헬라어 문장 검색 - Σεπτύ029́013́

(70인역 성경, 지혜서 13:)

ΜΑΤΑΙΟΙ μὲν γὰρ πάντεσ ἄνθρωποι φύσει, οἷσ παρῆν Θεοῦ ἀγνωσία καὶ ἐκ τῶν ὁρωμένων ἀγαθῶν οὐκ ἴσχυσαν εἰδέναι τὸν ὄντα οὔτε τοῖσ ἔργοισ προσχόντεσ ἐπέγνωσαν τὸν τεχνίτην. ἀλλ̓ ἢ πῦρ ἢ πνεῦμα ἢ ταχινὸν ἀέρα ἢ κύκλον ἄστρων ἢ βίαιον ὕδωρ ἢ φωστῆρασ οὐρανοῦ πρυτάνεισ κόσμου θεοὺσ ἐνόμισαν. ὧν εἰ μὲν τῇ καλλονῇ τερπόμενοι ταῦτα θεοὺσ ὑπελάμβανον, γνώτωσαν πόσῳ τούτων ὁ δεσπότησ ἐστὶ βελτίων, ὁ γὰρ τοῦ κάλλουσ γενεσιάρχησ ἔκτισεν αὐτά. εἰ δὲ δύναμιν καὶ ἐνέργειαν ἐκπλαγέντεσ νοησάτωσαν ἀπ̓ αὐτῶν πόσῳ ὁ κατασκευάσασ αὐτὰ δυνατώτερόσ ἐστιν. ἐκ γὰρ μεγέθουσ καλλονῆσ κτισμάτων ἀναλόγωσ ὁ γενεσιουργὸσ αὐτῶν θεωρεῖται. ἀλλ̓ ὅμωσ ἐπὶ τούτοισ ἔστι μέμψισ ὀλίγη, καὶ γὰρ αὐτοὶ τάχα πλανῶνται Θεὸν ζητοῦντεσ καὶ θέλοντεσ εὑρεῖν. ἐν γὰρ τοῖσ ἔργοισ αὐτοῦ ἀναστρεφόμενοι διερευνῶσι καὶ πείθονται τῇ ὄψει, ὅτι καλὰ τὰ βλεπόμενα. πάλιν δὲ οὐδ̓ αὐτοὶ συγγνωστοί. εἰ γὰρ τοσοῦτον ἴσχυσαν εἰδέναι, ἵνα δύνωνται στοχάσασθαι τὸν αἰῶνα, τὸν τούτων δεσπότην πῶσ τάχιον οὐχ εὗρον̣ Ταλαίπωροι δὲ καὶ ἐν νεκροῖσ αἱ ἐλπίδεσ αὐτῶν, οἵτινεσ ἐκάλεσαν θεοὺσ ἔργα χειρῶν ἀνθρώπων, χρυσὸν καὶ ἄργυρον τέχνησ ἐμμελέτημα καὶ ἀπεικάσματα ζῴων ἢ λίθον ἄχρηστον χειρὸσ ἔργον ἀρχαίασ. εἰ δὲ καί τισ ὑλοτόμοσ τέκνων εὐκίνητον φυτὸν ἐκπρίσασ περιέξυσεν εὐμαθῶσ πάντα τὸν φλοιὸν αὐτοῦ καὶ τεχνησάμενοσ εὐπρεπῶσ κατεσκεύασε χρήσιμον σκεῦοσ εἰσ ὑπηρεσίαν ζωῆσ, τὰ δὲ ἀποβλήματα τῆσ ἐργασίασ εἰσ ἑτοιμασίαν τροφῆσ ἀναλώσασ ἐνεπλήσθη. τὸ δὲ ἐξ αὐτῶν ἀπόβλημα εἰσ οὐθὲν εὔχρηστον, ξύλον σκολιὸν καὶ ὄζοισ συμπεφηκόσ, λαβὼν ἔγλυψεν ἐν ἐπιμελείᾳ ἀργίασ αὐτοῦ καὶ ἐμπειρίᾳ συνέσεωσ ἐτύπωσεν αὐτό, ἀπείκασεν αὐτὸ εἰκόνι ἀνθρώπου ἢ ζῴῳ τινὶ εὐτελεῖ ὡμοίωσεν αὐτό, καταχρίσασ μίλτῳ καὶ φύκει ἐρυθήνασ χρόαν αὐτοῦ, καὶ πᾶσαν κηλῖδα τὴν ἐν αὐτῷ καταχρίσας καὶ ποιήσασ αὐτῷ αὐτοῦ ἄξιον οἴκημα, ἐν τοίχῳ ἔθηκεν αὐτὸ ἀσφαλισάμενοσ σιδήρῳ. ἵνα μὲν οὖν μὴ καταπέσῃ, προενόησεν αὐτοῦ εἰδὼσ ὅτι ἀδυνατεῖ ἑαυτῷ βοηθῆσαι. καὶ γάρ ἐστιν εἰκὼν καὶ χρείαν ἔχει βοηθείασ. περὶ δὲ κτημάτων καὶ γάμων αὐτοῦ καὶ τέκνων προσευχόμενοσ, οὐκ αἰσχύνεται τῷ ἀψύχῳ προσλαλῶν καὶ περὶ μὲν ὑγιείασ τὸ ἀσθενὲσ ἐπικαλεῖται, περὶ δὲ ζωῆσ τὸν νεκρὸν ἀξιοῖ, περὶ δὲ ἐπικουρίασ τὸ ἀπειρότατον ἱκετεύει, περὶ δὲ ὁδοιπορίασ τὸ μηδὲ βάσει χρῆσθαι δυνάμενον, περὶ δὲ πορισμοῦ καὶ ἐργασίασ καὶ χειρῶν ἐπιτυχίασ τὸ ἀδρανέστατον ταῖσ χερσὶν εὐδράνειαν αἰτεῖται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Sapientiae 13:

(70인역 성경, 지혜서 13:)

목록

SEARCH

MENU NAVIGATION