헬라어 문장 검색 - Σεπτύ014́007́

(70인역 성경, 역대기 하권 7:)

ΚΑΙ ὡσ συνετέλεσε Σαλωμὼν προσευχόμενοσ, καὶ τὸ πῦρ κατέβη ἐκ τοῦ οὐρανοῦ καὶ κατέφαγε τὰ ὁλοκαυτώματα καὶ τὰσ θυσίασ, καὶ δόξα Κυρίου ἔπλησε τὸν οἶκον. καὶ οὐκ ἠδύναντο οἱ ἱερεῖσ εἰσελθεῖν εἰσ τὸν οἶκον Κυρίου ἐν τῷ καιρῷ ἐκείνῳ, ὅτι ἔπλησε δόξα Κυρίου τὸν οἶκον. καὶ πάντεσ οἱ υἱοὶ Ἰσραὴλ ἑώρων καταβαῖνον τὸ πῦρ, καὶ ἡ δόξα Κυρίου ἐπὶ τὸν οἶκον, καὶ ἔπεσον ἐπὶ πρόσωπον ἐπὶ τὴν γῆν ἐπὶ τὸ λιθόστρωτον καὶ προσεκύνησαν καὶ ᾔνουν τῷ Κυρίῳ, ὅτι ἀγαθόν, ὅτι εἰσ τὸν αἰῶνα τὸ ἔλεοσ αὐτοῦ. καὶ ὁ βασιλεὺσ καὶ πᾶσ ὁ λαὸσ θύοντεσ θύματα ἔναντι Κυρίου. καὶ ἐθυσίασεν ὁ βασιλεὺσ Σαλωμὼν τὴν θυσίαν μόσχων εἴκοσι καὶ δύο χιλιάδασ καὶ βοσκημάτων ἑκατὸν καὶ εἴκοσι χιλιάδασ, καὶ ἐνεκαίνισε τὸν οἶκον τοῦ Θεοῦ ὁ βασιλεὺσ καὶ πᾶσ ὁ λαόσ. καὶ οἱ ἱερεῖσ ἐπὶ τὰσ φυλακὰσ αὐτῶν ἑστηκότεσ, καὶ οἱ Λευῖται ἐν ὀργάνοισ ᾠδῶν Κυρίου τοῦ Δαυὶδ τοῦ βασιλέωσ τοῦ ἐξομολογεῖσθαι ἔναντι Κυρίου, ὅτι εἰσ τὸν αἰῶνα τὸ ἔλεοσ αὐτοῦ, ἐν ὕμνοισ Δαυὶδ διὰ χειρὸσ αὐτῶν, καὶ οἱ ἱερεῖσ σαλπίζοντεσ ταῖσ σάλπιγξιν ἐναντίον αὐτῶν, καὶ πᾶσ Ἰσραὴλ ἑστηκώσ. καὶ ἡγίασε Σαλωμὼν τὸ μέσον τῆσ αὐλῆσ τῆσ ἐν οἴκῳ Κυρίου, ὅτι ἐποίησεν ἐκεῖ τὰ ὁλοκαυτώματα καὶ τὰ στέατα τῶν σωτηρίων, ὅτι τὸ θυσιαστήριον τὸ χαλκοῦν, ὃ ἐποίησε Σαλωμών, οὐκ ἐξεποίει δέξασθαι τὰ ὁλοκαυτώματα καὶ τὰ μαναὰ καὶ τὰ στέατα. καὶ ἐποίησε Σαλωμὼν τὴν ἑορτὴν ἐν τῷ καιρῷ ἐκείνῳ ἑπτὰ ἡμέρασ καὶ πᾶσ Ἰσραὴλ μετ’ αὐτοῦ, ἐκκλησία μεγάλη σφόδρα ἀπὸ εἰσόδου Αἰμὰθ καὶ ἕωσ χειμάρρου Αἰγύπτου. καὶ ἐποίησεν ἐν τῇ ἡμέρᾳ τῇ ὀγδόῃ ἐξόδιον, ὅτι ἐγκαινισμὸν τοῦ θυσιαστηρίου ἐποίησεν ἑπτὰ ἡμέρασ ἑορτήν. καὶ ἐν τῇ τρίτῃ καὶ εἰκοστῇ τοῦ μηνὸσ τοῦ ἑβδόμου ἀπέστειλε τὸν λαὸν εἰσ τὰ σκηνώματα αὐτῶν εὐφραινομένουσ καὶ ἀγαθῇ καρδίᾳ ἐπὶ τοῖσ ἀγαθοῖσ, οἷσ ἐποίησε Κύριοσ τῷ Δαυίδ, καὶ τῷ Σαλωμῶντι καὶ τῷ Ἰσραὴλ λαῷ αὐτοῦ. Καὶ συνετέλεσε Σαλωμὼν τὸν οἶκον Κυρίου καὶ τὸν οἶκον τοῦ βασιλέωσ. καὶ πάντα, ὅσα ἠθέλησεν ἐν τῇ ψυχῇ Σαλωμὼν τοῦ ποιῆσαι ἐν οἴκῳ Κυρίου καὶ ἐν οἴκῳ αὐτοῦ, εὐωδώθη. καὶ ὤφθη Κύριοσ τῷ Σαλωμὼν τὴν νύκτα καὶ εἶπεν αὐτῷ. ἤκουσα τῆσ προσευχῆσ σου καὶ ἐξελεξάμην ἐν τῷ τόπῳ τούτῳ ἐμαυτῷ εἰσ οἶκον θυσίασ. ἐὰν συσχῶ τὸν οὐρανὸν καὶ μὴ γένηται ὑετόσ, καὶ ἐὰν ἐντείλωμαι τῇ ἀκρίδι καταφαγεῖν τὸ ξύλον, καὶ ἐὰν ἀποστείλω θάνατον ἐν τῷ λαῷ μου, καὶ ἐὰν ἐντραπῇ ὁ λαόσ μου ἐφ’ οὓσ ἐπικέκληται τὸ ὄνομά μου ἐπ’ αὐτούσ, καὶ προσεύξωνται καὶ ζητήσωσι τὸ πρόσωπόν μου καὶ ἀποστρέψωσιν ἀπὸ τῶν ὁδῶν αὐτῶν τῶν πονηρῶν, καὶ ἐγὼ εἰσακούσομαι ἐκ τοῦ οὐρανοῦ καὶ ἵλεωσ ἔσομαι ταῖσ ἁμαρτίαισ αὐτῶν καὶ ἰάσομαι τὴν γῆν αὐτῶν. καὶ νῦν οἱ ὀφθαλμοί μου ἔσονται ἀνεῳγμένοι καὶ τὰ ὦτά μου ἐπήκοα τῇ προσευχῇ τοῦ τόπου τούτου. καὶ νῦν ἐξελεξάμην καὶ ἡγίακα τὸν οἶκον τοῦτον τοῦ εἶναι ὄνομά μου ἐκεῖ ἕωσ αἰῶνοσ, καὶ ἔσονται οἱ ὀφθαλμοί μου καὶ ἡ καρδία μου ἐκεῖ πάσασ τὰσ ἡμέρασ. καὶ σὺ ἐὰν πορευθῇσ ἐναντίον μου ὡσ Δαυὶδ ὁ πατήρ σου καὶ ποιήσεισ κατὰ πάντα, ἃ ἐνετειλάμην σοι, καὶ τὰ προστάγματά μου καὶ τὰ κρίματά μου φυλάξῃ, καὶ ἀναστήσω τὸν θρόνον τῆσ βασιλείασ σου, ὡσ διεθέμην Δαυὶδ τῷ πατρί σου λέγων. οὐκ ἐξαρθήσεταί σοι ἡγούμενοσ ἀνὴρ ἐν Ἰσραήλ. καὶ ἐὰν ἀποστρέψητε ὑμεῖσ καὶ ἐγκαταλίπητε τὰ προστάγματά μου καὶ τὰσ ἐντολάσ μου, ἃσ ἔδωκα ἐναντίον ὑμῶν, καὶ πορευθῆτε καὶ λατρεύσητε θεοῖσ ἑτέροισ καὶ προσκυνήσητε αὐτοῖσ, καὶ ἐξαρῶ ὑμᾶσ ἀπὸ τῆσ γῆσ, ἧσ ἔδωκα αὐτοῖσ, καὶ τὸν οἶκον τοῦτον, ὃν ἡγίασα τῷ ὀνόματί μου, ἀποστρέψω ἐκ προσώπου μου καὶ δώσω αὐτὸν εἰσ παραβολὴν καὶ εἰσ διήγημα ἐν πᾶσι τοῖσ ἔθνεσι. καὶ ὁ οἶκοσ οὗτοσ ὁ ὑψηλόσ, πᾶσ ὁ διαπορευόμενοσ αὐτὸν ἐκστήσεται καὶ ἐρεῖ. χάριν τίνοσ ἐποίησε Κύριοσ τῇ γῇ ταύτῃ καὶ τῷ οἴκῳ τούτῳ̣ καὶ ἐροῦσι. διότι ἐγκατέλιπον Κύριον τὸν Θεόν τῶν πατέρων αὐτῶν τὸν ἐξαγαγόντα αὐτοὺσ ἐκ γῆσ Αἰγύπτου καὶ ἀντελάβοντο θεῶν ἑτέρων καὶ προσεκύνησαν αὐτοῖσ καὶ ἐδούλευσαν αὐτοῖσ, διὰ τοῦτο ἐπήγαγεν ἐπ’ αὐτούσ πᾶσαν τὴν κακίαν ταύτην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 7:

(70인역 성경, 역대기 하권 7:)

목록

SEARCH

MENU NAVIGATION