헬라어 문장 검색 - Σεπτύ044́033́

(70인역 성경, 예레미야서 33:)

‐ ΕΝ ἀρχῇ βασιλέωσ Ἰωακεὶμ υἱοῦ Ἰωσία ἐγενήθη ὁ λόγοσ οὗτοσ παρὰ Κυρίου. οὕτωσ εἶπε Κύριοσ. στῆθι ἐν αὐλῇ οἴκου Κυρίου καὶ χρηματιεῖσ ἅπασι τοῖσ Ἰουδαίοισ καὶ πᾶσι τοῖσ ἐρχομένοισ προσκυνεῖν ἐν οἴκῳ Κυρίου ἅπαντασ τοὺσ λόγουσ, οὓσ συνέταξά σοι χρηματίσαι αὐτοῖσ, μὴ ἀφέλῃσ ρῆμα. ἴσωσ ἀκούσονται καὶ ἀποστραφήσονται ἕκαστοσ ἀπὸ τῆσ ὁδοῦ αὐτοῦ τῆσ πονηρᾶσ, καὶ παύσομαι ἀπὸ τῶν κακῶν, ὧν ἐγὼ λογίζομαι τοῦ ποιῆσαι αὐτοῖσ ἕνεκεν τῶν πονηρῶν ἐπιτηδευμάτων αὐτῶν. καὶ ἐρεῖσ. οὕτωσ εἶπε Κύριοσ. ἐὰν μὴ ἀκούσητέ μου τοῦ πορεύεσθαι ἐν τοῖσ νομίμοισ μου, οἷσ ἔδωκα κατὰ πρόσωπον ὑμῶν, εἰσακούειν τῶν λόγων τῶν παίδων μου τῶν προφητῶν, οὓσ ἐγὼ ἀποστέλλω πρὸσ ὑμᾶσ ὄρθρου, καὶ ἀπέστειλα καὶ οὐκ ἠκούσατέ μου, καὶ δώσω τὸν οἶκον τοῦτον ὥσπερ Σηλὼ καὶ τὴν πόλιν δώσω εἰσ κατάραν πᾶσι τοῖσ ἔθνεσι πάσησ τῆσ γῆσ. καὶ ἤκουσαν οἱ ἱερεῖσ καὶ οἱ ψευδοπροφῆται καὶ πᾶσ ὁ λαὸσ τοῦ Ἱερεμίου λαλοῦντοσ τοὺσ λόγουσ τούτουσ ἐν οἴκῳ Κυρίου. καὶ ἐγένετο Ἱερεμίου παυσαμένου λαλοῦντοσ πάντα, ἃ συνέταξε Κύριοσ αὐτῷ λαλῆσαι παντὶ τῷ λαῷ, καὶ συνελάβοσαν αὐτὸν οἱ ἱερεῖσ καὶ οἱ ψευδοπροφῆται καὶ πᾶσ ὁ λαὸσ λέγων. θανάτῳ ἀποθανῇ, ὅτι ἐπροφήτευσασ τῷ ὀνόματι Κυρίου λέγων. ὥσπερ Σηλὼ ἔσται ὁ οἶκοσ οὗτοσ καὶ ἡ πόλισ αὕτη ἐρημωθήσεται ἀπὸ κατοικούντων. καὶ ἐξεκκλησιάσθη πᾶσ ὁ λαὸσ ἐπὶ Ἱερεμίαν ἐν οἴκῳ Κυρίου. ‐ Καὶ ἤκουσαν οἱ ἄρχοντεσ Ἰούδα τὸν λόγον τοῦτον καὶ ἀνέβησαν ἐξ οἴκου τοῦ βασιλέωσ εἰσ οἶκον Κυρίου καὶ ἐκάθισαν ἐν προθύροισ πύλησ Κυρίου τῆσ καινῆσ. καὶ εἶπαν οἱ ἱερεῖσ καὶ οἱ ψευδοπροφῆται πρὸσ τοὺσ ἄρχοντασ καὶ παντὶ τῷ λαῷ. κρίσισ θανάτου τῷ ἀνθρώπῳ τούτῳ, ὅτι ἐπροφήτευσε κατὰ τῆσ πόλεωσ ταύτησ, καθὼσ ἠκούσατε ἐν τοῖσ ὠσὶν ὑμῶν. καὶ εἶπεν Ἱερεμίασ πρὸσ τοὺσ ἄρχοντασ καὶ παντὶ τῷ λαῷ λέγων. Κύριοσ ἀπέστειλέ με προφητεῦσαι ἐπὶ τὸν οἶκον τοῦτον καὶ ἐπὶ τὴν πόλιν ταύτην πάντασ τοὺσ λόγουσ, οὓσ ἠκούσατε. καὶ νῦν βελτίουσ ποιήσατε τὰσ ὁδοὺσ ὑμῶν καὶ τὰ ἔργα ὑμῶν καὶ ἀκούσατε τῆσ φωνῆσ Κυρίου, καὶ παύσεται Κύριοσ ἀπὸ τῶν κακῶν, ὧν ἐλάλησεν ἐφ’ ὑμᾶσ. καὶ ἰδοὺ ἐγὼ ἐν χερσὶν ὑμῶν. ποιήσατέ μοι ὡσ συμφέρει καὶ ὡσ βέλτιον ὑμῖν. ἀλλ’ ἢ γνόντεσ γνώσεσθε ὅτι, εἰ ἀναιρεῖτέ με, αἷμα ἀθῷον δίδοτε ἐφ’ ὑμᾶσ καὶ ἐπὶ τὴν πόλιν ταύτην καὶ ἐπὶ τοὺσ κατοικοῦντασ ἐν αὐτῇ. ὅτι ἐν ἀληθείᾳ ἀπέσταλκέ με Κύριοσ πρὸσ ὑμᾶσ λαλῆσαι εἰσ τὰ ὦτα ὑμῶν πάντασ τοὺσ λόγουσ τούτουσ. καὶ εἶπον οἱ ἄρχοντεσ καὶ πᾶσ ὁ λαὸσ πρὸσ τοὺσ ἱερεῖσ καὶ πρὸσ τοὺσ ψευδοπροφήτασ. οὐκ ἔστι τῷ ἀνθρώπῳ τούτῳ κρίσισ θανάτου, ὅτι ἐπὶ τῷ ὀνόματι Κυρίου τοῦ Θεοῦ ἡμῶν ἐλάλησε πρὸσ ἡμᾶσ. καὶ ἀνέστησαν ἄνδρεσ τῶν πρεσβυτέρων τῆσ γῆσ καὶ εἶπαν πάσῃ τῇ συναγωγῇ τοῦ λαοῦ. Μιχαίασ ὁ Μωραθίτησ ἦν ἐν ταῖσ ἡμέραισ Ἐζεκίου βασιλέωσ Ἰούδα καὶ εἶπε παντὶ τῷ λαῷ Ἰούδα. οὕτωσ εἶπε Κύριοσ. Σιὼν ὡσ ἀγρὸσ ἀροτριαθήσεται, καὶ Ἱερουσαλὴμ εἰσ ἄβατον ἔσται καὶ τὸ ὄροσ τοῦ οἴκου εἰσ ἄλσοσ δρυμοῦ. μὴ ἀνελὼν ἀνεῖλεν αὐτὸν Ἐζεκίασ καὶ πᾶσ Ἰούδα̣ οὐχ ὅτι ἐφοβήθησαν τὸν Κύριον καὶ ὅτι ἐδεήθησαν τοῦ προσώπου Κυρίου, καὶ ἐπαύσατο Κύριοσ ἀπὸ τῶν κακῶν, ὧν ἐλάλησεν ἐπ’ αὐτούσ̣ καὶ ἡμεῖσ ἐποιήσαμεν κακὰ μεγάλα ἐπὶ ψυχὰσ ἡμῶν. Καὶ ἄνθρωποσ ἦν προφητεύων τῷ ὀνόματι Κυρίου, Οὐρίασ υἱὸσ Σαμαίου ἐκ Καριαθιαρίμ, καὶ ἐπροφήτευσε περὶ τῆσ γῆσ ταύτησ κατὰ πάντασ τοὺσ λόγουσ Ἱερεμίου. καὶ ἤκουσεν ὁ βασιλεὺσ Ἰωακεὶμ καὶ πάντεσ οἱ ἄρχοντεσ πάντασ τοὺσ λόγουσ αὐτοῦ καὶ ἐζήτουν ἀποκτεῖναι αὐτόν. καὶ ἤκουσεν Οὐρίασ καὶ εἰσῆλθεν εἰσ Αἴγυπτον. καὶ ἐξαπέστειλεν ὁ βασιλεὺσ ἄνδρασ εἰσ Αἴγυπτον, καὶ ἐξηγάγοσαν αὐτὸν ἐκεῖθεν καὶ εἰσηγάγοσαν αὐτὸν πρὸσ τὸν βασιλέα, καὶ ἐπάταξεν αὐτὸν ἐν μαχαίρᾳ καὶ ἔρριψεν αὐτὸν εἰσ τὸ μνῆμα υἱῶν λαοῦ αὐτοῦ. πλὴν χεὶρ Ἀχεικὰμ υἱοῦ Σαφὰν ἦν μετὰ Ἱερεμίου τοῦ μὴ παραδοῦναι αὐτὸν εἰσ χεῖρασ τοῦ λαοῦ τοῦ μὴ ἀνελεῖν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 33:

(70인역 성경, 예레미야서 33:)

목록

SEARCH

MENU NAVIGATION