헬라어 문장 검색 - Σεπτύ043́013́

(70인역 성경, 이사야서 13:)

Ορασισ, ἣν εἶδεν Ἡσαί̈ασ υἱὸσ Ἀμώσ, κατὰ Βαβυλῶνοσ. ἐπ̓ ὄρουσ πεδινοῦ ἄρατε σημεῖον, ὑψώσατε τὴν φωνὴν αὐτοῖσ, μὴ φοβεῖσθε, παρακαλεῖτε τῇ χειρί. ἀνοίξατε, οἱ ἄρχοντεσ. ἐγὼ συντάσσω καὶ ἐγὼ ἄγω αὐτούσ. [ἡγιασμένοι εἰσί, καὶ ἐγὼ ἄγω αὐτούσ]. γίγαντεσ ἔρχονται πληρῶσαι τὸν θυμόν μου χαίροντεσ ἅμα καὶ ὑβρίζοντεσ. φωνὴ ἐθνῶν πολλῶν ἐπὶ τῶν ὀρέων, ὁμοία ἐθνῶν πολλῶν, φωνὴ βασιλέων καὶ ἐθνῶν συνηγμένων. Κύριοσ σαβαὼθ ἐντέταλται ἔθνει ὁπλομάχῳ ἔρχεσθαι ἐκ γῆσ πόρρωθεν ἀπ̓ ἄκρου θεμελίου τοῦ οὐρανοῦ, Κύριοσ καὶ οἱ ὁπλομάχοι αὐτοῦ, τοῦ καταφθεῖραι πᾶσαν τὴν οἰκουμένην. ὀλολύζετε, ἐγγὺσ γὰρ ἡμέρα Κυρίου, καὶ συντριβὴ παρὰ τοῦ Θεοῦ ἥξει. διὰ τοῦτο πᾶσα χεὶρ ἐκλυθήσεται καὶ πᾶσα ψυχὴ ἀνθρώπου δειλιάσει. καὶ ταραχθήσονται οἱ πρέσβεισ καὶ ὠδῖνεσ αὐτοὺσ ἕξουσιν, ὡσ γυναικὸσ τικτούσησ. καὶ συμφοράσουσιν ἕτεροσ πρὸσ τὸν ἕτερον καὶ ἐκστήσονται καὶ τὸ πρόσωπον αὐτῶν ὡσ φλὸξ μεταβαλοῦσιν. ἰδοὺ γὰρ ἡμέρα Κυρίου ἔρχεται ἀνίατοσ θυμοῦ καὶ ὀργῆσ θεῖναι τὴν οἰκουμένην ἔρημον καὶ τοὺσ ἁμαρτωλοὺσ ἀπολέσαι ἐξ αὐτῆσ. οἱ γὰρ ἀστέρεσ τοῦ οὐρανοῦ καὶ ὁ Ὠρίων καὶ πᾶσ ὁ κόσμοσ τοῦ οὐρανοῦ τὸ φῶσ οὐ δώσουσι, καὶ σκοτισθήσεται τοῦ ἡλίου ἀνατέλλοντοσ, καὶ ἡ σελήνη οὐ δώσει τὸ φῶσ αὐτῆσ. καὶ ἐντελοῦμαι τῇ οἰκουμένῃ ὅλῃ κακὰ καὶ τοῖσ ἀσεβέσι τὰσ ἁμαρτίασ αὐτῶν. καὶ ἀπολῶ ὕβριν ἀνόμων, καὶ ὕβριν ὑπερηφάνων ταπεινώσω. καὶ ἔσονται οἱ καταλελειμμένοι ἔντιμοι μᾶλλον ἢ τὸ χρυσίον τὸ ἄπυρον, καὶ ὁ ἄνθρωποσ μᾶλλον ἔντιμοσ ἔσται ἢ ὁ λίθοσ ὁ ἐκ Σουφίρ. ὁ γὰρ οὐρανὸσ θυμωθήσεται καὶ ἡ γῆ σεισθήσεται ἐκ τῶν θεμελίων σαβαὼθ ἐν τῇ ἡμέρᾳ, ᾗ ἂν ἐπέλθῃ ὁ θυμὸσ αὐτοῦ. καὶ ἔσονται οἱ καταλελειμμένοι ὡσ δορκάδιον φεῦγον καὶ ὡσ πρόβατον πλανώμενον, καὶ οὐκ ἔσται ὁ συνάγων, ὥστε ἄνθρωπον εἰσ τὸν λαὸν αὐτοῦ ἀποστραφῆναι καὶ ἄνθρωπον εἰσ τὴν χώραν ἑαυτοῦ διώξεται. ὃσ γὰρ ἂν ἁλῷ, ἡττηθήσεται, καὶ οἵτινεσ συνηγμένοι εἰσί, μαχαίρᾳ πεσοῦνται. καὶ τὰ τέκνα αὐτῶν ἐνώπιον αὐτῶν ράξουσι καὶ τὰσ οἰκίασ αὐτῶν προνομεύσουσι καὶ τὰσ γυναῖκασ αὐτῶν ἕξουσιν. ἰδοὺ ἐπεγείρω ὑμῖν τοὺσ Μήδουσ, οἳ ἀργύριον οὐ λογίζονται, οὐδὲ χρυσίου χρείαν ἔχουσι. τοξεύματα νεανίσκων συντρίψουσι καὶ τὰ τέκνα ὑμῶν οὐ μὴ ἐλεήσωσιν, οὐδὲ ἐπὶ τοῖσ τέκνοισ σου φείσονται οἱ ὀφθαλμοὶ αὐτῶν. καὶ ἔσται Βαβυλών, ἣ καλεῖται ἔνδοξοσ ἀπὸ βασιλέωσ Χαλδαίων, ὃν τρόπον κατέστρεψεν ὁ Θεὸσ Σόδομα καὶ Γόμορρα. οὐ κατοικηθήσεται εἰσ τὸν αἰῶνα χρόνον, οὐδὲ μὴ εἰσέλθωσιν εἰσ αὐτὴν διὰ πολλῶν γενεῶν, οὐδὲ μὴ διέλθωσιν αὐτὴν Ἄραβεσ, οὐδὲ ποιμένεσ οὐ μὴ ἀναπαύσονται ἐν αὐτῇ. καὶ ἀναπαύσονται ἐκεῖ θηρία καὶ ἐμπλησθήσονται αἱ οἰκίαι ἤχου, καὶ ἀναπαύσονται ἐκεῖ σειρῆνεσ, καὶ δαιμόνια ἐκεῖ ὀρχήσονται, καὶ ὀνοκένταυροι ἐκεῖ κατοικήσουσι, καὶ νοσσοποιήσουσιν ἐχῖνοι ἐν τοῖσ οἴκοισ αὐτῶν. ταχὺ ἔρχεται καὶ οὐ χρονιεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Isaiae 13:

(70인역 성경, 이사야서 13:)

목록

SEARCH

MENU NAVIGATION