헬라어 문장 검색 - Σεπτύ035́001́

(70인역 성경, 오바드야서 1:)

ΟΡΑΣΙΣ Ὀβδιού. ‐ Τάδε λέγει Κύριοσ ὁ Θεὸσ τῇ Ἰδουμαίᾳ. ἀκοὴν ἤκουσα παρὰ Κυρίου, καὶ περιοχὴν εἰσ τὰ ἔθνη ἐξαπέστειλεν. ἀνάστητε, καὶ ἐξαναστῶμεν ἐπ̓ αὐτὴν εἰσ πόλεμον. ἰδοὺ ὀλιγοστὸν δέδωκά σε ἐν τοῖσ ἔθνεσιν, ἠτιμωμένοσ εἶ σὺ σφόδρα. ὑπερηφανία τῆσ καρδίασ σου ἐπῇρέ σε κατασκηνοῦντα ἐν ταῖσ ὀπαῖσ τῶν πετρῶν, ὑψῶν κατοικίαν αὐτοῦ, λέγων ἐν καρδίᾳ αὐτοῦ. τίσ κατάξει με ἐπὶ τὴν γῆν̣ ἐὰν μετεωρισθῇσ ὡσ ἀετὸσ καὶ ἐὰν ἀνὰ μέσον τῶν ἄστρων θῇσ νοσσιάν σου, ἐκεῖθεν κατάξω σε, λέγε Κύριοσ. εἰ κλέπται εἰσῆλθον πρόσ σε ἢ λῃσταὶ νυκτόσ, ποῦ ἂν ἀπερρίφησ̣ οὐκ ἂν ἔκλεψαν τὰ ἱκανὰ ἑαυτοῖσ̣ καὶ εἰ τρυγηταὶ εἰσῆλθον πρὸσ σέ, οὐκ ἂν ὑπελίποντο ἐπιφυλλίδα̣ πῶσ ἐξηρευνήθη Ἡσαῦ καὶ κατελήφθη τὰ κεκρυμμένα αὐτοῦ̣ ἕωσ τῶν ὁρίων ἐξαπέστειλάν σε πάντεσ οἱ ἄνδρεσ τῆσ διαθήκησ σου, ἀντέστησάν σοι, ἠδυνάσθησαν πρόσ σε ἄνδρεσ εἰρηνικοί σου, ἔθηκαν ἔνεδρα ὑποκάτω σου, οὐκ ἔστι σύνεσισ αὐτοῖσ. ἐν τῇ ἡμέρᾳ ἐκείνῃ, λέγει Κύριοσ, ἀπολῶ σοφοὺσ ἐκ τῆσ Ἰδουμαίασ καὶ σύνεσιν ἐξ ὄρουσ Ἡσαῦ. καὶ πτοηθήσονται οἱ μαχηταί σου οἱ ἐκ Θαιμάν, ὅπωσ ἐξαρθῇ ἄνθρωποσ ἐξ ὄρουσ Ἡσαῦ διὰ τὴν σφαγὴν καὶ τὴν ἀσέβειαν τὴν εἰσ τὸν ἀδελφόν σου Ἰακώβ, καὶ καλύψει σε αἰσχύνη καὶ ἐξαρθήσῃ εἰσ τὸν αἰῶνα. ‐ Ἀφ̓ ἧσ ἡμέρασ ἀντέστησ ἐξεναντίασ ἐν ἡμέραισ αἰχμαλωτευόντων ἀλλογενῶν δύναμιν αὐτοῦ καὶ ἀλλότριοι εἰσῆλθον εἰσ πύλασ αὐτοῦ καὶ ἐπὶ Ἱερουσαλὴμ ἔβαλον κλήρουσ, καὶ σὺ ἦσ ὡσ εἷσ ἐξ αὐτῶν. καὶ μὴ ἐπίδῃσ ἡμέραν ἀδελφοῦ σου ἐν ἡμέρᾳ ἀλλοτρίων καὶ μὴ ἐπιχαρῇσ ἐπὶ τοὺσ υἱοὺσ Ἰούδα ἐν ἡμέρᾳ ἀπωλείασ αὐτῶν καὶ μὴ μεγαλορρημονήσῃσ ἐν ἡμέρᾳ θλίψεωσ, μηδὲ εἰσέλθῃσ εἰσ πύλασ λαῶν ἐν ἡμέρᾳ πόνων αὐτῶν, μηδὲ ἐπίδῃσ καὶ σὺ τὴν συναγωγὴν αὐτῶν ἐν ἡμέρᾳ ὀλέθρου αὐτῶν καὶ μὴ συνεπιθῇ ἐπὶ τὴν δύναμιν αὐτῶν ἐν ἡμέρᾳ ἀπωλείασ αὐτῶν. μηδὲ ἐπιστῇσ ἐπὶ τὰσ διεκβολὰσ αὐτῶν τοῦ ἐξολοθρεῦσαι τοὺσ ἀνασῳζομένουσ αὐτῶν, μηδὲ συγκλείσῃσ τοὺσ φεύγοντασ ἐξ αὐτῶν ἐν ἡμέρᾳ θλίψεωσ. διότι ἐγγὺσ ἡμέρα Κυρίου ἐπὶ πάντα τὰ ἔθνη. ὃν τρόπον ἐποίησασ, οὕτωσ ἔσται σοι. τὸ ἀνταπόδομά σου ἀνταποδοθήσεται εἰσ κεφαλήν σου. διότι ὃν τρόπον ἔπιεσ ἐπὶ τὸ ὄροσ τὸ ἅγιόν μου, πίονται πάντα τὰ ἔθνη οἶνον. πίονται καὶ καταβήσονται καὶ ἔσονται καθὼσ οὐχ ὑπάρχοντεσ. ‐ Ἐν δὲ τῷ ὄρει Σιὼν ἔσται ἡ σωτηρία, καὶ ἔσται ἅγιον. καὶ κατακληρονομήσουσιν ὁ οἶκοσ Ἰακὼβ τοὺσ κατακληρονομήσαντασ αὐτούσ. καὶ ἔσται ὁ οἶκοσ Ἰακὼβ πῦρ, ὁ δὲ οἶκοσ Ἰωσὴφ φλόξ, ὁ δὲ οἶκοσ Ἡσαῦ εἰσ καλάμην, καὶ ἐκκαυθήσονται εἰσ αὐτοὺσ καὶ καταφάγονται αὐτούσ, καὶ οὐκ ἔσται πυροφόροσ ἐν τῷ οἴκῳ Ἡσαῦ, διότι Κύριοσ ἐλάλησε. καὶ κατακληρονομήσουσιν οἱ ἐν Ναγὲβ τὸ ὄροσ τὸ Ἡσαῦ καὶ οἱ ἐν τῇ Σεφηλὰ τοὺσ ἀλλοφύλουσ καὶ κατακληρονομήσουσι τὸ ὄροσ Ἐφραὶμ καὶ τὸ πεδίον Σαμαρείασ καὶ Βενιαμὶν καὶ τὴν Γαλααδῖτιν. καὶ τῆσ μετοικεσίασ ἡ ἀρχὴ αὕτη. τοῖσ υἱοῖσ Ἰσραὴλ γῆ τῶν Χαναναίων ἕωσ Σαρεπτῶν καὶ ἡ μετοικεσία Ἱερουσαλὴμ ἕωσ Ἐφραθά, καὶ κληρονομήσουσι τὰσ πόλεισ τοῦ Ναγέβ. καὶ ἀναβήσονται ἀνασῳζόμενοι ἐξ ὄρουσ Σιὼν τοῦ ἐκδικῆσαι τὸ ὄροσ Ἡσαῦ, καὶ ἔσται τῷ Κυρίῳ ἡ βασιλεία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Abdiae 1:

(70인역 성경, 오바드야서 1:)

목록

SEARCH

MENU NAVIGATION