헬라어 문장 검색 - Σεπτύ014́025́

(70인역 성경, 역대기 하권 25:)

ΩΝ εἴκοσι καὶ πέντε ἐτῶν ἐβασίλευσεν Ἀμασίασ καὶ εἰκοσιεννέα ἔτη ἐβασίλευσεν ἐν Ἱερουσαλήμ, καὶ ὄνομα τῇ μητρὶ αὐτοῦ Ἰωαδὲν ἀπὸ Ἱερουσαλήμ. καὶ ἐποίησε τὸ εὐθὲσ ἐνώπιον Κυρίου, ἀλλ’ οὐκ ἐν καρδίᾳ πλήρει. καὶ ἐγένετο ὡσ κατέστη ἡ βασιλεία ἐν χειρὶ αὐτοῦ, καὶ ἐθανάτωσε τοὺσ παῖδασ αὐτοῦ τοὺσ φονεύσαντασ τὸν βασιλέα πατέρα αὐτοῦ. καὶ τοὺσ υἱοὺσ αὐτῶν οὐκ ἀπέκτεινε κατὰ τὴν διαθήκην τοῦ νόμου Κυρίου, καθὼσ γέγραπται, ὡσ ἐνετείλατο Κύριοσ λέγων. οὐκ ἀποθανοῦνται πατέρεσ ὑπὲρ τέκνων, καὶ οἱ υἱοὶ οὐκ ἀποθανοῦνται ὑπὲρ πατέρων, ἀλλ’ ἢ ἕκαστοσ τῇ ἑαυτοῦ ἁμαρτίᾳ ἀποθανοῦνται. καὶ συνήγαγεν Ἀμασίασ τὸν οἶκον Ἰούδα καὶ ἀνέστησεν αὐτοὺσ κατ’ οἴκουσ πατριῶν αὐτῶν εἰσ χιλιάρχουσ καὶ ἑκατοντάρχουσ ἐν παντὶ Ἰούδᾳ καὶ Ἱερουσαλήμ. καὶ ἠρίθμησεν αὐτοὺσ ἀπὸ εἰκοσαετοῦσ καὶ ἐπάνω καὶ εὗρεν αὐτοὺσ τριακοσίασ χιλιάδασ ἐξελθεῖν εἰσ πόλεμον δυνατοὺσ κρατοῦντασ δόρυ καὶ θυρεόν. καὶ ἐμισθώσατο ἀπὸ Ἰσραὴλ ἑκατὸν χιλιάδασ δυνατοὺσ ἰσχύϊ ἑκατὸν ταλάντων ἀργυρίου. καὶ ἄνθρωποσ τοῦ Θεοῦ ἦλθε πρὸσ αὐτὸν λέγων. βασιλεῦ, οὐ πορεύσεται μετὰ σοῦ δύναμισ Ἰσραήλ, ὅτι οὐκ ἔστι Κύριοσ μετά Ἰσραήλ, πάντων τῶν υἱῶν Ἐφραίμ. ὅτι ἐὰν ὑπολάβῃσ κατισχῦσαι ἐν τούτοισ, καὶ τροπώσεταί σε Κύριοσ ἐναντίον τῶν ἐχθρῶν, ὅτι ἐστὶ παρὰ Κυρίου καὶ ἰσχῦσαι καὶ τροπώσασθαι. καὶ εἶπεν Ἀμασίασ τῷ ἀνθρώπῳ τοῦ Θεοῦ. καὶ τί ποιήσω τὰ ἑκατὸν τάλαντα, ἃ ἔδωκα τῇ δυνάμει Ἰσραήλ̣ καὶ εἶπεν ὁ ἄνθρωποσ τοῦ Θεοῦ. ἔστι τῷ Κυρίῳ δοῦναί σοι πλεῖστα τούτων. καὶ διεχώρισεν Ἀμασίασ τῇ δυνάμει τῇ ἐλθούσῃ πρὸσ αὐτὸν ἀπὸ Ἐφραὶμ ἀπελθεῖν εἰσ τὸν τόπον αὐτῶν, καὶ ἐθυμώθησαν σφόδρα ἐπὶ Ἰούδαν καὶ ἐπέστρεψαν εἰσ τὸν τόπον αὐτῶν ἐν ὀργῇ θυμοῦ. καὶ Ἀμασίασ κατίσχυσε καὶ παρέλαβε τὸν λαὸν αὐτοῦ καὶ ἐπορεύθη εἰσ τὴν κοιλάδα τῶν ἁλῶν καὶ ἐπάταξεν ἐκεῖ τοὺσ υἱοὺσ Σηεὶρ δέκα χιλιάδασ. καὶ δέκα χιλιάδασ ἐζώγρησαν οἱ υἱοὶ Ἰούδα καὶ ἔφερον αὐτοὺσ ἐπὶ τὸ ἄκρον τοῦ κρημνοῦ καὶ κατεκρήμνιζον αὐτοὺσ ἀπὸ τοῦ ἄκρου τοῦ κρημνοῦ, καὶ πάντεσ διερρήγνυντο. καὶ οἱ υἱοὶ τῆσ δυνάμεωσ, οὓσ ἀπέστρεψεν Ἀμασίασ τοῦ μὴ πορευθῆναι μετ’ αὐτοῦ εἰσ πόλεμον, καὶ ἐπέθεντο ἐπὶ τὰσ πόλεισ Ἰούδα ἀπὸ Σαμαρείασ ἕωσ Βαιθωρὼν καὶ ἐπάταξαν ἐν αὐτοῖσ τρεῖσ χιλιάδασ καὶ ἐσκύλευσαν σκῦλα πολλά. καὶ ἐγένετο μετὰ τὸ ἐλθεῖν Ἀμασίαν πατάξαντα τὴν Ἰδουμαίαν καὶ ἤνεγκε πρὸσ αὐτοὺσ τοὺσ θεοὺσ υἱῶν Σηεὶρ καὶ ἔστησεν αὐτοὺσ ἑαυτῷ εἰσ θεοὺσ καὶ ἐναντίον αὐτῶν προσεκύνει καὶ αὐτὸσ αὐτοῖσ ἔθυε. καὶ ἐγένετο ὀργὴ Κυρίου ἐπὶ Ἀμασίαν, καὶ ἀπέστειλεν αὐτῷ προφήτην καὶ εἶπεν αὐτῷ. τί ἐζήτησασ τοὺσ Θεοὺσ τοῦ λαοῦ, οἳ οὐκ ἐξείλοντο τὸν λαὸν ἑαυτῶν ἐκ χειρόσ σου̣ καὶ ἐγένετο ἐν τῷ λαλῆσαι αὐτῷ πρὸσ αὐτὸν καὶ εἶπεν αὐτῷ. μὴ σύμβουλον τοῦ βασιλέωσ δέδωκά σε̣ πρόσεχε ἵνα μὴ μαστιγωθῇσ. καὶ ἐσιώπησεν ὁ προφήτησ καὶ εἶπεν, ὅτι γινώσκω ὅτι ἐβούλετο ἐπὶ σοὶ τοῦ καταφθεῖραί σε, ὅτι ἐποίησασ τοῦτο καὶ οὐκ ἐπήκουσασ τῆσ συμβουλίασ μου. καὶ ἐβουλεύσατο Ἀμασίασ ὁ βασιλεὺσ Ἰούδα καὶ ἀπέστειλε πρὸσ Ἰωὰσ υἱὸν Ἰωάχαζ υἱοῦ Ἰηοὺ βασιλέα Ἰσραὴλ λέγων. δεῦρο καὶ ὀφθῶμεν προσώποισ. καὶ ἀπέστειλεν Ἰωὰσ βασιλεὺσ Ἰσραὴλ πρὸσ Ἀμασίαν βασιλέα Ἰούδα λέγων. ὁ ἀχοὺχ ὁ ἐν τῷ Λιβάνῳ ἀπέστειλε πρὸσ τὴν κέδρον τὴν ἐν τῷ Λιβάνῳ λέγων. δὸσ τὴν θυγατέρα σου τῷ υἱῷ μου εἰσ γυναῖκα. καὶ ἰδοὺ ἐλεύσεται τά θηρία τοῦ ἀγροῦ τὰ ἐν τῷ Λιβάνῳ. καὶ ἦλθον τὰ θηρία καὶ κατεπάτησαν τὸν ἀχούχ. εἶπασ. ἰδοὺ ἐπάταξα τὴν Ἰδουμαίαν καὶ ἐπαίρει σε ἡ καρδία σου ἡ βαρεῖα. νῦν κάθισον ἐν οἴκῳ σου καὶ ἱνατί συμβάλλεισ ἐν κακίᾳ καὶ πεσῇ σὺ καὶ Ἰούδασ μετὰ σοῦ̣ καὶ οὐκ ἤκουσεν Ἀμασίασ, ὅτι παρὰ Κυρίου ἐγένετο τοῦ παραδοῦναι αὐτὸν εἰσ χεῖρασ, ὅτι ἐξεζήτησε τοὺσ θεοὺσ τῶν Ἰδουμαίων. καὶ ἀνέβη Ἰωὰσ βασιλεὺσ Ἰσραήλ, καὶ ὤφθησαν ἀλλήλοισ αὐτὸσ καὶ Ἀμασίασ βασιλεὺσ Ἰούδα ἐν Βαιθσαμύσ, ἥ ἐστι τοῦ Ἰούδα. καὶ ἐτροπώθη Ἰούδασ κατὰ πρόσωπον Ἰσραήλ, καὶ ἔφυγεν ἕκαστοσ εἰσ τὸ σκήνωμα αὐτοῦ. καὶ τὸν Ἀμασίαν βασιλέα Ἰούδα τὸν τοῦ Ἰωὰσ υἱοῦ Ἰωάχαζ κατέλαβεν Ἰωὰσ βασιλεὺσ Ἰσραὴλ ἐν Βαιθσαμὺσ καὶ εἰσήγαγεν αὐτὸν εἰσ Ἱερουσαλὴμ καὶ κατέσπασεν ἀπὸ τοῦ τείχουσ Ἱερουσαλήμ, ἀπὸ πύλησ Ἐφραὶμ ἕωσ πύλησ γωνίασ τετρακοσίουσ πήχεισ. καὶ πᾶν τὸ χρυσίον καὶ τὸ ἀργύριον καὶ πάντα τὰ σκεύη τὰ εὑρεθέντα ἐν οἴκῳ Κυρίου καὶ παρὰ τῷ Ἀβδεδὸμ καὶ τοὺσ θησαυροὺσ οἴκου τοῦ βασιλέωσ καὶ τοὺσ υἱοὺσ τῶν συμμίξεων καὶ ἐπέστρεψεν εἰσ Σαμάρειαν. καὶ ἔζησεν Ἀμασίασ ὁ τοῦ Ἰωὰσ βασιλεὺσ Ἰούδα μετὰ τὸ ἀποθανεῖν Ἰωὰσ τὸν τοῦ Ἰωάχαζ βασιλέα Ἰσραὴλ ἔτη δεκαπέντε. καὶ οἱ λοιποὶ λόγοι Ἀμασίου οἱ πρῶτοι καὶ οἱ ἔσχατοι οὐκ ἰδοὺ γεγραμμένοι ἐπὶ βιβλίου βασιλέων Ἰούδα καὶ Ἰσραήλ̣ καὶ ἐν τῷ καιρῷ, ᾧ ἀπέστη Ἀμασίασ ἀπὸ Κυρίου, καὶ ἐπέθεντο αὐτῷ ἐπίθεσιν, καὶ ἔφυγεν ἀπὸ Ἱερουσαλὴμ εἰσ Λαχίσ. καὶ ἀπέστειλαν κατόπισθεν αὐτοῦ εἰσ Λαχὶσ καὶ ἐθανάτωσαν αὐτὸν ἐκεῖ. καὶ ἀνέλαβον αὐτὸν ἐπὶ τῶν ἵππων καὶ ἔθαψαν αὐτὸν μετὰ τῶν πατέρων αὐτοῦ ἐν πόλει Δαυίδ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 25:

(70인역 성경, 역대기 하권 25:)

목록

SEARCH

MENU NAVIGATION