헬라어 문장 검색 - Σεπτύ044́017́

(70인역 성경, 예레미야서 17:)

ΕΠΙΚΑΤΑΡΑΤΟΣ ὁ ἄνθρωποσ, ὃσ τὴν ἐλπίδα ἔχει ἐπ’ ἄνθρωπον καὶ στηρίζει σάρκα βραχίονοσ αὐτοῦ ἐπ’ αὐτόν, καὶ ἀπὸ Κυρίου ἀποστῇ ἡ καρδία αὐτοῦ. καὶ ἔσται ὡσ ἡ ἀγριομυρίκη ἡ ἐν τῇ ἐρήμῳ, οὐκ ὄψεται ὅταν ἔλθῃ τὰ ἀγαθά, καὶ κατασκηνώσει ἐν ἁλίμοισ καὶ ἐν ἐρήμῳ, ἐν γῇ ἁλμυρᾷ, ἥτισ οὐ κατοικεῖται. καὶ εὐλογημένοσ ὁ ἄνθρωποσ, ὃσ πέποιθεν ἐπὶ τῷ Κυρίῳ καὶ ἔσται Κύριοσ ἐλπὶσ αὐτοῦ. καὶ ἔσται ὡσ ξύλον εὐθηνοῦν παρ’ ὕδατα, καὶ ἐπὶ ἰκμάδα βαλεῖ ρίζαν αὐτοῦ καὶ οὐ φοβηθήσεται ὅταν ἔλθῃ καῦμα, καὶ ἔσται ἐπ’ αὐτῷ στελέχη ἀλσώδη, ἐν ἐνιαυτῷ ἀβροχίασ οὐ φοβηθήσεται καὶ οὐ διαλείψει ποιῶν καρπόν. βαθεῖα ἡ καρδία παρά πάντα, καὶ ἄνθρωπόσ ἐστι. καὶ τίσ γνώσεται αὐτόν̣ ἐγὼ Κύριοσ ἐτάζων καρδίασ καὶ δοκιμάζων νεφροὺσ τοῦ δοῦναι ἑκάστῳ κατὰ τὰσ ὁδοὺσ αὐτοῦ καὶ κατὰ τοὺσ καρποὺσ τῶν ἐπιτηδευμάτων αὐτοῦ. ἐφώνησε πέρδιξ, συνήγαγεν ἃ οὐκ ἔτεκε. ποιῶν πλοῦτον αὐτοῦ οὐ μετὰ κρίσεωσ, ἐν ἡμίσει ἡμερῶν αὐτοῦ ἐγκαταλείψουσιν αὐτόν, καὶ ἐπ’ ἐσχάτων αὐτοῦ ἔσται ἄφρων. θρόνοσ δόξησ ὑψωμένοσ, ἁγίασμα ἡμῶν, ὑπομονὴ Ἰσραήλ, Κύριε, πάντεσ οἱ καταλιπόντεσ σε καταισχυνθήτωσαν, ἀφεστηκότεσ ἐπὶ τῆσ γῆσ γραφήτωσαν, ὅτι ἐγκατέλιπον πηγὴν ζωῆσ, τὸν Κύριον. ἴασαί με, Κύριε, καὶ ἰαθήσομαι. σῶσόν με, καὶ σωθήσομαι. ὅτι καύχημά μου σὺ εἶ. ἰδοὺ αὐτοὶ λέγουσι πρόσ με. ποῦ ἐστιν ὁ λόγοσ Κυρίου̣ ἐλθέτω. ἐγὼ δὲ οὐκ ἐκοπίασα κατακολουθῶν ὀπίσω σου καὶ ἡμέραν ἀνθρώπου οὐκ ἐπεθύμησα, σὺ ἐπίστῃ. τὰ ἐκπορευόμενα διὰ τῶν χειλέων μου πρὸ προσώπου σού ἐστι. μὴ γενηθῇσ μοι εἰσ ἀλλοτρίωσιν φειδόμενόσ μου ἐν ἡμέρᾳ πονηρᾷ. καταισχυνθήτωσαν οἱ διώκοντέσ με, καὶ μὴ καταισχυνθείην ἐγώ. πτοηθείησαν αὐτοί, καὶ μὴ πτοηθείην ἐγώ. ἐπάγαγε ἐπ’ αὐτοὺσ ἡμέραν πονηράν, δισσὸν σύντριμμα σύντριψον αὐτούσ. Τάδε λέγει Κύριοσ. βάδισον καὶ στῆθι ἐν ταῖσ πύλαισ υἱῶν λαοῦ σου, ἐν αἷσ εἰσπορεύονται ἐν αὐταῖσ βασιλεῖσ Ἰούδα καὶ ἐν αἷσ ἐκπορεύονται ἐν αὐταῖσ, καὶ ἐν πάσαισ ταῖσ πύλαισ Ἱερουσαλὴμ καὶ ἐρεῖσ αὐτοῖσ. ἀκούσατε τὸν λόγον Κυρίου, βασιλεῖσ Ἰούδα, καὶ πᾶσα Ἰουδαία καὶ πᾶσα Ἱερουσαλήμ, οἱ εἰσπορευόμενοι ἐν ταῖσ πύλαισ ταύταισ. τάδε λέγει Κύριοσ. φυλάσσεσθε τὰσ ψυχὰσ ὑμῶν καὶ μὴ αἴρετε βαστάγματα ἐν τῇ ἡμέρᾳ τῶν σαββάτων καὶ μὴ ἐκπορεύεσθε ταῖσ πύλαισ Ἱερουσαλὴμ καὶ μὴ ἐκφέρετε βαστάγματα ἐξ οἰκιῶν ὑμῶν ἐν τῇ ἡμέρᾳ τῶν σαββάτων καὶ πᾶν ἔργον οὐ ποιήσετε. ἁγιάσατε τὴν ἡμέραν τῶν σαββάτων, καθὼσ ἐνετειλάμην τοῖσ πατράσιν ὑμῶν, καὶ οὐκ ἤκουσαν καὶ οὐκ ἔκλιναν τὸ οὖσ αὐτῶν καὶ ἐσκλήρυναν τὸν τράχηλον αὐτῶν ὑπὲρ τοὺσ πατέρασ αὐτῶν τοῦ μὴ ἀκοῦσαί μου καὶ τοῦ μὴ δέξασθαι παιδείαν. καὶ ἔσται ἐὰν ἀκοῇ ἀκούσητέ μου, λέγει Κύριοσ, τοῦ μὴ εἰσφέρειν βαστάγματα διὰ τῶν πυλῶν τῆσ πόλεωσ ταύτησ ἐν τῇ ἡμέρᾳ τῶν σαββάτων καὶ ἁγιάζειν τὴν ἡμέραν τῶν σαββάτων τοῦ μὴ ποιεῖν πᾶν ἔργον, καὶ εἰσελεύσονται διὰ τῶν πυλῶν τῆσ πόλεωσ ταύτησ βασιλεῖσ καὶ ἄρχοντεσ καθήμενοι ἐπὶ θρόνου Δαυὶδ καὶ ἐπιβεβηκότεσ ἐφ’ ἅρμασι καὶ ἵπποισ αὐτῶν, αὐτοὶ καὶ οἱ ἄρχοντεσ αὐτῶν, ἄνδρεσ Ἰούδα καὶ οἱ κατοικοῦντεσ ἐν Ἱερουσαλήμ, καὶ κατοικισθήσεται ἡ πόλισ αὕτη εἰσ τὸν αἰῶνα. καὶ ἥξουσιν ἐκ τῶν πόλεων Ἰούδα καὶ κυκλόθεν Ἱερουσαλὴμ καὶ ἐκ γῆσ Βενιαμὶν καὶ ἐκ γῆσ πεδινῆσ καὶ ἐκ τοῦ ὄρουσ καὶ ἐκ τῆσ πρὸσ νότον φέροντεσ ὁλοκαυτώματα καὶ θυσίασ καὶ θυμιάματα καὶ μαναὰ καὶ λίβανον, φέροντεσ αἴνεσιν εἰσ οἶκον Κυρίου. καὶ ἔσται ἐὰν μὴ ἀκούσητέ μου τοῦ ἁγιάζειν τὴν ἡμέραν τῶν σαββάτων, τοῦ μὴ αἴρειν βαστάγματα καὶ μὴ εἰσπορεύεσθαι ταῖσ πύλαισ Ἱερουσαλὴμ ἐν τῇ ἡμέρᾳ τῶν σαββάτων, καὶ ἀνάψω πῦρ ἐν ταῖσ πύλαισ αὐτῆσ, καὶ καταφάγεται ἄμφοδα Ἱερουσαλὴμ καὶ οὐ σβεσθήσεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 17:

(70인역 성경, 예레미야서 17:)

목록

SEARCH

MENU NAVIGATION