헬라어 문장 검색 - Σεπτύ016́003́

(70인역 성경, Liber Esdrae II 3:)

ΚΑΙ ἔφθασεν ὁ μὴν ὁ ἕβδομοσ ‐καὶ οἱ υἱοὶ Ἰσραὴλ ἐν πόλεσιν αὐτῶν‐ καὶ συνήχθη ὁ λαὸσ ὡσ ἀνὴρ εἷσ εἰσ Ἱερουσαλήμ. καὶ ἀνέστη Ἰησοῦσ ὁ τοῦ Ἰωσεδὲκ καὶ οἱ ἀδελφοὶ αὐτοῦ ἱερεῖσ καὶ Ζοροβάβελ ὁ τοῦ Σαλαθιὴλ καὶ οἱ ἀδελφοὶ αὐτοῦ καὶ ᾠκοδόμησαν τὸ θυσιαστήριον Θεοῦ Ἰσραὴλ τοῦ ἀνενέγκαι ἐπ̓ αὐτὸ ὁλοκαυτώσεισ κατὰ τὰ γεγραμμένα ἐν νόμῳ Μωυσῆ ἀνθρώπου τοῦ Θεοῦ. καὶ ἡτοίμασαν τὸ θυσιαστήριον ἐπὶ τὴν ἑτοιμασίαν αὐτοῦ, ὅτι ἐν καταπλήξει ἐπ̓ αὐτοὺσ ἀπὸ τῶν λαῶν τῶν γαιῶν, καὶ ἀνέβη ἐπ̓ αὐτὸ ὁλοκαύτωσισ τῷ Κυρίῳ τὸ πρωί̈ καὶ εἰσ ἑσπέραν. καὶ ἐποίησαν τὴν ἑορτὴν τῶν σκηνῶν κατὰ τὸ γεγραμμένον καὶ ὁλοκαυτώσεισ ἡμέραν ἐν ἡμέρᾳ ἐν ἀριθμῷ ὡσ ἡ κρίσισ, λόγον ἡμέρασ ἐν ἡμέρᾳ αὐτοῦ, καὶ μετὰ τοῦτο ὁλοκαυτώσεισ ἐνδελεχισμοῦ καὶ εἰσ τὰσ νουμηνίασ καὶ εἰσ πάσασ ἑορτὰσ τῷ Κυρίῳ τὰσ ἡγιασμένασ καὶ παντὶ ἑκουσιαζομένῳ ἑκούσιον τῷ Κυρίῳ. ἐν ἡμέρᾳ μιᾷ τοῦ μηνὸσ τοῦ ἑβδόμου ἤρξαντο ἀναφέρειν ὁλοκαυτώσεισ τῷ Κυρίῳ καὶ ὁ οἶκοσ τοῦ Κυρίου οὐκ ἐθεμελιώθη. καὶ ἔδωκαν ἀργύριον τοῖσ λατόμοισ καὶ τοῖσ τέκτοσι καὶ βρώματα καὶ ποτὰ καὶ ἔλαιον τοῖσ Σιδωνίοισ καὶ τοῖσ Τυρίοισ ἐνέγκαι ξύλα κέδρινα ἀπὸ τοῦ Λιβάνου πρὸσ θάλασσαν Ἰόππησ κατ̓ ἐπιχώρησιν Κύρου βασιλέωσ Περσῶν ἐπ̓ αὐτούσ. καὶ ἐν τῷ ἔτει τῷ δευτέρῳ τοῦ ἐλθεῖν αὐτοὺσ εἰσ οἶκον τοῦ Θεοῦ ἐν Ἱερουσαλήμ, ἐν μηνὶ τῷ δευτέρῳ, ἤρξατο Ζοροβάβελ ὁ τοῦ Σαλαθιὴλ καὶ Ἰησοῦσ ὁ τοῦ Ἰωσεδὲκ καὶ οἱ κατάλοιποι τῶν ἀδελφῶν αὐτῶν οἱ ἱερεῖσ καὶ οἱ Λευῖται καὶ πάντεσ οἱ ἐρχόμενοι ἀπὸ τῆσ αἰχμαλωσίασ εἰσ Ἱερουσαλὴμ καὶ ἔστησαν τοὺσ Λευίτασ ἀπὸ εἰκοσαετοῦσ καὶ ἐπάνω ἐπὶ τοὺσ ποιοῦντασ τὰ ἔργα ἐν οἴκῳ Κυρίου. καὶ ἔστη Ἰησοῦσ καὶ οἱ υἱοὶ αὐτοῦ καὶ οἱ ἀδελφοὶ αὐτοῦ, Καδμιὴλ καὶ οἱ υἱοὶ αὐτοῦ υἱοὶ Ἰούδα, ἐπὶ τοὺσ ποιοῦντασ τὰ ἔργα ἐν οἴκῳ τοῦ Θεοῦ, υἱοὶ Ἠναδάδ, υἱοὶ αὐτῶν καὶ οἱ ἀδελφοὶ αὐτῶν οἱ Λευῖται. καὶ ἐθεμελίωσαν τοῦ οἰκοδομῆσαι τὸν οἶκον Κυρίου, καὶ ἔστησαν οἱ ἱερεῖσ ἐστολισμένοι ἐν σάλπιγξι καὶ οἱ Λευῖται υἱοὶ Ἀσὰφ ἐν κυμβάλοισ τοῦ αἰνεῖν τὸν Κύριον ἐπὶ χεῖρασ Δαυὶδ βασιλέωσ Ἰσραήλ. καὶ ἀπεκρίθησαν ἐν αἴνῳ καὶ ἀνθομολογήσει τῷ Κυρίῳ, ὅτι ἀγαθόν, ὅτι εἰσ τὸν αἰῶνα τὸ ἔλεοσ αὐτοῦ ἐπὶ Ἰσραήλ. καὶ πᾶσ ὁ λαὸσ ἐσήμαινε φωνῇ μεγάλῃ αἰνεῖν τῷ Κυρίῳ ἐπὶ τῇ θεμελιώσει τοῦ οἴκου Κυρίου. καὶ πολλοὶ ἀπὸ τῶν ἱερέων καὶ τῶν Λευιτῶν καὶ ἄρχοντεσ τῶν πατριῶν οἱ πρεσβύτεροι, οἳ εἴδοσαν τὸν οἶκον τὸν πρῶτον ἐν θεμελιώσει αὐτοῦ, καὶ τοῦτον τὸν οἶκον ἐν ὀφθαλμοῖσ αὐτῶν, ἔκλαιον φωνῇ μεγάλῃ. καὶ ὁ ὄχλοσ ἐν σημασίᾳ μετ̓ εὐφροσύνησ τοῦ ὑψῶσαι ᾠδήν. καὶ οὐκ ἦν ὁ λαὸσ ἐπιγινώσκων φωνὴν σημασίασ τῆσ εὐφροσύνησ ἀπὸ τῆσ φωνῆσ τοῦ κλαυθμοῦ τοῦ λαοῦ, ὅτι ὁ λαὸσ ἐκραύγασε φωνῇ μεγάλῃ, καὶ ἡ φωνὴ ἠκούετο ἕωσ ἀπὸ μακρόθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Esdrae II 3:

(70인역 성경, Liber Esdrae II 3:)

목록

SEARCH

MENU NAVIGATION