헬라어 문장 검색 - Σεπτύ012́019́

(70인역 성경, 열왕기 하권 19:)

ΚΑΙ ἐγένετο ὡσ ἤκουσεν ὁ βασιλεὺσ Ἐζεκίασ, καὶ διέρρηξε τὰ ἱμάτια αὐτοῦ, καὶ περιεβάλετο σάκκον καὶ εἰσῆλθεν εἰσ οἶκον Κυρίου. καὶ ἀπέστειλεν Ἑλιακὶμ τὸν οἰκονόμον καὶ Σωμνὰν τὸν γραμματέα καὶ τοὺσ πρεσβυτέρουσ τῶν ἱερέων περιβεβλημένουσ σάκκουσ πρὸσ Ἡσαί̈αν τὸν προφήτην, υἱὸν Ἀμώσ, καὶ εἶπον πρὸσ αὐτόν. τάδε λέγει Ἐζεκίασ. ἡμέρα θλίψεωσ καὶ ἐλεγμοῦ καὶ παροργισμοῦ ἡ ἡμέρα αὕτη. ὅτι ἦλθον υἱοὶ ἕωσ ὠδίνων, καὶ ἰσχὺσ οὐκ ἔστι τῇ τικτούσῃ. εἴ πωσ εἰσακούσεται Κύριοσ ὁ Θεόσ σου πάντασ τοὺσ λόγουσ Ραψάκου, ὃν ἀπέστειλεν αὐτὸν βασιλεὺσ Ἀσσυρίων ὁ κύριοσ αὐτοῦ ὀνειδίζειν Θεὸν ζῶντα καὶ βασφημεῖν ἐν λόγοισ, οἷσ ἤκουσε Κύριοσ ὁ Θεόσ σου, καὶ λήψῃ προσευχὴν περὶ τοῦ λείμματοσ τοῦ εὑρισκομένου. καὶ ἦλθον οἱ παῖδεσ τοῦ βασιλέωσ Ἐζεκίου πρὸσ Ἡσαί̈αν, καὶ εἶπεν αὐτοῖσ Ἡσαί̈ασ. τάδε ἐρεῖτε πρὸσ τὸν κύριον ὑμῶν. τάδε λέγει Κύριοσ. μὴ φοβηθῇσ ἀπὸ τῶν λόγων, ὧν ἤκουσασ, ὧν ἐβλασφήμησαν τὰ παιδάρια βασιλέωσ Ἀσσυρίων. ἰδοὺ ἐγὼ δίδωμι ἐν αὐτῷ πνεῦμα, καὶ ἀκούσεται ἀγγελίαν καὶ ἀποστραφήσεται εἰσ τὴν γῆν αὐτοῦ, καὶ καταβαλῶ αὐτὸν ἐν ρομφαίᾳ ἐν τῇ γῇ αὐτοῦ. Καὶ ἐπέστρεψε Ραψάκησ, καὶ εὗρε τὸν βασιλέα Ἀσσυρίων πολεμοῦντα ἐπὶ Λοβνά, ὅτι ἤκουσεν ὅτι ἀπῇρεν ἐκ Λαχίσ. καὶ ἤκουσε περὶ Θαρακὰ βασιλέωσ Αἰθιόπων λέγων. ἰδοὺ ἐξῆλθε πολεμεῖν μετὰ σοῦ. καὶ ἐπέστρεψε καὶ ἀπέστειλεν ἀγγέλουσ πρὸσ Ἐζεκίαν λέγων. μὴ ἐπαιρέτω σε ὁ Θεόσ σου, ἐφ̓ ᾧ σὺ πέποιθασ ἐπ̓ αὐτῷ λέγων. οὐ μὴ παραδοθῇ Ἱερουσαλὴμ εἰσ χεῖρασ βασιλέωσ Ἀσσυρίων. ἰδοὺ σὺ ἤκουσασ πάντα ὅσα ἐποίησαν βασιλεῖσ Ἀσσυρίων πάσαισ ταῖσ γαίαισ τοῦ ἀναθεματίσαι αὐτάσ, καὶ σὺ ρυσθήσῃ̣ μὴ ἐξαιρούμενοι ἐξείλαντο αὐτοὺσ οἱ θεοὶ τῶν ἐθνῶν, οὓσ διέφθειραν οἱ πατέρεσ μου, τήν τε Γωζὰν καὶ τὴν Χαρρὰν καὶ τὴν Ραφὶσ καὶ υἱοὺσ Ἐδὲμ τοὺσ ἐν Θαεσθέν̣ ποῦ ἐστιν ὁ βασιλεὺσ Αἰμὰθ καὶ ὁ βασιλεὺσ Ἀρφάδ̣ καὶ ποῦ ἐστι βασιλεὺσ τῆσ πόλεωσ Σεπφαρουαί̈ν Ἀνὰ καὶ Ἀβά̣ καὶ ἔλαβεν Ἐζεκίασ τὰ βιβλία ἐκ χειρὸσ τῶν ἀγγέλων καὶ ἀνέγνω αὐτά. καὶ ἀνέβη εἰσ οἶκον Κυρίου καὶ ἀνέπτυξεν αὐτὰ Ἐζεκίασ ἐναντίον Κυρίου καὶ εἶπε. Κύριε ὁ Θεὸσ Ἰσραὴλ ὁ καθήμενοσ ἐπὶ τῶν Χερουβίμ, σὺ εἶ ὁ Θεὸσ μόνοσ ἐν πάσαισ ταῖσ βασιλείαισ τῆσ γῆσ, σὺ ἐποίησασ τὸν οὐρανὸν καὶ τὴν γῆν. κλῖνον, Κύριε, τὸ οὖσ σου καὶ ἄκουσον. ἄνοιξον, Κύριε, τοὺσ ὀφθαλμούσ σου καὶ ἰδὲ καὶ ἄκουσον τοὺσ λόγουσ Σενναχηρίμ, οὓσ ἀπέστειλεν ὀνειδίζειν Θεὸν ζῶντα. ὅτι ἀληθείᾳ, Κύριε, ἠρήμωσαν βασιλεῖσ Ἀσσυρίων τὰ ἔθνη καὶ ἔδωκαν τοὺσ θεοὺσ αὐτῶν εἰσ τὸ πῦρ, ὅτι οὐ θεοί εἰσιν, ἀλλ̓ ἢ ἔργα χειρῶν ἀνθρώπων, ξύλα καὶ λίθοι, καὶ ἀπώλεσαν αὐτούσ. καὶ νῦν, Κύριε ὁ Θεὸσ ἡμῶν, σῶσον ἡμᾶσ ἐκ χειρὸσ αὐτοῦ καὶ γνώσονται πᾶσαι αἱ βασιλεῖαι τῆσ γῆσ, ὅτι σὺ Κύριοσ ὁ Θεὸσ μόνοσ. Καὶ ἀπέστειλεν Ἡσαί̈ασ υἱὸσ Ἀμὼσ πρὸσ Ἐζεκίαν λέγων. τάδε λέγει Κύριοσ ὁ Θεὸσ τῶν δυνάμεων Θεὸσ Ἰσραήλ. ἃ προσηύξω πρόσ με περὶ Σενναχηρὶμ βασιλέωσ Ἀσσυρίων, ἤκουσα. οὖτοσ ὁ λόγοσ, ὃν ἐλάλησε Κύριοσ ἐπ̓ αὐτόν. ἐξουδένωσέ σε καὶ ἐμυκτήρισέ σε παρθένοσ θυγάτηρ Σιών, ἐπὶ σοὶ κεφαλὴν αὐτῆσ ἐκίνησε θυγάτηρ Ἱερουσαλήμ. τίνα ὠνείδισασ καὶ τίνα ἐβλασφήμησασ̣ καὶ ἐπὶ τίνα ὕψωσασ φωνήν̣ καὶ ᾖρασ εἰσ ὕψοσ τοὺσ ὀφθαλμούσ σου εἰσ τὸν ἅγιον τοῦ Ἰσραήλ. ἐν χειρὶ ἀγγέλων σου ὠνείδισασ Κύριον καὶ εἶπασ. ἐν τῷ πλήθει τῶν ἁρμάτων μου ἐγὼ ἀναβήσομαι εἰσ ὕψοσ ὀρέων, μηροὺσ τοῦ Λιβάνου, καὶ ἔκοψα τὸ μέγεθοσ τῆσ κέδρου αὐτοῦ, τὰ ἐκλεκτὰ κυπαρίσσων αὐτοῦ, καὶ ἦλθον εἰσ μέσον δρυμοῦ καὶ Καρμήλου. ἐγὼ ἔψυξα καὶ ἔπιον ὕδατα ἀλλότρια καὶ ἐξηρήμωσα τῷ ἴχνει τοῦ ποδόσ μου πάντασ ποταμοὺσ περιοχῆσ. ἔπλασα αὐτήν, συνήγαγον αὐτήν, καὶ ἐγενήθη εἰσ ἐπάρσεισ ἀποικεσιῶν μαχίμων, πόλεισ ὀχυράσ. καὶ οἱ ἐνοικοῦντεσ ἐν αὐταῖσ ἠσθένησαν τῇ χειρί, ἔπτηξαν καὶ κατῃσχύνθησαν, ἐγένοντο χόρτοσ ἀγροῦ ἢ χλωρὰ βοτάνη, χλόη δωμάτων καὶ πάτημα ἀπέναντι ἑστηκότοσ. καὶ τὴν καθέδραν σου καὶ τὴν ἔξοδόν σου ἔγνων καὶ τὸν θυμόν σου ἐπ̓ ἐμέ, διὰ τὸ ὀργισθῆναί σε ἐπ̓ ἐμὲ καὶ τὸ στρῆνόσ σου ἀνέβη ἐν τοῖσ ὠσί μου καὶ θήσω τὰ ἄγκιστρά μου ἐν τοῖσ μυκτῆρσί σου καὶ χαλινὸν ἐν τοῖσ χείλεσί σου καὶ ἀποστρέψω σε ἐν τῇ ὁδῷ, ᾗ ἦλθεσ ἐν αὐτῇ. καὶ τοῦτόν σοι τὸ σημεῖον. φάγε τοῦτον τὸν ἐνιαυτὸν αὐτόματα καὶ τῷ ἔτει τῷ δευτέρῳ τὰ ἀνατέλλοντα. καὶ ἔτει τῷ τρίτῳ σπορὰ καὶ ἄμητοσ καὶ φυτεία ἀμπελώνων, καὶ φάγεσθε τὸν καρπὸν αὐτῶν. καὶ προσθήσει τὸν διασεσωσμένον οἴκου Ἰούδα τὸ ὑπολειφθὲν ρίζαν κάτω καὶ ποιήσει καρπὸν ἄνω. ὅτι ἐξ Ἱερουσαλὴμ ἐξελεύσεται κατάλειμμα καὶ ἀνασῳζόμενοσ ἐξ ὄρουσ Σιών. ὁ ζῆλοσ Κυρίου τῶν δυνάμεων ποιήσει τοῦτο. οὐχ οὕτωσ̣ τάδε λέγει Κύριοσ πρὸσ βασιλέα Ἀσσυρίων. οὐκ εἰσελεύσεται εἰσ τὴν πόλιν ταύτην καὶ οὐ τοξεύσει ἐκεῖ βέλοσ, καὶ οὐ προφθάσει αὐτὴν θυρεόσ, καὶ οὐ μὴ ἐκχέῃ πρὸσ αὐτὴν πρόσχωμα. τῇ ὁδῷ, ᾗ ἦλθεν, ἐν αὐτῇ ἀποστραφήσεται καὶ εἰσ τὴν πόλιν ταύτην οὐκ εἰσελεύσεται, λέγει Κύριοσ, καὶ ὑπερασπιῶ ὑπὲρ τῆσ πόλεωσ ταύτησ δἰ ἐμὲ καὶ διὰ Δαυὶδ τὸν δοῦλόν μου. Καὶ ἐγένετο ἕωσ νυκτὸσ καὶ ἐξῆλθεν ἄγγελοσ Κυρίου καὶ ἐπάταξεν ἐν τῇ παρεμβολῇ Ἀσσυρίων ἑκατὸν ὀγδοηκονταπέντε χιλιάδασ. καὶ ὤρθρισαν τὸ πρωί̈, καὶ ἰδοὺ πάντεσ σώματα νεκρά. καὶ ἀπῇρε καὶ ἐπορεύθη καὶ ἀπέστρεψε Σενναχηρὶμ βασιλεὺσ Ἀσσυρίων καὶ ᾤκησεν ἐν Νινευῆ. καὶ ἐγένετο αὐτοῦ προσκυνοῦντοσ ἐν οἴκῳ Νεσερὰχ θεοῦ αὐτοῦ καὶ Ἀδραμέλεχ καὶ Σαρασάρ, οἱ υἱοὶ αὐτοῦ ἐπάταξαν αὐτὸν ἐν μαχαίρᾳ, καὶ αὐτοὶ ἐσώθησαν εἰσ γῆν Ἀραράθ. καὶ ἐβασίλευσεν Ἀσορδὰν ὁ υἱὸσ αὐτοῦ ἀντ̓ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 19:

(70인역 성경, 열왕기 하권 19:)

목록

SEARCH

MENU NAVIGATION