헬라어 문장 검색 - Σεπτύ048́028́

(70인역 성경, 에제키엘서 28:)

ΚΑΙ ἐγένετο λόγοσ Κυρίου πρόσ με λέγων. καὶ σὺ υἱὲ ἀνθρώπου, εἰπὸν τῷ ἄρχοντι Τύρου. τάδε λέγει Κύριοσ. ἀνθ’ ὧν ὑψώθη σου ἡ καρδία, καὶ εἶπασ. θεόσ εἰμι ἐγώ, κατοικίαν θεοῦ κατῴκησα ἐν καρδίᾳ θαλάσσησ, σὺ δὲ εἶ ἄνθρωποσ καὶ οὐ Θεόσ, καὶ ἔδωκασ τὴν καρδίαν σου ὡσ καρδίαν Θεοῦ. μὴ σοφώτεροσ εἶ σὺ τοῦ Δανιήλ̣ ἢ σοφοὶ οὐκ ἐπαίδευσάν σε τῇ ἐπιστήμη αὐτῶν̣ μὴ ἐν τῇ ἐπιστήμῃ σου ἢ τῇ φρονήσει σου ἐποίησασ σεαυτῷ δύναμιν καὶ χρυσίον καὶ ἀργύριον ἐν τοῖσ θησαυροῖσ σου̣ ἐν τῇ πολλῇ ἐπιστήμῃ σου καὶ ἐμπορίᾳ σου ἐπλήθυνασ δύναμίν σου, ὑψώθη ἡ καρδία σου ἐν τῇ δυνάμει σου. διὰ τοῦτο τάδε λέγει Κύριοσ. ἐπειδὴ δέδωκασ τὴν καρδίαν σου ὡσ καρδίαν Θεοῦ, ἀντὶ τούτου ἰδοὺ ἐγὼ ἐπάγω ἐπὶ σὲ ἀλλοτρίουσ λοιμοὺσ ἀπὸ ἐθνῶν, καὶ ἐκκενώσουσι τὰσ μαχαίρασ αὐτῶν ἐπὶ σὲ καὶ ἐπὶ τὸ κάλλοσ τῆσ ἐπιστήμησ σου καὶ στρώσουσι τὸ κάλλοσ σου εἰσ ἀπώλειαν. καὶ καταβιβάσουσί σε, καὶ ἀποθανῇ θανάτῳ τραυματιῶν ἐν καρδίᾳ θαλάσσησ. μὴ λέγων ἐρεῖσ. Θεόσ εἰμι ἐγώ, ἐνώπιον τῶν ἀναιρούντων σε̣ σὺ δὲ εἶ ἄνθρωποσ καὶ οὐ Θεόσ. ἐν πλήθει ἀπεριτμήτων ἀπολῇ ἐν χερσὶν ἀλλοτρίων, ὅτι ἐγὼ ἐλάλησα, λέγει Κύριοσ. ‐ Καὶ ἐγένετο λόγοσ Κυρίου πρόσ με λέγων. υἱὲ ἀνθρώπου, λαβὲ θρῆνον ἐπὶ τὸν ἄρχοντα Τύρου καὶ εἰπὸν αὐτῷ. τάδε λέγει Κύριοσ Κύριοσ. σὺ ἀποσφράγισμα ὁμοιώσεωσ καὶ στέφανοσ κάλλους ἐν τῇ τρυφῇ τοῦ παραδείσου τοῦ Θεοῦ ἐγενήθησ. πάντα λίθον χρηστὸν ἐνδέδεσαι, σάρδιον καὶ τοπάζιον καὶ σμάραγδον καὶ ἄνθρακα καὶ σάπφειρον καὶ ἴασπιν καὶ ἀργύριον καὶ χρυσίον καὶ λιγύριον καί ἀχάτην καὶ ἀμέθυστον καὶ χρυσόλιθον καὶ βηρύλλιον καὶ ὀνύχιον, καὶ χρυσίου ἐνέπλησασ τοὺσ θησαυρούσ σου καὶ τὰσ ἀποθήκασ σου ἐν σοὶ ἀφ’ ἧσ ἡμέρασ ἐκτίσθησ σύ. μετὰ τοῦ Χεροὺβ ἔθηκά σε ἐν ὄρει ἁγίῳ Θεοῦ, ἐγενήθησ ἐν μέσῳ λίθων πυρίνων. ἐγενήθησ σὺ ἄμωμοσ ἐν ταῖσ ἡμέραισ σου, ἀφ’ ἧσ ἡμέρασ σὺ ἐκτίσθησ ἕωσ εὑρέθη τὰ ἀδικήματα ἐν σοί. ἀπὸ πλήθουσ τῆσ ἐμπορίασ σου ἔπλησασ τὰ ταμιεῖά σου ἀνομίασ καὶ ἥμαρτεσ καὶ ἐτραυματίσθησ ἀπὸ ὄρουσ τοῦ Θεοῦ, καὶ ἤγαγέ σε τὸ Χεροὺβ ἐκ μέσου λίθων πυρίνων. ὑψώθη ἡ καρδία σου ἐπὶ τῷ κάλλει σου, διεφθάρη ἡ ἐπιστήμη σου μετὰ τοῦ κάλλουσ σου. διὰ πλῆθοσ ἁμαρτιῶν σου ἐπὶ τὴν γῆν ἔρριψά σε, ἐναντίον βασιλέων ἔδωκά σε παραδειγματισθῆναι. διὰ τὸ πλῆθοσ τῶν ἁμαρτιῶν σου καὶ τῶν ἀδικιῶν τῆσ ἐμπορίασ σου ἐβεβήλωσα τά ἱερά σου, καὶ ἐξάξω πῦρ ἐκ μέσου σου, τοῦτο καταφάγεταί σε. καὶ δώσω σε εἰσ σποδὸν ἐπὶ τῆσ γῆσ σου ἐναντίον πάντων τῶν ὁρώντων σε. καὶ πάντεσ οἱ ἐπιστάμενοί σε ἐν τοῖσ ἔθνεσι στυγνάσουσιν ἐπὶ σέ. ἀπώλεια ἐγένου καὶ οὐχ ὑπάρξεισ ἔτι εἰσ τὸν αἰῶνα. Καὶ ἐγένετο λόγοσ Κυρίου πρόσ με λέγων. υἱὲ ἀνθρώπου, στήρισον τὸ πρόσωπόν σου ἐπὶ Σιδῶνα καὶ προφήτευσον ἐπ’ αὐτὴν καὶ εἰπόν. τάδε λέγει Κύριοσ. ἰδοὺ ἐγὼ ἐπὶ σέ, Σιδών, καὶ ἐνδοξασθήσομαι ἐν σοί, καὶ γνώσῃ ὅτι ἐγώ εἰμι Κύριοσ ἐν τῷ ποιῆσαί με ἐν σοὶ κρίματα, καὶ ἁγιασθήσομαι ἐν σοί. αἷμα καὶ θάνατοσ ἐν ταῖσ πλατείαισ σου, καὶ πεσοῦνται τετραυματισμένοι ἐν μαχαίραισ ἐν σοὶ περικύκλῳ σου. καὶ γνώσονται διότι ἐγώ εἰμι Κύριοσ. ‐ Καὶ οὐκ ἔσονται οὐκέτι ἐν τῷ οἴκῳ τοῦ Ἰσραὴλ σκόλοψ πικρίασ καὶ ἄκανθα ὀδύνησ ἀπὸ πάντων τῶν περικύκλῳ αὐτῶν τῶν ἀτιμασάντων αὐτούσ. καὶ γνώσονται ὅτι ἐγώ εἰμι Κύριοσ. τάδε λέγει Κύριοσ Κύριοσ. καὶ συνάξω τὸν Ἰσραὴλ ἐκ τῶν ἐθνῶν, οὗ διεσκορπίσθησαν ἐκεῖ, καὶ ἁγιασθήσομαι ἐν αὐτοῖσ ἐνώπιον τῶν λαῶν καὶ τῶν ἐθνῶν. καὶ κατοικήσουσιν ἐπὶ τῆσ γῆσ αὐτῶν, ἣν δέδωκα τῷ δούλῳ μου Ἰακώβ, καὶ κατοικήσουσιν ἐπ’ αὐτῆσ ἐν ἐλπίδι καὶ οἰκοδομήσουσιν οἰκίασ καὶ φυτεύσουσιν ἀμπελῶνασ καὶ κατοικήσουσιν ἐν ἐλπίδι, ὅταν ποιήσω κρίμα ἐν πᾶσι τοῖσ ἀτιμάσασιν αὐτοὺσ ἐν τοῖσ κύκλῳ αὐτῶν. καὶ γνώσονται ὅτι ἐγώ εἰμι Κύριοσ ὁ Θεὸσ αὐτῶν καὶ ὁ Θεὸσ τῶν πατέρων αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 28:

(70인역 성경, 에제키엘서 28:)

목록

SEARCH

MENU NAVIGATION