헬라어 문장 검색 - Σεπτύ048́007́

(70인역 성경, 에제키엘서 7:)

ΚΑΙ ἐγένετο λόγοσ Κυρίου πρόσ με λέγων. καὶ σύ, υἱὲ ἀνθρώπου, εἰπόν. τάδε λέγει Κύριοσ τῇ γῇ τοῦ Ἰσραήλ. πέρασ ἥκει, τὸ πέρασ ἥκει ἐπὶ τὰσ τέσσαρασ πτέρυγασ τῆσ γῆσ. ἥκει τὸ πέρας ἐπὶ σὲ τὸν κατοικοῦντα τὴν γῆν, ἥκει ὁ καιρόσ, ἤγγικεν ἡ ἡμέρα, οὐ μετὰ θορύβων οὐδὲ μετὰ ὠδίνων. νῦν ἐγγύθεν ἐκχεῶ τὴν ὀργήν μου ἐπὶ σὲ καὶ συντελέσω τὸν θυμόν μου ἐν σοὶ καὶ κρινῶ σε ἐν ταῖσ ὁδοῖσ σου καὶ δώσω ἐπὶ σὲ πάντα τὰ βδελύγματά σου. οὐ φείσεται ὁ ὀφθαλμόσ μου, οὐδὲ μὴ ἐλεήσω, διότι τὰσ ὁδούσ σου ἐπὶ σὲ δώσω, καὶ τὰ βδελύγματά σου ἐν μέσῳ σου ἔσονται, καὶ ἐπιγνώσῃ διότι ἐγώ εἰμι Κύριοσ ὁ τύπτων. νῦν τὸ πέρασ πρὸσ σέ, καὶ ἀποστελῶ ἐγὼ ἐπὶ σὲ καὶ ἐκδικήσω σε ἐν ταῖσ ὀδοῖσ σου καὶ δώσω ἐπὶ σὲ πάντα τὰ βδελύγματά σου. οὐ φείσεται ὁ ὀφθαλμόσ μου ἐπὶ σέ, οὐδὲ μὴ ἐλεήσω, διότι τὴν ὁδόν σου ἐπὶ σὲ δώσω, καὶ τὰ βδελύγματά σου ἐν μέσῳ σου ἔσται. καὶ ἐπιγνώσῃ διότι ἐγὼ Κύριοσ. διότι τάδε λέγει Κύριοσ. ἰδοὺ τὸ πέρασ ἥκει, ἰδοὺ ἡμέρα Κυρίου. εἰ καὶ ἡ ράβδοσ ἤνθηκεν, ἡ ὕβρισ ἐξανέστηκε. καί συντρίψει στήριγμα ἀνόμου καὶ οὐ μετὰ θορύβου οὐδὲ μετὰ σπουδῆσ. ἥκει ὁ καιρόσ, ἰδοὺ ἡ ἡμέρα. ὁ κτώμενοσ μὴ χαιρέτω, καὶ ὁ πωλῶν μὴ θρηνείτω. διότι ὁ κτώμενοσ πρὸσ τὸν πωλοῦντα οὐκέτι μὴ ἐπιστρέψῃ, καὶ ἄνθρωποσ ἐν ὀφθαλμῷ ζωῆσ αὐτοῦ οὐ κρατήσει. σαλπίσατε ἐν σάλπιγγι καὶ κρίνατε τὰ σύμπαντα. ὁ πόλεμοσ ἐν ρομφαίᾳ ἔξωθεν, καὶ ὁ λιμὸσ καὶ ὁ θάνατοσ ἔσωθεν. ὁ ἐν τῷ πεδίῳ ἐν ρομφαίᾳ τελευτήσει, τοὺσ δ̓ ἐν τῇ πόλει λιμὸσ καὶ θάνατοσ συντελέσει. καὶ ἀνασωθήσονται οἱ ἀνασῳζόμενοι ἐξ αὐτῶν καὶ ἔσονται ἐπὶ τῶν ὀρέων. πάντασ ἀποκτενῶ, ἕκαστον ἐν ταῖσ ἀδικίαισ αὐτοῦ. πᾶσαι χεῖρεσ ἐκλυθήσονται, καὶ πάντεσ μηροὶ μολυνθήσονται ὑγρασίᾳ, καὶ περιζώσονται σάκκουσ, καὶ καλύψει αὐτοὺσ θάμβοσ, καὶ ἐπὶ πᾶν πρόσωπον αἰσχύνη ἐπ̓ αὐτούσ, καὶ ἐπὶ πᾶσαν κεφαλὴν φαλάκρωμα. τὸ ἀργύριον αὐτῶν ριφήσεται ἐν ταῖσ πλατείαισ, καὶ τὸ χρυσίον αὐτῶν ὑπεροφθήσεται. αἱ ψυχαὶ αὐτῶν οὐ μὴ ἐμπλησθῶσι, καὶ αἱ κοιλίαι αὐτῶν οὐ μὴ πληρωθῶσι, διότι βάσανοσ τῶν ἀδικιῶν αὐτῶν ἐγένετο. ἐκλεκτὰ κόσμου εἰσ ὑπερηφανίαν ἔθεντο αὐτὰ καὶ εἰκόνασ τῶν βδελυγμάτων αὐτῶν ἐποίησαν ἐξ αὐτῶν. ἕνεκεν τούτου δέδωκα αὐτὰ αὐτοῖσ εἰσ ἀκαθαρσίαν, καὶ παραδώσω αὐτὰ εἰσ χεῖρασ ἀλλοτρίων τοῦ διαρπάσαι αὐτὰ καὶ τοῖσ λοιμοῖσ τῆσ γῆσ εἰσ σκῦλα, καὶ βεβηλώσουσιν αὐτά. καὶ ἀποστρέψω τὸ πρόσωπόν μου ἀπ̓ αὐτῶν, καὶ μιανοῦσι τὴν ἐπισκοπήν μου καὶ εἰσελεύσονται εἰσ αὐτὰ ἀφυλάκτωσ καὶ βεβηλώσουσιν αὐτά. καὶ ποιήσουσι φυρμόν, διότι ἡ γῆ πλήρησ λαῶν, καὶ ἡ πόλισ πλήρησ ἀνομίασ. καὶ ἀποστρέψω τὸ φρύαγμα τῆσ ἰσχύοσ αὐτῶν, καὶ μιανθήσεται τὰ ἅγια αὐτῶν. ἐξιλασμὸσ ἥξει καὶ ζητήσει εἰρήνην, καὶ οὐκ ἔσται. οὐαὶ ἐπὶ οὐαὶ ἔσται, καὶ ἀγγελία ἐπὶ ἀγγελίαν ἔσται, καὶ ζητηθήσεται ὅρασισ ἐκ προφήτου, καὶ νόμοσ ἀπολεῖται ἐξ ἱερέωσ καὶ βουλὴ ἐκ πρεσβυτέρων. ἄρχων ἐνδύσεται ἀφανισμόν, καὶ αἱ χεῖρεσ τοῦ λαοῦ τῆσ γῆσ παραλυθήσονται. κατὰ τὰσ ὁδοὺσ αὐτῶν ποιήσω αὐτοῖσ καὶ ἐν τοῖσ κρίμασιν αὐτῶν ἐκδικήσω αὐτούσ. καὶ γνώσονται ὅτι ἐγὼ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 7:

(70인역 성경, 에제키엘서 7:)

목록

SEARCH

MENU NAVIGATION