헬라어 문장 검색 - Σεπτύ024́068́

(70인역 성경, 시편 68:)

Εἰσ τὸ τέλοσ. ὑπὲρ τῶν ἀλλοιωθησομένων. τῷ Δαυί̈δ. ‐ ΣΩΣΟΝ με, ὁ Θεόσ, ὅτι εἰσήλθοσαν ὕδατα ἕωσ ψυχῆσ μου. ἐνεπάγην εἰσ ἰλὺν βυθοῦ, καὶ οὐκ ἔστιν ὑπόστασισ. ἦλθον εἰσ τὰ βάθη τῆσ θαλάσσησ καὶ καταιγὶσ κατεπόντισέ με. ἐκοπίασα κράζων, ἐβραγχίασεν ὁ λάρυγξ μου, ἐξέλιπον οἱ ὀφθαλμοί μου ἀπὸ τοῦ ἐλπίζειν με ἐπὶ τὸν Θεόν μου. ἐπληθύνθησαν ὑπὲρ τὰσ τρίχασ τῆσ κεφαλῆσ μου οἱ μισοῦντέσ με δωρεάν, ἐκραταιώθησαν οἱ ἐχθροί μου οἱ ἐκδιώκοντέσ με ἀδίκωσ. ἃ οὐχ ἥρπαζον, τότε ἀπετίννυον. ὁ Θεόσ, σὺ ἔγνωσ τὴν ἀφροσύνην μου καὶ αἱ πλημμέλειαί μου ἀπὸ σοῦ οὐκ ἀπεκρύβησαν. μὴ αἰσχυνθείησαν ἐπ̓ ἐμὲ οἱ ὑπομένοντέσ σε, Κύριε, Κύριε τῶν δυνάμεων, μὴ ἐντραπείησαν ἐπ̓ ἐμὲ οἱ ζητοῦντέσ σε, ὁ Θεὸσ τοῦ Ἰσραήλ, ὅτι ἕνεκά σου ὑπήνεγκα ὀνειδισμόν, ἐκάλυψεν ἐντροπὴ τὸ πρόσωπόν μου. ἀπηλλοτριωμένοσ ἐγενήθην τοῖσ ἀδελφοῖσ μου καὶ ξένοσ τοῖσ υἱοῖσ τῆσ μητρόσ μου, ὅτι ὁ ζῆλοσ τοῦ οἴκου σου κατέφαγέ με, καὶ οἱ ὀνειδισμοὶ τῶν ὀνειδιζόντων σε ἐπέπεσον ἐπ̓ ἐμέ. καὶ συνεκάλυψα ἐν νηστείᾳ τὴν ψυχήν μου, καὶ ἐγενήθη εἰσ ὀνειδισμοὺσ ἐμοί. καὶ ἐθέμην τὸ ἔνδυμά μου σάκκον, καὶ ἐγενόμην αὐτοῖσ εἰσ παραβολήν. κατ̓ ἐμοῦ ἠδολέσχουν οἱ καθήμενοι ἐν πύλαισ, καὶ εἰσ ἐμὲ ἔψαλλον οἱ πίνοντεσ οἶνον. ἐγὼ δὲ τῇ προσευχῇ μου πρὸσ σέ, Κύριε. καιρὸσ εὐδοκίασ, ὁ Θεόσ, ἐν τῷ πλήθει τοῦ ἐλέουσ σου. ἐπάκουσόν μου, ἐν ἀληθείᾳ τῆσ σωτηρίασ σου. σῶσόν με ἀπὸ πηλοῦ, ἵνα μὴ ἐμπαγῶ. ῥυσθείην ἐκ τῶν μισούντων με καὶ ἐκ τῶν βαθέων τῶν ὑδάτων. μή με καταποντισάτω καταιγὶσ ὕδατοσ, μηδὲ καταπιέτω με βυθόσ, μηδὲ συσχέτω ἐπ̓ ἐμὲ φρέαρ τὸ στόμα αὐτοῦ. εἰσάκουσόν μου, Κύριε, ὅτι χρηστὸν τὸ ἔλεόσ σου. κατὰ τὸ πλῆθοσ τῶν οἰκτιρμῶν σου ἐπίβλεψον ἐπ̓ ἐμέ. μὴ ἀποστρέψῃσ τὸ πρόσωπόν σου ἀπὸ τοῦ παιδόσ σου, ὅτι θλίβομαι, ταχὺ ἐπάκουσόν μου. πρόσχεσ τῇ ψυχῇ μου καὶ λύτρωσαι αὐτήν, ἕνεκα τῶν ἐχθρῶν μου ρῦσαί με. σὺ γὰρ γινώσκεισ τὸν ὀνειδισμόν μου καὶ τὴν αἰσχύνην μου καὶ τὴν ἐντροπήν μου. ἐναντίον σου πάντεσ οἱ θλίβοντέσ με. ὀνειδισμὸν προσεδόκησεν ἡ ψυχή μου καὶ ταλαιπωρίαν, καὶ ὑπέμεινα συλλυπούμενον, καὶ οὐχ ὑπῆρξε, καὶ παρακαλοῦντασ, καὶ οὐχ εὗρον. καὶ ἔδωκαν εἰσ τὸ βρῶμά μου χολὴν καὶ εἰσ τὴν δίψαν μου ἐπότισάν με ὄξοσ. γενηθήτω ἡ τράπεζα αὐτῶν ἐνώπιον αὐτῶν εἰσ παγίδα καὶ εἰσ ἀνταπόδοσιν καὶ εἰσ σκάνδαλον. σκοτισθήτωσαν οἱ ὀφθαλμοὶ αὐτῶν τοῦ μὴ βλέπειν, καὶ τὸν νῶτον αὐτῶν διαπαντὸσ σύγκαμψον. ἔκχεον ἐπ̓ αὐτοὺσ τὴν ὀργήν σου, καὶ ὁ θυμὸσ τῆσ ὀργῆσ σου καταλάβοι αὐτούσ. γενηθήτω ἡ ἔπαυλισ αὐτῶν ἠρημωμένη, καὶ ἐν τοῖσ σκηνώμασιν αὐτῶν μὴ ἔστω ὁ κατοικῶν. ὅτι ὃν σὺ ἐπάταξασ, αὐτοὶ κατεδίωξαν, καὶ ἐπὶ τὸ ἄλγοσ τῶν τραυμάτων μου προσέθηκαν. πρόσθεσ ἀνομίαν ἐπὶ τῇ ἀνομίᾳ αὐτῶν, καὶ μὴ εἰσελθέτωσαν ἐν δικαιοσύνῃ σου. ἐξαλειφθήτωσαν ἐκ βίβλου ζώντων καὶ μετὰ δικαίων μὴ γραφήτωσαν. πτωχὸσ καὶ ἀλγῶν εἰμι ἐγώ. ἡ σωτηρία σου, ὁ Θεόσ, ἀντιλάβοιτό μου. αἰνέσω τὸ ὄνομα τοῦ Θεοῦ μου μετ̓ ᾠδῆσ, μεγαλυνῶ αὐτὸν ἐν αἰνέσει, καὶ ἀρέσει τῷ Θεῷ ὑπὲρ μόσχον νέον κέρατα ἐκφέροντα καὶ ὁπλάσ. ἰδέτωσαν πτωχοὶ καὶ εὐφρανθήτωσαν. ἐκζητήσατε τὸν Θεόν, καὶ ζήσεται ἡ ψυχὴ ὑμῶν, ὅτι εἰσήκουσε τῶν πενήτων ὁ Κύριοσ καὶ τοὺσ πεπεδημένουσ αὐτοῦ οὐκ ἐξουδένωσεν. αἰνεσάτωσαν αὐτὸν οἱ οὐρανοὶ καὶ ἡ γῆ, θάλασσα καὶ πάντα τὰ ἕρποντα ἐν αὐτῇ. ὅτι ὁ Θεὸσ σώσει τὴν Σιών, καὶ οἰκοδομηθήσονται αἱ πόλεισ τῆσ Ἰουδαίασ, καὶ κατοικήσουσιν ἐκεῖ καὶ κληρονομήσουσιν αὐτήν. καὶ τὸ σπέρμα τῶν δούλων αὐτοῦ καθέξουσιν αὐτήν, καὶ οἱ ἀγαπῶντεσ τὸ ὄνομά σου κατασκηνώσουσιν ἐν αὐτῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Psalmorum 68:

(70인역 성경, 시편 68:)

목록

SEARCH

MENU NAVIGATION