헬라어 문장 검색 - Σεπτύ048́025́

(70인역 성경, 에제키엘서 25:)

ΚΑΙ ἐγένετο λόγοσ Κυρίου πρόσ με λέγων. υἱὲ ἀνθρώπου, στήρισον τὸ πρόσωπόν σου ἐπὶ τοὺσ υἱοὺσ Ἀμμὼν καὶ προφήτευσον ἐπ’ αὐτοὺς καὶ ἐρεῖσ τοῖσ υἱοῖσ Ἀμμών. ἀκούσατε λόγον Κυρίου. τάδε λέγει Κύριοσ. ἀνθ’ ὧν ἐπεχάρητε ἐπὶ τὰ ἅγιά μου, ὅτι ἐβεβηλώθη, καὶ ἐπὶ τὴν γῆν τοῦ Ἰσραήλ, ὅτι ἠφανίσθη, καὶ ἐπὶ τὸν οἶκον τοῦ Ἰούδα, ὅτι ἐπορεύθησαν ἐν αἰχμαλωσίᾳ, διὰ τοῦτο ἰδοὺ ἐγὼ παραδίδωμι ὑμᾶσ τοῖσ υἱοῖσ Κεδὲμ εἰσ κληρονομίαν, καὶ κατασκηνώσουσιν ἐν τῇ ἀπαρτίᾳ αὐτῶν ἐν σοὶ καὶ δώσουσιν ἐν σοὶ τὰ σκηνώματα αὐτῶν. αὐτοὶ φάγονται τοὺσ καρπούσ σου, καὶ αὐτοὶ πίονται τὴν πιότητά σου. καὶ δώσω τὴν πόλιν τοῦ Ἀμμὼν εἰσ νομὰσ καμήλων καὶ τοὺσ υἱοὺσ Ἀμμὼν εἰσ νομὴν προβάτων. καὶ ἐπιγνώσεσθε διότι ἐγὼ Κύριοσ. διότι τάδε λέγει Κύριοσ. ἀνθ’ ὧν ἐκρότησασ τὴν χεῖρά σου καὶ ἐψόφησασ τῷ ποδί σου καὶ ἐπέχαρασ ἐκ ψυχῆσ σου ἐπὶ τὴν γῆν τοῦ Ἰσραήλ, διὰ τοῦτο ἐκτενῶ τὴν χεῖρά μου ἐπὶ σὲ καὶ δώσω σε εἰσ διαρπαγὴν ἐν τοῖσ ἔθνεσι καὶ ἐξολοθρεύσω σε ἐκ τῶν λαῶν καὶ ἀπολῶ σε ἐκ τῶν χωρῶν ἀπωλείᾳ. καὶ ἐπιγνώσῃ διότι ἐγὼ Κύριοσ. ‐ Τάδε λέγει Κύριοσ. ἀνθ’ ὧν εἶπε Μωάβ. ἰδοὺ ὃν τρόπον πάντα τὰ ἔθνη οἶκοσ Ἰσραὴλ καὶ Ἰούδα, διὰ τοῦτο ἰδοὺ ἐγὼ παραλύω τὸν ὦμον Μωὰβ ἀπὸ πόλεων ἀκρωτηρίων αὐτοῦ, ἐκλεκτὴν γῆν, οἶκον Ἀσιμοὺθ ἐπάνω πηγῆσ πόλεωσ παραθαλασσίασ. τοῖσ υἱοῖσ Κεδὲμ ἐπὶ τοὺσ υἱοὺσ Ἀμμὼν δέδωκα αὐτοὺσ εἰσ κληρονομίαν, ὅπωσ μὴ μνεία γένηται τῶν υἱῶν Ἀμμών. καὶ εἰσ Μωὰβ ποιήσω ἐκδίκησιν, καὶ ἐπιγνώσονται διότι ἐγὼ Κύριοσ. ‐ Τάδε λέγει Κύριοσ. ἀνθ’ ὧν ἐποίησεν ἡ Ἰδουμαία ἐν τῷ ἐκδικῆσαι αὐτοὺσ ἐκδίκησιν εἰσ τὸν οἶκον Ἰούδα καὶ ἐμνησικάκησαν καὶ ἐξεδίκησαν δίκην, διὰ τοῦτο τάδε λέγει Κύριοσ. καὶ ἐκτενῶ τὴν χεῖρά μου ἐπὶ τὴν Ἰδουμαίαν καὶ ἐξολοθρεύσω ἐξ αὐτῆσ ἄνθρωπον καὶ κτῆνοσ καὶ θήσομαι αὐτὴν ἔρημον, καὶ ἐκ Θαιμὰν διωκόμενοι ἐν ρομφαίᾳ πεσοῦνται. καὶ δώσω ἐκδίκησίν μου ἐπὶ τὴν Ἰδουμαίαν ἐν χειρὶ λαοῦ μου Ἰσραήλ, καὶ ποιήσουσιν ἐν τῇ Ἰδουμαίᾳ κατὰ τὴν ὀργήν μου καὶ κατὰ τὸν θυμόν μου. καὶ ἐπιγνώσονται τὴν ἐκδίκησίν μου, λέγει Κύριοσ. ‐ Διὰ τοῦτο τάδε λέγει Κύριοσ. ἀνθ’ ὧν ἐποίησαν οἱ ἀλλόφυλοι ἐν ἐκδικήσει καὶ ἐξανέστησαν ἐκδίκησιν ἐπιχαίροντεσ ἐκ ψυχῆσ τοῦ ἐξαλεῖψαι ἕωσ ἑνόσ, διὰ τοῦτο τάδε λέγει Κύριοσ. ἰδοὺ ἐγὼ ἐκτείνω τὴν χεῖρά μου ἐπὶ τοὺσ ἀλλοφύλουσ καὶ ἐξολοθρεύσω Κρῆτασ καὶ ἀπολῶ τοὺσ καταλοίπουσ τοὺσ κατοικοῦντασ τὴν παραλίαν. καὶ ποιήσω ἐν αὐτοῖσ ἐκδικήσεισ μεγάλασ, καὶ ἐπιγνώσονται διότι ἐγὼ Κύριοσ ἐν τῷ δοῦναι τὴν ἐκδίκησίν μου ἐπ’ αὐτούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 25:

(70인역 성경, 에제키엘서 25:)

목록

SEARCH

MENU NAVIGATION