헬라어 문장 검색 - Σεπτύ012́012́

(70인역 성경, 열왕기 하권 12:)

ΥΙΟΣ ἑπτὰ ἐτῶν Ἰωὰσ ἐν τῷ βασιλεύειν αὐτόν. ἐν ἔτει ἑβδόμῳ τῷ Ἰοὺ ἐβασίλευσεν Ἰωὰσ καὶ τεσσαράκοντα ἔτη ἐβασίλευσεν ἐν Ἱερουσαλήμ, καὶ ὄνομα τῆσ μητρὸσ αὐτοῦ Ἀβιὰ ἐκ τῆσ Βηρσαβεέ. καὶ ἐποίησεν Ἰωὰσ τὸ εὐθὲσ ἐνώπιον Κυρίου πάσασ τὰσ ἡμέρασ, ἃσ ἐφώτισεν αὐτὸν Ἰωδαὲ ὁ ἱερεύσ. πλὴν τῶν ὑψηλῶν οὐ μετεστάθησαν, καὶ ἐκεῖ ἔτι ὁ λαὸσ ἐθυσίαζε καὶ ἐθυμίων ἐν τοῖσ ὑψηλοῖσ. καὶ εἶπεν Ἰωὰσ πρὸσ τοὺσ ἱερεῖσ. πᾶν τὸ ἀργύριον τῶν ἁγίων τὸ εἰσοδιαζόμενον ἐν τῷ οἴκῳ Κυρίου, ἀργύριον συντιμήσεωσ, ἀνὴρ ἀργύριον λαβὼν συντιμήσεωσ, πᾶν ἀργύριον, ὃ ἐὰν ἀναβῇ ἐπὶ καρδίαν ἀνδρὸσ ἐνεγκεῖν ἐν οἴκῳ Κυρίου, λαβέτωσαν ἑαυτοῖσ οἱ ἱερεῖσ ἀνὴρ ἀπὸ τῆσ πράσεωσ αὐτῶν καὶ αὐτοὶ κρατήσουσι τὸ βεδὲκ τοῦ οἴκου εἰσ πάντα, οὗ ἐὰν εὑρεθῇ ἐκεῖ βεδέκ. καὶ ἐγενήθη ἐν τῷ εἰκοστῷ καὶ τρίτῳ ἔτει τῷ βασιλεῖ Ἰωὰσ οὐκ ἐκραταίωσαν οἱ ἱερεῖσ τὸ βεδὲκ τοῦ οἴκου. καὶ ἐκάλεσεν Ἰωὰσ ὁ βασιλεὺσ Ἰωδαὲ τὸν ἱερέα καὶ τοὺσ ἱερεῖσ καὶ εἶπε πρὸσ αὐτούσ. τί ὅτι οὐκ ἐκραταιοῦτε τὸ βεδὲκ τοῦ οἴκου̣ καὶ νῦν μὴ λάβητε ἀργύριον ἀπὸ τῶν πράσεων ὑμῶν, ὅτι εἰσ τὸ βεδὲκ τοῦ οἴκου δώσετε αὐτό. καὶ συνεφώνησαν οἱ ἱερεῖσ τοῦ μὴ λαβεῖν ἀργύριον παρὰ τοῦ λαοῦ καὶ τοῦ μὴ ἐνισχῦσαι τὸ βεδὲκ τοῦ οἴκου. καὶ ἔλαβεν Ἰωδαὲ ὁ ἱερεὺσ κιβωτὸν μίαν καὶ ἔτρησε τρώγλην ἐπὶ τῆσ σανίδοσ αὐτῆσ καὶ ἔδωκεν αὐτὴν παρὰ ἀμμαζειβὶ ἐν τῷ οἴκῳ ἀνδρὸσ οἴκου Κυρίου, καὶ ἔδωκαν οἱ ἱερεῖσ οἱ φυλάσσοντεσ τὸν σταθμὸν πᾶν τὸ ἀργύριον τὸ εὑρεθὲν ἐν οἴκῳ Κυρίου. καὶ ἐγένετο ὡσ εἶδον ὅτι πολὺ τὸ ἀργύριον ἐν τῇ κιβωτῷ, καὶ ἀνέβη ὁ γραμματεὺσ τοῦ βασιλέωσ καὶ ὁ ἱερεὺσ ὁ μέγασ καὶ ἔσφιγξαν καὶ ἠρίθμησαν τὸ ἀργύριον τὸ εὑρεθὲν ἐν οἴκῳ Κυρίου. καὶ ἔδωκαν τὸ ἀργύριον τὸ ἑτοιμασθὲν ἐπὶ χεῖρασ ποιούντων τὰ ἔργα τῶν ἐπισκόπων οἴκου Κυρίου, καὶ ἐξέδοσαν τοῖσ τέκτοσι τῶν ξύλων καὶ τοῖσ οἰκοδόμοισ τοῖσ ποιοῦσιν ἐν οἴκῳ Κυρίου καὶ τοῖσ τειχισταῖσ καὶ τοῖσ λατόμοισ τῶν λίθων τοῦ κτήσασθαι ξύλα καὶ λίθουσ λατομητοὺσ τοῦ κατασχεῖν τὸ βεδὲκ οἴκου Κυρίου εἰσ πάντα, ὅσα ἐξωδιάσθη ἐπὶ τὸν οἶκον τοῦ κραταιῶσαι. πλὴν οὐ ποιηθήσονται οἴκῳ Κυρίου θύραι ἀργυραῖ, ἧλοι, φιάλαι καὶ σάλπιγγεσ, πᾶν σκεῦοσ χρυσοῦν καὶ σκεῦοσ ἀργυροῦν, ἐκ τοῦ ἀργυρίου τοῦ εἰσενεχθέντοσ ἐν οἴκῳ Κυρίου, ὅτι τοῖσ ποιοῦσι τὰ ἔργα δώσουσιν αὐτό, καὶ ἐκραταίωσαν ἐν αὐτῷ τὸν οἶκον Κυρίου. καὶ οὐκ ἐξελογίζοντο τοὺσ ἄνδρασ, οἷσ ἐδίδουν τὸ ἀργύριον ἐπὶ χεῖρασ αὐτῶν δοῦναι τοῖσ ποιοῦσι τὰ ἔργα, ὅτι ἐν πίστει αὐτῶν ποιοῦσιν. ἀργύριον περὶ ἁμαρτίασ καὶ ἀργύριον περὶ πλημμελείασ, ὅ,τι εἰσηνέχθη ἐν οἴκῳ Κυρίου, τοῖσ ἱερεῦσιν ἐγένετο. Τότε ἀνέβη Ἀζαὴλ βασιλεὺσ Συρίασ καὶ ἐπολέμησεν ἐπὶ Γὲθ καὶ προκατελάβετο αὐτήν. καὶ ἔταξεν Ἀζαὴλ τὸ πρόσωπον αὐτοῦ ἀναβῆναι ἐπὶ Ἱερουσαλήμ. καὶ ἔλαβεν Ἰωὰσ βασιλεὺσ Ἰούδα πάντα τὰ ἅγια, ὅσα ἡγίασεν Ἰωσαφὰτ καὶ Ἰωρὰμ καὶ Ὀχοζίασ οἱ πατέρεσ αὐτοῦ καὶ βασιλεῖσ Ἰούδα, καὶ τὰ ἅγια αὐτοῦ καὶ πᾶν τὸ χρυσίον τὸ εὑρεθὲν ἐν θησαυροῖσ οἴκου Κυρίου καὶ οἴκου τοῦ βασιλέωσ καὶ ἀπέστειλε τῷ Ἀζαὴλ βασιλεῖ Συρίασ, καὶ ἀνέβη ἀπὸ Ἱερουσαλήμ. καὶ τὰ λοιπὰ τῶν λόγων Ἰωὰσ καὶ πάντα, ὅσα ἐποίησεν, οὐκ ἰδοὺ ταῦτα πάντα γεγραμμένα ἐπὶ βιβλίῳ λόγων τῶν ἡμερῶν τοῖσ βασιλεῦσιν Ἰούδα̣ καὶ ἀνέστησαν οἱ δοῦλοι αὐτοῦ καὶ ἔδησαν πάντα σύνδεσμον καὶ ἐπάταξαν τὸν Ἰωὰσ ἐν οἴκῳ Μαλλὼ τῷ ἐν Γααλὰ καὶ Ἰεζιχὰρ υἱὸσ Ἰεμουὰθ καὶ Ἰεζεβοὺθ ὁ υἱὸσ αὐτοῦ Σωμὴρ οἱ δοῦλοι αὐτοῦ ἐπάταξαν αὐτόν, καὶ ἀπέθανε. καὶ ἔθαψαν αὐτὸν μετὰ τῶν πατέρων αὐτοῦ ἐν πόλει Δαυίδ, καὶ ἐβασίλευσεν Ἀμεσσίασ υἱὸσ αὐτοῦ ἀντ̓ αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Regum 12:

(70인역 성경, 열왕기 하권 12:)

목록

SEARCH

MENU NAVIGATION