ὅτι ἀγαθυνεῖ μοι Κύριοσ, ὅτι ἐγένετό μοι ὁ Λευίτησ εἰσ ἱερέα. ΕΝ ταῖσ ἡμέραισ ἐκείναισ οὐκ ἦν βασιλεὺσ ἐν Ἰσραήλ. καὶ ἐν ταῖσ ἡμέραισ ἐκείναισ ἡ φυλὴ Δὰν ἐζήτει ἑαυτῇ κληρονομίαν κατοικῆσαι, ὅτι οὐκ ἐνέπεσεν αὐτῇ ἕωσ τῆσ ἡμέρασ ἐκείνησ ἐν μέσῳ φυλῶν υἱῶν Ἰσραὴλ κληρονομία.

καὶ ἀπέστειλαν οἱ υἱοὶ Δὰν ἀπὸ δήμων αὐτῶν πέντε ἄνδρασ υἱοὺσ δυνάμεωσ ἀπὸ Σαραὰ καὶ ἀπὸ Ἐσθαὸλ τοῦ κατασκέψασθαι τὴν γῆν καὶ ἐξιχνιάσαι αὐτὴν καὶ εἶπαν πρὸσ αὐτούσ. πορεύεσθε καὶ ἐξιχνιάσατε τὴν γῆν. καὶ ἦλθον ἕωσ ὄρουσ Ἐφραὶμ ἕωσ οἴκου Μιχαία καὶ ηὐλίσθησαν αὐτοὶ ἐκεῖ ἐν οἴκῳ Μιχαία, καὶ αὐτοὶ ἐπέγνωσαν τὴν φωνὴν τοῦ νεανίσκου τοῦ Λευίτου καὶ ἐξέκλιναν ἐκεῖ καὶ εἶπαν αὐτῷ. τίσ ἤνεγκέ σε ὧδε, καὶ σὺ τί ποιεῖσ ἐν τῷ τόπῳ τούτῳ, καὶ τί σοι ὧδε̣ καὶ εἶπε πρὸσ αὐτούσ. οὕτω καὶ οὕτωσ ἐποίησέ μοι Μιχαίασ καὶ ἐμισθώσατό με, καὶ ἐγενόμην αὐτῷ εἰσ ἱερέα. καὶ εἶπαν αὐτῷ. ἐπερώτησον δὴ ἐν τῷ Θεῷ, καὶ γνωσόμεθα εἰ εὐοδωθήσεται ἡ ὁδὸσ ἡμῶν, ἐν ᾗ ἡμεῖσ πορευόμεθα ἐν αὐτῇ. καὶ εἶπεν αὐτοῖσ ὁ ἱερεύσ. πορεύεσθε ἐν εἰρήνῃ. ἐνώπιον Κυρίου ἡ ὁδὸσ ὑμῶν, ἐν ᾗ πορεύεσθε ἐν αὐτῇ. καὶ ἐπορεύθησαν οἱ πέντε ἄνδρεσ καὶ ἦλθον εἰσ Λαισά. καὶ εἶδαν τὸν λαὸν τὸν ἐν μέσῳ αὐτῆσ καθήμενον ἐπ̓ ἐλπίδι, ὡσ κρίσισ Σιδωνίων ἡσυχάζουσα, καὶ οὐκ ἔστι διατρέπων ἢ καταισχύνων λόγον ἐν τῇ γῇ, κληρονόμοσ ἐκπιέζων θησαυρούσ, καὶ μακράν εἰσι Σιδωνίων καὶ λόγον οὐκ ἔχουσι πρὸσ ἄνθρωπον. καὶ ἦλθον οἱ πέντε ἄνδρεσ πρὸσ τοὺσ ἀδελφοὺσ αὐτῶν εἰσ Σαραὰ καὶ Ἐσθαὸλ καὶ εἶπον τοῖσ ἀδελφοῖσ αὐτῶν. τί ὑμεῖσ κάθησθε̣ καὶ εἶπαν. ἀνάστητε καὶ ἀναβῶμεν ἐπ̓ αὐτούσ, ὅτι εἴδομεν τὴν γῆν καὶ ἰδοὺ ἀγαθὴ σφόδρα. καὶ ὑμεῖσ ἡσυχάζετε̣ μὴ ὀκνήσητε τοῦ πορευθῆναι καὶ εἰσελθεῖν τοῦ κληρονομῆσαι τὴν γῆν. καὶ ἡνίκα ἐὰν ἔλθητε, εἰσελεύσεσθε πρὸσ λαὸν ἐπ̓ ἐλπίδι, καὶ ἡ γῆ πλατεῖα, ὅτι ἔδωκεν αὐτὴν ὁ Θεόσ ἐν χειρὶ ὑμῶν, τόποσ, ὅπου οὐκ ἔστιν ἐκεῖ ὑστέρημα παντὸσ ρήματοσ τῶν ἐν τῇ γῇ. Καὶ ἀπῇραν ἐκεῖθεν ἀπὸ δήμων τοῦ Δὰν ἀπὸ Σαραὰ καὶ ἀπὸ Ἐσθαὸλ ἑξακόσιοι ἄνδρεσ ἐζωσμένοι σκεύη παρατάξεωσ. καὶ ἀνέβησαν καὶ παρενέβαλον ἐν Καριαθιαρὶμ ἐν Ἰούδα. διὰ τοῦτο ἐκλήθη ἐν ἐκείνῳ τῷ τόπῳ Παρεμβολὴ Δὰν ἕωσ τῆσ ἡμέρασ ταύτησ, ἰδοὺ ὀπίσω Καριαθιαρίμ. καὶ παρῆλθον ἐκεῖθεν ὄροσ Ἐφραὶμ καὶ ἦλθον ἕωσ οἴκου Μιχαία. καὶ ἀπεκρίθησαν οἱ πέντε ἄνδρεσ οἱ πορευόμενοι κατασκέψασθαι τὴν γῆν Λαισὰ καὶ εἶπαν πρὸσ τοὺσ ἀδελφούσ. ἔγνωτε ὅτι ἐστὶν ἐν τῷ οἴκῳ τούτῳ ἐφὼδ καὶ θεραφὶν καὶ γλυπτὸν καὶ χωνευτόν̣ καὶ νῦν γνῶτε ὅ,τι ποιήσετε. καὶ ἐξέκλιναν ἐκεῖ καὶ εἰσῆλθον εἰσ τόν οἶκον τοῦ νεανίσκου τοῦ Λευίτου, εἰσ τὸν οἶκον Μιχαία, καὶ ἠρώτησαν αὐτὸν εἰσ εἰρήνην. καὶ οἱ ἑξακόσιοι ἄνδρεσ οἱ ἀνεζωσμένοι τὰ σκεύη τῆσ παρατάξεωσ αὐτῶν ἑστῶτεσ παρὰ θύρασ τῆσ πύλησ, οἱ ἐκ τῶν υἱῶν Δάν. καὶ ἀνέβησαν οἱ πέντε ἄνδρεσ οἱ πορευθέντεσ κατασκέψασθαι τὴν γῆν καὶ εἰσῆλθον ἐκεῖ εἰσ οἶκον Μιχαία, καὶ ὁ ἱερεὺσ ἑστώσ. καὶ ἔλαβον τὸ γλυπτὸν καὶ τὸ ἐφὼδ καὶ τὸ θεραφὶν καὶ τὸ χωνευτόν. καὶ εἶπε πρὸσ αὐτοὺσ ὁ ἱερεύσ. τί ὑμεῖσ ποιεῖτε̣ καὶ εἶπαν αὐτῷ. κώφευσον, ἐπίθεσ τὴν χεῖρά σου ἐπὶ τὸ στόμα σου καὶ δεῦρο μεθ̓ ἡμῶν καὶ γένου ἡμῖν εἰσ πατέρα καὶ εἰσ ἱερέα. μὴ ἀγαθὸν εἶναί σε ἱερέα οἴκου ἀνδρὸσ ἑνὸσ ἢ γενέσθαι σε ἱερέα φυλῆσ καὶ οἴκου εἰσ δῆμον Ἰσραήλ̣ καὶ ἠγαθύνθη ἡ καρδία τοῦ ἱερέωσ, καὶ ἔλαβε τὸ ἐφὼδ καὶ τὸ θεραφὶν καὶ τὸ γλυπτὸν καὶ τὸ χωνευτὸν καὶ ἦλθεν ἐν μέσῳ τοῦ λαοῦ. καὶ ἐπέστρεψαν καὶ ἀπῆλθαν. καὶ ἔθηκαν τὰ τέκνα καὶ τὴν κτῆσιν καὶ τὸ βάροσ ἔμπροσθεν αὐτῶν. αὐτοὶ ἐμάκρυναν ἀπὸ οἴκου Μιχαία καὶ ἰδοὺ Μιχαίασ καὶ οἱ ἄνδρεσ οἱ ἐν ταῖσ οἰκίαισ ταῖσ μετὰ οἴκου Μιχαία ἐβόησαν καὶ κατελάβοντο τοὺσ υἱοὺσ Δάν. καὶ ἐπέστρεψαν οἱ υἱοὶ Δὰν τὸ πρόσωπον αὐτῶν καὶ εἶπαν τῷ Μιχαίᾳ. τί ἐστί σοι, ὅτι ἐβόησασ̣ καὶ εἶπε Μιχαίασ. ὅτι τὸ γλυπτόν μου, ὃ ἐποίησα, ἐλάβετε καὶ τὸν ἱερέα καὶ ἐπορεύθητε. καὶ τί μοι ἔτι̣ καὶ τί τοῦτο λέγετε πρόσ με. τί κράζεισ̣ καὶ εἶπαν πρὸσ αὐτὸν οἱ υἱοὶ Δάν. μὴ ἀκουσθήτω δὴ φωνή σου μεθ̓ ἡμῶν, μή ποτε συναντήσωσιν ἡμῖν ἄνδρεσ πικροὶ ψυχῇ καὶ προσθήσουσι ψυχήν σου καὶ τὴν ψυχὴν τοῦ οἴκου σου. καὶ ἐπορεύθησαν οἱ υἱοὶ Δὰν εἰσ ὁδὸν αὐτῶν. καὶ εἶδε Μιχαίασ ὅτι δυνατώτεροί εἰσιν ὑπὲρ αὐτόν, καὶ ἐπέστρεψεν εἰσ τὸν οἶκον αὐτοῦ. καὶ οἱ υἱοὶ Δὰν ἔλαβον ὃ ἐποίησε Μιχαίασ, καὶ τὸν ἱερέα, ὃσ ἦν αὐτῷ, καὶ ἦλθον ἐπὶ Λαισά, ἐπὶ λαὸν ἡσυχάζοντα καὶ πεποιθότα ἐπ̓ ἐλπίδι καὶ ἐπάταξαν αὐτοὺσ ἐν στόματι ρομφαίασ καὶ τὴν πόλιν ἐνέπρησαν ἐν πυρί. καὶ οὐκ ἦν ὁ ρυόμενοσ, ὅτι μακράν ἐστιν ἀπὸ Σιδωνίων, καὶ λόγοσ οὐκ ἔστιν αὐτοῖσ μετὰ ἀνθρώπου, καὶ αὐτὴ ἐν τῇ κοιλάδι τοῦ οἴκου Ραάβ. καὶ ᾠκοδόμησαν τὴν πόλιν καὶ κατεσκήνωσαν ἐν αὐτῇ καὶ ἐκάλεσαν τὸ ὄνομα τῆσ πόλεωσ Δὰν ἐν ὀνόματι Δὰν πατρὸσ αὐτῶν, ὃσ ἐτέχθη τῷ Ἰσραήλ. καὶ ἦν Οὐλαμαί̈σ ὄνομα τῆσ πόλεωσ τὸ πρότερον. καὶ ἔστησαν ἑαυτοῖσ οἱ υἱοὶ Δὰν τὸ γλυπτόν. καὶ Ἰωνάθαν υἱὸσ Γηρσὼν υἱὸσ Μανασσῆ, αὐτὸσ καὶ οἱ υἱοὶ αὐτοῦ ἦσαν ἱερεῖσ τῇ φυλῇ Δὰν ἕωσ ἡμέρασ τῆσ ἀποικίασ τῆσ γῆσ. καὶ ἔθηκαν ἑαυτοῖσ τὸ γλυπτόν, ὃ ἐποίησε Μιχαίασ πάσασ τὰσ ἡμέρασ, ἃσ ἦν ὁ οἶκοσ τοῦ Θεοῦ ἐν Σηλώμ. ΚΑΙ ἐγένετο ἐν ταῖσ ἡμέραισ ἐκείναισ οὐκ ἦν βασιλεὺσ ἐν Ἰσραήλ. καὶ ἐγένετο ἀνὴρ Λευίτησ παροικῶν ἐν μηροῖσ ὄρουσ Ἐφραὶμ καὶ ἔλαβεν αὐτῷ γυναῖκα παλλακὴν ἀπὸ Βηθλεὲμ Ἰούδα.

καὶ ἐπορεύθη ἀπ̓ αὐτοῦ ἡ παλλακὴ αὐτοῦ καὶ ἀπῆλθε παῤ αὐτοῦ εἰσ οἶκον πατρὸσ αὐτῆσ εἰσ Βηθλεὲμ Ἰούδα καὶ ἦν ἐκεῖ ἡμέρασ μηνῶν τεσσάρων. καὶ ἀνέστη ὁ ἀνὴρ αὐτῆσ καὶ ἐπορεύθη ὀπίσω αὐτῆσ τοῦ λαλῆσαι ἐπὶ καρδίαν αὐτῆσ τοῦ ἐπιστρέψαι αὐτὴν αὐτῷ, καὶ νεανίασ αὐτοῦ μετ̓ αὐτοῦ καὶ ζεῦγοσ ὄνων. ἡ δὲ εἰσήνεγκεν αὐτὸν εἰσ οἶκον πατρὸσ αὐτῆσ, καὶ εἶδεν αὐτὸν ὁ πατὴρ τῆσ νεάνιδοσ καὶ ηὐφράνθη εἰσ συνάντησιν αὐτοῦ. καὶ κατέσχεν αὐτὸν ὁ γαμβρὸσ αὐτοῦ ὁ πατὴρ τῆσ νεάνιδοσ καὶ ἐκάθισε μετ̓ αὐτοῦ ἐπὶ τρεῖσ ἡμέρασ, καὶ ἔφαγον καὶ ἔπιον καὶ ηὐλίσθησαν ἐκεῖ. καὶ ἐγένετο τῇ ἡμέρᾳ τῇ τετάρτῃ καὶ ὤρθρισαν τὸ πρωί̈ καὶ ἀνέστη τοῦ πορευθῆναι. καὶ εἶπεν ὁ πατὴρ τῆσ νεάνιδοσ πρὸσ τὸν νυμφίον αὐτοῦ. στήρισον τὴν καρδίαν σου ψωμῷ ἄρτου, καὶ μετὰ τοῦτο πορεύσεσθε. καὶ ἐκάθισαν καὶ ἔφαγον οἱ δύο ἐπὶ τὸ αὐτὸ καὶ ἔπιον. καὶ εἶπεν ὁ πατὴρ τῆσ νεάνιδοσ πρὸσ τὸν ἄνδρα. ἄγε δὴ αὐλίσθητι, καὶ ἀγαθυνθήσεται ἡ καρδία σου. καὶ ἀνέστη ὁ ἀνὴρ τοῦ πορεύεσθαι αὐτόσ. καὶ ἐβιάσατο αὐτὸν ὁ γαμβρὸσ αὐτοῦ, καὶ ἐκάθισε καὶ ηὐλίσθη ἐκεῖ. καὶ ὤρθρισε τὸ πρωί̈ τῇ ἡμέρᾳ τῇ πέμπτῃ τοῦ πορευθῆναι. καὶ εἶπεν ὁ πατὴρ τῆσ νεάνιδοσ. στήρισον δὴ τὴν καρδίαν σου καὶ στράτευσον ἕωσ κλῖναι τὴν ἡμέραν. καὶ ἔφαγον οἱ δύο. καὶ ἀνέστη ὁ ἀνὴρ τοῦ πορευθῆναι, αὐτὸσ καὶ ἡ παλλακὴ αὐτοῦ καὶ ὁ νεανίασ αὐτοῦ. καὶ εἶπεν αὐτῷ ὁ γαμβρὸσ αὐτοῦ ὁ πατὴρ τῆσ νεάνιδοσ. ἰδοὺ δὴ ἠσθένησενἡμέρα εἰσ τὴν ἑσπέραν. αὐλίσθητι ὧδε, καὶ ἀγαθυνθήσεται ἡ καρδία σου, καὶ ὀρθριεῖτε αὔριον εἰσ ὁδὸν ὑμῶν καὶ πορεύσῃ εἰσ τὸ σκήνωμά σου. καὶ οὐκ εὐδόκησεν ὁ ἀνὴρ αὐλισθῆναι καὶ ἀνέστη καὶ ἀπῆλθε καὶ ἦλθεν ἕωσ ἀπέναντι Ἰεβοὺσ , καὶ μετ̓ αὐτοῦ ζεῦγοσ ὄνων ἐπισεσαγμένων, καὶ ἡ παλλακὴ αὐτοῦ μετ̓ αὐτοῦ. καὶ ἤλθοσαν ἕωσ Ἰεβούσ, καὶ ἡ ἡμέρα προβεβήκει σφόδρα. καὶ εἶπεν ὁ νεανίασ πρὸσ τὸν κύριον αὐτοῦ. δεῦρο δὴ καὶ ἐκκλίνωμεν εἰσ πόλιν τοῦ Ἰεβουσὶ ταύτην καὶ αὐλισθῶμεν ἐν αὐτῇ. καὶ εἶπε πρὸσ αὐτὸν ὁ κύριοσ αὐτοῦ. οὐκ ἐκκλινοῦμεν εἰσ πόλιν ἀλλοτρίαν, ἐν ᾗ οὐκ ἔστιν ἀπὸ υἱῶν Ἰσραὴλ ὧδε, καὶ παρελευσόμεθα ἕωσ Γαβαά. καὶ εἶπε τῷ νεανίᾳ αὐτοῦ. δεῦρο καὶ ἐγγίσωμεν ἑνὶ τῶν τόπων καὶ αὐλισθησόμεθα ἐν Γαβαὰ ἢ ἐν Ραμά. καὶ παρῆλθον καὶ ἐπορεύθησαν, καὶ ἔδυ αὐτοῖσ ὁ ἥλιοσ ἐχόμενα τῆσ Γαβαά, ἥ ἐστι τῷ Βενιαμίν. καὶ ἐξέκλιναν ἐκεῖ τοῦ εἰσελθεῖν αὐλισθῆναι ἐν Γαβαά. καὶ εἰσῆλθον καὶ ἐκάθισαν ἐν τῇ πλατείᾳ τῆσ πόλεωσ, καὶ οὐκ ἦν ἀνὴρ συνάγων αὐτοὺσ εἰσ οἰκίαν αὐλισθῆναι. καὶ ἰδοὺ ἀνὴρ πρεσβύτησ ἤρχετο ἐξ ἔργων αὐτοῦ ἐξ ἀγροῦ ἐν ἑσπέρᾳ. καὶ ὁ ἀνὴρ ἦν ἐξ ὄρουσ Ἐφραίμ, καὶ αὐτὸσ παρῴκει ἐν Γαβαά, καὶ οἱ ἄνδρεσ τοῦ τόπου υἱοὶ Βενιαμίν. καὶ ᾖρε τοὺσ ὀφθαλμοὺσ αὐτοῦ καὶ εἶδε τὸν ὁδοιπόρον ἄνδρα ἐν τῇ πλατείᾳ τῆσ πόλεωσ. καὶ εἶπεν ὁ ἀνὴρ ὁ πρεσβύτησ. ποῦ πορεύῃ καὶ πόθεν ἔρχῃ̣ καὶ εἶπεν πρὸσ αὐτόν. παραπορευόμεθα ἡμεῖσ ἀπὸ Βηθλεὲμ Ἰούδα ἕωσ μηρῶν ὄρουσ Ἐφραίμ. ἐκεῖθεν ἐγώ εἰμι καὶ ἐπορεύθην ἕωσ Βηθλεὲμ Ἰούδα, καὶ εἰσ τὸν οἶκόν μου ἐγὼ πορεύομαι, καὶ οὐκ ἔστιν ἀνὴρ συνάγων με εἰσ τὴν οἰκίαν. καί γε ἄχυρα καὶ χορτάσματά ἐστι τοῖσ ὄνοισ ἡμῶν, καὶ ἄρτοσ καὶ οἶνόσ ἐστιν ἐμοὶ καὶ τῇ παιδίσκῃ καὶ τῷ νεανίσκῳ μετὰ τῶν παίδων σου, οὐκ ἔστιν ὑστέρημα παντὸσ πράγματοσ. καὶ εἶπεν ὁ ἀνὴρ πρεσβύτησ. εἰρήνη σοι, πλὴν πᾶν τὸ ὑστέρημά σου ἐπ̓ ἐμέ. πλὴν ἐν τῇ πλατείᾳ οὐ μὴ αὐλισθήσῃ. καὶ εἰσήνεγκεν αὐτὸν εἰσ τὸν οἶκον αὐτοῦ καὶ τόπον ἐποίησε τοῖσ ὄνοισ, καὶ αὐτοὶ ἐνίψαντο τοὺσ πόδασ αὐτῶν καὶ ἔφαγον καὶ ἔπιον. αὐτοὶ δὲ ἀγαθύνοντεσ καρδίαν αὐτῶν καὶ ἰδοὺ ἄνδρεσ τῆσ πόλεωσ υἱοὶ παρανόμων ἐκύκλωσαν τὴν οἰκίαν κρούοντεσ ἐπὶ τὴν θύραν. καὶ εἶπον πρὸσ τὸν ἄνδρα τὸν κύριον τοῦ οἴκου τὸν πρεσβύτην λέγοντεσ. ἐξένεγκε τὸν ἄνδρα, ὃσ εἰσῆλθεν εἰσ τὴν οἰκίαν σου, ἵνα γνῶμεν αὐτόν. καὶ ἐξῆλθε πρὸσ αὐτοὺσ ὁ ἀνὴρ ὁ κύριοσ τοῦ οἴκου καὶ εἶπε. μὴ ἀδελφοί, μὴ κακοποιήσητε δὴ μετὰ τὸ εἰσελθεῖν τὸν ἄνδρα τοῦτον εἰσ τὴν οἰκίαν μου, μὴ ποιήσητε τὴν ἀφροσύνην ταύτην. ἰδὲ ἡ θυγάτηρ μου ἡ παρθένοσ καὶ ἡ παλλακὴ αὐτοῦ, ἐξάξω αὐτάσ, καὶ ταπεινώσατε αὐτὰσ καὶ ποιήσατε αὐταῖσ τὸ ἀγαθὸν ἐν ὀφθαλμοῖσ ὑμῶν. καὶ τῷ ἀνδρὶ τούτῳ μὴ ποιήσητε τὸ ρῆμα τῆσ ἀφροσύνησ ταύτησ. καὶ οὐκ εὐδόκησαν οἱ ἄνδρεσ τοῦ εἰσακοῦσαι αὐτοῦ. καὶ ἐπελάβετο ὁ ἀνὴρ τῆσ παλλακῆσ αὐτοῦ καὶ ἐξήγαγεν αὐτὴν πρὸσ αὐτοὺσ ἔξω, καὶ ἔγνωσαν αὐτὴν καὶ ἐνέπαιζον ἐν αὐτῇ ὄλην τὴν νύκτα ἕωσ τὸ πρωί̈. καὶ ἐξαπέστειλαν αὐτήν, ὡσ ἀνέβη τὸ πρωί̈. καὶ ἦλθεν ἡ γυνὴ πρὸσ τὸν ὄρθρον καὶ ἔπεσε παρὰ τὴν θύραν τοῦ οἴκου, οὗ ἦν αὐτῆσ ἐκεῖ ὁ ἀνήρ, ἕωσ οὗ διέφαυσε. καὶ ἀνέστη ὁ ἀνὴρ αὐτῆσ τὸ πρωί̈ καὶ ἤνοιξε τὰσ θύρασ τοῦ οἴκου, καὶ ἐξῆλθε τοῦ πορευθῆναι τὴν ὁδὸν αὐτοῦ, καί ἰδοὺ ἡ γυνὴ αὐτοῦ ἡ παλλακὴ πεπτωκυῖα παρὰ τὰσ θύρασ τοῦ οἴκου, καὶ αἱ χεῖρεσ αὐτῆσ ἐπὶ τὸ πρόθυρον. καὶεἶπε πρὸσ αὐτήν. ἀνάστα καὶ ἀπέλθωμεν. καὶ οὐκ ἀπεκρίθη, ὅτι ἦν νεκρά. καὶ ἔλαβεν αὐτὴν ἐπὶ τὸν ὄνον καὶ ἐπορεύθη εἰσ τὸν τόπον αὐτοῦ. καὶ ἔλαβε τὴν ρομφαίαν καὶ ἐκράτησε τὴν παλλακὴν αὐτοῦ καὶ ἐμέλισεν αὐτὴν εἰσ δώδεκα μέλη καὶ ἀπέστειλεν αὐτὰ ἐν παντὶ ὁρίῳ Ἰσραήλ. καὶ ἐγένετο πᾶσ ὁ βλέπων ἔλεγεν. οὐκ ἐγένετο καὶ οὐχ ἑώραται ἀπὸ ἡμέρασ ἀναβάσεωσ υἱῶν Ἰσραὴλ ἐκ γῆσ Αἰγύπτου ἕωσ τῆσ ἡμέρασ ταύτησ θέσθε ὑμῖν αὐτοῖσ βουλὴν ἐπ̓ αὐτὴν καὶ λαλήσατε. ΚΑΙ ἐξῆλθον πάντεσ οἱ υἱοὶ Ἰσραήλ, καὶ ἐξεκκλησιάσθη ἡ συναγωγὴ ὡσ ἀνὴρ εἷσ ἀπὸ Δὰν καὶ ἕωσ Βηρσαβεὲ καὶ γῆ τοῦ Γαλαὰδ πρὸσ Κύριον εἰσ Μασσηφά.

καὶ ἐστάθησαν κατὰ πρόσωπον Κυρίου πᾶσαι αἱ φυλαὶ τοῦ Ἰσραὴλ ἐν ἐκκλησίᾳ τοῦ λαοῦ τοῦ Θεοῦ, τετρακόσιαι χιλιάδεσ ἀνδρῶν πεζῶν ἕλκοντεσ ρομφαίαν. καὶ ἤκουσαν οἱ υἱοὶ Βενιαμὶν ὅτι ἀνέβησαν οἱ υἱοὶ Ἰσραὴλ εἰσ Μασσηφά. καὶ ἐλθόντεσ εἶπαν οἱ υἱοὶ Ἰσραήλ. λαλήσατε, ποῦ ἐγένετο ἡ πονηρία αὕτη̣ καὶ ἀπεκρίθη ὁ ἀνὴρ ὁ Λευίτησ, ὁ ἀνὴρ τῆσ γυναικὸσ τῆσ φονευθείσησ, καὶ εἶπεν. εἰσ Γαβαὰ τῆσ Βενιαμὶν ἦλθον ἐγὼ καὶ ἡ παλλακή μου τοῦ αὐλισθῆναι. καὶ ἀνέστησαν ἐπ̓ ἐμὲ οἱ ἄνδρεσ τῆσ Γαβαὰ καὶ ἐκύκλωσαν ἐπ̓ ἐμὲ ἐπὶ τὴν οἰκίαν νυκτόσ. ἐμὲ ἠθέλησαν φονεῦσαι καὶ τὴν παλλακήν μου ἐταπείνωσαν καὶ ἀπέθανε. καὶ ἐκράτησα τὴν παλλακήν μου καὶ ἐμέλισα αὐτὴν καὶ ἐξαπέστειλα ἐν παντὶ ὁρίῳ κληρονομίασ υἱῶν Ἰσραήλ, ὅτι ἐποίησαν ζέμα καὶ ἀπόπτωμα ἐν Ἰσραήλ. ἰδοὺ πάντεσ ὑμεῖσ, υἱοὶ Ἰσραήλ, δότε ἑαυτοῖσ λόγον καὶ βουλὴν ἐκεῖ. καὶ ἀνέστη πᾶσ ὁ λαὸσ ὡσ ἀνὴρ εἷσ, λέγοντεσ. οὐκ ἀπελευσόμεθα ἀνὴρ εἰσ σκήνωμα αὐτοῦ καὶ οὐκ ἐπιστρέψομεν ἀνὴρ εἰσ τὸν οἶκον αὐτοῦ. καὶ νῦν τοῦτο τὸ ρῆμα, ὃ ποιηθήσεται τῇ Γαβαά. ἀναβησόμεθα ἐπ̓ αὐτὴν ἐν κλήρῳ, πλὴν ληψόμεθα δέκα ἄνδρασ τοῖσ ἑκατὸν εἰσ πάσασ φυλὰσ Ἰσραὴλ καὶ ἑκατὸν τοῖσ χιλίοισ καὶχιλίουσ τοῖσ μυρίοισ, λαβεῖν ἐπισιτισμὸν τοῦ ποιῆσαι ἐλθεῖν αὐτοὺσ εἰσ Γαβαὰ Βενιαμίν, ποιῆσαι αὐτῇ κατὰ πᾶν τὸ ἀπόπτωμα, ὃ ἐποίησεν ἐν Ἰσραήλ. καὶ συνήχθη πᾶσ ἀνὴρ Ἰσραὴλ εἰσ τὴν πόλιν ὡσ ἀνὴρ εἷσ. Καὶ ἀπέστειλαν αἱ φυλαὶ Ἰσραὴλ ἄνδρασ ἐν πάσῃ φυλῇ Βενιαμὶν λέγοντεσ. τίσ ἡ πονηρία αὕτη ἡ γενομένη ἐν ὑμῖν̣ καὶ νῦν δότε τοὺσ ἄνδρασ υἱοὺσ παρανόμων τοὺσ ἐν Γαβαά, καὶ θανατώσομεν αὐτοὺσ καὶ ἐκκαθαριοῦμεν πονηρίαν ἀπὸ Ἰσραήλ. καὶ οὐκ εὐδόκησαν οἱ υἱοὶ Βενιαμὶν ἀκοῦσαι τῆσ φωνῆσ τῶν ἀδελφῶν αὐτῶν υἱῶν Ἰσραήλ. καὶ συνήχθησαν οἱ υἱοὶ Βενιαμὶν ἀπὸ τῶν πόλεων αὐτῶν εἰσ Γαβαὰ ἐξελθεῖν εἰσ παράταξιν πρὸσ υἱοὺσ Ἰσραήλ. καὶ ἐπεσκέπησαν οἱ υἱοὶ Βενιαμὶν ἐν τῇ ἡμέρᾳ ἐκείνῃ ἀπὸ τῶν πόλεων εἴκοσι τρεῖσ χιλιάδεσ, ἀνὴρ ἕλκων ρομφαίαν, ἐκτὸσ τῶν οἰκούντων τὴν Γαβαά, οἳ ἐπεσκέπησαν ἑπτακόσιοι ἄνδρες ἐκλεκτοὶ ἐκ παντὸσ λαοῦ ἀμφοτεροδέξιοι. πάντεσ οὗτοι σφενδονῆται ἐν λίθοισ πρὸσ τρίχα, καὶ οὐκ ἐξαμαρτάνοντεσ. καὶ ἀνὴρ Ἰσραὴλ ἐπεσκέπησαν ἐκτὸσ τοῦ Βενιαμίν, τετρακόσιαι χιλιάδεσ ἀνδρῶν ἑλκόντων ρομφαίαν. πάντεσ οὗτοι ἄνδρεσ παρατάξεωσ. καὶ ἀνέστησαν καὶ ἀνέβησαν εἰσ Βαιθὴλ καὶ ἠρώτησαν ἐν τῷ Θεῷ καὶ εἶπαν οἱ υἱοὶ Ἰσραήλ. τίσ ἀναβήσεται ἡμῖν ἐν ἀρχῇ εἰσ παράταξιν πρὸσ υἱοὺσ Βενιαμίν̣ καὶ εἶπε Κύριοσ. Ἰούδασ ἐν ἀρχῇ ἀναβήσεται ἀφηγούμενοσ. καὶ ἀνέστησαν οἱ υἱοὶ Ἰσραὴλ τὸ πρωί̈ καὶ παρενέβαλον ἐπὶ Γαβαά. καὶ ἐξῆλθον πᾶσ ἀνὴρ Ἰσραὴλ εἰσ παράταξιν πρὸσ Βενιαμὶν καὶ συνῆψαν αὐτοῖσ ἐπὶ Γαβαά. καὶ ἐξῆλθον οἱ υἱοὶ Βενιαμὶν ἀπὸ τῆσ Γαβαὰ καὶ διέφθειραν ἐν Ἰσραὴλ ἐν τῇ ἡμέρᾳ ἐκείνῃ δύο καὶ εἴκοσι χιλιάδασ ἀνδρῶν ἐπὶ τὴν γῆν. καὶ ἐνίσχυσαν ἀνὴρ Ἰσραὴλ καὶ προσέθηκαν συνάψαι παράταξιν ἐν τῷ τόπῳ, ὅπου συνῆψαν ἐν τῇ ἡμέρᾳ τῇ πρώτῃ. καὶ ἀνέβησαν οἱ υἱοὶ Ἰσραὴλ καὶ ἔκλαυσαν ἐνώπιον Κυρίου ἕωσ ἑσπέρασ καὶ ἠρώτησαν ἐν Κυρίῳ λέγοντεσ. εἰ προσθῶμεν ἐγγίσαι εἰσ παράταξιν πρὸσ υἱοὺσ Βενιαμὶν ἀδελφοὺσ ἡμῶν̣ καὶ εἶπε Κύριοσ. ἀνάβητε πρὸσ αὐτούσ. καὶ προσῆλθον οἱ υἱοὶ Ἰσραὴλ πρὸσ υἱοὺσ Βενιαμὶν ἐν τῇ ἡμέρᾳ τῇ δευτέρᾳ. καὶ ἐξῆλθον οἱ υἱοὶ Βενιαμὶν εἰσ συνάντησιν αὐτοῖσ ἀπὸ τῆσ Γαβαὰ ἐν τῇ ἡμέρᾳ τῇ δευτέρᾳ καὶ διέφθειραν ἀπὸ υἱῶν Ἰσραὴλ ἔτι ὀκτωκαίδεκα χιλιάδασ ἀνδρῶν ἐπί τὴν γῆν. πάντεσ οὗτοι ἕλκοντεσ ρομφαίαν. καὶ ἀνέβησαν πάντεσ οἱ υἱοὶ Ἰσραὴλ καὶ πᾶσ ὁ λαὸσ καὶ ἦλθον εἰσ Βαιθὴλ καὶ ἔκλαυσαν, καὶ ἐκάθισαν ἐκεῖ ἐνώπιον Κυρίου καὶ ἐνήστευσαν ἐν τῇ ἡμέρᾳ ἐκείνῃ ἕωσ ἑσπέρασ καὶ ἀνήνεγκαν ὁλοκαυτώσεισ καὶ τελείασ ἐνώπιον Κυρίου. ὅτι ἐκεῖ κιβωτὸσ διαθήκησ Κυρίου τοῦ Θεοῦ, καὶ Φινεὲσ υἱὸσ Ἐλεάζαρ υἱοῦ Ἀαρὼν παρεστηκὼσ ἐνώπιον αὐτῆσ ἐν ταῖσ ἡμέραισ ἐκείναισ. καὶ ἐπηρώτησαν οἱ υἱοὶ Ἰσραὴλ ἐν Κυρίῳ λέγοντεσ. εἰ προσθῶμεν ἔτι ἐξελθεῖν εἰσ παράταξιν πρὸσ υἱοὺσ Βενιαμὶν ἀδελφοὺσ ἡμῶν ἢ ἐπίσχωμεν̣ καὶ εἶπε Κύριοσ. ἀνάβητε, ὅτι αὔριον δώσω αὐτοὺσ εἰσ χεῖρασ ὑμῶν. Καὶ ἔθηκαν οἱ υἱοὶ Ἰσραὴλ ἔνεδρα τῇ Γαβαὰ κύκλῳ. καὶ ἀνέβησαν οἱ υἱοὶ Ἰσραὴλ πρὸσ υἱοὺσ Βενιαμὶν ἐν τῇ ἡμέρᾳ τῇ τρίτῃ καὶ συνῆψαν πρὸσ τὴν Γαβαὰ ὡσ ἅπαξ καὶ ἅπαξ. καὶ ἐξῆλθον οἱ υἱοὶ Βενιαμὶν εἰσ συνάντησιν τοῦ λαοῦ καὶ ἐξεκενώθησαν ἐκ τῆσ πόλεωσ καὶ ἤρξαντο πατάσσειν ἀπὸ τοῦ λαοῦ τραυματίασ ὡσ ἅπαξ καὶ ἅπαξ ἐν ταῖσ ὁδοῖσ, ἥ ἐστι μία ἀναβαίνουσα εἰσ Βαιθὴλ καὶ μία εἰσ Γαβαὰ ἐν ἀγρῷ, ὡσ τριάκοντα ἄνδρασ ἐν Ἰσραήλ. καὶ εἶπαν οἱ υἱοὶ Βενιαμίν. πίπτουσιν ἐνώπιον ἡμῶν ὡσ τὸ πρῶτον. καὶ οἱ υἱοὶ Ἰσραὴλ εἶπαν. φύγωμεν καὶ ἐκκενώσωμεν αὐτοὺσ ἀπὸ τῆσ πόλεωσ εἰσ τὰσ ὁδούσ. καὶ ἐποίησαν οὕτω. καὶ πᾶσ ἀνὴρ ἀνέστη ἐκ τοῦ τόπου αὐτῶν καὶ συνῆψαν ἐν Βααλθαμάρ, καὶ τό ἔνεδρον Ἰσραὴλ ἐπήρχετο ἐκ τοῦ τόπου αὐτοῦ ἀπὸ Μαοραγαβέ. καὶ ἦλθον ἐξ ἐναντίασ Γαβαὰ δέκα χιλιάδεσ ἀνδρῶν ἐκλεκτῶν ἐκ παντὸσ Ἰσραὴλ καὶ παράταξισ βαρεῖα. καὶ αὐτοὶ οὐ ἔγνωσαν, ὅτι φθάνει ἐπ̓ αὐτοὺσ ἡ κακία. καὶ ἐπάταξε Κύριοσ τὸν Βενιαμὶν ἐνώπιον υἱῶν Ἰσραήλ, καὶ διέφθειραν οἱ υἱοὶ Ἰσραὴλ ἐκ τοῦ Βενιαμὶν ἐν τῇ ἡμέρᾳ ἐκείνῃ εἴκοσι καὶ πέντε χιλιάδασ καὶ ἑκατὸν ἄνδρασ. πάντεσ οὗτοι εἷλκον ρομφαίαν. καὶ εἶδον οἱ υἱοὶ Βενιαμὶν ὅτι ἐπλήγησαν. καὶ ἔδωκεν ἀνὴρ Ἰσραὴλ τῷ Βενιαμὶν τόπον, ὅτι ἤλπισαν πρὸσ τό ἔνεδρον, ὃ ἔθηκαν ἐπὶ τῇ Γαβαά. καὶ ἐν τῷ αὐτοὺσ ὑποχωρῆσαι καὶ τὸ ἔνεδρον ἐκινήθη καί ἐξέτειναν ἐπὶ τὴν Γαβαά, καὶ ἐξεχύθη τὸ ἔνεδρον καὶ ἐπάταξαν τὴν πόλιν ἐν στόματι ρομφαίασ. καὶ σημεῖον ἦν τοῖσ υἱοῖσ Ἰσραὴλ μετὰ τοῦ ἐνέδρου τῆσ μάχησ ἀνενέγκαι αὐτοὺσ σύσσημον καπνοῦ ἀπὸ τῆσ πόλεωσ. καὶ εἶδον οἱ υἱοὶ Ἰσραὴλ ὅτι προκατελάβετο τὸ ἔνεδρον τὴν Γαβαά, καὶ ἔστησαν ἐν τῇ παρατάξει, καὶ Βενιαμὶν ἤρξατο πατάσσειν τραυματίασ ἐν ἀνδράσιν Ἰσραὴλ ὡσ τριάκοντα ἄνδρασ, ὅτι εἶπαν. πάλιν πτώσει πίπτουσιν ἐνώπιον ἡμῶν ὡσ ἡ παράταξισ ἡ πρώτη. καὶ τὸ σύσσημον ἀνέβη ἐπὶ πλεῖον ἐπὶ τῆσ πόλεωσ ὡσ στῦλοσ καπνοῦ. καὶ ἐπέβλεψε Βενιαμὶν ὀπίσω αὐτοῦ, καὶ ἰδοὺ ἀνέβη συντέλεια τῆσ πόλεωσ ἕωσ οὐρανοῦ. καὶ ἀνὴρ Ἰσραὴλ ἐπέστρεψε, καὶ ἔσπευσαν ἄνδρεσ Βενιαμίν, ὅτι εἶδον ὅτι συνήντησεν ἐπ̓ αὐτούσ ἡ πονηρία. καὶ ἐπέβλεψαν ἐνώπιον υἱῶν Ἰσραὴλ εἰσ τὴν ὁδὸν τῆσ ἐρήμου καὶ ἔφυγον, καὶ ἡ παράταξισ ἔφθασεν ἐπ̓ αὐτούσ, καὶ οἱ ἀπὸ τῶν πόλεων διέφθειρον αὐτοὺσ ἐν μέσῳ αὐτῶν. καὶ κατέκοπτον τὸν Βενιαμὶν καὶ ἐδίωξαν αὐτὸν ἀπὸ Νουὰ κατὰ πόδα αὐτοῦ ἕωσ ἀπέναντι Γαβαὰ πρὸσ ἀνατολὰσ ἡλίου. καὶ ἔπεσον ἀπὸ Βενιαμὶν ὀκτωκαίδεκα χιλιάδεσ ἀνδρῶν. οἱ πάντεσ οὗτοι ἄνδρεσ δυνάμεωσ. καὶ ἐπέβλεψαν οἱ λοιποὶ καὶ ἔφευγον εἰσ τὴν ἔρημον πρὸσ τὴν πέτραν τοῦ Ρεμμών, καὶ ἐκαλαμήσαντο ἐξ αὐτῶν οἱ υἱοὶ Ἰσραὴλ πεντακισχιλίουσ ἄνδρασ. καὶ κατέβησαν ὀπίσω αὐτῶν οἱ υἱοὶ Ἰσραὴλ ἕωσ Γεδᾶν καὶ ἐπάταξαν ἐξ αὐτῶν δισχιλίουσ ἄνδρασ. καὶ ἐγένοντο πάντεσ οἱ πεπτωκότεσ ἀπὸ Βενιαμὶν εἰκοσιπέντε χιλιάδεσ ἀνδρῶν ἑλκόντων ρομφαίαν ἐν τῇ ἡμέρᾳ ἐκείνῃ. οἱ πάντεσ οὗτοι ἄνδρεσ δυνάμεωσ. καὶ ἐπέβλεψαν οἱ λοιποὶ καὶ ἔφυγον εἰσ τὴν ἔρημον πρὸσ τὴν πέτραν τοῦ Ρεμμών, ἑξακόσιοι ἄνδρεσ, καὶ ἐκάθισαν ἐν πέτρᾳ Ρεμμὼν τέσσαρασ μῆνασ. καὶ οἱ υἱοὶ Ἰσραὴλ ἐπέστρεψαν πρὸσ υἱοὺσ Βενιαμὶν καὶ ἐπάταξαν αὐτοὺσ ἐν στόματι ρομφαίασ ἀπὸ πόλεωσ Μεθλὰ καὶ ἕωσ κτήνουσ καὶ ἕωσ παντὸσ τοῦ εὑρισκομένου εἰσ πάσασ τὰσ πόλεισ. καὶ τὰσ πόλεισ τὰσ εὑρεθείσασ ἐνέπρησαν ἐν πυρί. ΚΑΙ οἱ υἱοὶ Ἰσραὴλ ὤμοσαν ἐν Μασσηφὰθ λέγοντεσ. ἀνὴρ ἐξ ἡμῶν οὐ δώσει θυγατέρα αὐτοῦ τῷ Βενιαμὶν εἰσ γυναῖκα.

καὶ ἦλθεν ὁ λαὸσ εἰσ Βαιθὴλ καὶ ἐκάθισαν ἐκεῖ ἕωσ ἑσπέρασ ἐνώπιον τοῦ Θεοῦ καὶ ᾖραν φωνὴν αὐτῶν καὶ ἔκλαυσαν κλαυθμὸν μέγαν καὶ εἶπαν. εἰσ τί, Κύριε Θεὲ Ἰσραήλ, ἐγενήθη αὕτη τοῦ ἐπισκεπῆναι σήμερον ἀπὸ Ἰσραὴλ φυλὴν μίαν̣ καὶ ἐγένετο τῇ ἐπαύριον καὶ ὤρθρισεν ὁ λαὸσ καὶ ᾠκοδόμησαν ἐκεῖ θυσιαστήριον, καὶ ἀνήνεγκαν ὁλοκαυτώσεισ καὶ τελείασ. καὶ εἶπαν οἱ υἱοὶ Ἰσραήλ. τίσ οὐκ ἀνέβη ἐν τῇ ἐκκλησίᾳ ἀπὸ πασῶν φυλῶν Ἰσραὴλ πρὸσ Κύριον̣ ὅτι ὁ ὅρκοσ μέγασ ἦν τοῖσ οὐκ ἀναβεβηκόσι πρὸσ Κύριον εἰσ Μασσηφὰθ λέγοντεσ. θανάτῳ θανατωθήσεται. καὶ παρεκλήθησαν οἱ υἱοὶ Ἰσραὴλ πρὸσ Βενιαμὶν ἀδελφὸν αὐτῶν καὶ εἶπαν. ἐξεκόπη σήμερον φυλὴ μία ἀπὸ Ἰσραήλ. τί ποιήσωμεν αὐτοῖσ τοῖσ περισσοῖσ τοῖσ ὑπολειφθεῖσιν εἰσ γυναῖκασ̣ καὶ ἡμεῖσ ὠμόσαμεν ἐν Κυρίῳ τοῦ μὴ δοῦναι αὐτοῖσ ἀπὸ τῶν θυγατέρων ἡμῶν εἰσ γυναῖκασ. καὶ εἶπαν. τίσ εἷσ ἀπὸ φυλῶν Ἰσραήλ, ὃσ οὐκ ἀνέβη πρὸσ Κύριον εἰσ Μασσηφάθ̣ καὶ ἰδοὺ οὐκ ἦλθεν ἀνὴρ εἰσ τὴν παρεμβολὴν ἀπὸ Ἰαβὶσ Γαλαὰδ εἰσ τὴν ἐκκλησίαν. καὶ ἐπεσκέπη ὁ λαόσ, καί οὐκ ἦν ἐκεῖ ἀνὴρ ἀπὸ οἰκούντων Ἰαβὶσ Γαλαάδ. καὶ ἀπέστειλεν ἐκεῖ ἡ συναγωγὴ δώδεκα χιλιάδασ ἀνδρῶν ἀπὸ υἱῶν τῆσ δυνάμεωσ καὶ ἐνετείλατο αὐτοῖσ λέγοντεσ. πορεύεσθε καὶ πατάξατε τοὺσ οἰκοῦντασ Ἰαβὶσ Γαλαὰδ ἐν στόματι ρομφαίασ. καὶ τοῦτο ποιήσετε. πᾶν ἄρσεν καὶ πᾶσαν γυναῖκα εὐδυῖαν κοίτην ἄρσενοσ ἀναθεματιεῖτε, τὰσ δὲ παρθένουσ περιποιήσεσθε. καὶ ἐποίησαν οὕτωσ. καὶ εὗρον ἀπὸ οἰκούντων Ἰαβὶσ Γαλαὰδ τετρακοσίασ νεάνιδασ παρθένουσ, αἵτινεσ οὐκ ἔγνωσαν ἄνδρα εἰσ κοίτην ἄρσενοσ, καὶ ἤνεγκαν αὐτὰσ εἰσ τὴν παρεμβολὴν εἰσ Σηλὼμ τὴν ἐν γῇ Χαναάν. καὶ ἀπέστειλαν πᾶσα ἡ συναγωγὴ καὶ ἐλάλησαν πρὸσ τοὺσ υἱοὺσ Βενιαμὶν ἐν τῇ πέτρᾳ Ρεμμὼν καὶ ἐκάλεσαν αὐτοὺσ εἰσ εἰρήνην. καὶ ἐπέστρεψε Βενιαμὶν πρὸσ τοὺσ υἱοὺσ Ἰσραὴλ ἐν τῷ καιρῷ ἐκείνῳ, καὶ ἔδωκαν αὐτοῖσ οἱ υἱοὶ Ἰσραὴλ τὰσ γυναῖκασ, ἃσ ἐζωοποίησαν ἀπὸ τῶν θυγατέρων Ἰαβὶσ Γαλαάδ. καὶ ἤρεσεν αὐτοῖσ οὕτω. Καὶ ὁ λαὸσ παρεκλήθη ἐπὶ τῷ Βενιαμίν, ὅτι ἐποίησε Κύριοσ διακοπὴν ἐν ταῖσ φυλαῖσ Ἰσραήλ. καὶ εἶπον οἱ πρεσβύτεροι τῆσ συναγωγῆσ. τί ποιήσωμεν τοῖσ περισσοῖσ εἰσ γυναῖκασ̣ ὅτι ἠφανίσθη ἀπὸ Βενιαμὶν γυνή. καὶ εἶπαν. Κληρονομία διασωζομένων τῶν Βενιαμίν, καὶ οὐκ ἐξαλειφθήσεται φυλὴ ἀπὸ Ἰσραήλ. ὅτι ἡμεῖσ οὐ δυνησόμεθα δοῦναι αὐτοῖσ γυναῖκασ ἀπὸ τῶν θυγατέρων ἡμῶν, ὅτι ὠμόσαμεν ἐν υἱοῖσ Ἰσραὴλ λέγοντεσ. ἐπικατάρατοσ ὁ διδοὺσ γυναῖκα τῷ Βενιαμίν. καὶ εἶπαν. ἰδοὺ δὴ ἑορτὴ Κυρίου ἐν Σηλὼμ ἀφ̓ ἡμερῶν εἰσ ἡμέρασ, ἥ ἐστιν ἀπὸ βορρᾶ τῆσ Βαιθὴλ κατ̓ ἀνατολάσ ἡλίου ἐπὶ τῆσ ὁδοῦ τῆσ ἀναβαινούσησ ἀπό Βαιθὴλ εἰσ Συχέμ καὶ ἀπὸ νότου τῆσ Λεβωνά. καὶ ἐνετείλαντο τοῖσ υἱοῖσ Βενιαμὶν λέγοντεσ. πορεύεσθε καὶ ἐνεδρεύσατε ἐν τοῖσ ἀμπελῶσι. καὶ ὄψεσθε καὶ ἰδού, ἐὰν ἐξέλθωσιν αἱ θυγατέρεσ τῶν οἰκούντων Σηλὼ χορεύειν ἐν τοῖσ χοροῖσ, καὶ ἐξελεύσεσθε ἐκ τῶν ἀμπελώνων καὶ ἁρπάσατε ἑαυτοῖσ ἀνὴρ γυναῖκα, ἀπὸ τῶν θυγατέρων Σηλὼμ καὶ πορεύεσθε εἰσ γῆν Βενιαμίν. καὶ ἔσται ὅταν ἔλθωσιν οἱ πατέρεσ αὐτῶν ἢ οἱ ἀδελφοὶ αὐτῶν κρίνεσθαι πρὸσ ἡμᾶσ, καὶ ἐροῦμεν αὐτοῖσ. ἔλεοσ ποιήσατε ἡμῖν αὐτάσ, ὅτι οὐκ ἐλάβομεν ἀνὴρ γυναῖκα αὐτοῦ ἐν τῇ παρατάξει, ὅτι οὐχ ὑμεῖσ ἐδώκατε αὐτοῖσ. ὡσ κλῆροσπλημμελήσατε. καὶ ἐποίησαν οὕτωσ οἱ υἱοὶ Βενιαμὶν καὶ ἔλαβον γυναῖκασ εἰσ ἀριθμὸν αὐτῶν ἀπὸ τῶν χορευουσῶν, ὧν ἥρπασαν. καὶ ἐπορεύθησαν καὶ ὑπέστρεψαν εἰσ τὴν κληρονομίαν αὐτῶν καὶ ᾠκοδόμησαν τὰσ πόλεισ καὶ ἐκάθισαν ἐν αὐταῖσ. καὶ περιεπάτησαν ἐκεῖθεν οἱ υἱοὶ Ἰσραὴλ ἐν τῷ καιρῷ ἐκείνῳ ἀνὴρ εἰσ φυλὴν αὐτοῦ καὶ εἰσ συγγένειαν αὐτοῦ, καὶ ἐξῆλθον ἐκεῖθεν ἀνὴρ εἰσ τὴν κληρονομίαν αὐτοῦ. ἐν δὲ ταῖσ ἡμέραισ ἐκείναισ οὐκ ἦν βασιλεὺσ ἐν Ἰσραήλ. ἀνὴρ τὸ εὐθὲσ ἐνώπιον αὐτοῦ ἐποίει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iudicum

(70인역 성경, 판관기)

목록

SEARCH

MENU NAVIGATION